ئێمە لە تۆرە کۆمەڵایەتیەکان

جیهان

جۆنسۆن: دوو مانگی تر لە ئەوروپا جیا دەبینەوە

خەڵك – بەشی هەواڵ

سەرۆك وەزیرانی بەریتانیا پێداگریی لە چونەدەرەوەی وڵاتەكەی لە یەكێتی ئەوروپا دەكات و ڕایدەگەیەنێت، لەهەر دۆخێكدا بێت دوو مانگی تر لە یەكێتی ئەوروپا دەچینە دەرەوە.

بۆریس جۆنسۆن سەرۆك وەزیرانی بەریتانیا لە پەراوێزی كۆبوونەوەی حەوت وڵاتە پیشەسازییەكەی جیهان (جی7) ڕایگەیاند، لە (31)ی ئۆكتۆبەری ئەمساڵ لە یەكێتی ئەوروپا جیا دەبینەوە لە هەر دۆخێكدا بێت.

سەرۆك وەزیرانی بەریتانیا وتیشی، بۆ ئەو مەبەستە لەگەڵ دۆناڵد توسك، سەرۆكی یەكێتی ئەوروپا كۆبووەتەوە و پێیڕاگەیاندووە، وڵاتەكەی خوازیارە دانوستان لەگەڵ ئەوروپا بكات و لە چوارچێوەی ڕێككەوتنێكی هەمەلایەنەدا بەریتانیا لەو یەكێتییە جیا ببێتەوە.

جیهان

زانایانی ڕوسیا: نزیكبووینەتەوە لەوەی خانە شێرپەنجەییەكان بەبێ‌ نەشتەرگەری لەناوببەین

خەڵك – بەشی هەواڵ

زانایانی زانكۆیەكی ڕوسیا ڕایدەگەیەنن، نزیكبوونەتەوە لەوەی خانە شێرپەنجەییەكان بەبێ‌ نەشتەرگەری و لەڕێی ترپە موگناتیسییەكان لەناوببەن.

زانایانی زانكۆی سەمارا لە ڕوسیا ڕایانگەیاند، كاردەكەن بۆ دۆزینەوەی ڕێگەچارەیەك بۆ لەناوبردنی خانە شێرپەنجەییەكان بەبێ‌ ئەوەی نەشتەرگەری بۆ تووشبووەكە ئەنجام بدەن، ئەویش لە ڕێگەی بەكارهێنانی ترپە موگناتیسییەكانەوەیە.

زاناكانی ئەو زانكۆ ڕوسیاییە ئەوەشیان خستووەتەڕوو، ترپە موگناتیسییەكان هاوكار دەبێت بۆ دەستنیشانكردنی خانە شێرپەنجییەكان لە لەشدا و كردنە ئامانجی بەشێوەیەكی ورد و لەناوبردنی بێ ئەوەی خانە ساغەكانی نزیك خانەشێرپەنجەییەكان زیانیان پێبگات.

نووسینگەی ڕاگەیاندنی زانكۆی سەمارا ئەوەیخستووەتەڕوو، زاناكان داهێنانەكەیان لەسەر خانە شێرپەنجەییەكان و خانە ساغەكانی نزیكی تاقیكردووەتەوە و بەپێی ئەنجامە سەرەتاییەكان سەركەوتنیان بەدەستهێناوە،

لەوبارەیەوە پڕۆفیسۆر لاریسا ڤۆلۆڤا سەرۆكی بەشی تەكنەلۆژیای زیندەوەرزانی لە زانكۆی سەمارا ڕایگەیاندووە:” بەپێی زانیارییەكانیان پێشتر ترپەی موگناتیسی لەبواری پزیشكیدا بەمەبەستی چارەسەركردنی نەخۆش بەكارنەهاتووە و لێكۆڵینەوە لەسەر كاریگەرییەكانی نەكراوە”.

لایخۆیەوە، دكتۆرە ئێرینا بیلیاییڤا لە هەومان زانكۆ ڕایگەیاندووە:”تاقیكردنەوەكانیان لەسەر خانە شێرپەنجەییەكان لە ئەندامە جیاوازەكانی لەش ئەنجامداوە، ئەمەش وایكردووە دەرەنجامێكی دڵخۆشكەر بەدەستبهێنن و پێداگر و سوربن لە بەردەوامبوون لەسەر كارەكەیان”.

ك.ج

بەردەوام بە لە خوێندنەوە

جیهان

سوپای نیشتمانی لیبیا: سێیەم فڕۆكەی بێفڕۆكەوانی توركیامان خستەخوارەوە

خەڵك – بەشی هەواڵ

سوپای نیشتمانی لیبیا ڕایدەگەیەنێت، سێیەم فڕۆكەی بێفڕۆكەوانی توركیایان خستووەتەوە خوارەوە.

سوپای نیشتمانی لیبیا لە ڕاگەیەنراوێكدا ڕایگەیاند، لەماوەی كەمتر لە 24 كاتژمێردا هێزەكانیان توانیویانە سێیەم فڕۆكەی بێفڕۆكەوانی توركیا لە باشووری شاری تەر ابلوس بخەنە خوارەوە.

سوپای نیشتمانی لیبیا ڕوونیشیكردووەتەوە، فڕۆكە بێفڕۆكەوانەكە لە بنكەیەكى توركیا لە فڕۆكەخانەی معیتیقە هەستاوە و لە جۆری (بەیرەقدار) بووە، مەبەست لە هەستانەكەشی چاودێرێكردنی بنكەكانی هێزی سوپای نیشتمانی لیبیا بووە.

ك.ج

بەردەوام بە لە خوێندنەوە

جیهان

ڤیدیۆ.. تەنها لە فیلمەكانی هۆلیووددا ئەو دیمەنت بینیوە
زرێپۆشێكی سوریا و تانكێكی توركیا ڕووبەڕووی یەك دەبنەوە

خەڵك – بەشی هەواڵ

لە تۆڕی كۆمەڵایەتی یوتیوب، ڕووبەڕووبوونەوەیەكی هۆلیوودی لەنێوان زرێپۆشێكی سوپای ڕژێمی سوریا و تانكێكی چەكدارەكانی سەر بە توركیا لە ڕیفی ئیدلب بڵاوكراوەتەوە، كە تیایدا زرێپۆشەكە كە دروستكراوی وڵاتی ڕوسیایە هەڵدەكوتێتە سەر تانكەكەی چەكدارانی سەر بە توركیا و ڕێگە لەبەرەوپێشوونی دەگرێت و بەبێ‌ تەقە شكستی پێدەهێنێت.
ك.ج

 

بەردەوام بە لە خوێندنەوە

کوردستان