ئێمە لە تۆرە کۆمەڵایەتیەکان

ئابوری

پارێزگاری سلێمانی كاتی دابەشكردنی نەوتی بەسەر هاووڵاتیاندا ڕاگەیاند

خەڵك – بەشی هەواڵ
پارێزگاری سلێمانی ڕایدەگەیەنێت، لە هەواڵی بەردەوامدان بۆ دابین كردنی نەوتی سپی بۆ ماڵان و دەشڵێت: “لە 15ی ئەیلولەوە عیراق نەوتی سپی ڕەوانەی سلێمانی دەكات”.

د. هەڤاڵ ئەبوبەكر، پارێزگاری سلێمانی بە (خەڵك)ی ڕاگەیاند، بەردەوامین لە هەواڵەكان بۆ دابین كردنی بەشە نەوتی سپی بۆ سلێمانی تاوەكو پێش هاتنی وەرزی سەرما دەست بكرێتەوە بە دابەشكردنی.

وتیشی، “وەزارەتی نەوتی عیراق لە 15ی ئەیلولەوە ڕۆژانە ئەو بڕە نەوتەی دیاریكراوە بۆ سلێمانی ڕەوانەی دەكات و دەست بە دابەشكردنەوەی نەوتی سپی دەكرێت”.

ڕاشیگەیاند، هێشتا هیچ بڕە نەوتێك بۆ ئەمساڵ ڕەوانە نەكراوە، بەڵام لەدوای ئەو بەروارەوە عیراق نەوت ڕەوانە دەكات و ئێمەش ڕەچاوی ناوچە ساردەكان دەكەین.

بەپێی زانیارییەكانی (خەڵك) لە بەهاری ڕابردوودا دابەشكردنی نەوت لە بەرمیلی دووەمدا بەپێی كارتی زیرەك لە كۆتایی مەڵبەندی (یەك) لەناو سلێمانی ڕاگیرا و لەكاتی دەستپێكردنەوەیدا لە مەڵبەندی (دوو)ەوە دەستپێدەكات.

ئابوری

ئەمڕۆ زۆرترین شوێن مووچەی مانگی 10 وەردەگرن

خەڵك- بەشی هەواڵ

وەزارەتی دارایی و ئابوری حكومەتی هەرێمی كوردستان لە خشتەیەكدا بڕیاریداوە ئەمڕۆ مووچەی چەند شوێنێكی وەزارەت و دەستە و فەرمانگەكانی حكومەت دابەش بكات.

بەپێی خشتەكە، كە وەزارەتی دارایی بڵاویكردۆتەوە، ئەمڕۆ‌ مووچەی هەریەك وەزارەتەكانی (شارەوانی، گواستنەوە، كارەبا، پلاندانان، كشتوكاڵ، ئاوەدانكردنەوە، ڕۆشنبیری، بازرگانی) لەگەڵ هەر سێ‌ سەرۆكایەتییەكەی هەرێم و خانەنشینانی سەربازی دابەش دەكرێت.

ئاماژەی بەوەشكردووە، كە هەر ئەمڕۆ‌ مووچەی دەستەكانی (مافی مرۆڤ، دەستپاكی، وەبەرهێنان، ژینگە) لەگەڵ دەزگای مین و ناوچە كوردستانیەكانی دەرەوەی ئیدارەی هەرێم و چاودێری دارایی و كۆمسیۆنی هەڵبژاردنەكان خەرج دەكرێت.

دابەشكردنی مووچەی مانگی 10 لەكاتێكدایە، كە چارەنووسی مووچەی دوو مانگی ساڵی ڕابردوو نادیارە و تائێستا هیچ زانیارییەك لەسەر مووچەی ئەمساڵ ئاشكرانەكراوە.

بەردەوام بە لە خوێندنەوە

ئابوری

حكومەتی عیراق مووچەیەكی مانگانە بۆ بێكاران دەبڕێتەوە

خەڵك- بەشی هەواڵ
ئەنجوومەنی وەزیرانی عیراق لە كۆبوونەوەی ئاسایی خۆیدا، بڕیار دەدات بڕێك پارە وەك مووچەی مانگانە بۆ بێكاران ببڕێتەوە.

