ئێمە لە تۆرە کۆمەڵایەتیەکان

کوردستان

هەوڵ بۆ باشتركردنی مووچەی پێشمەرگە و هاوتاكردنی لەگەڵ هێزەكانی تردا دەدرێت

خەڵك- بەشی هەواڵ
وەزیری پێشمەرگە ئاماژە بە چڕكردنەوەی هەوڵەكان دەكات بۆ هاوتاكردنی مووچەی هێزەكانی پێشمەرگە لەگەڵ هێزەكانی تر، ئەمریكاش تەئكید لەسەر بەردەوامبوونی لەسەر پشتگیریی و پشتیوانی هێزەكانی پێشمەرگە دەكاتەوە.

ئەمڕۆ پێنج شەممە، وەزیری پێشمەرگەی حكومەتی هەرێم و كونسڵی گشتیی ئەمریكا لە هەولێر، بارودۆخی ناوچەكە ‌و دوایین ِرووداو و پێشهاتەكانیان تاوتوێكرد و لەسەر پرسی رێكخستنەوەو یەكگرتنەوەی هێزەكان هەردوولا بەبایەخەوە لەهەنگاوەكانی ئەو پڕۆسەیان ڕوانی، وەزیری پێشمەرگەش بە كونسڵی ئەمریكای راگەیاندووە كە پشتیوانی ئەوان و هاوپەیمانان ڕێگاكەیان ئاسانتر دەكات، شۆڕش ئیسماعیل وەزیری پێشمەرگە، لەگەڵ ستیڤن فیگن كونسڵی گشتیی ئەمریكا و كۆلۆنێل شەین سێلین و كۆنەر لۆڤ، راوێژكارانی باڵای سەربازی ئەمریكا له ‌هەرێم، بەووردی گفتۆگۆیان لەسەر میكانیزمی بەرەو پێشبردنی پەیوەندییەكان و بەردەوامی پڕۆسەی هاوكاری و هەماهەنگی نێوان هەردوولا كرد.

وەزیری پێشمەرگە، وێڕای ستایشی هەوڵە سیاسیی و دیپلۆماسییەكانی ئەمریكا، هاوكارییە سەربازی و راوێژكارییەكانی ئەو وڵاتەی بۆ حكومەت و هێزی پێشمەرگە بەرزنرخاند، هاوكات روونی كردەوە لەمەسەلەی بنبڕكردنی تیرۆر و تیرۆریستان لەناوچەكە، خەباتی پێكەوەیی هەردولا ، شانازییەكی مێژووییەو لەهزری هەموواندا دەمێنێتەوە.

لەسەر پرسی باشتكردنی ژیانی پێشمەرگە و رێكخستنەوەی لیوا هاوبەشەكان و یەكگرتنەوەی هێزەكان، وەزیری پێشمەرگە ڕایگەیاندووە، هەوڵەكانیان چڕتر كردۆتەوەو پێویستییان بەهاوكاری زیاتری ئەوان دەبێت، هاوكات روونی كردووەتەوە، سوورن لەسەر ئەوەی مووچەی پێشمەرگە باشبكرێ و هاوتای هێزەكانی تر بكرێت، بۆ ئەمەش دەستیان پێكردوەو هەوڵدەدەن بەربەستەكانی بەردەم ئەو پڕۆسەیە نەهێڵین.

كونسڵی گشتیی ئەمریكا، دڵناییی داوەتە وەزیری پێشمەرگە، كە هێزەكان و راوێژكارانیان لەپاڵپشتی و پشتگیری پێشمەرگە بەردەوام دەبن و بەئومێدی زۆریشەوە دەڕواننە پڕۆسەی چاكسازی و ” ئەوەی دەستان پێكردووە جێگەی بایەخ و گرنگیدانی بێ سنوری ئەوانە”.

لەكۆتاییی كۆبوونەوەكەشدا، بەوردی ئاراستەو روانگەی پرسی پەیوەندیەكانی نێوان هەولێرو بەغدا پتەوكردنی زیاتری پەیوەندییەكان گفتوگۆی لەبارەوە كرا، هەردولا كۆكبوون كە دیالۆگەكان بەردەوامی هەبێ و پابەند بوون بەدەستووریش بكرێتە بنەمای چارەسەر.

کوردستان

لە هەولێر، تەقە لە دوو کۆمیتەی یەکێتی کرا

خەڵک

له‌شاری هه‌ولێر ته‌قه‌ له‌ هه‌ردوو كۆمیته‌ی 4 و 5ی یه‌كێتیی نیشتمانیی كوردستان كرا.

بە پێی هەواڵی ماڵپەری pukmedia، ئێوارەی ئه‌مڕۆ 20ـ9ـ2019له‌ شاری هه‌ولێر ته‌قه‌ له‌ كۆمیته‌ی 4 و 5 ی یه‌كێتیی نیشتمانیی كوردستان كراوه‌، كه‌ هه‌ردوو كۆمیته‌كه‌ باره‌گاكانیان له‌ ناو یه‌ك بینادان له‌گه‌ڕه‌كی مهابات .

بە پێی هەواڵی پێگەی فەرمی و زمانحاڵی یەکێتی نیشتمانی کوردستان، ته‌قه‌كه‌ره‌كان 8 گولـله‌یان به‌ بینای باره‌گاكه‌وه‌ ناوه‌و ده‌ستبه‌جێ هه‌ڵهاتوون و ناوچه‌كه‌یان به‌جێهێشتووه‌.

ڕووداوی تەقەکردنەکە، هیچ زیانێكی گیانی نه‌بووه‌، ته‌نها زیانی ماددی كه‌به‌ر چه‌نجه‌ره‌و شوێنه‌كانی بیناكه‌ كه‌وتووه‌ .

تەقە کردن لە کۆمیتەکانی یەکێتی لە هەولێر، لە کاتێکدایە کە شەوی ڕابردوو، لە شاری سلێمانی تەقە لە بارەگای لقی 4ی پارتی کرا.

ئاماژه‌ی به‌وه‌شدا، له‌ ئێستادا هێزه‌ ئه‌منییه‌كان له‌ شوێنی رووداوه‌كه‌ن و سه‌رقاڵی لێكۆڵینه‌وه‌ن.

بەردەوام بە لە خوێندنەوە

کوردستان

زانکۆ لاین، بۆ ماوەی 24 کاتژمێر، درێژکرایەوە

خەڵک – بەشی هەواڵ

وەزارەتى خوێندنى باڵاو توێژینەوەى زانستى ماوەى (زانکۆلاین)ى بۆ ماوەى ٢٤ سەعات درێژدەکاتەوە.

عەباس ئەکرەم وتەبێژى وەزارەتى خوێندنى باڵا و توێژینەوەى زانستى لەلێدوانێکیدا رایگەیاند: لەپێناو پێدانى دەرفەتى زیاتر بە دەرچوانى دوانزەى ئامادەیى بۆئەوانەى تا ئێستا فۆڕمى (زانکۆلاین) یان پڕنەکردۆتەوە، بڕیاردرا ماوەى زانکۆلاین (٢٤) سەعاتى دیکە واتە تا سەعات (١٢)ی شەوى رۆژى شەمە لەسەر یەکشەممە رێکەوتى (۲۰۱۹/۹/۲۱) بۆ دەرچووانى قۆناخى دوانزەى ئاماەیی درێژبکرێتەوە.

وتەبێژى وەزارەتى خوێندنى باڵا راشیگەیاند لەپێناو بەرژەوەندى گشتى و پێدانى دەرفەتى زیاتر بە دەرچوان، کە بەهەر هۆکاربێت نەیانتوانیوە فۆرمى زانکۆلاین پڕبکەنەوە، لە ئێستادا دەتوانن سوودمەندبن لەم دەرفەتەو فۆرمى زانکۆلاین پڕبکەنەوە.

عەباس ئەکرەم راشیگەیاند: ئەمە دواین دەرفەتەو چیتر ماوەى زانکۆلاین درێژناکرێتەوە، هەر بۆیە داوا لە دەرچوانى قۆناخى دوانزەى ئامادەیی دەکەین، کە تا ئێستا فۆڕمى (زانکۆلاین) یان پڕنەکردۆتەوە, پێویستە لەماوەى ئەو ٢٤ سەعاتەدا پەلەبکەن و تەواوى هەوڵەکانیان بخەنە گەڕ بۆ پڕکرنەوەى فۆرمى زانکۆلاین

بەردەوام بە لە خوێندنەوە

کوردستان

کۆبوونەوەی مەکتەبی سیاسی یەکێتی کۆتایی هات

خەڵک – بەشی هەواڵ

کۆبوونەوە مەکتەبی سیاسی یەکێتی نیشتیمانی کوردستان، به‌ سه‌رپه‌رشتی كۆسره‌ت ره‌سوڵ عه‌لی جێگری یه‌كه‌می سكرتێری گشتی یه‌كێتی، کۆتایی هات.

دوابەدوای کۆبونەوەکە، لەتیف شێخ عومەر، وتەبێژی یەکێتی نیشتمانی کوردستان وتی “پێداگیری دەكەین لەبارەی جێبەجێكردنی ڕێكەوتنمان لەگەڵ پارتی  سەبارەت بە كەركوك”

وتەبێژەكەی یەكێتی ئەوەشی وت، لیژنەی ئامادەكاری بەستنی كۆنگرەی چوارەمیش، كارەكانیان تەواو  كردووە و لەبارەی پەیوەندییەكانیشان لەگەڵ پارتی دیموكراتی كوردستان، ئەوەی ئاشكرا كردوە كە یەكێتی
جێبەجێكردنی رێكەوتنیان لەگەڵ پارتی تاو توێكردووە.

له‌باره‌ی وه‌رگرتنی پشكی یه‌كێتیش له‌حكومه‌تی هه‌رێمی كوردستان به‌پێی ئه‌و رێكه‌وتنه‌ی له‌گه‌ڵ پارتیدا هه‌یبووه‌، وتی:” ئه‌وه‌ باسكرا كه‌ جێبه‌جێكردنی ناوه‌ڕۆكی رێكه‌وتنی سیاسی و ئه‌و رێكه‌وتنه‌ی په‌یوه‌یسته‌ به‌كابینه‌ی نوێی حكومه‌ته‌وه‌ زه‌مانه‌تی درێژه‌ پێدانی رێكه‌وتنه‌كانمانه‌،  له‌كۆبوونه‌وه‌كه‌دا جه‌ختمان له‌وه‌ كرده‌وه‌ پابه‌ندی رێكه‌وتنی خۆمان ده‌بین له‌گه‌ڵ پارتی، هه‌رچیه‌ك له‌ ناوه‌ڕۆكه‌كه‌یدا هه‌یه‌ جێبه‌جێ بكرێت”.

له‌تیف شێخ عومه‌ر له‌باره‌ی پرسی ڕێكه‌وتنی بودجه‌ له‌گه‌ڵ عیراق وتی:” ئێمه‌ رێكه‌وتنێكمان هه‌یه‌ له‌سه‌ر كابینه‌ی حكومه‌تی هه‌رێمی كوردستان، له‌گه‌ڵ ئه‌و حزبانه‌ی كه‌له‌و حكومه‌تدا به‌شدارن، ئه‌و پرسه‌ چاره‌نووسازانه‌ به‌نیسبه‌ت خه‌ڵكی كوردستانه‌وه‌،  له‌چوارچێوه‌ی به‌رنامه‌ی حكومه‌تی هه‌رێمی ، وه‌فدێك هه‌یه‌ ئه‌و پرسه‌ی گرتووه‌ته‌ ده‌ست و هه‌ڵوێستی ئێمه‌ له‌و .باره‌یه‌وه‌ هه‌ر له‌سه‌ره‌تاوه‌ ڕوونه‌

بەردەوام بە لە خوێندنەوە

کوردستان