ئێمە لە تۆرە کۆمەڵایەتیەکان

ئابوری

پەرلەمانتارێك: پڕۆسەی نەوتی هەرێم زۆر شەفافە

خەڵك – بەشی هەواڵ

ئەندامێكی لیژنەی سامانە سروشتییەكان لە پەرلەمانی كوردستان ڕایدەگەیەنێت: “پڕۆسەی نەوتی هەرێمی كوردستان زۆر ڕوون و شەفافە و هەماهەنگیی لیژنەی ئێمە لەگەڵ وەزارەتی سامانە سروشتییەكان باشە و بڕیارە باشتریشی بكەین”.

جیهاد حەسەن پەرلەمانتاری پارتی و ئەندامی لیژنەی سامانە سروشتییەكان لە پەرلەمانی كوردستان، بە ماڵپەڕی فەڕمیی حزبەكەی ڕاگەیاند: “پڕۆسەی نەوتی هەرێمی كوردستان زۆر ڕوون و شەفافە و پێش چەند ڕۆژێك سەردانی وەزارەتی سامانە سرووشتییەكانمان كردووە و گفتوگۆمان لەگەڵ كردوون”.

جیهاد حەسەن وتیشی: “بۆ ئەو مەبەستەش، وەزارەتی سامانە سرووشتییەكان بانگهێشتی پەرلەمان دەكەین بۆ ئەوەی هەموو زانیارییەكان بخاتە ڕوو بۆ ئێمە و دواتریش بۆ ڕای گشتی ڕابگەیەندرێت، بۆیە هیچ شتێكی شاراوە لە پرۆسەی نەوتی هەرێمی كوردستاندا نییە و زۆر ڕوون و شەفافە”.

ئەو ئەندامەی لیژنەی سامانە سروشتییەكان لە پەرلەمانی كوردستان باسی لەوەش كرد: “داوای هەر ئامار و زانیارییەكمان لە وەزارەتی سامانە سروشتییەكان كردبێت، بە ئێمەیانداوە و هەموو زانیارییەكان لە بەردەستی ئێمەدان و هەماهەنگیی باشیشمان لە نێواندا هەیە”.

جیهاد حەسەن: “دەمانەوێت لەبارەی كێشەكانی نێوان هەرێمی كوردستان و بەغدا گفتوگۆ لەگەڵ وەزارەتی سامانە سروشتییەكان بكەین، بۆ ئەوەی چی باشە ئەوە بكرێت بۆ چارەسەركردنی ئەو كێشانەی كە پەیوەندییان بە پڕۆسەی نەوتەوە هەیە”.

ئابوری

وەزارەتی پەروەردە ژمارەیەك هەلی كاری راگەیاند

خەڵك- بەشی هەواڵ
وەزارەتی پەروەردەی حكوومەتی هەرێمی كوردستان ژمارەیەك هەلی كاری راگەیاند و لەمڕۆوە فۆڕم لەپارێزگای هەولێر دابەشدەكات.

ئەمڕۆ یەكشەمە 22ی ئەیلول، بەڕێوەبەرایەتی گشتی پەروەردەی هەولێر، سەر بە وەزارەتی پەروەردەی حكومەتی هەریمی كوردستان سەرجەم پەروەردەكانی سنووری پارێزگای هەولێر ئاگادار دەكاتەوە، لەمڕۆوە فۆڕم بۆ وەرگرتنی مامۆستایانی وانەبێژ دابەشدەكرێت.

لە نووسراوەكەی پەروەردەدا مەرج و رێنماییەكانی وەرگرتنی دەرچووانی زانكۆ و پەیمانگاكان بۆ مامۆستای وانەبێژ روون كراوەتەوە و ئاماژە بۆ ئەوەیش دراوە، فۆڕمی وانەبێژی بەشی پەروەردەكانی ناوەند و دەوروبەر و دەشتی هەولێر ناگرێتەوە كە دەكاتە بازنەكانی یەكەم و دووەم.

لە بەشێكی ئەو مەرجانەی بۆ وەرگرتنی مامۆستای وانەبێژ داندراون ئاماژە بەوە دراوە، پیویستە وانەبێژ خەڵكی ئەو ناوچەیە بێت كە فۆڕمەكەی لێ وەردەگرێت و خەرجی هاتوچۆكردن لە ئەستۆی خۆی دەبێت.

وەزارەتی پەروەردە بەهۆی كەمی میلاك ناتوانێت مامۆستا دابمەزرێنێت و چەند ساڵێكە بەناچاری دەستی كردووە بە وەرگرتنی مامۆستای وانەبێژ.

بەردەوام بە لە خوێندنەوە

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

ئەمڕۆ یەكشەممە ڕێكەوتی 2019/9/22 مووچەی مانگی حوزەیرانی ئەم شوێنانە دابەشدەكرێت:
وەزارەتیناوخۆ
وەزارەتی خوێندنی باڵاوتوێژینەوەی زانستی
وەزارەتی ئەوقاف و كاروباری ئایینی
وەزارەتی سامانەسروشتیەكان
ھێزەكانی زێرەڤانی
ئەنجومەنی ئاسایش
دەزگای گشتی ئاسایش
هێزی بەرگریی فریاكەوتن
بەڕێوەبەرایەتی گشتی ڕەگەزنامەی ھەرێم
پۆلیسی نەوت وگاز

بەردەوام بە لە خوێندنەوە

ئابوری

بەشە ئاردی دوو مانگ بەسەر هاووڵاتیاندا دابەش دەكرێت

خەڵك- بەشی هەواڵ
بەڕێوەبەری دروستكراوی دانەوێڵەی سلێمانی ڕایدەگەیەنێت، بۆ ئەمساڵ 10 بەش لە ئارد بەشەر هاووڵاتیان دابەشدەكرێت و هەفتەی داهاتوو دەست بە دابەشكردنی بەشە ئاردی مانگی هەشت دەكرێت، دەشڵێت: “لەم مانگەدا 2 بەش ئارد دابەشدەكرێت”.

نەسرین محەمەد عەلی، بەڕێوەبەری دروستكراوی دانەوێڵەی سلێمانی بە (خەڵك)ی ڕاگەیاند، لەم مانگەدا دەست بە دابەشكردنی بەشە ئاردی مانگی شەش و حەوت كراوە، ڕەنگە ئەم هەفتەیە دابەشكردنی بەشە ئاردی مانگی حەوت-یش تەواو بێت.

وتیشی، “بەردەوامین لە دابەشكردنی بەشە ئاردی ماڵان و لە هەفتەی داهاتووە دەست بە دابەشكردنی بەشە ئاردی مانگی هەشت دەكرێت”.

ڕاشیگەیاند، حكومەتی عیراق بۆ ئەمساڵ بڕیاریداوە 10 بەشە ئارد دابەش بكرێـت و تا كۆتایی ساڵ هەر 10 بەش ئاردەكە دابەش دەكرێت.

ئاشكراشیكرد، ئەو ئاردەی دابەشكراوە لەماوەی چوار مانگی ڕابردوودا زۆر كوالێتی باش بووە بۆ دروستكردنی نان.

بەڕێوەبەری دروستكراوی دانەوێڵەی سلێمانیلە (خەڵك)ەوە داوا لە هاووڵاتیان دەكات، “بچن ئاردەكە وەربگرن، چونكە بە پێزە و بۆ نان كردن گونجاوە”.

بەردەوام بە لە خوێندنەوە

کوردستان