ئێمە لە تۆرە کۆمەڵایەتیەکان

ئابوری

كارتی مۆبایل هەرزان دەكات
“كۆمپانیایەكی دیكەی مۆبایل دێتە عیراق”

خەڵك- بەشی هەواڵ
لیژنەی خزمەتگوزارییەكان و ئاوەدانكردنەوە لە پەڕلەمانی عیراق، هاتنی كۆمپانیایەكی دیكەی پەیوەندی نیشتمانی ئاشكرا دەكات، كە بە وتەی ئەو، “بەسەر سێ‌ كۆمپانیاكەی تردا زاڵ دەبێت”، تەئكید لەسەر هەڵگرتنی زانیاری هاووڵاتیانیش لە (سێرڤەرەكان)ی ناوەوەی وڵات دەكاتەوە.

جاسم بەخاتی، ئەندامی لیژنەی خزمەتگوزارییەكان و ئاوەدانكردنەوە لە پەڕلەمانی عیراق لە لێدوانێكی ڕۆژنامەوانید ڕایگەیاندووە، “خراپی خزمەتگوزاری پەیوەندییەكان، جێگەی مشتومڕ و گفتوگۆ بووە لە نێو لیژنەی خزمەتگوزارییەكان لە پەڕلەمان، بەجۆرێك كۆمەڵێك هەڵە دەستنیشان كراون لە كەرتی پەیوەندییەكان، كە پەیوەندییان بە هەژموون و دەستگرتنی هەندێك لە كۆمپانیاكانەوە هەیە بەسەر پەیوەندییەكان لە عیراق”.

بەخاتی دەڵێت: “ئەو كۆمپانیایانە كارتی پڕكردنەوەی باڵانس بە بڕی 12.500 دینار دەفرۆشن، لەكاتێكدا بەكاربەر باڵانسی 10 هەزار دیناری دەست دەكەوێت، بەمجۆرەش بڕی 2500 دینار لە هاووڵاتی دەكێشرێتەوە و لەلایەن ئەو كۆمپانیایانەوە لەسەر حیسابی هاووڵاتی دەدرێتە دەوڵەت، بۆیە خواستی ئەوە لەئارادایە كۆمپانیایەكی نیشتمانی بخرێتەگەڕ”.

ئاشكراشی كردووە، بەپێی سیستمی كۆمپانیا نیشتمانیەكە ئەو زانیارییانەی لە هاووڵاتیانی وەردەگرێت لەنێو عیراقدا هەڵدەگیرێن، بە تایبەتیش (سێرڤەرەكان)ی كۆمپانیاكان، كە لە وڵاتانی تر هەڵگیراون، ئەمەش خۆی لەخۆیدا پێشێلكارییە بۆ عیراق.

ئەندامەكەی لیژنەی خزمەتگوزارییەكان و ئاوەدانكردنەوە ڕایگەیاندووە، “ئەو كۆمپانیایەی چاوەڕوان دەكرێت خزمەتگوزارییەكانی بخاتەگەڕ، خزمەتگوزارییەكانی لەئاستی خواستی هاووڵاتیدا دەبێت و نرخی قسەكردنەكانیش لە نرخی ئەو كۆمپانیایانەی ئێستا كاردەكەن، كەمتر دەبێت”.

لەئێستا لە تەواوی عیراق و هەرێمی كوردستان سێ‌ كۆمپانیای گەورە بۆ پەیوەندییەكان هەن، كە بریتین لە ئاسیاسێڵ و كۆڕەك تیلیكۆم و زێن، كە نرخی قسەكردن لە هەر یەكێك لەو كۆمپانیایانە جیاوازە.

ئابوری

دابەشكردنی مووچە دەستپێدەكات
پارەی مووچەی فەرمانبەران لە بەغداوە دەگاتە هەرێم

خەڵك- بەشی هەواڵ
بڕیارە ئەم هەفتەیە پارەی مووچە لە بەغداوە بگاتە هەرێمی كوردستان و دابەشكردنی مووچەی مانگی ئادار (3)ی فەرمانبەران دەستپێبكات.

سەرچاوەیەكی بەرپرس لە بەغدا بە (خەڵك)ی ڕاگەیاند، كە مستەفا كازمی، سەرۆك وەزیرانی عیراق لەسەر پێشنیار و داوای بەرهەم ساڵح، سەرۆك كۆماری عیراق بڕیاری داوە ئەم مانگە وەك نیاز پاكییەك بۆ ڕێككەوتن لەگەڵ هەرێم بڕێك پارە بۆ فەرمانبەرانی هەرێم بنێرێت.

سەرچاوەكە وتیشی، “پارەكە بڕی 250 ملیار دینارە و وەك بەشە بودجە نیە، بەڵكو لە دەرەوەی ڕێككەوتنی هەولێر و بەغدایە تاوەكو فەرمانبەرانی هەرێم لەوە زیاتر بێ‌ مووچە نەبن”.

