ئێمە لە تۆرە کۆمەڵایەتیەکان

کوردستان

بەرەی توركمانی: جیاكردنەوەی دەنگەكان لە كەركوك جیاوازییەكی گەورە دەردەخات

خەڵ- بەشی هەواڵ
بەرەی توركمانی لە كەركوك ڕایدەگەیەنێت، جیاكردنەوەی دەنگەكان بەدەست لە كەركوك دەریدەخات، كە جیاوازییەكی گەورە هەیە لەگەڵ ئەنجامی جیاكردنەوەی ئەلیكترۆنی، ئاماژە بە ساختەكارییەكی گەورەش دەكات لە ئەنجامی هەڵبژاردنە پەرلەمانییەكەی 12ی ئایاری ڕابردوو.

ئەمڕۆ سێ‌ شەممە، ئەرشەد ساڵحی، سەرۆكی بەرەی توركمانی لە لێدوانێكیدا بۆ ژمارەیەك لە میدیا عیراقییەكان ڕایگەیاندووە، “چاودێرمان هەیە لەنێو ژمارەیەك لە گەنجینەكانی جیاكردنەوەی دەنگی سندوقەكانی دەنگدان لە كەركوك، بەڵام ژمارەی ئەو چاودێرانە كەمن، لەگەڵ ئەوەشدا مۆبایلەكانیان لێوەرگیراوە تا بوارییان نەبێت پەیوەندیمان پێوە بكەن، یان پەیوەندیمان لەگەڵیاندا هەبێت تا ئەو كاتەی پڕۆسەی ئەژماركردن و جیاكردنەوەی دەنگەكان تەواو دەبێت”.

بە وتەی ساڵحی، “زانیاریمان هەیە لەنێو گەنجینەكانەوە، كە جیاوازییەكی گەورە هەیە لەنێوان ئەنجامی جیاكردنەوەی ئەلیكترۆنی و ئەم جیاكردنەوەیەی ئێستا بە دەست ئەنجام دەدرێت، بۆیە ئەنجامەكانی ئێستا گەر بە ڕێژەیەكی گەورە بێت، كە ئێمە وایدەبینین، هەنگاوی تر هەڵدەنێین تا جیاكردنەوەی ئەژماركردنی گشتی و هەمەلایەنە بۆ سندوقەكانی دەنگدان بكرێت”.

پێشتر ئەحمەد ڕەمزی، بەرپرس لە ناوەندی هەڵبژاردنی بەرەی توركمانی ڕایگەیاندبوو، كە ئەمڕۆ سێ‌ شەممە، پڕۆسەی ئەژماركردن و جیاكردنەوەی دەنگەكان، بە ئامادەبوونی قەوارە سیاسییەكان لە كەركوك دەستپێكردووە.

کوردستان

تووشبوون بە كۆرۆنا لە هەرێم گەیشتە نزیكەی 50 هەزار كەس

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 636 حاڵەتی تووشبوون بە كۆرۆنا تۆماركراوە و 17 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٤٦٩٧ پشكنین ئەنجام دراوە و دەركەوتووە لە هەولیر 110 كەس و سلێمانی 109 كەس و لە گەرمیان 32 كەس و دهۆك 353 و هەڵەبجە 32 كەس تووشی كۆرۆنا بوون.

ئاشكراشی كردووە، كە ٤٠٣ كەس چاكبوونەوە و 17 كەسیش گیانیان لەدەستداوە.

ڕوونیشی كردۆتەوە، كە كۆی گشتی تووشبوون بە پەتاكە گەیشتۆتە ٤٢ هەزار و ٣٦٨ كەس و چاكبوونەوەش 27 هەزار و ٣٢٤ و مردنیش 1553 كەس.

بەردەوام بە لە خوێندنەوە

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان