ئێمە لە تۆرە کۆمەڵایەتیەکان

جیهان

ئیتاڵیا لەبڕیارێكی خۆی سەبارەت بە كۆچبەران پاشگەزدەبێتەوە

خەڵك- بەشی هەواڵ
حكومەتی ئیتاڵیا لە بڕیارەكەی بۆ قەدەغەكردنی لەنگەرگرتنی كەشتی كۆچبەران لە كەناراوەكانی وڵاتەكەی پاشگەزدەبێتەوە و بڕیاریدا كەشتی بەهاناوەچوونی كۆچبەران بۆی هەبێت لەنگەر بگرێت.

دەزگای لوتكە بۆ كاروباری ئاوارە و پەنابەران لە هەواڵێكدا ئاماژەی بەوەكردووە، هەرچەندە وڵاتی ئیتاڵیا بریاریدابوو، كە هیچ كەشتییەكی هەڵگری كۆچبەر بۆی نییە لە كەنارە ئاوەییەكانی سنوری وڵاتەكەی لەنگەربگرێت، بەڵام دوای چەند كۆبوونەوەیەكی لەگەڵ وڵاتانی ئەڵمانیا و فەرەنسا لەسەر دۆزینەوەی ڕێگا چارەیەكی گونجاو بۆ مەسەلەی كۆچبەران، داواكاری گشتی ئیتاڵیا فەرمانیداوە، كە ڕێگە بە كەشتی بە هاناوەچونی پەنابەران “ئۆپن ئارم”ی هەڵگری كۆچبەر بدا لە سنورە ئاوییەكانی لەنگەر بگرێت.

ئاماژەی بەوەشكردووە، لەو كەشتییەدا ئەو (80) كۆچبەرەی تێدا بوو، كە لەئیسپانیا گیریانخواردبوو دواجار ئیتاڵیا ڕێگەیدا لە كەناراوەكانی لامپیدواسادا لەنگە ربگرێت و لەكەشتییەكە دابەزن.

داواكاری گشتی ئیتاڵیا جەختی كردۆتەوە، ئەم بڕیارەیان بەهۆی خراپی و سەختی ئەو بارودۆخەی پەنابەرانی سەر كەشتیەكەوە بووە.

جیهان

سوپای پاسداران: دەستپێكردنی شەڕ لەگەڵ ئەمریكا نزیكە

خەڵك –بەشی هەواڵ

سوپای پاسدارانی ئێران ڕایگەیاند بنكە لەشكرییەكانی ئەمریكا لە سنووری مەودای مووشەكەكانی ئێراندان.

ئەمیر حاجی زادە فەرماندەی هێزە ئاسمانییەكانی سوپای پاسدارانی ئێران لە لێدوانێكدا ڕایگەیاند، بەرپابوونی شەڕ لە دژی ئەمریكا نزیكە و بنكە لەشكرییەكانی ئەمریكا لە مەودای مووشەكەكانیاندان.

ڕاشیگەیاند، بنكە لەشكرییكان و فڕۆكە هەڵگرەكانی ئەمریكا لە دووری دوو هەزار كیلۆمیتر دەكەونە سنوور و مەودای مووشەكەكانی ئێرانەوە.

بەردەوام بە لە خوێندنەوە

جیهان

عەرەبستان بەرهەمهێنانی نەوتی ڕاگرت

خەڵك –بەشی هەواڵ

وەزیری وزەی سعوودیە، ڕایگەیاند كە بە هۆی ئەو هێرشەی دوێنێ لە رێگای فڕۆكەی بێفڕۆكەوانەوە كرایە سەر دوو كارگەی نەوتی سەربە كۆمپانیای نەوتی سعوودیە (ئارامكۆ) بە شێوەیەكی كاتی بەرهەمهێنانی نەوت لەو دوو پاڵاوگەیە رادەگرن.

