ئێمە لە تۆرە کۆمەڵایەتیەکان

ڕاپۆرت و شیکاری

گرنگترین ئەو (٥٠) بۆندەی لە گواستنەوەکانی هاوینەی ٢٠١٩ ئیمزا کران


خەڵک سپۆرت

گواستنەوەکانی هاوینەی ٢٠١٩ بەفەرمی لە خولەکانی ئیتاڵیا و ئەڵمانیا و فەرەنسا و ئیسپانیا ئەمشەو کۆتاییان دێت و تا ئەم ساتە یانەکان چەندین بۆندی هەژێنەریان ئیمزا کردووە.

بەپێی داتا بەدەستهاتووەکان، یانەی ڕیاڵ مەدرید لوتکەی ڕیزبەندی ئەو یانانەی گرتووە کە زۆرترین پارەیان لە گواستنەوەکانی هاوینەی ٢٠١٩دا بەکارخستووە بە خەرجکردنی بڕی (٣٠٣ ملیۆن یورۆ)، هەروەها یانەی بەرشلۆنە دەکەوێتە پلەی دووەمەوە (٢٥٥ ملیۆن)، لە پلەی سێیەمیشدا یانەی ئەتلەتیکۆ مەدرید دێت بە (٢٤٣ ملیۆن)وەوە، یانەی یوڤانتۆس لە پلەی چوارەمدایە (١٨٨ ملیۆن)، هەروەها یانەی مانچستەر سیتی کە لەساڵانی ڕابردوودا پێشەنگ بووە لەم هاوینەدا پلەی پێنجەمی گرتووە بە بەکارخستنی بڕی (١٦٨ ملیۆن)ەوە.

میریکاتۆی هاوینەی ٢٠١٩ تەنها سێ بۆندی گەورەی بە زیاتر لە بڕی ١٠٠ ملیۆن یورۆ تیادا ئیمزاکراوە، ئەوانیش بۆندەکانی جواو فیلێکس و ئەنتوان گریزمان و ئیدین هازارد بوون.

ئەمانەش گرنگترین ئەو بۆندانەن کە لە گواستنەوەکانی هاوینەدا ئیمزاکران:

جواو فیلێکس (بەنفیکا – ئەتلەتیکۆ مەدرید): ١٢٦ ملیۆن یورۆ

ئەنتوان گریزمان (ئەتلەتیکۆ – بەرشلۆنە): ١٢٠ ملیۆن

ئیدین هازارد (چێڵسی – ڕیاڵ مەدرید): ١٠٠ ملیۆن

فیلیپی کۆتینیۆ (بەرشلۆنە – بایرن میونشن): خواستن بەبڕی ٨.٥ ملیۆن

هاری ماگوایەر (لیستەر سیتی – مانچستەر یونایتد): ٨٧ ملیۆن

ماتیاس دی لیخت (ئەیاکس – یوڤانتۆس): ٨٥ ملیۆن

فرینکی دی یۆنگ (ئەیاکس – بەرشلۆنە): ٧٥ ملیۆن

لوکاس هێرناندێز ( ئەتلەتیکۆ – بایرن میونشن): ٨٠ ملیۆن

ڕۆدری (ئەتلەتیکۆ – مانچستەر سیتی): ٧٠ ملیۆن

نیکۆلاس پیپی ( لیل – ئارسیناڵ): ٨٠ ملیۆن

ڕۆمێلۆ لوکاکۆ (مان یونایتد – ئینتەرمیلان): ٦٥ ملیۆن

تانگلی ندۆمبێلی (لیۆن – تۆتنهام): ٦٠ ملیۆن

جواو کانسێلۆ (یوڤانتۆس – مان سیتی): دانێلۆ + ٣٥ ملیۆن

لوکا یوڤیچ (ئینتراخت فرانکفۆرت – ڕیاڵ مەدرید): ٦٠ ملیۆن

نەبیل فەقیر (لیۆن – ڕیاڵ بیتیس): ١٩ ملیۆن

ئارۆن وان بیساکا (کریستاڵ پاڵاس – مانچستەر یونایتد): ٥٥ ملیۆن

جیۆڤانی لو سیلسیۆ (پاریس بە خواستن بۆ ڕیاڵ بیتیس و خواستن بۆ تۆتنهام): ٢٢ ملیۆن

جولیان براندت (بایەرلیڤەرکوزن – دۆرتمۆند): ٢٥ ملیۆن

فێرلاند مێندی ( لیۆن – ڕیاڵ مەدرید): ٤٨ ملیۆن

ڕۆدریگۆ ( سانتۆس – ڕیاڵ مەدرید): ٤٥ ملیۆن

کۆستاس مانۆلاس (ڕۆما – ناپۆلی): ٣٦ ملیۆن

ماتیۆ کۆڤاسیچ (ڕیاڵ مەدرید – چێڵسی): ٤٥ ملیۆن

ئیدێر میلیتاو (پۆرتۆ – ڕیاڵ مەدرید): ٥٠ ملیۆن

یوری تیلیمانس (مۆناکۆ – لیستەر سیتی): ٤٥ ملیۆن

گویلانتۆن (هۆفنهایم – نیوکاسڵ): ٤٤ ملیۆن

ئارۆن ڕامسی (ئارسیناڵ – یوڤانتۆس): گواستنەوەی بێبەرامبەر

پابلۆ سارابیا (سڤیلیە – پاریس سانت جێرمان): ١٨ ملیۆن

ماکسی گۆمێز (سێلتا ڤیگۆ – ڤالێنسیا): ١٥ ملیۆن

ماڵکۆم (بەرشلۆنە – زینیت): ٤٠ ملیۆن

سباستیان هالەر (ئینتراخت فرانکفۆرت – وێستهام): ٤٠ ملیۆن

مۆیس کین (یوڤانتۆس – ئێڤەرتۆن): ٢٧ ملیۆن

وسام بن یەدر (سڤیلیە – مۆناکۆ): ٤٠ ملیۆن

هێرڤینگ لۆزانۆ (ئایندهۆڤن – ناپۆلی): ٣٨ ملیۆن

ڕائول خیمینێز (بەنفیکا – وڵڤەرهامبتۆن): ٣٨ ملیۆن

تۆرگان هازارد (مونشنگلادباخ – دۆرتمۆند): ٢٥ ملیۆن

بنجامین پاڤارد (شتوتگارت – بایرن میونشن): ٣٥ ملیۆن

ماتس هومێڵس (بایرن میونشن – دۆرتمۆند): ٣٠ ملیۆن

ئەدریان ڕابیۆ (پاریس سانت جێرمان – یوڤانتۆس): بێبەرامبەر

کیریان تریپێر (تۆتنهام – ئەتلەتیکۆ مەدرید): ٢٢ ملیۆن

ئەلێکسیز سانچێز (مان یونایتد – ئینتەرمیلان): خواستن

ئەلێکس ئایوبی (ئارسیناڵ – ئێڤەرتۆن): ٣٠ ملیۆن

مارکۆس لۆرێنتی (ڕیاڵ مەدرید – ئەتلەتیکۆ): ٣٠ ملیۆن

