ئێمە لە تۆرە کۆمەڵایەتیەکان

ئابوری

دابەشكردنی نەوت بەسەر هاووڵاتیاندا دەستپێدەكات

خەڵك – بەشی هەواڵ
سەرۆكی لیژنەی وزە و سەرچاوە سروشتییەكانی ئەنجوومەنی پارێزگای سلێمانی ڕایدەگەیەنێت، عیراق لە مانگی هەشتەوە تا مانگی چوار دەست بە دابەشكردنی نەوتی سپی دەكات و دەشڵێت: “وەك ساڵانی پێشوو لەسەر ئەو بنەمایە لە هەرێمی كوردستان دابەشكردنی نەوت لەمانگی ئەیلولەوە دەست پێدەكات”.

كەریم عەلی، سەرۆكی لیژنەی وزە و سەرچاوە سروشتییەكانی ئەنجوومەنی پارێزگای سلێمانی بە (خەڵك)ی ڕایگەیاند، ساڵانە عیراق دابەشكردنی نەوت لە مانگی 8-ەوە دەستپێدەكات تا مانگی 4 و دابەشكردنەكەش هەموو پارێزگاكانی عیراق دەگرێتەوە بە شارەكانی هەرێمیشەوە.

وتیشی، “هاوشێوەی ساڵی پار ئەو بڕەی بۆ پارێزگای سلێمانی دیاریكراوە نەوتی سپی ڕۆژانە لە ڕێگەی تانكەرەوە ڕەوانە دەكرێت و بەپێی میكانیزمی بەڕێوەبەرایەتی نەوت و كانزاكان دەست بە دابەشكردنی دەكرێت”.

ڕاشگەیاند، لە ئێستادا عیراق دەستی كردووە بە دابەشكردنی نەوت لە پارێزگاكانی عیراق و ئەگەر كێشەی سیاسی و گرفت دروست نەبێت لەنێوان هەرێم و بەغدا بۆ ئەمساڵیش بڕە نەوتی دیاریكراو ڕەوانە دەكرێت.

ئاماژەی بۆ ئەوەشكرد، ڕێژەكە زیاد و كەم دەكات، لەگەڵ باشی و خراپی پەیوەندییەكانی هەرێم و بەغدا، ئەگەر هەردوولاش لەپەیوەندی باش و بەردەوامدابن، ڕێژەی ڕەوانەكردنی نەوتیش بۆ پارێزگاكانی هەرێم زیاد دەكات.

ئابوری

زیاترە لە دوو ملیار دینار
داهاتی یەك ڕۆژی بەندەرێكی عیراقی ئاشكرادەكرێت

خەڵك- بەشی هەواڵ
دەزگای خاڵە سنورییەكانی عیراق، داهاتی بەدەستهاتووی ڕۆژی دوێنێی بەندەری ئوم قەسری ناوەڕاست ئاشكرا دەكات.

بەپێی بەیاننامەیەك كە ئەمڕۆ هەینی لەلایەن دەزگای خاڵە سنورییەكانی عیراقەوە بڵاوكرایەوە”بڕی داهاتووی بەدەستهاتووی بەندەری ئوم قەسری ناوەڕاست لە پارێزگەی بەسرە بۆ خەزێنەی دەوڵەت گەیشتە (2.126.509.000) دینار كە داهاتی ڕۆژی 13ی ئابی 2020، ئەمەش لەڕێی وەرگرتنی باجی گومرگی جموجۆڵی بازرگانی كە لەڕێی یاسا و ڕێنماییەكانی دەزگای خاڵە سنورییەكانەوە جێبەجێ‌ دەكرێت”.

هەر لە بەیاننامەكەدا هاتووە”زیادبوونی داهاتەكان لە خاڵە سنورییەكان، لە ئەنجامی كاریی بەردەوام و بەجێگەیاندنی ئەركانە لەلایەن دەزگای خاڵە سنورییەكان كە بەشێوەیەكی ورد یاسا و ڕێنماییەكانی چاودێری و وردبینی و پشكینی ئەمنی جێبەجێ‌ دەكات و هەماهەنگە لەگەڵ فەرمانگە پەیوەندیدارەكان”.

دەزگای خاڵە سنورییەكانی عیراق دەڵێت”ئەوان ڕێنماییەكانی سەرۆك وەزیران جێبەجێ‌ دەكەن بۆ زیادكردن و پتەوكردنی داهاتەكانی دەوڵەت كە هەنگاو بەرەو كاروانی چاكسازیی هەڵدەنێت بۆ تێپەڕاندنی ئەم تەنگژە ئابوری و داراییەی ڕووی لە وڵات كردووە”.

بەردەوام بە لە خوێندنەوە

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

کوردستان