ئێمە لە تۆرە کۆمەڵایەتیەکان

ئابوری

“پێویستە گرنگیی بە كەرتی گەشتیاری بدرێت”

خەڵك – بەشی هەواڵ

داوادەكرێت ئەو پارانەی لە كەرتی گەشتیاریدا خەرج دەكرێت لە ناوخۆدا بمێنێتەوە و نەبرێتە دەرەوە و پەرە بە كەرتی گەشتوگوزاری ناوخۆش بدرێت.

یاسین مەحمود سەرۆكی لقی سلێمانی یەكێتی وەبەرهێنەرانی كوردستان بە (تۆڕی میدیایی خەڵك)ی ڕاگەیاند:”ساڵانە ژمارەیەكی زۆری هاووڵاتیانی كوردستان بە مەبەستی گەشتوگوزار ڕوو لە وڵاتان دەكەن بەتایبەت (ئێران و توركیا) و پارەیەكی زۆر لەو بوارەدا خەرج دەكەن، هۆكاری ئەمەش گرنگینەدانە بە كەرتی گەشتیاری لە ناوخۆدا، بۆیە پێویستە حكومەت پەلە بكات لە پێشخستنی ئەو كەرتەدا”.

سەرۆكی لقی سلێمانی یەكێتی وەبەرهێنەرانی كوردستان ئەوەشیخستەڕوو:”هۆكاری گەشتكردنی هاووڵاتییانی هەرێم بۆ وڵاتانی دەوروبەر ئەوەیە كە ئەو وڵاتانە هانی گەشتیاران دەدەن بۆ ئەوەی سەردانی ناوچەكانیان بكەن، چونكە لە هەرێم گرنگی بەو كەرتە نەدراوە، بۆ نمونە، دەبێت حكومەت كارێكی وابكات كە هاووڵاتیانی سلێمانی بۆ گەشتوگوزار سەردانی ناوچە گەشتیارییەكانی هەولێر و دهۆك و زاخۆ و ناوچەكانی تری هەرێم بكەن و بە پێچەوانەشەوە هاووڵاتیانی ئەو شارانە سەردانی ناوچە گەشتیارییەكانی سلێمانی بكەن، كە ئەم هەنگاوەش بە ڕێكخستن و گرنگیدان بە ناوچە گەشتیارییەكان جێبەجێ‌ دەكرێت”.

سەبارەت بە هاتنی گەشتیاری عەرەب لە شارەكانی ناوەڕاست و باشووری عیراق و چوونی هاووڵاتیانی كورد بۆ وڵاتانی دراوسێ‌ یاسین مەحمود ڕوونیكردەوە:”هاتنی ئەو گەشتیارانە بۆ ناوچە گەشتیارییەكانی هەرێم لە ڕووی ئابوورییەوە گرنگییەكی تایبەتی خۆی هەیە، بەڵام دەبێت پشت بە گەشتیاری ناوخۆی هەرێم ببەسترێت و كارێكی وا بكرێت پارەی هاووڵاتیانی هەرێم نەبرێتە دەرەوە و لە وڵاتانی دراوسێ‌ خەرج بكرێت”.

ئابوری

بەگوژمەى ١٦٠ ملیۆن دینار پڕۆژەیەک لەهەولێر ئەنجامدەدرێت

هەولێر-ئارام سەردار

 

جێگری پارێزگاری هەولێر ڕایدەگەیەنێت، پڕۆژە خزمەتگوزاریەکان بەردەوامە و بەگوژمەی ١٦٠ ملیۆن دینار چەند شەقامێکی شارەدێی دارەتوو قیرتاو دەکەن.

مەسعود کاڕەش، جێگری پارێزگاری هەولێر بۆ کاروباری هونەری لەکۆنفڕانسێکی ڕۆژنامەوانیدا ڕایگەیاند، پڕۆژکان بەردەوامە لەسەرجەم سێکتەرەکانی ئاو و کارەبا و ڕێگاوبان و ئاوەڕۆ، ئەمڕۆش یەکێک لەپڕۆژەکانمان لەدارەتوو بەسەرکردەوە، کە بەهۆی نەبوونی بوودجە پڕۆژەی جووت سایدی ناو شارەدێی دارتوو وەستابوو، ئاستەنگی زۆری دروست کردبوو بۆ هاوڵاتیان، بەخۆشحاڵیەوە توانیمان بە گوژمەیەکی کەم تەواوی جووت سایدەکە قیرتاو بکرێت و هاوڵاتی سوودی لێ ببینن، کە گوژمەکەی نزیکەی ١٦٠ ملیۆن دینار بوو، دوو شەقامی تریشی لەگەڵ قیرتاو دەکەن.

دەشڵێت، لەپڕۆژەکان بەردەوام دەبن بەپێی بوودجەی بەردەست تاوەکو هاوڵاتیان سوودمەند بن لە پڕۆژەی خزمەتگوزاری ئاو وکارەبا و ڕێگاو بان لەشار و شارۆچکەکان، کۆمەڵێک پڕۆژەش لە بەرنامەدان ئەو شوێنانە قیرتاو دەکرێن کە پێویستن بەر لەوەرزی زستان.

 

سەبارەت بە کێشەی شکانی بۆڕی ئاوی ئیفرازو گرانکردنی نرخی تانکەری ئاو وتی، ئومێدمان وایە جارێکی تر ئەو بۆڕیە نەشکێت، ئەمجارەش بەهۆی گواستنەوەی بۆڕیەکە لەژێر ڕێگای گۆپاڵ وای لێهات و شکا، ئەوەی ڕوویدا ڕەنگە جارێکی تر بەم کاتە زۆرە ڕوونەداتەوە، دەشبێت نرخ بۆ تانکەرەکان دیاری بکرێت.

بەردەوام بە لە خوێندنەوە

ئابوری

نرخی زێڕ و نەوت و دراوەکان

خەڵک – بەشی هەواڵ

 

نرخی زێڕ و نەوت و دراوەکان بۆ ئەمڕۆ دوو شەممە لەبازاڕەکانی هەرێمی کوردستان بەم جۆرەى خوارەوەیە، کە لەزێڕنگەری پێشین وەرگیراوە:

زێڕ:

Oz: 1950$
24K: 386,000
21K: 338,000
18K: 289,000
Lira 22K= 413$

نەوت:

BRENT: 42.6$
WTI: 40.75$

دراوەکان:

100$= 123,000
100€= 144,000
100£= 156,000
100$=756 لیرەی تورکی
100$= 2,590,000 تمەن (نەقدی)
100$= 2,720,000 تمەن (حەواڵە)

 

بەردەوام بە لە خوێندنەوە

ئابوری

لەپەرلەمانەوە کار بۆ دامەزراندنی مامۆستایانی وانەبێژ و سێ یەکەمەکان دەکرێت

خەڵک – بەشی هەواڵ

 

سەرچنار ئەحمەد ئەندامی پەرلەمانی کوردستان لەفڕاکسیۆنی یەکگرتووی ئیسلامی کوردستان بەمیدیای حزبەکەی ڕاگەیاند، داوای دانیشتنیکی تایبەتییان کردووە، کە تێیدا وەزیری پەروەردە و وەزیری خوێندنی باڵا بەشداری بکەن.

 

ئاماژەى بەئەوەشدا، ئامانج لەم کۆبوونەوەیە، دیاریکردنی چارەنووسی نزیکی ١٧ بۆ ٢٠ هەزار مامۆستای وانەبێژە، کە تاکو ئێستا دانەمەزراون و ئەرکیان هەیە بەڵام مافەکەیان کە دامەزراندنە دانەمەزراون.

 

ئەوەشی خستەڕوو، سێ یەکەمەکەی زانکۆ و پەیمانگاکان کە دەبوو تاکو ئێستا دابمەزرانایە، بەڵام تاکو ئێستا چارەسنویان دیارنییە و داوا لەوەزیری خوێندنی باڵا دەکەن، کە چارەنوسی ئەمانیش دیاریبکەن.

 

باسب لەئەوەشکرد، داوایان کردووە، ئەگەر حکومەتى هەرێم نیەتى چاکسازی هەیە، با موچەیەکی دووموچەکان و بندیوارەکان ببڕێت، لەبەرامبەردا ئەم کەسانە دابمەزرێنێت.

 

بەردەوام بە لە خوێندنەوە

کوردستان