بەپێی زانیارییەكانی (خەڵك) حكومەتی هەرێم چاوەڕێی گەیشتی ئەو پارەیەیە و دوای ئەوە دەست دەكات بە دابەشكردنی مووچەی مانگی ئادار، بەڵام تا ئێستا یەكلایی نەبۆتەوە بەبێ‌ لێبڕین دەبێت یان وەكو مانگی ڕابردوو بە لێبڕینەوە مووچە دەدرێت.

لە كۆبوونەوەی ڕۆژی چوار شەممەی ڕابردووی ئەنجوومەنی وەزیرانی هەرێم بۆ پێشنیاری لێبڕینی 21%ی مووچە وەزیرەكانی گۆڕان و بەشێكی وەزیرەكانی یەكێتی ناڕازی بوون و بەو هۆیەوە بڕیار درا لەسەرەتای ئەم هەفتەیەدا ئەو پرسە یەكلایی بكرێتەوە.

بەردەوام بە لە خوێندنەوە

ئابوری

داهاتی دەروازە سنووريیەكان بەهۆی بڕیارەكانی كازمییەوە زیادیان كرد

خەڵك- بەشی هەواڵ
دوای دەركردنی چەند بڕیارێك بۆ دەروازە سنوورییەكان و كۆنتڕۆڵ كردنیان لەلایەن سەرۆك وەزیرانی عیراقەوە، داهات بەشێوەیەكی بەرچاو زیادی كرد و دەستەی دەروازە سنوورییەكانیش ئاشكرای دەكات، كە داهاتی یەك ڕۆژی دوو دەروازە گەیشتۆتە سەرووی چوار ملیار دینار.

دەستەی‌ دەروازە سنوورییەكانی‌ عیراق لە ڕاگەیەنراوێكدا ئاماژە بۆ ئەوە دەكات، داهاتی‌ ڕۆژی‌ 13ی‌ ئەم مانگە لە بەندەری‌ ئوم قەسر لە پارێزگای‌ بەسرە 2 ملیار و 126 ملیۆن دینار بووە.

ڕاشیگەیاندووە، كە داهاتی دەروازەی سنووری تڕێبڵ لە پارێزگای ئەنبار تەنها لە ڕۆژی 14ی مانگ گەیشتۆتە 2 ملیار و 384 ملیۆن و 794 هەزار دیناری عیراقی.

ئاشكراشی كردووە، زیادبوونی ئەو داهاتە بەهۆی سەپاندنی باجی گومرگی لەسەر ئاڵوگۆڕی بازرگانیە بەپێی ڕێكارە یاساییەكان.

جەختیشی كردۆتەوە، كە زیادبوونی داهات بەهۆی بالادەستی و دەستكراوەیی دەستەی دەروازە سنوورییەكانە، كە هەڵدەستن بە ئەركی خۆیان بەشێوەی هونەری و سەربەخۆ بەپێی ڕێكارە یاساییەكان و بنەماكانی چاودێری و وردبینی.

ڕوونیشی كردۆتەوە، كە ئەو كارانە بەپێی ڕاسپاردەی سەرۆك وەزیران جێبەجێ‌ دەكەن لەپێناو بەهێزكردن و زیادكردنی سەرچاوەكانی داهاتی دەوڵەت.

بەردەوام بە لە خوێندنەوە

ئابوری

دژایەتی بۆ ناردنی مووچەی فەرمانبەران لە عیراقەوە دروست بوو

خەڵك- بەشی هەواڵ
دوابەدوای دەنگی ناردنی بڕێك پارە بۆ مووچەی فەرمانبەرانی هەرێم لەلایەن كازمییەوە، پەڕلەمانتارێكی عیراق دژایەتی خۆی بۆ ئەوە دەردەبڕێت و دەڵێت: “كوا پارەی نەوت و دەروازە سنوورییەكانی هەرێم؟”.

حسێن عقابی، ئەندامی پەڕلەەمانی عیراق لە تویتەر نووسیویەتی،”كاتێك ئێمە ڕەخنە لە هەرێمی كوردستان دەگرین بەدڵنیاییەوە مەبەستمان دەسەڵاتەكەیەتی نەك خەڵكەكەی”.

ڕاشیگەیاندووە، ئەگەر مووچەی فەرمانبەرانی هەرێم و ڕێژەكەی 23%ی فەرمانبەرانی عیراق بێت و لە داهاتی نەوتی باشووری عیراق و دەروازە سنوورییەكان بدرێت، ئەی داهاتی نەوت و دەروازە سنوورییەكانی هەرێم كوا؟ و چی لێ‌ دێت؟

ڕاشیگەیاندووە، ئەگەر مووچەی فەرمانبەرانی هەرێم بەو جۆرە بدرێت، ئەوە گەورەترین پڕۆسەی فێڵ و دزییە، كە عیراقی نوێ‌ بەخۆیەوە دەیبینێت.

بەپێی زانیارییە ڕۆژنامەوانییەكان، بڕیارە مستەفا كازمی، سەرۆك وەزیرانی عیراق وەك نیازپاكی بۆ ڕێككەوتن لەگەڵ هەرێم ئەم مانگە بڕی 250 تا 300 ملیار دینار بۆ مووچەی فەرمانبەرانی هەرێم بنێرێت.

بەردەوام بە لە خوێندنەوە

کوردستان