ئێمە لە تۆرە کۆمەڵایەتیەکان

کوردستان

بڕیاری قەدەغەكردنی ئاهەنگی بووك و زاوا لە پاركی هەواری شار ڕاگیرا

خەڵك – بەشی هەواڵ
بەڕێوەبەری پاركی هەواری شار لە سلێمانی ڕایدەگەیەنێت، بەهۆی داواكاری هاووڵاتیان بڕیاری قەدەغەكردنی ئاهەنگی بووك و زاوا لەناو پاركەكە ڕاگیراوە، دەشڵێت: “لەگەڵ نزیكبوونەوەی وەرزی سەرما ئەو ئاهەنگانە لەو پاركە ناكرێن”.

ڕێبین شێخ جەمیل، بەڕێوەبەری پاركی هەواری شار لە سلێمانی بە (خەڵك)ی ڕاگەیاند، بەهۆی بوونی هەندێك گرفت و داواكاری هاووڵاتیان، هێشتا بڕیاری قەدەغەكردنی ئاهەنگ لەناو پاركەكە جێبەجێ‌ نەكراوە.

وتیشی، “هاووڵاتیان داوایان كردووە كاتی ئاهەنگیان لە پاركەكە داناوە و شوێنی ئاهەنگ گێرانیان نیە بەهۆی نەبوونی توانای داراییەوە تا هۆڵێك بگرن، بۆیە بڕیاری قەدەغەكردنی ئاهەنگ گێڕان لەناو پاركەكە وەك پێویست لە ئێستادا جێبەجێ‌ ناكرێت”.

ڕاشیگەیاند، سەرەڕای بوونی گرفت لەنێوان شارەوانی و هەواری شار لەسەر قەدەغەكردنی ئاهەنگ گێڕان لەناو پاركەكە بەهۆی داواكاری هاووڵاتیانەوە، نزیكیش دەبینەوە لە وەرزی سەرما، كە بەشێوەیەكی خۆڕسكانە ئاهەنگەكانی بووك و زاوا كەمتر دەبنەوە.

بەڕێوەبەری پاركی هەواری شار ئاماژەی بۆ ئەوەشكرد، تا ساڵی داهاتوو وەرزی ئاهەنگ گێران لەناو پاركی هەواری شار كێشەكان یەكلادەبنەوە و بڕیارەكە جێبەجێ دەكرێت یان گۆڕانكاری نوێ لە بڕیارەكەدا دەكرێت.

لە ماوەی ڕابردوودا لەسەر بڕیاری شارەوانی سلێمانی، ئاهەنگ گێڕانی بووك و زاوا لەناو پاركی هەواری شار قەدەغە كرا بەهۆی ئەوەی هاووڵاتیانی ناو پارەكەكە لە دەنگی بەرزی مكەبەرە و كۆڕانی بێزار دەبن، بەڵام ڕێگەدرابوو بە بووك و زاواكان تا بۆ وێنە گرتن بچنە ناو پاركەكە.

کوردستان

سەرۆكایەتی یەكێتی: هێزە سیاسییەكانی كوردستان بەشداربن لە بوژاندنەوەی شنگال

خەڵك – بەشی هەواڵ

سەرۆكایەتی یەكێتیی نیشتمانیی كوردستان لە شەشەمین ساڵیادی جینۆسایدی شنگالدا بە پێویستی دەزانێت هێزە سیاسییەكانی كوردستان، شانبەشانی حكومەتی عیراق و كۆمەڵی نێودەوڵەتی، بەشداری بكەن لە پڕۆسەی بوژاندنەوەی شنگال و گەڕاندنەوەی دانیشتووانە ڕەسەنەكەی بۆ زێدی باب و باپیرانیان.

