ئێمە لە تۆرە کۆمەڵایەتیەکان

کوردستان

داوا لە هێزە ئەمنییەكان دەكات دوو كەسی ناو ڤیدیۆكەبدۆزنەوە
ئەوقاف لە(خەڵك)ەوە هەڵوێستی لەسەر سوكایەتی كردن بە ناوی خودا ڕاگەیاند

خەڵك-بەشی هەواڵ

وتەبێژی وەزارەتی ئەوقاف و كاروباری ئایینی ڕایدەگەیەنێت، ئەو كەسانەی سوكایەتی بە ناوی پیرۆز خودا دەكەن كارێكی زۆر ترسنۆكانە و نامرۆڤانەیان ئەنجام داوە.

بەپێی تۆمارێكی ڤیدیۆیی، كە لە تۆڕە كۆمەڵایەتییەكان بڵاوكراوەتەوە، دوو گەنج وەك خۆیان ئاماژەی بۆ دەكەن لە ڕێگای هەولێر سوكایەتی بە ناوی پیرۆزی خودا دەكەن و ئاماژە بۆ ئەوە دەكەن، كە “ئەم ناوە لە ڕێگای چەند كوردێكی عەقڵ عەرەبەوە هێنراوەتە كوردستان” و مامۆستایەكی ئایینیش داوای خۆپیشاندان و دەكات و ئاماژە بۆ ئەوەش دەكات، پێویستە بەرپرسانی هەرێم لەئاست ئەو كردارە بێ دەنگ نەبن.

نەبەز ئیسماعیل، وتەبێژی وەزارەتی ئەوقاف و كاروباری ئایینی حكومەتی هەرێمی كوردستان بە (خەڵك)ی ڕاگەیاند، وەك وەزارەتی ئەوقاف بە توندی ئەوكارە ئیدانە دەكەین و ڕەتیدەكەینەوە، چونكە ئەو كردارە دەبێتەهۆی تێكدانی ئاشتی كۆمەڵایەتی لە هەرێم.

وتیشی، “داوا لە دەزگا ئەمنییەكان و هاووڵاتیان دەكەین هەر كەسێك زانیاری هەیە لەسەر كەسەكان و ئەو شوێنەی سوكایەتییەكەی تێدا ئەنجام دراوە وەزارەتی ئەوقاف یاخود دەزگا ئەمنییەكانی سنوورەكەی لێئاگادار بكەنەوە”.

ئاماژەی بۆ ئەوەشكرد، ئەم جۆرە كردارانە مەترسییەكی گەورەیە لەسەر ئاشتی پێكەوە ژیانی ئایینی و وەزارەتی ئەوقاف بە هەموو شێوەیەك دژی تێكدانی ئاشتی كۆمەڵایەتییە و خۆی بە پارێزەری ڕاستەقینەی پێكەوەژیانی كۆمەڵایەتی لە هەرێم دەزانێت.

ئاشكراشیكرد، ئەو كەسانەی ئەو كارە دەكەن، كارێكی زۆر ترسنۆكانە و نامرۆڤانەیە.

جیهان

هاوپەیمانی نێودەوڵەتی: بەردەوام دەبین لە هاوكاریكردنی شەڕڤانان

خەڵك – بەشی هەواڵ

وتەبێژی هاوپەیمانی نێودەوڵەتی دژی داعش لە باكووری سوریا ڕایدەگەیەنێت،”سەرقاڵی كۆكردنەوەی زانیارین لەسەر ئەو چەكدارانەی داعش و بەرەی نوسڕە كە دەوترێت لە ڕیزی هێزەكانی سەر بە توركیا لە دژی شەڕڤانانی (هەسەدە) دەجەنگن”.

مالیز كاگینز وتەبێژی هاوپەیمانی نێودەوڵەتی لە باكووری سوریا لە كۆنفڕانسێكی ڕۆژنامەوانیدا ڕایگەیاند، بەردەوام دەبن لە هاوكاریكردنی شەڕڤانانی (هەسەدە) بۆ بەرەنگاربوونەوە و لەناوبردنی یەكجارەكی چەكدارانی داعش.

كاگینز وتیشی، هێزەكانیان لە ناوچە سنوورییەكانەوە بەرەو حەسەكە و دێرەزور كشاندووەتەوە، چونكە ئەركی ئەوان پارێزگاری لە سنوورەكان نییە.

وتەبێژی هاوپەیمانی نێودەوڵەتی دژی داعش لە باكووری سوریا لە بارەی ئەو چەكدارانەی داعش و بەرەی نوسڕە كە دەوترێت ژمارەیان 400 كەسە و لە ڕیزی چەكدارانی سەر بە توركیا لە دژی (هەسەدە) دەجەنگن، وتی، سەرقاڵی كۆكردنەوەی زانیاری وردن لە بارەی ئەو كەسانە و لە ناسنامەیان دەكۆڵنەوە.

