ئێمە لە تۆرە کۆمەڵایەتیەکان

کوردستان

داوا لە هەرێم دەكرێت، بایكۆتی گەشتكردن و بازرگانی و دیبلۆماسییەتی توركیا بكات

خەڵك-بەشی هەواڵ

بەرپرسی ئەكادیمیای سیاسەت و هزری دیموكراسی ڕایدەگەیەنێت، كاتێكی گونجاوە دەسەڵاتی باشوری كوردستان، شانبەشانی گەلی باكور و ڕۆژئاوای كوردستان دژی سیاسەتە شۆڤینییەكانی توركیا بوەسەتێتەوە.

فایق گوڵپی بەرپرسی ئەكادیمیای سیاسەت و هزری دیموكراسی لە نوسینیێكدا ئاماژە بۆ ئەوە دەكات، حكومەتی توركیا دژی ماف و ئازادییەكانی گەلی كورد وەستاوەتەوە لە باكوری كوردستان.

وتیشی”لە ناوخۆی توركیا لەسەر سیاسەتی سەركوتكردن و پێشێلكردنی مافەكانی مرۆڤ بەردەوامە، بە شێوازێكی نایاسایی دژایەتی گوڵەنیەكان و هەدەپە و جەهەپە دەكات، بە هۆی سیاسەتە هەڵەكانی ئەردۆغانەوە، بەهای لیرەی توركی دادەبەزێت”.

ڕوونیشیدەكاتەوە، لەسەر ڕۆژئاوای كوردستان و ڕادەستكردنەوەی فەتحوڵلا گوڵەن لەگەڵ ئەمریكا ناكۆكی هەیە، لەسەر كڕینی ساروخی S400لە ڕوسیا لەگەل پەیمانی ناتۆ و یەكێتی ئەوروپا ناكۆكی هەیە، لەسەر شەڕی ئیدلب لەگەڵ ڕوسیا و سوریا ناكۆكی هەیە و هەوڵی داگیركردنی زیاتری قوبرس و لیبیا و سوریاش دەدات.

گوڵپی دەشنوسێت”حكومەتی ئاكپارتی دەستكەوتەكانی باشوری كوردستان بە فەڕمی ناناسێت و دان بەو بڕگانەی دەستوری عیراقدا نانێت كە تایبەتە بە مافەكانی گەلی كورد و هەرێمی كوردستانی فیدڕاڵ”.

ئاماژە بۆ ئەوەش دەكات، دەوڵەتی توركیا دوژمنی سەرسەختی گەلی كوردە، ئەو دوژمنە هیچ كاتێك وەك ئێستا دوژمنی بۆ خۆی دروستنەكردووە و دۆستی بۆ كورد دروستنەكردووە، كاتێكی گونجاوە گەل و دەسەڵاتی باشوری كوردستانیش، شانبەشانی گەلی باكور و ڕۆژئاوای كوردستان، شانبەشانی هێزە ئۆپۆزسیۆنەكانی توركیا، شانبەشانی ئەمریكا و ئەوروپا و ڕوسیا و سوریا و قوبرس و سوپای لیبیا و وڵاتانی تری ناوچەكە، لەمكاتەدا دژی سیاسەتە شۆڤینی و فروانخوازییەكانی توركیا بوەسەتینەوە.

داواش دەكات، پشتیوانی تێكۆشانی گەلی باكوری كوردستان بكەین، بایكۆتی گەشتوگوزاری و بازرگانی و دیبلۆماسییەتی توركیا بكەین، بۆ ئەوەی توركیا لە خەونی شۆڤینی و فراوانخوازی خۆی بەخەبەربێتەوە.

کوردستان

ئاژانسی فەرمی سوریا: هەسەدە لە سەرێكانی كشایەوە

خەڵك- بەشی هەواڵ
میدیای فەرمی حكومەتی سوریا ڕایدەگەیەنێت، كەهێزەكانی هەسەدە لە سەرێ‌ كانی كشانەوە و شارەكە لەلایەن سوپای داگیركەری توركیا و چەكدارە هاوپەیمانەكانیەوە داگیر كرا.