شازادە عەبدولعەزیز بن سەلمان بە ئاژانسی فەرمی هەواڵیی سعوودیەی راگەیاندووە كە بە هۆی ئەو هێرشەی لە رێگای فڕۆكەی بێفڕۆكەوانەوە كرایە سەر كارگەكانی بقێق و هەجرەت خرێس سەر بە كۆمپانیای نەوتی سعوودیە (ئارامكۆ) بە شێوەیەكی كاتی بەرهەمهێنانی نەوت لەو دوو كارگەیە رادەگرن. ئەو بۆشایی بەرهەمهێنانەش لە رێگای نەوتی عەمباركراوەوە پڕدەكەنەوە.

وەزیری وزەی سعوودیە ئاماژەی بەوە داوە كە بەپێی زانیارییە بەراییەكان ئەو تەقینەوانەی لە ئاكامی هێرشەكەوە روویانداوە بووەتە هۆی وەستاندنی دەرهێنانی پێنج ملیۆن و ٧٠٠ هەزار بەرمیل نەوتی خاو (نزیكەی لەسەدا ٥٠ی بەرهەمهێنانی نەوتی رۆژانەی كۆمپانیاكە).
سەرچاوە/AA

بەردەوام بە لە خوێندنەوە

جیهان

حوسییەكان بەرپرسیارێتی هێرشەكەی سەر ئارامكۆیان لە ئەستۆ گرت

خەڵك –بەشی هەواڵ

حوسییەكان بەرپرسیارێتی ئەو هێرشانەیان گرتە ئەستۆ كە ڕۆژی شەممە بە فڕۆكەی بێفڕۆكەوان ئەنجامدراوە. ئەو هێرشانە بوون بەهۆی ئاگركەوتنەوە لە دوو دامەزراوەی نەوت كە سەر بە كۆمپانیای ئارامكۆی سعودییەن. لە ماوەی پێنج مانگی ڕابوردوودا ئەمە سێهەمین هێرشە بۆ سەر ئەو دامەزراوانەی كە سەر بەو كۆمپانیایەن.

دەمودەست حوسییەكان بەرپرسیارێتی خۆیان لەهەردوو هێرشەكەی پێشوتر ڕاگەیاندبوو كە لە مانگی ئایار و ئابدا ئەنجامیاندا بوو بۆ سەر دامەزراوەكانی ئارامكۆی لە سعودییە، سعودییە كە سەرۆكایەتی ئەو هاوپەیمانییە لەشكرییە دەكات و هەر لەساڵی 2015 ەوە هێرشی ئاسمانی لەیەمەن ئەنجام دەدات دژی سەرهەڵداوە یاخییە حوسییەكان و پشتیوانی حكومەتەكەی عەبد رەبە مەنسور هادی دەكات كە لەئاستی نێودەوڵەتیدا حكومەتێكی باوەڕپێكراوە.

وتەبێژێكی ئاسایشی كە بە ناوی وەزارەتی ناوخۆی سعودییەوە ڕایگەیاند “لەكاتژمێر 4 ی سەرلەبەیانی ڕۆژی شەممە بە كاتی خۆجێی تیمی ئاسایشی پیشەسازی لە كۆمپانیای ئارامكۆ هەستان بە خامۆشكردنی دوو ئاگركەوتنەوە لەدوو كارگەی سەر بە كۆمپانیاكە لەپارێزگای بەقیق و هەجرە خەرس كە لەڕێی فڕۆكە بێ فڕۆكەوانەكانەوە كرابوونە ئامانج.”

لە ڕاگەیەندراوێكدا كە ئاژانسی هەواڵەكانی سعودییە بڵاویان كردۆتەوە ئاماژە بەوە كراوە هەردوو ئاگرەكە كۆنتڕۆڵ كراون و رێگیراوە لە تەشەنەكردنی، بەڵام ئەو فڕۆكە بێ فرۆكەوانانە دیاری نەكراون كە سەر بە كوێ بوون و باسی ئەوەش نەكراوە ئایا ئەو هێرشانە قوربانی لێكەوتۆتەوە یان نا هاوكات هیچ زانیاریەكیان لەبارەی وردەكاری هێرشەكەوە بڵاونەكردەوە و بەڵام رایانگەیەند كە لێپێچینەوە دەستپێدەكەن.
سەرچاوە/VOA

بەردەوام بە لە خوێندنەوە

کوردستان