مالیز كاگینز جەختیشی كردەوە، هاوپەیمانی نێودەوڵەتی لەبیری ناكات كە (هەسەدە) لە بری جیهان و لە پێناو ئاشتیدا شەڕی كردووە و 11 هەزار شەڕڤانی لەو پێناوەدا ژیاینان بەخشیوە.

بەردەوام بە لە خوێندنەوە

جیهان

ئیلهام ئەحمەد: هێزەكانی ئەمریكا تا كاتێكی نادیار لە ڕۆژئاوای كوردستان دەمێننەوە

خەڵك – بەشی هەواڵ

سەرۆكی دەستەی جێبەجێكاری ئەنجومەنی سوریای دیموكرات (مەسەدە) ڕایدەگەیەنێت، هێزەكانی ئەمریكا تا كاتێكی نادیار لە ڕۆژئاوای كوردستان دەمێننەوە.

ئیلهام ئەحمەد سەرۆكی دەستەی جێبەجێكاری ئەنجومەنی سوریای دیموكرات (مەسەدە) لە لێدوانێكیدا بۆ ڕۆژنامەی شەرقلئەوسەت ڕایگەیاند، هێزەكانی سوریای دیموكرات (هەسەدە) بەفەڕمی لەلایەن واشنتۆنەوە پێیان ڕاگەیەنراوە كە هێزەكانی ئەمریكا لەباكوری ڕۆژهەڵاتی سوریا و لەنزیك سنوورەكانی عیراق دەمێننەوە بۆ پاراستنی بۆرییە نەوتییەكان و خشتەیەكیش بۆ مانەوەی ئەو هێزانە دانەنراوە.

ئیلهام ئەحمەد ئاماژەی بۆ ئەوەشكرد، ئەمریكا داواكارییەكانیانی گەیاندووەتە وڵاتانی ئەوروپا سەبارەت بە كۆتاییهێنان بە هەڕەشەكانی توركیا و سزادانی ئەنقەرە و وەستاندنی پێدانی چەك بە توركیا و سەپاندنی سزای ئابووری بەسەر ئەو وڵاتەدا، لەئێستاشدا بەپێویستی دەزانن ژمارەیەكی زیاتر هێزی نێودەوڵەتی بگەیەنرێنە سنوورەكانی سوریا بۆ ڕێگریكردن لەگەیشتنی داعش بەوڵاتانی ئەوروپا لەڕێی سنوورەكانی توركیاوە.

بەردەوام بە لە خوێندنەوە

کوردستان

وەزارەتی تەندروستی هەرێم: سێ‌ پڕۆژەی گرنگ جێبەجێ‌ دەكرێت

خەڵك – بەشی هەواڵ

وەزارەتی تەندروستی هەرێم ڕایدەگەیەنێت، سەرۆكی حكومەت بڕیاریداوە بە جێبەجێ‌ كردنی سێ‌ پڕۆژەی گرنگ.

وەزارەتی تەندروستی هەرێم لە ڕاگەیەنراوێكدا ئاشكرایكرد، بە ڕەزامەندی مەسرور بارزانی سەرۆكی حكومەتی هەرێمی كوردستان، بڕیاردرا بە جێبەجێكردنی سێ پڕۆژەی گرنگ بەبڕی 3,411,734,000 سێ ملیار و چوارسەد و یازدە ملیۆن و حەوت سەد و سی و چوار هەزار دینار بۆ هەردوو شارۆچكەی بەردەڕەش و دەربەندیخان و ڕێگای نەخۆشخانەی پێشمەرگە.

وەزارەتی تەندروستی هەرێم ڕوونیكردووەتەوە، پڕۆژەكەیان یەكێكیان بریتییە لەدروستكردنی نەخۆشخانەی فریاكەوتن لە شارۆچكەی بەردەڕەش بە بڕی 1,574,000,000 ملیارێك و پێنج سەد و حەفتا و چوار ملیۆن دینار، دووەمیشیان، نۆژەنكردنەوەی نەخۆشخانەی شەهید تۆفیق لە شارۆچكەی دەربەندیخان بە بڕی 507,734,000 پێنج سەد و حەوت ملیۆن و حەوت سەد و سی و چوار هەزار دینار.

لە ڕاگەیەنراوەكەی وەزارەتی تەندروستیدا ئاماژە بەوەدراوە، پڕۆژەی سێیەم كە سەرۆكی حكومەتی هەرێم ڕەزامەندی لەسەر جێبەجێكردنی داوە بریتییە لە نۆژەنكردنەوەی شەقامی سەرەكی نەخۆشخانەی گشتی پێشمەرگەیە لە هەولێر بە بڕی 1,330,000,000 ملیارێك سێ سەد و سی ملیۆن دینار.

بەردەوام بە لە خوێندنەوە

کوردستان