سەرۆكایەتی یەكێتیی نیشتمانیی كوردستان ڕایگەیاند: لە شەشەمین ساڵیادی كارەساتی شنگال و جینۆسایدی ئێزدییان، بە خەمێكی قووڵەوە، یادی شەهیدان و قوربانیانی ئەو تاوانەی‌ دەرهەق بە گەلەكەمان كرا بەرز ڕادەگرین، پشوودرێژی و ورە و باوەڕ بە ئایندەیەكی گەشتر بۆ كەسوكاریان دەخوازین و داواكارین لایەنە پەیوەندارەكانی كۆمەڵی نێودەوڵەتی، حكومەتی عیراق و هەرێمی كوردستان پەلە بكەن لە ناساندنی كارەساتی شەنگال وەك تاوانی جینۆساید و لەبەردەم دادگایەكی باڵادا، ڕێكخراوی تیرۆریستیی دەوڵەتی ئیسلامی و تاوانبارەكانیان و ئەوانەش كە كەمتەرخەم و هۆكاربوون بۆ‌ ڕوودانی كارەساتەكە، بە سزا بگەیەنن.

سەرۆكایەتی یەكێتیی نیشتمانیی كوردستان ئەوەشیخستووەتەڕوو: سەرباری گەورەیی كارەساتەكە و دوای تێپەڕبوونی شەش ساڵ بەسەر ڕۆژی ڕەشی ٣ی٨ی٢٠١٤، هێشتا برینی خوشك و برا ئێزدییەكانمان سارێژ نەبووە. دەیان هەزار خێزان داڕماون. هەزاران كچ و مناڵ و پیاوی ئێزدی بێ سەروشوێنن و دەیان هەزار پیر و بریندار لە ئاوارەیی كەمپەكاندا و دوور لە زێدی خۆیان، دوور لە ئازیزانیان، خراپترین ڕۆژگار دەگوزەرێنن. لە دۆخێكی وا تاڵدا، ئەركی هەموو لایەكمانە‌ دوور لە دروشمبازیی، سنوورێك بۆ ئەم دۆخە خراپەی ژیانی ئێزدییەكانی پاش جینۆساید دابنێین و پشتیوان بین لە ئاسایی كردنەوەی ژیانی خەڵك لە شنگال‌ و دوور لە ململانێ و بەرژەوەندیی تەسكی حزبی، ئێزدییان و ناسنامەی گەلی خۆمان و كولتوری پێكەوەژیان و فرەیی ئاینیی بپارێزێن.

سەرۆكایەتی یەكێتیی نیشتمانیی كوردستان ڕوونیشیدەكاتەوە، بە پێویستی دەزانین هێزە سیاسییەكانی كوردستان، شانبەشانی حكومەتی عیراق و كۆمەڵی نێودەوڵەتی، بەشداری بكەن لە پڕۆسەی بوژاندنەوەی شنگال و گەڕاندنەوەی دانیشتووانە ڕەسەنەكەی بۆ زێدی باب و باپیریان. ئەركی حكومەت و لایەنە پەیوەندارەكانە بەوپەڕی هەستكردن بە بەرپرسیاریەتی، دۆزینەوەی خوشك و برا ئێزدییە بێسەروشوێنەكراوەكان بكاتە كاری لەپێشینەی خۆی. ئەركی هەمووشمانە كە ئەو ڕۆژانە و شەهیدانی ئێزدی و شەهیدانی ڕووبەڕووبوونەوەی داعش لەیاد نەكەین و دڵنیاین كە قوربانیدانی هێزەكانی پێشمەرگە و یەكڕیزیی خەڵكی كوردستان ڕێگەی نەدا پیلانی تری داعش لە قڕكردن و داگیركاریی بۆ سەر كوردستان سەربگرێت.

لە ڕاگەیەنراوەكەدا ئەوەش هاتووە، ئێمە لە سەرۆكایەتیی یەكێتیی نیشتمانیی كوردستان لە كاتێكدا مەزڵومییەت و قوربانیدانی ئێزدییەكان بەوپەڕی بەرز دەنرخێنین، بەڵێنی هاوكاری و پشتیوانیی تەواویان بۆ دووپات دەكەینەوە و ڕایدەگەیەنین: خەباتی ئێمە لەپێناو پاراستن و بەدیهاتنی داوا ڕەواكانی ئەوان و ئامانجی تەواوی كۆمەڵانی خەڵكی كوردستانە.

