ئێمە لە تۆرە کۆمەڵایەتیەکان

کوردستان

شەڕ و پێكدادان لەنێوان كاسبكارانی كورد و پاسداران ڕوویدا

خەڵك – بەشی هەواڵ
ڕێكخراوی مافی مرۆڤی هەنگاو ڕایدەگەیەنێت، بەهۆی ڕاوەدوونانی ئۆتۆمبێلی كاسبكارانی كورد لە ڕۆژهەڵاتی كوردستان لەلایەن هێزە ئەمنیەكانی ئێرانەوە، ئۆتۆمبێلی كاسبكاران وەرگەڕا و دواتر تێكهەڵچوون ڕوویدا، دەشڵێت: “بەهۆیەوە دوو كاسبكار و ٤ كەس لە هێزەكانی ئێرانی بریندار بوون”.

ڕێكخراوی مافی مرۆڤی هەنگاو لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، كاتژمێر ١ی بەرەبەیانی ئەمڕۆ یەك شەممە 1ی ئەیلولی 2019 هێزە چەكدارەكانی ئێران لە نزیك ئاوایی سوێرو سەر بە سەردەشت ئۆتۆمبێلی كاسبكارێكی كوردیان ڕاونا، كە بووە هۆی وەرگەڕانی ئەو ئۆتۆمبێلە.

ڕاشیگەیاند، لە دوای وەرگەڕانی ئۆتۆمبێلەكە، پێكدادان لە نێوان كاسبكارانی كورد و هێزە ئەمنیەكان ڕوویدا، كە بووە هۆی برینداربوونی دوو كاسبكار و ٤ كەس لە هێزەكانی ئێران، دواتر شوێنەكەیان گەمارۆ داوە و بە ئامبوڵاس بریندارەكانی خۆیان گواستۆتەوە

عێراق

هەرێم و بەغداد دەست بەگفتوگۆکان دەکەنەوە

خەڵک – بەشی هەواڵ

جێگری سەرۆكی ئەنجومەنی نوێنەرانی عیراق رایگەیاند، بەم زووانە ھەردوو حكومەتی ھەرێم و بەغداد دەست بە گفتوگۆكان دەكەنەوە، چونكە ھیچ بەربەستێكی قورس لە بەردەمیان نییە بۆ ئەوەی بگەنە رێككەوتن.

دكتۆر بەشیر خەلیل حەداد، بۆ ماڵپەڕی فەرمیی پارتی دیموكراتی كوردستان وتی: “دەستپێخەرییەكمان كردووە، كە ھەردوو حكوومەتی ھەرێمی كوردستان و عیراق بگەڕێنەوە سەر مێزی گفتوگۆ و دانوستان دەست پێبكەنەوە، چونكە چەند گفتوگۆ دوابكەوێت، زیانی بۆ خەڵكی كوردستان دەبێت”.

وتیشی: “داوامان كردووە بەپیر داوەكەمان بێن و دەست بە گفتوگۆ بكەن، چاوەڕێش دەكەین بەم زووانە گفتوگۆكان دەست پێبكەنەوە، چونكە بەربەستێكی قورس نییە كە نەگەنە رێككەوتن، بۆیە گفتوگۆكان دەست پێدەكەنەوە بۆ ئەوەی ھەردوولا بگەنە رێككەوتن”.

جێگری سەرۆكی ئەنجومەنی نوێنەرانی عیراق دەشڵێت: “بەھۆی پشووی پەرلەمان و تووشبوونی ژمارەیەكی زۆری پەرلەمانتار و فەرمانبەرانی پەرلەمانی عیراق بە ڤایرۆسی كۆرۆنا، تا 1/9 ناتوانین دەست بە كۆبوونەوەكان بكەینەوە، بە تایبەت لەبارەی كێشەكانی نێوان ھەرێم و بەغدا”.