ستیفان شەعراوی (ڕۆما – شەنگهای شینهوا): ١٦ ملیۆن

دانی سیبالۆس (ڕیاڵ مەدرید – ئارسیناڵ): خواستن

ئیڤان پێریسیچ (ئینتەرمیلان – بایرن میونشن): خواستن و بڕی ٥ ملیۆن

ئەندرێ گۆمێز (بەرشلۆنە – ئێڤەرتۆن): ٢٥ ملیۆن

ڕادگا ناینگۆلان (ئینتەرمیلان – کالیەری): خواستن

ئەندێر هێرێرا (مان یونایتد – پاریس سانت جێرمان): خواستن

تاکیفۆسا کوبۆ (ڕیاڵ مەدرید – مایۆرکا): خواستن

داڤید لویز (چێڵسی – ئارسیناڵ): ٩ ملیۆن

تیۆ هێرناندێز (ڕیاڵ مەدرید – میلان): ٢٠ ملیۆن

ماریۆ بالۆتێللی (مارسیلیا – بریشیا): بێبەرامبەر

ڕاپۆرت و شیکاری

باشترین ئەو ڕاهێنەرانەی بێکارن و چاوەڕێی ئۆفەری یانەیەکی گەورە دەکەن


خەڵک سپۆرت

قەیرانی کۆرۆنا بازاڕی گواستنەوەی یاریزانانی بواری تۆپی پێی لاوازکردووە، وایکردووە یانەکان زیاتر سەرقاڵبن بە کێشە داراییەکانەوە و گواستنەوەی یاریزانان و ڕاهێنەران لەبیربکەن.

هەندێک لە یانەکان بیر لە توندوتۆڵکردنەوەی پێکهاتەکانیان بە یاریزانی نوێ دەکەنەوە، هەندێکی تریشیان کێشەیان لە پڕۆژەی یانەدا بۆ دروستبووە و دەیانەوێت لەسەر ئاستی ڕاهێنەر گۆڕانکاری بکەن.

لێرەدا ناوی ئەو ڕاهێنەرانەمان بیردەکەوێتەوە، کە لەکارەکانیان دوورخراونەتەوە و حاڵی حازر بێکارن و چاوەڕوانی ئۆفەر و داواکاری یانەیەک دەکەن تا دووبارە بگەڕێنەوە نێو یاریگاکان:

  • ماوریسیۆ پۆچتینۆ: دوای دوورخستنەوەی لە پۆستی ڕاهێنانی یانەی تۆتنهام پەیوەندی بە هیچ یانەیەکی ترەوە نەکردووە، ناوبراو ڕاهێنەرێکی فەلسەفی بەتوانایە و پێکهاتەیەکی ئاگرینی بۆ یانە زەبەلاحەکەی لەندەن بونیادنا، دوو وەرز لەمەوبەر توانی بگاتە یاریی کۆتایی چامپیۆنزلیگ و نازناوەکەی بەرامبەر لیڤەرپوڵ لەدەستدا.

 

  • ماسیمیلیانۆ ئالێگری: دوای دوورخستنەوەی لە پۆستی ڕاهێنانی یانەی یوڤانتۆس، پەیوەندی بە هیچ یانەیەکی ترەوە نەکردووە، لەماوەی کارکردنی لە ئیتاڵیا توانی لەگەڵ یوڤانتۆس کۆنتڕۆڵی تەواوی خولە ناوخۆییەکان بکات، بەڵام لە خولی یانە پاڵەوانەکان نەیتوانی ئامانجەکانی بپێکێت، دووجار گەیشتە یاریی کۆتایی لە ساڵانی ٢٠١٥ و ٢٠١٧ و لەهەردوو فاینەڵەکەدا بە بەرشلۆنە و ڕیاڵ مەدرید دۆڕا.

 

  • ئێرنێستۆ ڤاڵڤێردی: دوای دوورخستنەوەی لە پۆستی ڕاهێنانی یانەی بەرشلۆنە پەیوەندی بە هیچ یانەیەکی ترەوە نەکردووە، لەماوەی ڕاهێنانی لە بارسا توانی کۆنتڕۆڵی خولە ناوخۆییەکان بکات، بەڵام بەهۆی شکستی لە خولی یانە پاڵەوانەکان لەژێر فشاری هاندەرانی یانەدا دوورخرایەوە، شێوازی ڕاهێنانی بۆ زۆرینەی یانەکانی ئیسپانیا گونجاوە.