هەردوو ئاژانسی (سانا)ی فەرمی و كەناڵی (اڵاخباریە) ڕایانگەیاند، كە هێزەكانی سوریای دیموكرات لە سەرێكانی بەتەواوی كشانەوە و سوپای توركیا و چەكدارە هاوپەیمانەكانی شارەكەیان داگیر كرد.

ئاماژە بەوەشكراوە، كە هێزەكانی هەسەدە بەرەو پارێزگای حەسەكە كشاونەتەوە.

بەڵام تا ئێستا لەلایەن فەرماندەیی هەسەدەوە هیچ ڕوونكردنەوەیەك بڵاونەكراوەتەوە.

لای خۆشیەوە ئاژانسی (هاوار) بڵاویكردەوە، كە كاروانێكی زۆری هاووڵاتیانی مەدەنی لە سەرێكانی-یەوە گەیشتونەتە حەسەكە و هاوكات بریندارانی سەرێكانی لەڕێگەی مانگی سووری كوردیەوە ڕزگار كران و گەیەنرانە نەخۆشخانەی قامیشلۆ.

پێشتریش مەزڵوم عەبدی، فەرماندەی هێزەكانی سوریای دیموكرات ڕایگەیاند، كە سوپای سوریا ئاستەنگ بۆ كشانەوەی هەسەدە دروست دەكەن و وتیشی، “ئەگەر توركیا پابەندی ئاگربەست نەبێت ئەوا وەك پیلانگێڕی تەماشای ڕێككەوتنەكە دەكەین”.

لە چەند ڕۆژی ڕابردوودا توركیا و ئەمریكا ڕێككەوتن لەسەر ئاگربەست لەباكووری سوریا و كشانەوەی هێزەكانی هەسەدە لەو ناوچانە لەماوەی 120 ڕۆژدا، بەڵام سوپای توركیا و چەكدارە توندڕەوە هاوپەیمانەكانی پابەند نەبوون و چەندین ناوچەیان بۆردومان كرد و بەهۆیەوە ژمارەیەك هاووڵاتی مەدەنی و شەڕڤان شەهید و بریندار بوون.

بەردەوام بە لە خوێندنەوە

کوردستان

بەشێكی دیكەی خوێندكاران ناویان لە زانكۆ و پەیمانگاكان گەڕایەوە

خەڵك-بەشی هەواڵ

وەزیری خوێندنی باڵا و توێژینەوەی زانستی ڕایدەگەیەنێت، لەئەنجامی پێداچوونەوە بەسكاڵای خوێندكاران هەزار و 579 خوێندكاری دیكە لە زانكۆ و پەیمانگەكان وەرگیران بەمەش ڕێژەی وەرگرتنی خوێندنی بەخۆڕایی زیادی كرد.

ئەو ڕاگەیاندنەی د.ئارام محەمەد قادر، وەزیری خوێندنی باڵا و توێژینەوەی زانستی لەمیانی بەسەركردنەوەی زانكۆی گەرمیان هات، كە ئەمڕۆ 20ی تشرینی یەكەمی 2019، بەیاوەری ڕاوێژكار و بەڕێوەبەرانی گشتی وەزارەت، سەردانی زانكۆی گەرمیانی كردو، لەلایەن د. سیروان حەسەن، سەرۆكی زانكۆ و یاریدەدەران و مامۆستایان و فەرمانبەرانی زانكۆ و خوێندكاران پێشوازی لێكرا.

وەزیری خوێندنی باڵا سەردانی گەرمیانی كرد و لەگەڵ خوێندكاران و مامۆستایانی زانكۆی گەرمیان كۆبووەوە و ڕاگەیاند، بەخۆشحاڵیەوە دەمانەوێت لێرەوە ئەوە ڕابگەیەنین، كە لە ئەنجامی پێداچوونەوە بەسكاڵای خوێندكاران، هەزار و 579 دەرچووی پۆلی 12ی دیكە لە زانكۆ و پەیمانگەكان وەربگرین، بەمەش وەرگرتنی ڕێژەی وەرگرتنی خوێندكاران بەخۆڕایی بەرزدەبێتەوە.

