ئێمە لە تۆرە کۆمەڵایەتیەکان

ڕاپۆرت و شیکاری

به‌هۆی پێنج خاڵه‌وه‌ پێویسته‌ له‌وه‌رزی نوێدا به‌ گرنگیه‌وه‌ له‌ خولی ئیتاڵیا بڕوانین !

خه‌ڵک سپۆرت

خولی ئیتاڵیای وه‌رزی نوێ جیاواز له‌ وه‌رزه‌کانی تر ده‌رده‌که‌وێت و به‌هۆی پێنج خاڵی گرنگه‌وه‌ هانده‌ران په‌رۆشن بۆ ده‌ستپێکی یه‌که‌مین ڕووبه‌ڕوبونه‌وه‌کان.

ئه‌مڕۆ یه‌که‌مین ڕووبه‌ڕوبونه‌وه‌کانی خولی ئیتاڵیا به‌ یاریی نێوان پارما و یوڤانتۆسی پاڵه‌وان ده‌ست پێده‌کات، به‌ر له‌وه‌ی هه‌نگاو ڕووه‌و ململانێکان بنێین پێویسته‌ ئه‌و ڕاستیه‌ بزانین که‌ خوله‌که‌ له‌م وه‌رزه‌دا جیاواز ده‌بێت، به‌ڵکو چاوه‌ڕوانی چه‌ندین گۆڕانکاری و پێشهات ده‌کرێت، گرنگترینیان ئه‌مانه‌ن:

  • ئه‌نتۆنیۆ کۆنتی ده‌توانێت؟ له‌م وه‌رزه‌دا ئه‌نتۆنیۆ کۆنتی ڕاهێنه‌ری ناودار ئه‌رکی ڕاهێنانی یانه‌ی ئینته‌رمیلانی گرتۆته‌ ئه‌ستۆ، پاش سێ سه‌رۆکایه‌تی جیاواز و ١٣ ڕاهێنه‌ر یانه‌ ئیتاڵیه‌که‌ ده‌یانه‌وێت بگه‌نه‌وه‌ لوتکه‌ و باڵاده‌ستی یوڤانتۆس کۆتایی پێبهێنن، زۆرینه‌ی هانده‌ران پێیان وایه‌ ئه‌م ڕاهێنه‌ره‌ کارێکی گه‌وره‌ ده‌کات وماره‌ شینه‌که‌ی میلانۆ ده‌گه‌یه‌نێته‌وه‌ لوتکه‌.