 

  • ئارسین ڤینگەر: دوای دوورخستنەوەی لە پۆستی ڕاهێنانی یانەی ئارسیناڵ پەیوەندی بە هیچ یانەیەکی ترەوە نەکردووە، یەکێکە لە ڕاهێنەرە مێژووییەکانی خولی ئینگلتەرا و یانەی ئارسیناڵ، زۆرترین ماوە لە پۆستی ڕاهێنانی تۆپچییەکانی لەندەن بەردەوامبووە، سەرباری تەمەنە زۆرەکەی، بەڵام دوو وەرز زیاترە چاوەروانی ئۆفەری یانەیەکی گەورەیە.

 

  • ئونای ئیمیری: دوای دوورخستنەوەی لە پۆستی ڕاهێنانی یانەی ئارسیناڵ پەیوەندی بە هیچ یانەیەکی ترەوە نەکردووە، یەکێکە لە ڕاهێنەرە بەتواناکان و سەرباری شکستی لە یانەکانی پاریس سانت جێرمان و ئارسیناڵ، بەڵام لەگەڵ یانەکانی ڤالانسیا و سڤیلیە باشترین ئەنجامەکانی تۆمارکردووە، سێجار نازناوی یوروپالیگی لەسەریەک بەدەستهێناوە.

بەردەوام بە لە خوێندنەوە

ڕاپۆرت و شیکاری

کریستیانۆ دەگەڕێتەوە بۆ ڕیاڵ مەدرید؟ گواستنەوەکە مەحاڵ نییە و کێشە لەبیرکردنەوەی یاریزانەکەدایە


خەڵک سپۆرت

ماوەیەکە دەنگۆی گەڕانەوەی کریستیانۆ ڕۆناڵدۆی پورتوگالی لە یانەی یوڤانتۆسی ئیتاڵییەوە بۆ ڕیاڵ مەدریدی ئیسپانی بەهێزبووە، سەرچاوەکان پێیان وایە گەڕانەوەی ئەفسانە پرتوگالییەکە بۆ مەدرید جوڵەیەکی مەحاڵ نییە.

کریستیانۆ لە هاوینی ٢٠١٨وە یانەی ڕیاڵ مەدریدی بەجێهیشتووە و پاش چنینەوەی چەندین نازناو و دەستکەوتی بەکۆمەڵ و تاکە کەسی لەئێستادا خەون دەبینێت لە ئیتاڵیا هەمان ئەو دەستکەوتانە بچنێتەوە.

خواستی جەمسەرەکان

ڕۆژنامەی “کۆرێری دێلۆ سپۆرت”ی ئیتاڵی ئاشکرای کردووە، کە گواستنەوەی کریستیانۆ ڕۆناڵدۆ لە یانەی یوڤانتۆسەوە بۆ ڕیاڵ مەدرید مەحاڵ نییە.

چەندینجار ئادو ئاگێری ڕۆژنامەوانی مەدریدی و هاوڕێی نزیکی ئەفسانە پورتوگالییەکە ڕایگەیاندووە، کە کریس خەون دەبینێت دووبارە بگەڕێتەوە بۆ ڕیاڵ مەدرید، هەروەها کات و وادەی گواستنەوەکانی هاوینەی ٢٠٢٠ی بە گونجاو وەسفکردووە بۆ کۆتاییهێنان بەم پڕۆسەیە.

ئاگێری ڕایگەیاندووە :” هیچ شتێک لەبواری تۆپی پێدا مەحاڵ نییە، بەڵکو کریستیانۆ لە کۆتا کلاسیکۆدا بەگەڕانەوەی بۆ مەدرید پەیامێکی ئاڕاستەی ئیدارەی ڕیاڵ و هاندەرانی کرد، خەون دەبینێت بگەڕێتەوە و دۆخەکەش لەبارە بۆ ئیمزاکردنی بۆندەکەی، بەو مەرجەی یاریزانەکە و ئیدارەی ڕیاڵ ئامادەبن بۆ ئەم جوڵە مێژووییە”.

