ئێمە لە تۆرە کۆمەڵایەتیەکان

کوردستان

پۆلیسی گەرمیان دۆزینەوەی تەرمێكی ڕاگەیاند

خەڵك- بەشی هەواڵ

وتەبێژی پۆلیسی گەرمیان لە ڕاگەیەندراوێكدا ئاماژەی بەوەكردووە، كە تەرمی هاووڵاتیەكیان دۆزیوەتەوە كە لە ڕووباری سیرواندا خنكاوە.

دەقی ڕاگەیەندراوەكە:
تەرمی ئەو هاوڵاتیە بەخنكاوی لەڕوباری سیروان دۆزرایەوە كەلەدوێنێوە نەگەڕابوەوەماڵەوە
.
ئێوارەی ئەمڕۆ هەینی تەرمی هاوڵاتی (یاسین محمود محمد ) لەدایكبووی 1975 دانیشتووی گوندی ئەڵمانی قەزای كەلار هێنرایە بەشی پزیشكی دادوەری قەزای كەلار كەبەهۆی خنكان بەئاو گیانی لەدەستدابوو . بەوتەی كەسوكاری ناوبراو لەدوێنێ پێنج شەمەوەلەماڵ دەرچووەو نەگەڕاوەتەوە دوای ئەوەی جل و بەرگ و موبایلەكەی لەسەر ڕوباری سیروان دۆزرایەوە ئێوارەی ئەمڕۆ بەخنكاوی لەڕوباری سیروان تەرمەكەیان دۆزیوەتەوە.
.
مقدەمی مافپەروەر
علی جەمال قدووری
ڕاگەیاندنی پۆلیسی گەرمیان
2019\8\30

کوردستان

مەسرور بارزانی پرسەنامەیەكی بۆ بنەماڵەی شێخ عوسمانی سیرێ‌ نارد

خەڵك- بەشی هەواڵ

مەسرور بارزانی، سەرۆكی حكومەتی هەرێمی كوردستان بەبۆنەی كۆچی دوای شێخ عوسمانی سیرێوە پرسەنامەیەكی بۆ كەسوكار و بنەماڵەكەی نارد.

دەقی پرسەنامەكە:

بەداخەوە هەواڵی كۆچی دوایی كەسایەتی ناسراوی ئاینی و كۆمەڵایەتی (شێخ عوسمانی سیرێ) م بیست . پرسە و سەرەخۆشی لە بنەماڵە بەڕێزەكەیان دەكەم و هیوادارم خودای مەزن بە بەهەشتی شاد بكات و ئارامی و دڵنەواییش بە كەسوكاری ببەخشێت.

مەسرور بارزانی
سەرۆكی حكومەتی هەرێمی كوردستان

بەردەوام بە لە خوێندنەوە

کوردستان

ڕوداوێكی هاتوچۆ لە نێوان ماتۆڕسكیلێك و ئۆتۆمبێلێكدا رویدا

خەڵك- بەشی هەواڵ

لەپێكدادانی نێوان ئۆتۆمبێلێك و ماتۆڕسكیلێكدا لەگەڕەكی سەركەوتنی قەزای كەلار شۆفێری ماتۆڕ سكیلەكە بەسەختی برینداربوو.

پۆلیسی هاتوچۆی گەرمیان لە ڕاگەیەنراوێكدا نوسیویەتی”نیوەڕۆی ئەمڕۆ هەینی بەهۆی پێكدادانی ئۆتۆمێلێكی جۆری لاندكرۆزەر و ماتۆڕسكیلێك لەگەڕەكی سەركەوتنی قەزای كەلار، شۆفێری ماتۆڕ سكیلەكە بەسەختی برینداربوو، دەست بەجێ بریندارەكە گەیەنرایە نەخۆشخانەی فریاكەوتنی شەهید هەژار”.

هەر لە ڕاگەیەنراوەكەدا هاتووە”بەهۆی سەختی برینەكەیەوە ڕەوانەی نەخۆشخانەی فریاكەوتنی سلێمانی كرا، لێكۆڵینەوە لەلایەن تیمی هاتوچۆوە لەڕوداوەكە دەستی پێكردوە.”

هەروەها نوسراوە”بریندارەكە ناوی (ا، ع، م) ە، لەدایك بوی ساڵی2003 یە و پیشەی كاسبە، دانیشتوی گەڕەكی شەهیدانی قەزای كەلارە.”

بەردەوام بە لە خوێندنەوە

کوردستان

كۆنگرەی حزبی زەحمەتكێشانی كوردستان دەستی پێكرد

خەڵك- بەشی هەواڵ

ئەمڕۆ هەینی كۆنگرەی دەیەمی حزبی زەحمەتكێشانی كوردستان دەستیپێكرد و دەستكاری هەیكەلی حزبەكە دەكرێتەوە.

هندرێن شێخ ڕاغب، وتەبێژی كۆنگرەی دەیەمی حزبی زەحمەتكێشانی كوردستان بە (خەڵك)ی ڕاگەیاند، كۆنگرەیەكی ئاساییە و بەپێی پەیڕەوی ناوخۆ هەموو دوو ساڵ جارێك دەبەسترێت.

وتیشی”دەستەی سەرۆكایەتی و مەكتەبی سیاسی و سەركردایەتی نامێنن، ئەنجومەنێكی سیاسی دروست دەكرێت و دواتر ئەنجونەكە بەپێی پێداویستی ئۆرگانەكانی حزب، مەكتەبی سیاسی و سەركردایەتی دیاری دەكات و هەروەها دەسەڵاتی لێپرسینەوەشی دەبێت”.

بەردەوام بە لە خوێندنەوە

کوردستان