بەردەوام بە لە خوێندنەوە

کوردستان

كازمی بۆ ئێزدییەكان: دەبێت دادپەروەری ڕێڕەوی خۆی وەربگرێت

خەڵك – بەشی هەواڵ

سەرۆك وەزیرانی عیراق پێشوازی لە شاندێك كرد كە پێكهاتبوون لە كچ و ژنانی كوردی ئێزدیی ڕزگاربووی دەستی تیرۆریستانی داعش لە شنگال و گوندی كۆچۆ و ناوچەكانی دەرووبەری و ڕایگەیاند “دەبێت دادپەروەری ڕێڕەوی خۆی وەربگرێت”.

نووسینگەی ڕاگەیاندنی سەرۆك وەزیرانی عیراق ڕایگەیاند:” مستەفا كازمی ئیدانەی ئەو تاوانە وەحشیگەریەی كرد كە دەرهەق بە كوردانی ئێزدی كراوە لەو ڕۆژە شومەدا لە 3ی ئابی 2014 لەسەر دەستی تیرۆریستانی داعش”.

نووسینگەی كازمی ئاماژەی بەوەش كردووە، ئەوەی ئێزدییەكان ڕووبەڕووی بوونەتەوە، دووبارە نابێتەوە، “ئەو تاوانە قێزەونەش بووە جێگەی گرنگی و ڕاكێشانی سۆزی ڕای جیهانی. جیهان هەموو لەپاڵ دۆزەكەیان وەستان”.

سەرۆك وەزیرانی عیراق دووپاتیشی كردووەتەوە، كە كاردەكەن بۆئەوەی ئەو تاوانە بە زیندوویی بمێنێتەوە بۆ نەوەكانی داهاتووش، “بۆئەوەی وەحشیەتی داعش و قارەمانیەتیی هێزە ئەمنییەكان بزانن كە بەسەر تیرۆردا سەركەوتن و خاكیان ڕزگاركرد و یەكێتی و سەروەریی عیراقیان پاراست”.

نووسینگەی ڕاگەیاندنی سەرۆك وەزیرانی عیراق ئەوەشیخستەڕوو، مستەفا كازمی بەڵێنیدا بە جددی بگەڕێت بەدوای ئێزدییە ڕفێندراوەكان و هەوڵی نێودەوڵەتی بدرێت بۆئەوەی جارێكی تر بگەڕێنەوە نێو كەسوكارەكانیان، وتیشی، “دەبێت دادپەروەری ڕێڕەوی خۆی وەربگرێت، ئەزموونی ئێزدییەكان سەخت و دژواربووە، بەڵام دەبێتە فاكتەری هیوا بە داهتوویەكی باشتر بۆ وڵات، كە ڕێز لە هاووڵاتی و شكۆیان بگرێت بەبێ هیچ جیاكارییەك”.

جێی ئاماژەیە، ئەمڕۆ دووشەممە 3ی ئابی 2020، شەش ساڵ بەسەر پەلاماری تیرۆریستانی داعش بۆ سەر شنگال و دەوروبەری تێدەپەڕێت. سەرەڕای كوژرانی سەدان و دەربەدەربوونی هەزاران كوردی ئێزدی، هەزاران ئافرەت و منداڵی كوردی ئێزدی لەلایەن داعشەوە بێسەروشوێن كران.

بەردەوام بە لە خوێندنەوە

کوردستان

وەزارەتی ناوخۆ قەدەغەی هاتوچۆی ڕاگەیاند

خەڵك – بەشی هەواڵ

وەزارەتی ناوخۆی هەرێم لە ڕاگەیەنراوێكدا ڕایگەیاند: قەدەغەی هاتوچۆ لەنێوان پارێزگاكاندا وەك خۆی دەبێت و لەنێوان پارێزگاكانی هەرێمی كوردستان و عیراقیشدا بۆ ماوەی هەفتەیەك بەتەواوی ڕادەگیرێت.

وەزارەتی ناوخۆی هەرێم ئاماژەی بەوەشدا، شوێنە گشتییەكانی وەك پارك، كافتریا و چایخانەكان دادەخرێن.

 

بەردەوام بە لە خوێندنەوە

کوردستان