بەپێی بەیاننامەیەك، كە لەلایەن نووسینگەی ڕۆژنامەوانی سەرۆك وەزیرانی عیراقەوە بڵاوكرایەوە، “ئەمڕۆ سێ‌ شەممە، ئەنجوومەنی وەزیرانی عیراق لە كۆبوونەوەی ئاسایی خۆیدا بڕیاریدا، مووچەی مانگانە بۆ 900 هەزار كەس ببڕێتەوە، كە بڕەكەی مانگانە 175 هەزار دینارە”.

هەر بەپێی بەیاننامەكەی ئەنجوومەنی وەزیرانی عیراق، “ڕەزامەندی دراوە لەسەر هەمواری بڕگەی (6)ی بڕیاری ئەنجوومەنی وەزیران (340 ی ساڵی 2019)، كە ئەم شێوەیە دەبێت، “بڕینەوەی مووچەیەك بۆ 900 هەزار كەس لە بێكاران و ئەوانەی توانای كاریان نییە، بڕی مانگانەكەش تەنیا 175 هەزار دینارە بۆ هەر كەسێك”.
ئەنجوومەنی وەزیرانی عیراق، بۆ پێدانی ئەو مووچەی مانگانەیە، مەرجێكی دەستنیشان كردووە، كە بریتییە لەوەی دەبێت ئەو كەسە بەپێی یاسای پاراستنی كۆمەڵایەتی، لەچوارچێوەی هێڵی هەژارییەوە بێت.

وێڕای ئەوەی عیراق لەئێستادا بە دووەم گەورەترین وڵاتی هەناردەكاری نەوت لە ناوچەكەدا دادەنرێت، بەڵام هاووڵاتیانی بەدەست بێكاری و هەژارییەوە دەناڵێنن، بە تایبەتیش لە ناوچەكانی ناوەڕاست و باشوور، كە بۆ زیاتر لە سێ‌ مانگ دەچێت، خۆپیشاندانی ناڕەزایی تێیاندا بەردەوامە.

بەردەوام بە لە خوێندنەوە

ئابوری

سبەینێ‌ مووچەی 20 وەزارەت و دەستە و دامەزراوە دابەش دەكرێت

خەڵك- بەشی هەواڵ
وەزارەتی دارایی و ئابووری حكومەتی هەرێم ڕایدەگەیەنێت، كە سبەینێ‌ چوار شەممە، مووچەی مانگی 10ی 20 وەزارەت و دەستە و دامەزراوە دابەش بكرێت.

بەپێی خشتەیەك، كە وەزارەتی دارایی بڵاویكردۆتەوە، سبەینێ‌ مووچەی هەریەك وەزارەتەكانی (شارەوانی، گواستنەوە، كارەبا، پلاندانان، كشتوكاڵ، ئاوەدانكردنەوە، ڕۆشنبیری، بازرگانی) لەگەڵ هەر سێ‌ سەرۆكایەتییەكەی هەرێم و خانەنشینانی سەربازی دابەش دەكرێت.

ئاماژەی بەوەشكردووە، كە هەر سبەینێ‌ مووچەی دەستەكانی (مافی مرۆڤ، دەستپاكی، وەبەرهێنان، ژینگە) لەگەڵ دەزگای مین و ناوچە كوردستانیەكانی دەرەوەی ئیدارەی هەرێم و چاودێری دارایی و كۆمسیۆنی هەڵبژاردنەكان خەرج دەكرێت.

دابەشكردنی مووچەی مانگی 10 لەكاتێكدایە، كە چارەنووسی مووچەی دوو مانگی ساڵی ڕابردوو نادیارە و تائێستا هیچ زانیارییەك لەسەر مووچەی ئەمساڵ ئاشكرانەكراوە.

بەردەوام بە لە خوێندنەوە

کوردستان