  • میلان ئه‌مجاره‌ سه‌رکه‌وتوو ده‌بێت؟ پاش دابینکردنی چه‌ندین ڕاهێنه‌ر و چه‌ندین یاریزان، به‌ڵام هه‌میشه‌ یانه‌ی ئه‌ی سی میلان له‌ قۆناغی دووه‌می وه‌رزه‌وه‌ شکستی ده‌هێنا،له‌م وه‌رزه‌دا مارکۆ جیامپاولۆ بووه‌ به‌ ڕاهێنه‌ری یانه‌ و به‌هاوکاری ماڵدینی هاوه‌ڵانی چه‌ندین بۆندی گرنگ و ستراتیجیان ئه‌نجامداوه‌، لۆمپاردیه‌کان پێیان وایه‌ ئه‌م وه‌رزه‌ جیاوازه‌ و ده‌توانن نازناوه‌کان بچننه‌وه‌.
  • ئاتالانتا چی پێده‌کرێت؟ له‌وکاته‌وه‌ جان پیێرۆ گاسپرینی بووه‌ به‌ڕاهێنه‌ری یانه‌ی ئاتالانتا یانه‌که‌ ئاستێکی ناوازه‌ی پێشکه‌ش کردووه‌ و گه‌یشتنی به‌ ململانێکانی چامپیۆنز لیگ مسۆگه‌ر کردووه‌، له‌م وه‌رزه‌دا له‌ خولی یانه‌ پاڵه‌وانه‌کان و خولی ئیتاڵیا و جامی وڵاته‌که‌ به‌شداره‌ و فشارێکی قورسی له‌سه‌رده‌بێت، ئایا ده‌توانێت وه‌ک وه‌رزه‌کانی تر سه‌رکه‌وتوو بێت؟
  • کێشه‌ی ڕه‌گه‌زپه‌رستی و گه‌ڕانه‌وه‌ی بالۆتێللی: ڕه‌گه‌زپه‌رستی له‌ خولی ئیتاڵیا به‌رده‌وام بونی هه‌بووه‌ و به‌رپرسی کۆمه‌ڵه‌ی (کیک ئات ئۆت)ی دژه‌ڕه‌گه‌زپه‌رستی جه‌خت ده‌کاته‌وه‌، له‌م وه‌رزه‌دا دیارده‌که‌ که‌متر ده‌بێته‌وه‌، به‌ڵام بونی ده‌بێت، له‌گه‌ڵ گه‌ڕانه‌وه‌ی بالۆتێللی بۆ خوله‌که‌ و پۆشینی درێسی بریشیا ڕه‌نگه‌ ئه‌نجامی کۆتایی ده‌ربکه‌وێت.
  • سه‌رده‌می نوێی فیورنتینا: یانه‌ ناوداره‌که‌ له‌لایه‌ن ڕۆکی کۆمیسۆی سه‌رمایه‌داری ئه‌مریکیه‌وه‌ کڕدراوه‌ و چیتر خێزانی دیلا ڤالی په‌یوه‌ندیان به‌ یانه‌که‌وه‌ نه‌ماوه‌، سه‌رۆکایه‌تی نوێ دووباره‌ ڤینچینزۆ مۆنتێلایان وه‌ک ڕاهێنه‌ر ده‌ستنیشان کردووه‌ و پڕۆژه‌یه‌کی نوێشیان ده‌ستپێکردووه‌، ئایا ئه‌مجاره‌ سه‌رکه‌وتوو ده‌بن؟

ڕاپۆرت و شیکاری

پێنج بۆندی ئیمزاکراوی میریکاتۆی هاوینه‌، ڕه‌نگه‌ دواتر یانه‌ی فرۆشیاره‌کان لێی په‌شیمان ببنه‌وه‌ !

خه‌ڵک سپۆرت

واده‌ی گواستنه‌وه‌کانی هاوینه‌ به‌فه‌رمی کۆتاییان هات و چه‌ندین بۆندی گه‌وره‌ و کاریگه‌ر ئیمزاکران، هه‌ندێکیان به‌هه‌ڵه‌ی یانه‌ فرۆشیاره‌کان وه‌سفکران و شاره‌زایان پێیان وایه‌ دواتر لێی په‌شێمان ده‌بنه‌وه‌.

به‌پێی ڕاپۆرتێکی ڕۆژنامه‌وانی “٣٦٠ سپۆرت ئارابیا”، له‌ گواستنه‌وه‌کانی هاوینه‌ی ٢٠١٩دا چه‌ندین بۆندی گه‌وره‌ و کاریگه‌ر ئیمزاکراون، به‌ڵام یانه‌ فرۆشیاره‌کان هه‌ڵه‌ بوون و له‌ داهاتوودا کێشی هه‌ڵه‌ی خۆیان بۆ ده‌رده‌که‌وێت و لێی په‌شیمان ده‌بنه‌وه‌، ئه‌و بۆندانه‌ش بریتین له‌:

