ئێمە لە تۆرە کۆمەڵایەتیەکان

کوردستان

فراكسیۆنەكان هەوڵی یەك لیستی دەدەن
كورد لە یاسای هەڵبژاردنی ئەنجوومەنی پارێزگاكان نیگەرانە

خەڵك- بەشی هەواڵ
فراكسیۆنە كوردستانیەكان لە هەمواری یاسای هەڵبژاردنی ئەنجوومەنی پارێزگاكان و ئەو ڕێژەیەی هەژماری ڕێژەی دەنگەكانی پێ‌ دەكرێت نیگەرانە.

بەپێی زانیارییەكانی (خەڵك) كە لە سەرچاوەیەكەوە دەستی كەوتووە، فراكسیۆنە كوردستانیەكان لەهەوڵی یەكخستنی هەڵوێستەكانیانن بۆ هەڵبژاردنی ئەنجوومەنی پارێزگاكانی عیراق بەتایبەتی لە ناوچە جێناكۆكەكان و پارێزگای كەركوك تاوەكو بە یەك لیستی هاوبەش بەشداری بكەن و بۆ ئەوەش گفتوگۆ لەنێوان فراكسیۆنەكان دەستی پێ‌ كردووە.

هەر بەپێی زانیارییەكان، فراكسیۆنە كوردستانیەكان لە هەمواركردنەوەی یاسای ئەنجوومەنی پارێزگاكان لەلایەن پەڕلەمانی عیراقەوە نیگەرانن و تێبینیان هەیە لەسەر سیستمی (سانت لیگۆ) كە بۆ هەژماركردنی ڕێژەی دەنگەكان و بەركەوتەی هەڵبژاردن دیاری كراوە.

بڕیارە لە مانگی نیسانی ساڵی داهاتوو، هەڵبژاردنی ئەنجوومەنی پارێزگاكانی عیراق بەناوچە جێناكۆكەكانیشەوە ئەنجام بدرێت و ئەوەش لەلایەن حكومەتی عیراق و كۆمسیۆنی باڵای سەربەخۆی هەڵبژاردنەكانەوە دیاری كراوە و لەلایەن پەڕلەمانی عیراقیشەوە یاسای هەڵبژاردنی ئەنجوومەنی پارێزگاكان هەمواركرایەوە.

لای خۆشیەوە، ئەڵماس فازڵ، ئەندامی پەڕلەمانی عیراق لە فراكسیۆنی یەكێتی لە ڕاگەیەندراوێكدا، كە میدیا عیراقیەكان بڵاویانكردۆتەوە ئاماژەی بەوەكردووە، كە چەند تێبینییەك لەسەر هەمواری یەكەمی یاسای هەڵبژاردنی ئەنجوومەنی پارێزگاكان هەیە ئەویش لەسەر ڕێژەی سانت لیگۆ، كە ئێمە داوامان كردووە ڕێژەی 1.7 دابنرێت، چونكە بڕوامان بە بەشداری دیموكراتی فراكسیۆنە بچووكەكان هەیە.

دەشڵێت: “مادەی 35ی تایبەت بە كەركوك دەبوو هیچ گۆڕانكارییەكی تێدا نەكرێت، بەڵام هەندێك گۆڕانكاری تێدا كرا”.

بۆ وەرگرتنی زانیاری زیاتر لەسەر تێبینیەكانی كورد دەربارەی یاسای هەڵبژاردنی ئەنجوومەنی پارێزگاكان (خەڵك) چەند جارێك پەیوەندی كرد بە ئەڵماس فازڵ، ئەندامی پەڕلەمانی عیراق لە پشكی كەركوك، بەڵام وەڵامی پەیوەندییەكەی نەدایەوە.

بەپێی زانیارییەكانی (خەڵك) لە چەند ڕۆژی ڕابردوودا پەڕلەمانتارانی یەكێتی لە پەڕلەمانی عیراق لە پشكی كەركوك لەگەڵ مەكتەبی هەڵبژاردنی حزبەكەیان كۆبوونەتەوە و گفتوگۆیان كردووە سەبارەت بە وردەكاری و ڕێوشوێنەكانی ئەنجامدانی هەڵبژاردنی ئەنجوومەنی پارێزگاكان لە كەركوك و ناوچە جێناكۆكەكان.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان