ئێمە لە تۆرە کۆمەڵایەتیەکان

ناوخۆیی

یه‌كێتی تۆپی پێی كوردستان بڕیار و راسپارده‌ی نوێی ده‌ركرد

یەکێتی تۆپی پێی کوردستان

ئه‌مڕۆ شه‌ممه‌ 24/8/2019 به‌ ئاماده‌بوونی سه‌رۆك و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی هه‌فتانه‌ی خۆی ئه‌نجامدا و، بڕیار و راسپارده‌ی نوێی ده‌ركرد، كه‌ ئه‌مانه‌ی خواره‌وه‌ بوون:

1- په‌سند كردنی ئه‌نجامه‌كانی خولی نایابی فوتساڵی كچانی كوردستان بۆ وه‌رزی 2018/2019 به‌مشێوه‌یه‌ی خواره‌وه‌:

• یانه‌ی سیروانی نوێ ـ پله‌ی یه‌كه‌م.
• یانه‌ی چۆمان ـ پله‌ی دووه‌م.
• یانه‌ی ئه‌فرۆده‌یت ـ پله‌ی سێیه‌م.
• یانه‌ی زێره‌ڤانی ـ پله‌ی چواره‌م.

پیرۆزبایی له‌ هه‌ردوو یانه‌ی (سیروانی نوێ و چۆمان) ده‌كه‌ین به‌ بۆنه‌ی به‌ ده‌ستهێنانی پله‌كانی یه‌كه‌م و دووه‌م، هیوای به‌رده‌وامی و سه‌ركه‌وتن بۆ سه‌رجه‌م یانه‌ی به‌شداربووه‌كان ده‌خوازین، هیوادارین وه‌رزی نوێ پڕبێ له‌ یاری پاك و جوان و ئاستبه‌رزی زیاتر و پێشكه‌وتنی وه‌زرشی كچانی كوردستان، هه‌روه‌ها سوپاسی به‌شداربووان له‌ كارگێران و ستافی هونه‌ری یانه‌كان و یاریزانان و جه‌ماوه‌ری سه‌رجه‌م یانه‌كان ده‌كه‌ین.
سوپاس و پێزانین تایبه‌تمان بۆ ده‌زگه‌ راگه‌یاندنه‌كان و میدیاكارانی وه‌رزشی كوردستان هه‌یه‌، كه‌ رووماڵێكی فراوانی چالاكییه‌كه‌یان كرد، به‌ هیوای به‌رده‌وامی و كاری گه‌وره‌تر.

2- كۆبوونه‌وه‌ی هونه‌ری تیپه‌كانی لاوانی یانه‌ پله‌یه‌كه‌كانی كوردستان، به‌ ئاماده‌بوونی نوێنه‌ری یانه‌كانی (كۆیه‌، سیروانی شاره‌زوور و ئاڵا) ئه‌نجامدرا، كه‌ هه‌ر سێ یانه‌ گه‌یشتنه‌ قۆناغی كۆتایی خولی پله‌یه‌كی لاوانی كوردستان، بڕیاردرا یارییه‌كانی قۆناغی كۆتایی به‌م جۆره‌ ئه‌نجام بدرێت:

• سه‌رجه‌م یارییه‌كان له‌ یاریگه‌ یانه‌ی كۆیه‌ ئه‌نجام ده‌درێت.
• میوانداریی یانه‌كانی ئاڵا و سیروانی شاره‌زوور له‌ ئه‌ستۆی یانه‌ی كۆیه‌ ده‌بێت، وه‌ك نووستن و ژه‌مێك خواردن بۆ (25) كه‌س.
• یارییه‌كان به‌ شێوازی ده‌رچوون به‌ دوو دۆڕان ئه‌نجام ده‌درێت.
• رۆژی دووشه‌ممه‌ 26/8/2019 یارییه‌كان ده‌ست پێده‌كات.
• رۆژی دووشه‌ممه‌ 26/8/2019 هه‌ردوو یانه‌ی (كۆیه‌ و سیروانی شاره‌زوور)، له‌ كاتژمێر 4:00 ـی ئێواره‌ یاری ده‌كه‌ن و یانه‌ی ئاڵا چاوه‌ڕوان ده‌بێت.

