ئێمە لە تۆرە کۆمەڵایەتیەکان

عێراق

والی بەغدای داعش كوژرا و شەش پاسەوانی دەستگیركران

خەڵك- بەشی هەواڵ
دەستەی حەشدی شەعبی، لە ئۆپەراسیۆنێكی ئەمنی لە شیوی حۆران لە ئەنبار، كوژرانی والی بەغدای ڕێكخراوی داعش و بەدیلگرتنی شەش پاسەوانی ڕادەگەیەنێت.

بەپێی بەیاننامەیەكی دەستەی حەشدی شەعبی” لە شیوی حۆرانی پارێزگەی ئەنبار، هێزێكی سەر بە لیوای 18ی حەشدی شەعبی لە ئۆپەراسیۆنێكی جۆری، توانی (عەبدولسەلام حەمەد حەمود ناسراو بە ئەبو نور) كە لە پۆستی بەناو والی بەغدای ڕێكخراوی تیرۆریستی داعشدا بوو بكوژێت، و شەش پاسەوانیشی دەستگیربكات، وێڕای برینداركردنی یاریدەدەرەكەی كە لە دواییدا خۆی تەقاندەوە”.

هەر لە بەیاننامەكەدا هاتووە”تەرمی كوژراوەكان ڕەوانەی فەرماندەی ئۆپەراسیۆنە هاوبەشەكان كراون، بۆ مەبەستی پشكنین و تەئكیدكردنەوەی لە ناسنامەی كوژراوەكان، ئەمەش دوای لێكۆڵینەوە و دانپێدانانی تیرۆریستە بەدیلیگراوەكان كە باسیان لەوەكردبوو لەنێو كوژراوەكاندا والی بەغدای تێدایە”.

جیهان

کازمی سەردانی فەرەنسا دەکات

 

خەڵک – بەشی هەواڵ

 

ئامادەکاری دەکرێت بۆئەوەی لەمانگی داهاتوودا سەرۆک وەزیرانی عیراق سەردانی فەرەنسا بکات.

 

وەزارەتی دەرەوەی عیراق ڕاگەیەندراوێکی بڵاوکردەوە، کە تێیدا باس لەسەردان و کۆبوونەوەی وەزیری دەرەوەی عیراق و وەزیری دەرەوەی فەرەنسا کراوە و لەخاڵێکدا ئاماژە بەئەوەکراوە، ئامادەکاری دەکەن بۆئەوەی لەمانگی داهاتوودا مستەفا کازمی سەردانی فەرەنسا بکات.

 

لەو ڕاگەیەندراوەدا ئاماژە بەئەوەشدراوە، لەکۆبوونەوەى هەردوو وەزیردا باس لەدۆخی سیاسی و ئەمنی عیراق و بەردەوامیدان بە پەیوەندییەکان کراوە.

 

ئەمە لەکاتێکدایە لەماوەى ڕابردوودا سەرۆکی فەرەنسا بەسەردانێک گەیشتە پایتەختی عیراق و لەگەڵ بەرپرسانی باڵای عیراق کۆبۆوە.

بەردەوام بە لە خوێندنەوە

عێراق

تەندروستی عیراق: زیاتر لە چوار هەزار و 300 كەسی دیكە تووشی كۆرۆنا بوون

خەڵك – بەشی هەواڵ
وەزارەتی تەندروستی عیراق ئاماری 24 كاتژمێری ڕابردووی كۆرۆنای بڵاوكردەوە.

لە ڕاگەیەندراوەكەی وەزارەتی تەندروستی عیراقدا هاتووە كە لە ماوەی 24 كاتژمێری ڕابردوودا چوار هەزار و 305 تووشبووی نوێ تۆماركراون.

ڕوونیشیكردەوە كە 76 تووشبووی پەتاكە گیانیان لە دەست داوە و چوار هەزار و 205 نەخۆشیش چاكبوونەتەوە.

بەردەوام بە لە خوێندنەوە

عێراق

تەقینەوەیەك لە سەربازگەی سپایكەر ڕوویدا

خەڵك – بەشی هەواڵ
تەقینەوەیەکی بەھێز بنکەی سەربازیی سپایکەری پارێزگای سەڵاحەدین ڕوویدا.

ئەمڕۆ هەینی لە پارێزگای سەڵاحەدین تەقینەوەیەكی لە بنكەی سەربازیی سپایكەر ڕوویدا و بە هۆیەوە باڵەخانەیەك ڕووخا.

تا ئێستا زانیاری دەربارەی ئەگەری كەوتنەوەی زیانی گیانیی لە تەقینەوەكە و هۆكارەكەی ڕانەگەیەندراوە.

بەردەوام بە لە خوێندنەوە

کوردستان