ئێمە لە تۆرە کۆمەڵایەتیەکان

عێراق

بەڤیدیۆ..ئەو ژنەی لەلایەن ئەفسەرەكەوە لێیدرا، چاوەكانی نابینن

خەڵك-بەشی هەواڵ

لە تۆمارێكی ڤیدیۆییدا، ئەو ژنەی لەلایەن ئەفسەرە ئێرانییەكەوە لێیدرا لە ئێستادا چاوەكانی نابینن.

كەناڵی “العربیە” بڵاویكردەوە، لە تۆمارێكی ڤیدیۆییدا كە لە تۆڕە كۆمەڵایەتییەكان بڵاوكراوەتەوە، ئەو ژنە عیراقییەی لە فڕۆكەخانەی مەشهەد لەلایەن ئەفسەرێكی ئێرانییەوە لێیدرا لە ئێستادا چاوەكانی نابینن.

ئەو ژنە عیراقییە ئاماژە بۆ ئەوە دەكات، ئەفسەرەكە بە دەزگایەكی بێ سیم لێیدام و لە ئێستادا چاوەكانم نابینن.
وتیشی”ئەم جۆرە ڕەفتار و هەڵسوكەوتانە لەگەڵ زۆربەی هاووڵاتییە عیراقییەكان ئەنجام دەدرێت”.

پێشتر ئەحمەد سەحاف وتەبێژی وەزارەتی دەرەوەی عیراق، لە بەیاننامەیەكدا ڕایگەیاند، عیراق بەوپەڕی مرۆڤایەتی و ڕێزەوە مامەڵە لەگەڵ هەموو ئەوانەدا دەكات كە لە وڵاتانی جیهانەوە سەردانی دەكەن، بۆیە داوا لە هەمووان دەكات مامەڵەیەكی هاوشێوە لەگەڵ ئەو عیراقیانەدا بكەن كە لە وڵاتەكانیاندان.

ریکلام

عێراق

بۆچی مەڵبەندی یەكێتی تائێستا نەگەڕاوەتەوە بۆ موسڵ؟

خەڵك- بەشی هەواڵ

نزیكەی سێ‌ ساڵ بەسەر كۆنترۆڵكردنەوەی تەواوی موسڵدا تێپەڕ دەبێت، هێشتا مەڵبەندی حەوتی یەكێتی لە دەرەوەی موسڵە و ئیش و كارەكانی نەگەڕاندووەتەوە بۆ سەنتەری شارەكە.

غەیاس سورچی، بەرپرسی ڕاگەیاندنی مەڵبەندی یەكێتی لە شاری موسڵ بە (خەڵك)ی ڕاگەیاند، یەكێتی لە دەوروبەری موسڵ كۆمیتەی هەیە و لە شەنگالیش مەڵبەندی هەیە، بەڵام مەڵبەندی موسڵ لە شێخانە و نەبراوەتەوە بۆ ناو شاری موسڵ.

وتیشی”بڕیاربوو بگەڕێنەوە بۆ ناو شاری موسڵ، بەڵام كۆنگرەی بەسەرداهات و ئێستا بڕیارەكە لای برادەرانی ئەنجومەنی گشتییە، بەڵام لە كۆتاییدا هەر دەبێت بگەڕێنەوە بۆ موسڵ”.

هەر لە قسەكانیدا ناوبراو ڕونیكردەوە، لە ڕۆژئاوای دیجلە، حەمدانییە و بەرتەڵە و تەواوی ئەو ناوچانەی بەدەست حەشدی شەعبییەوەن كۆمیتەیان هەیە.

بەردەوام بە لە خوێندنەوە

عێراق

زانیاری نوێ‌ لەسەر هێرشەكەی ئێران بۆ سەر ئەمریكا ئاشكراكرا

خەڵك- بەشی هەواڵ

ناوەندی سەركردایەتی هێزەكانی ئەمریكا كە بنكەی سەرەكی لە ئەڵمانیایە ڕایگەیاند، لە هێرشەكەی 8ی مانگدا 11 سەربازی ئەمریكا لە بنكەی سەربازی عەین ئەلئەسەد برینداربوون.

ماڵپەڕی”سی.ئێن.ئێن” بڵاوی كردەوە، بریندارەكان براون بۆ نەخۆشخانەیەكی سەربازی و چارەسەری پێویستیان وەرگرتووە.

هەروەها باس لەوەشكراوە، هیچ سەربازێك گیانی لەدەستنەداوە، بەڵام زیانی ماددی زۆری لێكەوتووەتەوە.

ڕۆژی 3ی ئەم مانگە، فڕۆكەیەكی بێفڕۆكەوانی ئەمریكا لە بەغدا قاسم سولەیمانی كوشت و پێنج ڕۆژ دواتریش ئێران بە 22 موشەك دوو بنكەی سەربازی ئەمریكای لە عیراقدا كردەئامانج.

بەردەوام بە لە خوێندنەوە

عێراق

حزبوڵڵای عیراق: ئەگەر لەگەڵ تڕەمپ كۆببێتەوە، بەرهەم ساڵح لە بەغدا دەردەكەین

خەڵك-بەشی هەواڵ

میلیشیای كەتائیبی حزبوڵڵای عیراق، هەڕەشە لە سەرۆك كۆماری عیراق دەكات، ئەگەر لەگەڵ سەرۆكی ئەمەریكا كۆببێتەوە.

بڕیارە لە پەراوێزی كۆڕبەندی داڤۆس، بەرهەم ساڵح سەرۆك كۆماری عیراق لەگەڵ دۆناڵد تڕەمپ سەرۆك كۆماری ئەمەریكا كۆببێتەوە، ئەمەش لەكاتێكدایە كە پەڕلەمانی عیراق بڕیاری دەركدنی هێزەكانی ئەمریكای لە عیراق پەسەند كردووە، بەپێی زانیارییەكانیش تڕەمپ لەگەڵ نێچیرڤان بارزانی سەرۆكی هەرێمی كوردستانیش كۆدەبێتەوە.

ئەبو عەلی عەسكەری بەرپرسی ئەمنی میلیشیای كەتائیبی حزبوڵڵای عیراق، لە تویتێكدا ئاماژە بۆ ئەوە دەكات، ئەگەر بەرهەم ساڵح لەگەڵ دۆناڵد تڕەمپ كۆببێتەوە هەڵوێستمان دەبێت.

وتیشی”جەخت لە كۆنەبوونەوەی بەرهەم ساڵح لەگەڵ تڕەمپ دەكەینەوە، بەپێچەوانەوە هەڵوێستمان دەبێت، كە ئیرادەی گەلی عیراق و ئەو خوێنە پاكەی ڕژاوە پشتگوێ بخات، ئەگەر وابكات لە بەغدا دەریدەكەین”.

ئەمەش دوای ئەوە دێت كە فڕۆكەكانی ئەمریكا هێرشیان كردەسەر بارەگاكانی حزبوڵڵا و چەندین كەسیان لێكوشتن و دواتریش هەریەك لە قاسم سولەیمانی فەرماندەی سوپای قودسی ئێران و ئەبو مەهدی موهەندیس جێگری فەرماندەی حەشدی شەعبی بە فڕۆكەی بێ فڕۆكەوانی ئەمریكا كوژران.

س.ع

بەردەوام بە لە خوێندنەوە

کوردستان