3- له‌ یاری نێوان پێشمه‌رگه‌ی سلێمانی و ئارارات له‌ خولی نایابی تازه‌پێگه‌یشتووانی كوردستان، به‌ هۆی ره‌خنه‌گرتنی به‌رده‌وام و به‌كارهێنانی وته‌ی ناوه‌رزشی له‌ لایه‌ن پزیشكی یانه‌ی ئارارات (هیممه‌ت محه‌ممه‌دئه‌مین) و، دواتر ده‌ركردنی له‌ لایه‌ن ناوبژیوانی یارییه‌كه‌، بڕیاردرا به‌:

• راگرتنی ناوبراو بۆ یه‌ك یاری، كه‌ نابێت له‌ نێو یاریگه‌ له‌گه‌ڵ یانه‌ی ئاماده‌بێت.
• غه‌رامه‌كردنی ناوبراو به‌ بڕی 250000 دوو سه‌د و په‌نجا هه‌زار دینار.

ناوخۆیی

یه‌كێتى تۆپی پێی كوردستان بڕیاریدا سەرجەم یارییەکانی تازەپێگەیشتوان هەژمار نەکرێت !

یه‌كێتى تۆپی پێی كوردستان

ئه‌مڕۆ چوارشه‌ممه‌ 2019/9/18 به‌ ئاماده‌بوونى سه‌رۆك و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌یه‌كى نائاسایی ئه‌نجامدا و، ئه‌م بڕیار و راسپاردانه‌ى سه‌باره‌ت به‌ رووداوه‌كانى دوا گه‌ڕى خولى نایابى تازه‌پێگه‌یشتووانى تۆپی پێی كوردستان ده‌ركرد:

دواى لێكۆڵینه‌وه‌یه‌كى ورد له‌ لایه‌ن لێژنه‌یه‌ى پێكهێنراوى یه‌كێتییه‌كه‌مان، سه‌باره‌ت به‌ رووداوه‌كانى دوا گه‌ڕى خولى نایابى تازه‌پێگه‌یشتووانى كوردستان بۆ وه‌رزى 2018/2019، هه‌روه‌ها دانیشتن له‌گه‌ڵ نوێنه‌رانى هه‌ر چوار یانه‌ى (زاخۆ، پێشمه‌رگه‌ى سلێمانى، ئاشتى و جیهان) و، یاریزانانى تیپى تازه‌پێگه‌یشتووانى یانه‌ى جیهان و، سه‌رپه‌رشتیار و ده‌سته‌ى ناوبژیوانانى هه‌ردوو یارى نێوان (جیهان × پێشمه‌رگه‌ى سلێمانى) و (ئاشتى × زاخۆ)، له‌به‌ر چه‌سپاندنى دادپه‌روه‌رى و پارستنى گیانى وه‌رزشى و پیرۆزى تۆپی پێی كوردستان، هه‌روه‌ها له‌به‌ر ئه‌وه‌ى ئامانجى یه‌كێتییه‌كه‌مان له‌ كردنه‌وه‌ى خوله‌كانى تازه‌پێگه‌یشتووان و لاوانى یانه‌كانى كوردستان، ته‌نیا بۆ پێگه‌یاندنى یاریزانانه‌ نه‌ك ئه‌نجام، بڕیاردرا به‌:

1- هه‌ژمار نه‌كردنى ئه‌نجامى سه‌رجه‌م یارییه‌كانى خولى نایابى تازه‌پێگه‌یشتووانى تۆپی پێی كوردستان بۆ وه‌رزى 2018/2019.