وتیشی، “لە ئێستاوە ئەو دەرچووانەی سكاڵایان تۆماركردبوو دەتوانن بەهەمان سیستمی ئەلیكترۆنی و لەڕێگەی وێبسایتی (regayzanko.com) بچنە نێو سیستمەكە و بەهەمان وشەی تێپەڕ و نهێنی ئەنجامی وەرگرتنیان لە زانكۆ و پەیمانگەكان وەربگرنەوە.

لای خۆشییەوە، وەزارەتی خوێندنی باڵا و توێژینەوەی زانستی داوا لەو خوێندكارانە دەكات، كە ناوەكانیان لە ئەنجامی سكاڵا تۆماركردن گەڕاوەتەوە لە نزیكترین دەرفەتدا پەیوەندی بە كۆلێژ و بەشەكانیان بكەن و مامەڵەی دەستبەكاربوون ئەنجامبدەن.

بەردەوام بە لە خوێندنەوە

کوردستان

هەسەدە: 16 شەڕڤان شەهید بوون
هێرشی توركیا بۆ سەر سەرێكانی دەستی پێكردۆتەوە

خەڵك- بەشی هەواڵ
هێزەكانی سوریای دیموكرات (هەسەدە) ئاشكرای دەكات، كە سەرەڕای ئاگربەست، دەوڵەتی داگیركەری تورك بەردەوام بە فڕۆكەی جەنگی و چەكی قورس شاری سەرێكانی دەكاتە ئامانج، لە ئەنجامدا ١٦ شەڕڤان شەهید بوون و سێی دیكەش بریندار بوون.

ناوەندی ڕاگەیاندنی هێزەكانی سوریای دیموكرات (هەسەدە) لە ڕاگەیەنراوێكدا ئاماژەی بەوەكردووە، “سەرەڕای ئەوەی ئاگربەست ڕاگەیەندراوە و هێزەكانمان بەگوێرەی ئاگربەستەكە دەجوڵێنەوە، بەڵام سوپای داگیركەری دەوڵەتی تورك و گروپە چەتەكانی گرێدراوی بەردەوامن لە هێرشەكانیان، گوندەكانی سەرێكانی بۆردوومان دەكەن و لە دەورووبەرەوە ژمارەیەكی زۆر هێز و ئامادەكاری سەربازییان هێناوەتە ناوچەی ئاگربەست”.

دەشڵێت: “لە دەورووبەری گوندی حەبەش و شكریە، گرووپە تیرۆریستەكان هەوڵیاندا هێرش بكەنە سەر خاڵەكانی هێزەكانمان، لە شوێنەكانی دیكەش بە چەكی قورس خاڵی هێزەكانمانیان تۆپباران كرد و هەوڵیاندا بە زرێپۆشەوە پێشڕەوی بكەن، هێزەكانی ئێمەش لە چوارچێوەی پاراستنی ڕەوادا وەڵامی هێرشەكانیان دایەوە و لەو خاڵانەدا شەڕ ڕوویدا و هەوڵدانی پێشڕەوی چەتەكانیان تێكشكاند و پاشەكشێیان پێكردن، دوای شكانی ئەو هەوڵانە سوپای داگیركەری تورك بە چەكی قورس ئەو شوێنانەی تۆپباران كرد”.

ڕاشیگەیاندووە، سەرەڕای ئەوەی هێزەكانمان پابەندی ئاگربەست بوون، بەڵام دەوڵەتی داگیركەری تورك لە دەورووبەری گوندەكانی تل خنزیر و ئەلۆك بڵاوەی بە هێزەكانی كردووە، هەروەها ژمارەیەكی زۆر لە چەتەكانی لەو خاڵانە بە ئامانجی هێرشكردن، بڵاوە پێكردووە.

جەختیشی كردۆتەوە، لە ئەنجامی هێرشە دڕندانەكانی سوپای داگیركەری تورك، ١٦ شەڕڤانمان شەهید بوون و سێی دیكەش بریندار بوون.

بەردەوام بە لە خوێندنەوە

کوردستان