بەردەوام بە لە خوێندنەوە

کوردستان

فرسەت سۆفی: ئەگەر هاوڵاتییان پابەندبن ئامارەکانی کۆرۆنا ڕوو لەدابەزین دەبێت

خەڵک-ئارام سەردار

پارێزگاری هەولێر ڕایدەگەیەنێت، پابەندنەبوون بەڕێنماییەکان وایکرد بگەینە ئەو قۆناغە سەختە، بەڵام هێشتا دەرفەت ماوە ئەگەر هاوڵاتییان پابەندبن و ڕێنماییەکان جێبەجێبکەن دەتوانین ئەو دۆخه سەختە تێپەڕبکەین.

 

فرسەت سوفی، پرێزگاری هەولێر لەکۆنفڕانسێکی رۆژنامەوانیدا ڕایگەیاند، بەداخەوە ئەوەی نەمان دەخواست پێی گەیشتین، هەرچەندە ڕێکاری باشمان گرتە بەر، بەڵام پابەند نەبوون بەڕێنماییەکان وایکرد بگەینە ئەو قۆناغە سەختە، وەکو ژووری ئۆپڕاسیۆن و پارێزگای هەولێر هەرچی لەتواناماندا بێت دەیکەین بۆ پاراستنی تەندروستی خەڵک، ئەوانەی تووش نەبوون بیانپارێزین و ئەوانەشی تووشبوون لەنەخۆشخانەکان وەریان بگرین.

 

دەشڵێت: هێشتا دەرفەت ماوە ئەگەر هاوڵاتیان پابەندبن و ڕێنماییەکان جێبەجێ بکەن دەتوانین ئەو دۆخه سەختە تێپەڕبکەین، تاکە چارەسەریش تاک پارێزییە بەبەستنی دەمامک و دوورکەوتنەوە لەشوێنی قەرەباڵغ.

 

ئەوەشی خستەڕوو، ئەوانەی باوەڕیان بەنەخۆشییەکە نەبوو ئێستا دەبینن هەر ڕۆژە و پێشوازی لەتەرمی ئازیزێک دەکەین یان دەبینن توشبووان لە چ دۆخێکدان، بەڵام ئێستاش دەبینین هاوڵاتیان باشتر خۆیان دەپارێزن ئەگەر بەم شێوەیە بڕوات ڕەنگە لەداهاتوو ئامارەکان بەرەو کەمبوونەوە بچن، بەپێچەوانەوە ئیلتزام نەکردن بە ڕێنماییەکان ڕەنگە دۆخەکە لەئێستاش خراپتر بێت.

 

سەبارەت بەڕێنمایی نوێ وتی، پابەندی ڕێنمایی و بڕیاری وەزارەتەکانی تەندروستی و ناوخۆین، تاوەکو ئەوان گۆڕانکاری نەکەن ئێمە ناتوانین هیچ گۆڕانکاریەک لەبڕیار و ڕێنماییەکان بکەین.

بەردەوام بە لە خوێندنەوە

کوردستان

بەهۆی تەقەی هێزە ئەمنییەكانی ئێران، 3 كوڵبەر بوونە قوربانی

خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، هێزە چەكدارەكانی حكومەتی ئێران لە سنووری ئورمیە تەقەیان لە كاروانێكی كۆڵبەران كردووە و كۆڵبەرێك كوژراوە و دوو كۆڵبەری دیكە بریندار كراون.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، سەرلەبەیانی ئەمڕۆ شەممە 15-8-2020 هێزە چەكدارەكانی ئێران لە كوێستانی گوندی (كوران)ی ئورمیە تەقەیان لە كاروانێكی كۆڵبەران كردووە و سێ كۆڵبەر كوژراو بریندار كراون.

ئاشكراشیكرد، بەهۆی تەقەی هێزە چەكدارەكانی ئێران كۆڵبەرێك بە ناوی “سیراج ئەحمەدی” كوژراوە و تا ئێستا ناسنامەی ئەو دوو كۆڵبەری دیكە كە بریندار كراون بۆ هەنگاو ڕوون نەبووەتەوە.

بەپێی ئامارەكانی ڕێكخراوی مافی مرۆڤی هەنگاو، لە ماوەی مانگی گەلاوێژ لە سنوورەكانی مەریوان، بانە، نەوسوود، چاڵدێران و ئورمیە ٥ كۆڵبەر كوژراون.

بەردەوام بە لە خوێندنەوە

کوردستان