2- دوورخستنه‌وه‌ى تیپه‌كانى یانه‌ى وه‌رزشى جیهان و سڕكردنیان له‌ سه‌رجه‌م چالاكییه‌كانى یه‌كێتى تۆپی پێی كوردستان بۆ ماوه‌ى دوو وه‌رز، 2019/2020 و 2020/2021، ئه‌مه‌یش به‌ هۆى بوونى به‌ڵگه‌ى پێویست و حاشاهه‌ڵنه‌گر له‌سه‌ر ئه‌نجامى یارى نێوان (جیهان و پێشمه‌رگه‌ى سلێمانى).

3- غەرامەکردنی یانەی جیهان بە بڕی 10000000 دە ملیۆن دینار.

4- لێكۆڵینه‌وه‌كان به‌رده‌وامى ده‌بێت و به‌ كراوه‌یی ده‌مێنێته‌وه‌، بۆ بنڕكردنى سه‌رجه‌م كاره‌ ناوه‌رزشییه‌كان و، سزادانى توندى هه‌موو ئه‌و كه‌سانه‌ى ده‌ستیان له‌م كاره‌ قێزه‌ونه‌ و له‌كه‌داركردنى تۆپی پێی كوردستان هه‌بووه‌.

بەردەوام بە لە خوێندنەوە

ناوخۆیی

له‌ كۆنگره‌یه‌كی رۆژنامه‌وانی یاریزانه‌ تازه‌كانی برایه‌تی ناسێنران

خه‌ڵك-ئارام سه‌ردار

ئێواره‌ی دووشه‌ممه‌ له‌نێو یاریگه‌ی یانه‌ی برایه‌تی كۆنگره‌یه‌كی رۆژنامه‌وانی بۆ (فاتح حمه‌خان) راهێنه‌ری تیپی تۆپی پێی یانه‌ی برایه‌تی له‌باره‌ی ئاماده‌كارییه‌كانی یانه‌ بۆ خولی نایابی كوردستان و ده‌ستپێكردنی مه‌شقه‌كان سازكرا و دواتریش یاریزانه‌ تازه‌كان به‌ ده‌زگا راگه‌یاندنه‌كان ناسێنران.
له‌ ده‌ستپێكدا كاپتن (فاتح حمه‌خان) له‌باره‌ی ئاماده‌كارییه‌كانی یانه‌ و پێكهاته‌ و گۆرانكارییه‌كان به‌به‌راورد به‌ پێكهاته‌ی ساڵی رابردووی تیپه‌كه‌ قسه‌ی بۆ رۆژنامه‌نووسان كرد و دواتریش راگه‌یاندكاران و رۆژنامه‌نووسانی ئاماده‌بووی كۆنگره‌كه‌ پرسیاره‌كانی خۆیان ئاراسته‌ی راهێنه‌ری برایه‌تی و كرد و دواتریش هه‌ریه‌كه‌ و وه‌ڵامی پرسیاره‌كانیان وه‌رگرته‌وه‌.


له‌كۆتایش یاریزانه‌ تازه‌كانی یانه‌ی برایه‌تی به‌ ده‌زگا راگه‌یاندنه‌كان ناسینران كه‌ بریتی بوون له‌ یاریزانان:

