ئێمە لە تۆرە کۆمەڵایەتیەکان

جیهان

زەریف بۆ ماكرۆن: ئاسایشی كەشتیەكان لە كەنداو پارێزراوە

خەڵك- بەشی هەواڵ
وەزیری دەرەوەی ئێران كۆبوونەوەكەی لەگەڵ سەرۆكی فەڕەنسا بە “بەرهەمدار و باش” وەسف دەكات و ڕایدەگەیەنێت، كە ئاسایشی كەشتیەكان لە كەنداو و گەروی هورمز پارێزراوە.

محەمەد جەواد زەریف، وەزیری دەرەوەی ئێران ئەمڕۆ لە پاریس-ی پایتەختی فەڕەنسا لەگەڵ ئیمانوێل ماكرۆن، سەرۆكی ئەو وڵاتە كۆبووەوە و ڕایگەیاند، كە گفتوگۆكانمان لەگەڵ سەرۆك “بەرهەمدار و باش” بووە و گفتوگۆمان دەربارەی جێبەجێ‌ كردنی ڕێككەوتننامەی ئەتۆمی و هەنگاوەكانی كردووە.

ڕاشیگەیاند، ئێمە لەگەڵ بەردەوام بوونین لەسەر گفتوگۆكان لەپێناو جێبەجێ‌ كردنی ڕێككەوتننامەكە.

ئاماژەی بەوەشكرد، لەگەڵ ماكرۆن گفتوگۆمان كرد سەبارەت بە ئازادی ڕێگای كەشتیەوانی نێودەوڵەتی و دەبێت كەشتیەوانی بۆ هەمووان ئاسایشی بپارێزرێت و ئێرانیش پارێزگاری بەهێزی كەشتیەوانی نێودەوڵەتی دەكات لە ئاوەكانی كەنداو و گەروی هورمز و كەنداوی عومان.

پێشتر وەزارەتی دەرەوەی ئێران ڕایگەیاندبوو، كە زەریف لە فەڕەنسا چاوی دەكەوێت بە هاوتا فەڕەنسیەكەی جان ئیف لۆدریان و گفتوگۆ لەسەر پابەندبوونەكانی ئەوروپا لەچوارچێوەی ڕێككەوتنەكە دەكەن.

جیهان

ئۆغلۆ: ئاگربەست لە سووریادا ئاسان نییە

خەڵك –بەشی هەواڵ

وەزیری دەرەوەی توركیا ڕایگەیاند ئاگربەست لە سووریادا لە ئیدلب كارێكی ئاسان نییە و لەگەڵ ڕوسیاش لەبارەی ئیدلبەوە بۆچوونەكانیان یەك نین.

مەولود چاوش ئۆغلۆ وەزیری دەرەوەی توركیا لە گوتارێكدا لە كۆڕبەندی داڤۆس ڕایگەیاند، بە ملیۆنان سووریایی ئاوارەی توركیا بوون و 400 هەزاری دیكە ڕوویان لە توركیا كردووە.

دەشڵێت “سووریا هەموو هێڵە سوورەكانی بەزاندووە، توندوتیژییەكانی سووریا لە ئیدلب ڕەتدەكەینەوە”.

ئاماژەی بەوەشكرد پەكەكە پێشێلكاری زۆری كردووە.

لەبارەی لیبیاشەوە ڕایگەیاند، هێزەكانیان بۆ مەشق و ڕاهێنانەكان بە هێزەكانی ئەو وڵاتە چوونە ئەوێ.

بەردەوام بە لە خوێندنەوە

جیهان

ترەمپ لە سەندنەوەی متمانە ڕزگاری بوو

خەڵك –بەشی هەواڵ

ئەنجومەنی پیرانی ئەمریكا داواكاری ئەنجومەنی نوێنەرانی وڵاتەكەی بۆ سەندنەوەی متمانە لە دۆناڵد ترەمپ سەرۆكی ئەمریكا ڕەتكردەوە.

شەوی ڕابردوو بە زۆرینەی دەنگ ئەندامانی ئەنجومەنی پیرانی ئەمریكا داواكاری سەندنەوەی متمانەیان ڕەتكردەوە و ترەمپیان بێتاوان ناساند لەو دۆسێیانەی لەسەر كرابوونەوە.

لە دەنگدانی پیراندا 53 كەس لە بەرژەوەندی ترەمپ دەنگیان دا و 47ی دیكەش لە دژی ترەمپ دەنگیاندا، بۆیە ترەمپ لە دۆسیەكانی ڕزگاری بوو كە لەسەر كرابوونەوە لەلایەن دیموكراتەكانەوە لە ئەنجومەنی نوێنەران.

پێشتریش ترەمپ چەند جارێك تۆمەتەكانی ڕەتكردەوە كە ئاڕاستەی كرابوون و بەهۆیانەوە هەوڵی سەندنەوەی متمانەی لێ دەدرا.

پشتیوانیكردنی ترەمپ لەلایەن ڕوسیاوە لە هەڵبژاردنەكاندا، فشاركردن لە سەر ئۆكرانیا و خراپ بەكارهێنانی دەسەڵات ئەو دۆسێیانە بوون كە لەسەری كرابوونەوە.

بەردەوام بە لە خوێندنەوە

جیهان

فەرماندەیەكی سوپای پاسداران كوژرا

خەڵك –بەشی هەواڵ

ئەمڕۆ عەبدولحوسێن موجدەمی فەرماندەی سوپای پاسداران لە شاری دارخوێن لە پارێزگای خوزستان كوژرا.

بەپێی سەرچاوە ڕۆژنامەوانییەكان ناوبراو لە نێو ماڵەكەی خۆیدا دەستڕێژی گولەی لێكراوە و كوژراوە.

تاكو ئێستا هۆكاری كوژرانەكەی ئاشكرا نەكراوە، بەڵام سەرچاوەكان دەڵێن ئەو فەرماندەی سوپای پاسداران رۆڵی لە سەركوتكردنی خۆپیشاندەراندا هەبووە.

ئەم هەواڵە بە فەڕمی لەلایەن سوپای پاسدارانەوە پشتڕاست نەكراوەتەوە و هیچ لێدوانێكیان لەبارەوە نەداوە.

بەردەوام بە لە خوێندنەوە

کوردستان