ئێمە لە تۆرە کۆمەڵایەتیەکان

جیهان

ئیتاڵیا لەبڕیارێكی خۆی سەبارەت بە كۆچبەران پاشگەزدەبێتەوە

خەڵك- بەشی هەواڵ
حكومەتی ئیتاڵیا لە بڕیارەكەی بۆ قەدەغەكردنی لەنگەرگرتنی كەشتی كۆچبەران لە كەناراوەكانی وڵاتەكەی پاشگەزدەبێتەوە و بڕیاریدا كەشتی بەهاناوەچوونی كۆچبەران بۆی هەبێت لەنگەر بگرێت.

دەزگای لوتكە بۆ كاروباری ئاوارە و پەنابەران لە هەواڵێكدا ئاماژەی بەوەكردووە، هەرچەندە وڵاتی ئیتاڵیا بریاریدابوو، كە هیچ كەشتییەكی هەڵگری كۆچبەر بۆی نییە لە كەنارە ئاوەییەكانی سنوری وڵاتەكەی لەنگەربگرێت، بەڵام دوای چەند كۆبوونەوەیەكی لەگەڵ وڵاتانی ئەڵمانیا و فەرەنسا لەسەر دۆزینەوەی ڕێگا چارەیەكی گونجاو بۆ مەسەلەی كۆچبەران، داواكاری گشتی ئیتاڵیا فەرمانیداوە، كە ڕێگە بە كەشتی بە هاناوەچونی پەنابەران “ئۆپن ئارم”ی هەڵگری كۆچبەر بدا لە سنورە ئاوییەكانی لەنگەر بگرێت.

ئاماژەی بەوەشكردووە، لەو كەشتییەدا ئەو (80) كۆچبەرەی تێدا بوو، كە لەئیسپانیا گیریانخواردبوو دواجار ئیتاڵیا ڕێگەیدا لە كەناراوەكانی لامپیدواسادا لەنگە ربگرێت و لەكەشتییەكە دابەزن.

داواكاری گشتی ئیتاڵیا جەختی كردۆتەوە، ئەم بڕیارەیان بەهۆی خراپی و سەختی ئەو بارودۆخەی پەنابەرانی سەر كەشتیەكەوە بووە.

جیهان

ڕوسیا: ئەمریكا دەیەوێت نیمچە دەوڵەتێك بۆ كورد دروست بكات

خەڵك- بەشی هەواڵ
وەزیری دەرەوەی ڕوسیا ڕایدەگەیەنێت، ویلایەتە یەكگرتووەكان دەیەوێت ناوچەكانی خۆرهەڵاتی فوڕات داببڕێت و نیمچە دەوڵەتێك لەو ناوچەیەدا دروست بكات.

سێرگی لاڤرۆڤ، وەزیری دەرەوەی ڕوسیا لە گۆڕبەندی ئاشتی لە پاریس ڕایگەیاند، “ئەمریكاییەكان هەموو توانایەكی خۆیان لە كەنارەكانی خۆرهەڵاتی ڕووباری فوڕات دەخەنەگەڕ لەپێناو دامەزراندنی نیمچە دەوڵەتێك و داواش لە وڵاتانی كەنداو دەكەن وەبەرهێنانی گەورە بكەن لە ناوچەكەدا بۆ دامەزراندنی ئیدارەیەكی خۆجێی لەسەر بنەمای هێزەكانی سوریای دیموكرات (كوردەكان)، ئەمەش نیازێكی ڕۆشنە بۆ جیاكردنەوەی ئەو بەشەی سوریا و مەبەست لێی دەستگرتنە بەسەر كێڵگە نەوتییەكانی ئەو ناوچەیە”.

پێشتر وەزارەتی بەرگری ئەمریكا ڕایگەیاندبوو، “پلانیان هەیە بۆ پتەوكردنی هێزە سەربازییەكانیان لە باكووری خۆرهەڵاتی سوریا، لەپێناو ڕێگرتن لە تیرۆریستانی ڕێكخراوی داعش بۆ گەیشتن بە كێڵگە نەوتییەكان، واشنتن لەئێستادا چۆنیەتی گواستنەوەی هێزەكانی بۆ ئەو ناوچەیە تاوتوێ‌ دەكات، بۆ پتەوكردنی هەوڵەكانی پاراستنی نەوتی سوریا”، ئەمەش پێچەوانەی ڕاگەیاندنی چەند مانگی ڕابردووی ترەمپ-ە كە ئاماژەی بە تێكشكاندنی تەواوەتی ڕێكخراوە توندڕەوەكە كردبوو لە سوریا.

هەر لەو چوارچێوەیەدا، ڕوسیا و سوریا داوایان لە كۆمەڵی نێودەوڵەتی كردبوو، گوشار بخاتە سەر ئەمریكا تا ناچاربكرێت هێزەكانی بە تەواوەتی لە سوریادا پاشەكشە پێ بكات.

بەردەوام بە لە خوێندنەوە

جیهان

ئەوروپا سزای توركیا دەدات

خەڵك –بەشی هەواڵ

یەكێتی ئەوروپا ئاشكرایكرد سزا دەسەپێنێت بەسەر توركیادا بەهۆی دەرهێنانی غاز لە دەریای نێوەڕاست لە بەرامبەر قوبرس.

وەزارەتی دەرەوەی یەكێَتی ئەوروپا سزای ئەو كیان و كەسانە دەدات كە بەرپرسن لە دەرهێنانی نایاسایی غاز لە دەریای نێوەڕاست.

یەكێتی ئەوروپا دەگاتە ئەو بڕوایەی سزای توركیا بدات و ئەو وڵاتانە دەتوانن ناوی كەس و لایەنانەشیان بۆ بنێرن كە پێویستە بخرێنە لیستەكەوە.

بەردەوام بە لە خوێندنەوە

جیهان

گرووپێكی چەكداری فەلەستینی مووشەكبارانكردنی ئیسرائیلی لەئەستۆگرت

خەڵك- بەشی هەواڵ
گرووپی چەكداری سەرایای قوودس مووشەكبارانكردنی ئیسرائیلی ڕاگەیاند.

سەرایای قوودس ڕایگەیاند، مووشەكبارانكردنی ئیسرائیل لە وەڵامی كوشتنی بەها ئەبو عەتا سەركردەی ڕێكخراوی جیهادی ئیسلامیدا بووە.

ئەمڕۆ سوپای ئیسرائیل ڕایگەیاند 25 مووشەك ئاڕاستەی شاری تەلئەبیبی پایتەخت كراون و زەنگی ئاگاداركردنەوەش لە باشووری وڵات لێدراوە.
هاوكات ئیسرائیل بڕیاریدا بە داخستنی نێوەندەكانی خوێندن لە باشووری ئیسرائیل لە سنوورەكانی غەزە.

 

بەردەوام بە لە خوێندنەوە

کوردستان