– (سه‌نگه‌ر عه‌بدولكه‌ریم):
– له‌دایكبووی ساڵی 1993 ـه‌ و له‌ هێڵی به‌رگری یاری ده‌كات و یاری بۆ یانه‌كانی (هه‌ندرێن و برایه‌تی خولی عێراقی و ئارارات) كردووه‌، پارساڵیش بۆ یانه‌ی ئارارات یاری ده‌كرد.
– (كاروان ڕه‌مه‌زان):
– له‌دایكبووی ساڵی 1991ـه‌ له‌هێڵی به‌رگری دواوه‌ (دڵی به‌رگری) یاری ده‌كات و یاری بۆ یانه‌كانی (ئاڵتون كۆپری و پێشمه‌رگه‌ی سلێمانی و ئاسۆ) كردووه‌و و پارساڵ له‌ ریزه‌كانی یانه‌ی ئاسۆ یاری ده‌كرد.
– (سه‌فین عه‌بدولخالق)
– له‌دایكبووی ساڵی 1996 ـه‌ و بۆ تیپه‌كانی تازه‌پێگه‌یشتووان و لاوان و پێشكه‌وتووانی ئارارات یاری كردووه‌و له‌ باڵه‌كان و هێرشبه‌ر یاری ده‌كات.
– (گۆران ناسیح):
له‌دایكبووی 1993 ـی له‌ هێڵی به‌رگری یاری ده‌كات، یاری بۆ یانه‌كانی (هه‌ندرێن، هه‌ولێر و ئاسۆ) كردووه‌و پارساڵیش له‌ ریزه‌كانی یانه‌ی ئاسۆ یاری ده‌كرد.
(ڕێبین ئیسماعیل):
له‌دایكبووی ساڵی 1992 ـه‌ له‌ هێڵی ناوه‌راست و هێرشبه‌ر یاری ده‌كات، یاری بۆ یانه‌كانی (بروسك، هه‌ندرێن و ئارارات) كردووه‌و پارساڵ له‌ ڕیزه‌كانی یانه‌ی هه‌ندرێن یاری ده‌كرد.

 

راگه‌یاندنی یانه‌ی برایه‌تی

بەردەوام بە لە خوێندنەوە

ناوخۆیی

یانه‌ی برایه‌تی گۆڕانكاریه‌كانی ڕیزی یانه‌كه‌ی ڕاگه‌یاند

خه‌ڵك-ئارام سه‌ردار

تیپی تۆپی پێی یانه‌ی برایه‌تی هه‌ولێر گۆڕانكاریه‌كانی له‌ڕیزی یانه‌كه‌ی خۆی ڕاگه‌یاند و خۆی ئاماده‌كردووه‌ بۆ وه‌رزی نوێی خولی نایابی كوردستان.

ئومێد ئیبراهیم, به‌ڕێوه‌به‌ری ڕاگه‌یاندنه‌ی یانه‌ی برایه‌تی هه‌ولێر له‌ كۆنفڕانسێكی رٍۆژنامه‌وانیدا ڕایگه‌یاند، له‌چوارچێوه‌ی ئاماده‌كاریه‌كانیان بۆ وه‌رزی نوێی خولی نایابی كوردستان، یانه‌كه‌یان كۆمه‌ڵاێك گۆڕانكاری ئه‌نجامداوه‌ و خۆی بۆ ئه‌م وه‌رزه‌ ئاماده‌كردووه‌.

ده‌شڵێت، یاریده‌ده‌ری ڕاهێنه‌ر و ڕاهێنه‌ری گۆڵپارێزان له‌گه‌ڵ 11 یاریزانی پێشوو كه‌ پارساڵ له‌ڕیزی یانه‌كه‌یان بوون، گرێبه‌ستیان نوێ نه‌كردۆته‌وه‌ چوونه‌ته‌ رٍیزی یانه‌كانی تر، بۆیه‌ بۆ پڕكردنه‌وه‌ی شوێنی ئه‌مانه‌، یانه‌كه‌یان 10 یاریزانی له‌تیپی لاوانی یانه‌ی برایه‌تی بۆ تیپی پێشكه‌وتووان سه‌رخستووه‌ و گرێبه‌ستیشی له‌گه‌ڵ 5 یاریزان كردووه‌.

ڕاشیگه‌یاند، ڕاهێنه‌ری یانه‌كه‌ جارێكی تر له‌لایه‌ن ده‌سته‌ی كارگێری یانه‌كه‌ متمانه‌ی پێ به‌خشرایه‌وه‌، یاریده‌ده‌ری ڕاهێنه‌ر و ڕاهێنه‌ری گۆڵپارێزان دیاری كران.

بەردەوام بە لە خوێندنەوە

کوردستان