ڕووە داراییەکان

لەڕووی داراییەوە کریستیانۆ بەتەنها لەم وەرزەدا بڕی (٥٨) ملیۆن یورۆ لەڕێگەی سپۆنسەرەکانی و سپۆنسەرەکانی یانەی یوڤانتۆسەوە داهاتی هەبووە.

ئەگەر ئەم ڕێژەیەش لەگەڵ بڕی (٣٢) ملیۆنی موچەکەیدا یەکبخرێت (٩٠) ملیۆن یورۆ دەکات، ئەوەش ئەو نرخەیە کە یانەی شاهانە دەبێت پێشکەشی یاریزانەکەی بکات، یاخود زیاتر پێشکەشبکات ئەگەر بیەوێت لە چنگی یانەی یوڤانتۆس دەریبکەن.

بیرکردنەوەی کریستیانۆ

ئادو ئاگێری هاوڕێی کریستیانۆ دەڵێت :” کریستیانۆ لەو یاریزانانەیە کە لە یانەی ڕیاڵ مەدرید سەدان دەستکەوت و نازناوی بەدەستهێناوە، ئێستا دەیەوێت هەمان شت لە یوڤانتۆس دووبارە بکاتەوە، کێشەکە ئەوەیە ئەم یاریزانە لە جۆرە یاریزانانەیە کە لە نیوە ڕێگادا دەستبەرداری خەونەکانی نابێت، بەڵكو دەیگەیەنێتە ئەنجام پاشان هەنگاو دەنێت”.

بەپێی ووتەکانی ئاگێری، کریستیانۆ خەونی چنینەوەی نازناوی خولی یانە پاڵەوانەکانی ئەوروپا و خەڵاتە تاکە کەسییەکانی وەک زە بێست و بالۆن دۆرە بەدرێسی یانەی یوڤانتۆسەوە.

بۆیە قورسە بە ئاسانی و لە کۆتایی ئەم وەرزەدا بگەڕێتەوە بۆ مەدرید و لە نیوە ڕێگا یانەی یوڤانتۆس بەجێبهێڵێت.

هەروەها یانەی یوڤانتۆسیش خواستی لەسەر گواستنەوەی نییە، چونکە بەهۆیەوە سەدان ملیۆن دۆلار سودی داراییان کردووە و مەحاڵە بتوانن یاریزانێک بەو کێشە وەرزشیی و داراییەوە دابین بکەن، بۆیە چاودیڕی دۆخەکە دەکەن و لەهەر ساتێکدابێت دەرگا بەڕووی یانەی ڕیاڵ مەدرید دادەخەن.

بەردەوام بە لە خوێندنەوە

ڕاپۆرت و شیکاری

کێ توشی کۆرۆنا بووە؟ ئەو یاریزان و ڕاهێنەرانەی خراونەتە ژێر چاودێری پزیشکییەوە


خەڵک سپۆرت

ڤایرۆسی کۆرۆنا لەوڵاتی چینەوە ڕووەو کیشوەری ئەوروپا جوڵەی کردووە و ماوەی مانگێکە وڵاتانی کیشوەری پیر بەدەست ڕێژەی توشبووانەوە دەناڵێنن.

بوارە وەرزشییەکان بەتایبەت تۆپی پێ یەکێکە لەو بوارانەی زیانی بازرگانی گەورەی بەرکەوتووە، بەوپێیەی چەندین خول و پاڵەوانێتی لەترسی تەشەنەکردنی زیاتری ڤایرۆسی کۆرۆنا ڕاگیراون و تەنانەت باس لە دواخستن و هەژمارنەکردنی ئەنجامەکانی ئەم وەرزە دەکرێت.