  • نه‌بیل فه‌کیر (لیۆن بۆ ڕیاڵ بیتیس): به‌بڕی ١٩ ملیۆن له‌ فه‌ره‌نساوه‌ به‌ره‌و خولی ئیسپانیا جموجۆڵی پێکرا، له‌کاتێکدا وه‌رزی ڕابردوو له‌لایه‌ن یانه‌ی لیڤه‌رپوڵه‌وه‌ به‌بڕی ٦٠ ملیۆن یورۆ داواکراو بوو، له‌م وه‌رزه‌دا چاوه‌ڕوانی ئاستێکی به‌رزی لێده‌کرێت.
  • دانی سیبالۆس (ڕیاڵ مه‌درید – ئارسیناڵ): له‌ مه‌دریده‌وه‌ به‌شێوه‌ی خواستن ڕوویکرده‌ ئارسیناڵ، هۆکاره‌که‌ش ئه‌وه‌بوو که‌ ناوبراو په‌یوه‌ندی له‌گه‌ڵ زینه‌دین زێدانی فه‌ره‌نسی ڕاهێنه‌ری یانه‌ی ڕیاڵ باش نییه‌، چاوه‌ڕوان ده‌کرێت له‌گه‌ڵ سیستمی تاکتیکی ئونای ئیمیری ئاستێکی ناوازه‌ پێشکه‌ش بکات.
  • کیلۆر ناڤاس (ڕیاڵ مه‌درید – پاریس سانت جێرمان): به‌بڕی ١٥ ملیۆن یورۆ له‌ مه‌دریده‌وه‌ ڕوویکرده‌ یانه‌ زه‌به‌لاحه‌که‌ی شاری پاریس، به‌درێژایی وه‌رزه‌کانی ڕابردوو هۆکاری سه‌ره‌کی بووه‌ له‌ چنینه‌وه‌ی نازناوه‌کانی مێره‌نگی، ڕۆیشتنی ڕووه‌ و پاریس واتای پشتبه‌ستن به‌ تیبۆ کۆرتوای به‌لجیکی و له‌م ڕووه‌شه‌وه‌ زۆرینه‌ی هانده‌رانی یانه‌که‌ پێیان وایه‌ ڕیاڵ مه‌درید په‌شیمان ده‌بێته‌وه‌.
  • ماتس هومێڵس (بایرن میونشن – دۆرتمۆند): گواستنه‌وه‌ی هومێڵس به‌بڕی ٣٠ ملیۆن یورۆ له‌ بایرنه‌وه‌ بۆ دۆرتمۆند خه‌وشی پێوه‌ نییه‌، چونکه‌ یاریزانه‌که‌ ته‌مه‌نی هه‌ڵکشاوه‌ و چیتر بایرنی باڤاری پێویستی به‌تواناکانی نه‌ماوه‌، به‌ڵام ئه‌وه‌ی به‌نسبه‌ت شاره‌زایانه‌وه‌ هه‌ڵه‌ی گه‌وره‌یه‌ ئاڕاسته‌ی فرۆشتنه‌که‌یه‌‌ له‌ بایرنه‌وه‌ بۆ دۆرتمۆندی ڕکابه‌ری ڕاسته‌وخۆ بۆ نازناوی خولی ئه‌ڵمانیا.
  • کیران تریپێ (تۆتنهام بۆ ئه‌تله‌تیکۆ مه‌درید): به‌بڕی ٢٢ ملیۆن یورۆ له‌ شاری له‌نده‌نه‌وه‌ ڕوویکرده‌ ڕیزه‌کانی ڕۆخی بلانکۆس، گواستنه‌وه‌که‌ به‌نسبه‌ت شاره‌زایانی بواری تۆپی پێی به‌ریتانیاوه‌ جێی تێڕامانه‌، به‌وپێیه‌ی تۆتنهام له‌هه‌مان پێگه‌دا شوێنگره‌وه‌یه‌کی یه‌کلاکه‌ره‌وه‌ و ئه‌زمونداری نییه‌، له‌کاتێکدا تریپێ یه‌کێکبووه‌ له‌ ئه‌ستێره‌ دانه‌بڕاوه‌کان له‌پێکهاته‌ی پۆچتینۆ له‌ڕابردوودا.
بەردەوام بە لە خوێندنەوە

ڕاپۆرت و شیکاری

(ڤار) کاریگه‌ری له‌سه‌ر خولی ئیسپانیا هه‌بووه‌؟ که‌ی به‌کاردێت و بۆ چ حاڵه‌تێک؟

خه‌ڵک سپۆرت

سیستمی (ڤار) له‌لایه‌ن یه‌کێتی تۆپی پێی جیهان و ئه‌وروپاوه‌ ماوه‌ی وه‌رزێکه‌ به‌سه‌رکه‌وتویی به‌کارخراوه‌ و زۆرینه‌ی خوله‌ ناوخۆییه‌کانی ئه‌وروپا به‌هه‌مان شێوه‌ سودمه‌ند بوون لێی به‌تایبه‌ت خولی ئیسپانیا.

چۆن کارده‌کات؟

سیستمی ڤار بریتیه‌ له‌ چه‌سپاندنی چه‌ندین کامێرای تایبه‌ت له‌نێو یاریگا و له‌ته‌واوی پێگه‌کانی یاریگاوه‌ تا وێنه‌یه‌کی گونجاوی ڕووداوه‌کان بگه‌یه‌نێته‌ ناوبژیوانان، سه‌ره‌تا گرته‌کان له‌لایه‌ن ده‌رهێنه‌رانه‌وه‌ ئاڕاسته‌ی ژووری کۆنترۆڵی ناوبژیوانان (ڤۆر) ده‌کرێت که‌ به‌لایه‌نی که‌مه‌وه‌ له‌ سێ ناوبژیوان پێکهاتوون، ئه‌و سێ ناوبژیوانه‌ لێکدانه‌وه‌ی خێرا بۆ ڕووداوه‌کان ده‌که‌ن و ناوبژیوانی سه‌ره‌کی ئاگادارده‌که‌نه‌وه‌ له‌هه‌ر بڕیارێک، یان حاڵه‌تێکی نه‌خوازراو.

که‌ی به‌کاردێت؟

به‌پێی ڕێساکانی لالیگا، له‌حاڵه‌ته‌کانی تۆماری گۆڵ، په‌ناڵتی، ڕووداو و ڕه‌فتاری ناوه‌رزشی، ناسینه‌وه‌ی یاریزانان (ئه‌وانه‌ی کاردی زه‌ردیان وه‌رگرتووه‌) به‌کاردێت.

ئایا سه‌رکه‌وتوو بووه‌؟

به‌درێژایی وه‌رزی ٢٠١٨/٢٠١٩ سیستمه‌ ئه‌لیکترۆنیه‌که‌ ١٢١ خوێندنه‌وه‌ی بۆ رووداوه‌کان له‌ ٣٨٠ یارییدا کردووه‌، به‌هۆیه‌وه‌ (٦٠ گۆڵ، ٤٩ په‌ناڵتی، نۆ کاردی سور، سێجار به‌هه‌ڵه‌ به‌رزکردنه‌وه‌ی کاردی زه‌رد) له‌پێگه‌ و کاتی خۆیاندا ڕاستکردنه‌وه‌یان بۆکراوه‌ له‌ڕووی بڕیار و هه‌ژمارکردنه‌وه‌، واتا ڕێژه‌ی سه‌رکه‌وتنی ناوبژیوانانی له‌ سه‌دا (٩١.٥)وه‌ بۆ (٩٦.٩) به‌رزکردۆته‌وه‌، هه‌روه‌ها به‌ڕێژه‌ی له‌سه‌دا (١٧.٣) ڕه‌خنه‌ی یاریزانانی له‌ناوبژیوانان که‌م کردووه‌، چونکه‌ یاریزانان ده‌زانن که‌ سیستمه‌که‌ لێکدانه‌وه‌ ده‌کات و ناوبژیوانان جێبه‌جێکارن.

بەردەوام بە لە خوێندنەوە

ڕاپۆرت و شیکاری

گرنگترین ئەو (٥٠) بۆندەی لە گواستنەوەکانی هاوینەی ٢٠١٩ ئیمزا کران

خەڵک سپۆرت

گواستنەوەکانی هاوینەی ٢٠١٩ بەفەرمی لە خولەکانی ئیتاڵیا و ئەڵمانیا و فەرەنسا و ئیسپانیا ئەمشەو کۆتاییان دێت و تا ئەم ساتە یانەکان چەندین بۆندی هەژێنەریان ئیمزا کردووە.