لەهەفتەی ڕابردوو بۆ کۆتاییەکانی ئەم هەفتەیە، چەندین یاریزان و ڕاهێنەر و کەسایەتی لە یانەکانی ئەوروپا توشی ڤایرۆسە کوشندەکە بوون و چەندین یانە و یاریزانیش خراونەتە کەرەنتینەوە.

کام خولانە ڕاگیراون؟

سەرجەم خولە ئەوروپییەکان لەنمونەی چامپیۆنزلیگ و یوروپا لیگ، هەروەها خولە ناوخۆییەکانی ئینگلتەرا، ئیسپانیا، فەرەنسا، ئەڵمانیا، ئیتاڵیا پەکیانکەوتووە و ڕاگیراون.

هەندێک لە خولەکان لەنمونەی بۆندزلیگی ئەڵمانیا ئاماژە بە دەستپێکردنەوەی یارییەکان دەکەن لەسەرەتای مانگی داهاتوو، لە خولی ئیسپانیاش ماوەی دوو هەفتە دیاریکراوە و لە خولەکانی دیکەش کاتێک دیارینەکراوە.

کام یاریزانانە توشبوون؟

دانێلی ڕوگانی بەرگریکاری یانەی یوڤانتۆس، مانۆلۆ گابیادینی یاریزانی یانەی سامپدۆریا و چوار یاریزانی دیکەی ئەو یانەیە کە پێکهاتوون لە: عومەر کولی، ئالبی ئاکدال، ئانتۆنیۆ لاگۆمینا، مۆرتن تۆرسبی  لە یانەی فیورنتیناش دوسان ڤلاهۆڤیچی سڕبی توشی ڤایرۆسی کۆرۆنا بوون.

لە ئەڵمانیا سێ یاریزانی یانەی هانۆڤەر کە لە خولی پلە دوو یاریی دەکات، بەهەمان شێوە تێستەکانیان پۆزەتیڤ دەرچووە.

لە ئیسپانیا یاریزانێکی باسکەی یانەی ڕیاڵ مەدرید و مارتن ئۆرتیگای بەڕێوەبەری یانەی لیگانێس، بەڵام لە خولی ئینگلتەرا بارودۆخەکە هاوشێوەی ئیتاڵیا بەشێوەیەکی کتوپڕ قورسبوو.

مایکڵ ئارتێتا ڕاهێنەری ئارسیناڵ و هۆدسۆن ئۆدۆی یاریزانی چێڵسی و دەنگۆی توشبوونی چەندین یاریزانی دیکەش هەیە، کە لەچەند کاتژمێری داهاتوودا یەکلایی دەبێتەوە.

ئەو یانانەی چالاکییەکانیان وەستاندووە

یانەکانی لیڤەرپوڵ، ڕیاڵ مەدرید، بەرشلۆنە، فیۆرنتینا، سامپدۆریا، ئینتەرمیلان، یوڤانتۆس چالاکییەکانیان بەفەرمی وەستاندووە، نەک هەر ئەوە، بەڵکو یانەکانی ڕیاڵ مەدرید و یوڤانتۆس و ئینتەرمیلان یاریزنانیان خستۆتە کەرەنتینەوە، یانەکانی (NBA) ئەمریکاش بەهەمان شێوە چالاکییەکانیان ڕاگرت بەتایبەت دوای توشبوونی گۆبێرتی یاریزانی فەرەنسی تیمی یوتاجاز.

وەرزشەکانی تر

هەردوو جەولەی یەکەمی پێشبڕکێی جیهانی فۆرمولا ١ دواخراون، خولی یانە پیشەگەرەکانی ئەمریکاش بەهەمان شێوە بۆ ماوەی ٣٠ ڕۆژ چالاکییەکانیان وەستاندووە.

خولەکانی تێنسی سەرزەوی ئیندیانا وێلس و مەیامی و چەندین خول و پاڵەوانێتی تر لەو بوارەشدا ڕاگیراون.

بەردەوام بە لە خوێندنەوە

کوردستان