بەپێی داتا بەدەستهاتووەکان، یانەی ڕیاڵ مەدرید لوتکەی ڕیزبەندی ئەو یانانەی گرتووە کە زۆرترین پارەیان لە گواستنەوەکانی هاوینەی ٢٠١٩دا بەکارخستووە بە خەرجکردنی بڕی (٣٠٣ ملیۆن یورۆ)، هەروەها یانەی بەرشلۆنە دەکەوێتە پلەی دووەمەوە (٢٥٥ ملیۆن)، لە پلەی سێیەمیشدا یانەی ئەتلەتیکۆ مەدرید دێت بە (٢٤٣ ملیۆن)وەوە، یانەی یوڤانتۆس لە پلەی چوارەمدایە (١٨٨ ملیۆن)، هەروەها یانەی مانچستەر سیتی کە لەساڵانی ڕابردوودا پێشەنگ بووە لەم هاوینەدا پلەی پێنجەمی گرتووە بە بەکارخستنی بڕی (١٦٨ ملیۆن)ەوە.

میریکاتۆی هاوینەی ٢٠١٩ تەنها سێ بۆندی گەورەی بە زیاتر لە بڕی ١٠٠ ملیۆن یورۆ تیادا ئیمزاکراوە، ئەوانیش بۆندەکانی جواو فیلێکس و ئەنتوان گریزمان و ئیدین هازارد بوون.

ئەمانەش گرنگترین ئەو بۆندانەن کە لە گواستنەوەکانی هاوینەدا ئیمزاکران:

جواو فیلێکس (بەنفیکا – ئەتلەتیکۆ مەدرید): ١٢٦ ملیۆن یورۆ

ئەنتوان گریزمان (ئەتلەتیکۆ – بەرشلۆنە): ١٢٠ ملیۆن

ئیدین هازارد (چێڵسی – ڕیاڵ مەدرید): ١٠٠ ملیۆن

فیلیپی کۆتینیۆ (بەرشلۆنە – بایرن میونشن): خواستن بەبڕی ٨.٥ ملیۆن

هاری ماگوایەر (لیستەر سیتی – مانچستەر یونایتد): ٨٧ ملیۆن

ماتیاس دی لیخت (ئەیاکس – یوڤانتۆس): ٨٥ ملیۆن

فرینکی دی یۆنگ (ئەیاکس – بەرشلۆنە): ٧٥ ملیۆن

لوکاس هێرناندێز ( ئەتلەتیکۆ – بایرن میونشن): ٨٠ ملیۆن

ڕۆدری (ئەتلەتیکۆ – مانچستەر سیتی): ٧٠ ملیۆن

نیکۆلاس پیپی ( لیل – ئارسیناڵ): ٨٠ ملیۆن

ڕۆمێلۆ لوکاکۆ (مان یونایتد – ئینتەرمیلان): ٦٥ ملیۆن

تانگلی ندۆمبێلی (لیۆن – تۆتنهام): ٦٠ ملیۆن

جواو کانسێلۆ (یوڤانتۆس – مان سیتی): دانێلۆ + ٣٥ ملیۆن

لوکا یوڤیچ (ئینتراخت فرانکفۆرت – ڕیاڵ مەدرید): ٦٠ ملیۆن

نەبیل فەقیر (لیۆن – ڕیاڵ بیتیس): ١٩ ملیۆن

ئارۆن وان بیساکا (کریستاڵ پاڵاس – مانچستەر یونایتد): ٥٥ ملیۆن

جیۆڤانی لو سیلسیۆ (پاریس بە خواستن بۆ ڕیاڵ بیتیس و خواستن بۆ تۆتنهام): ٢٢ ملیۆن

جولیان براندت (بایەرلیڤەرکوزن – دۆرتمۆند): ٢٥ ملیۆن

فێرلاند مێندی ( لیۆن – ڕیاڵ مەدرید): ٤٨ ملیۆن

ڕۆدریگۆ ( سانتۆس – ڕیاڵ مەدرید): ٤٥ ملیۆن

کۆستاس مانۆلاس (ڕۆما – ناپۆلی): ٣٦ ملیۆن

ماتیۆ کۆڤاسیچ (ڕیاڵ مەدرید – چێڵسی): ٤٥ ملیۆن

ئیدێر میلیتاو (پۆرتۆ – ڕیاڵ مەدرید): ٥٠ ملیۆن

یوری تیلیمانس (مۆناکۆ – لیستەر سیتی): ٤٥ ملیۆن

گویلانتۆن (هۆفنهایم – نیوکاسڵ): ٤٤ ملیۆن

ئارۆن ڕامسی (ئارسیناڵ – یوڤانتۆس): گواستنەوەی بێبەرامبەر

پابلۆ سارابیا (سڤیلیە – پاریس سانت جێرمان): ١٨ ملیۆن

ماکسی گۆمێز (سێلتا ڤیگۆ – ڤالێنسیا): ١٥ ملیۆن

ماڵکۆم (بەرشلۆنە – زینیت): ٤٠ ملیۆن

سباستیان هالەر (ئینتراخت فرانکفۆرت – وێستهام): ٤٠ ملیۆن

مۆیس کین (یوڤانتۆس – ئێڤەرتۆن): ٢٧ ملیۆن

وسام بن یەدر (سڤیلیە – مۆناکۆ): ٤٠ ملیۆن

هێرڤینگ لۆزانۆ (ئایندهۆڤن – ناپۆلی): ٣٨ ملیۆن

ڕائول خیمینێز (بەنفیکا – وڵڤەرهامبتۆن): ٣٨ ملیۆن

تۆرگان هازارد (مونشنگلادباخ – دۆرتمۆند): ٢٥ ملیۆن

بنجامین پاڤارد (شتوتگارت – بایرن میونشن): ٣٥ ملیۆن

ماتس هومێڵس (بایرن میونشن – دۆرتمۆند): ٣٠ ملیۆن

ئەدریان ڕابیۆ (پاریس سانت جێرمان – یوڤانتۆس): بێبەرامبەر

کیریان تریپێر (تۆتنهام – ئەتلەتیکۆ مەدرید): ٢٢ ملیۆن

ئەلێکسیز سانچێز (مان یونایتد – ئینتەرمیلان): خواستن

ئەلێکس ئایوبی (ئارسیناڵ – ئێڤەرتۆن): ٣٠ ملیۆن

مارکۆس لۆرێنتی (ڕیاڵ مەدرید – ئەتلەتیکۆ): ٣٠ ملیۆن

ستیفان شەعراوی (ڕۆما – شەنگهای شینهوا): ١٦ ملیۆن

دانی سیبالۆس (ڕیاڵ مەدرید – ئارسیناڵ): خواستن

ئیڤان پێریسیچ (ئینتەرمیلان – بایرن میونشن): خواستن و بڕی ٥ ملیۆن

ئەندرێ گۆمێز (بەرشلۆنە – ئێڤەرتۆن): ٢٥ ملیۆن

ڕادگا ناینگۆلان (ئینتەرمیلان – کالیەری): خواستن

ئەندێر هێرێرا (مان یونایتد – پاریس سانت جێرمان): خواستن

تاکیفۆسا کوبۆ (ڕیاڵ مەدرید – مایۆرکا): خواستن

داڤید لویز (چێڵسی – ئارسیناڵ): ٩ ملیۆن

تیۆ هێرناندێز (ڕیاڵ مەدرید – میلان): ٢٠ ملیۆن

ماریۆ بالۆتێللی (مارسیلیا – بریشیا): بێبەرامبەر

بەردەوام بە لە خوێندنەوە

کوردستان