ئێمە لە تۆرە کۆمەڵایەتیەکان

ژینگە

سەرۆكی دادگای تێهەڵچونەوەی ناوچەی سلێمانی، داوا لە مەلا یاسین دەكات 5000 نەمام بچێنێت

خەڵك – بەشی هەواڵ

بەبەشداری كەسایەتییە جیاجیاكانی هەرێمی كوردستان، هەڵمەتی (دارێك بچێنە و شارێك سەوز بكە) بەردەوامە و تا دێت فراوانتر دەبێت، لە دواین چاڵنجیشدا چاندنی دارێك دەبێتە هەزاران و پارێزگای هەڵەبجەش بۆ لەخۆگرتنی ئەو چاڵنجە دیاری دەكرێت .

سه‌رۆكی دادگای تێهەڵچونەوەی ناوچەی سلێمانی

#دارێک_بچێنە_و_شارێک_سەوزبکە سه‌رۆكی دادگای تێهەڵچونەوەی ناوچەی سلێمانی به‌ چاندنی دارێك وه‌ڵامی چاڵنجی به‌ڕێز سه‌رۆكی ئه‌نجومه‌نی دادوه‌ری هه‌رێمی كوردستانی دایه‌وه‌دوای ئه‌وه‌ی به‌ڕێز دادوەر به‌نگین قاسم محه‌مه‌د سه‌رۆكی ئه‌نجومه‌نی دادوه‌ری هه‌رێمی كوردستان له‌ هه‌ڵمه‌تی (دارێك بچێنه‌ و شارێك سه‌وز بكه‌) چاڵنجی سه‌رۆكی دادگای تێهەڵچونەوەی ناوچەی سلێمانی كرد بۆ چاندنی دارێك، ئه‌مڕۆ به‌ڕێز دادوه‌ر جاسم جزاء جافر سه‌رۆكی دادگای تێهەڵچونەوەی ناوچەی سلێمانی وه‌ڵامی چاڵنجی به‌رێزیانی دایه‌وه‌ و دارێكی چاند.

Posted by ‎دادگای سلێمانی‎ on Thursday, August 22, 2019

دوای ئەوەی دادوەر “بەنگین قاسم محەمەد” سەرۆكی ئەنجومەنی دادوەری هەرێمی كوردستان لە هەڵمەتی (دارێك بچێنە و شارێك سەوز بكە) چاڵنجی سەرۆكی دادگای تێهەڵچونەوەی ناوچەی سلێمانی كرد بۆ چاندنی دارێك، ئەمڕۆ، دادوەر “جاسم جەزا جافر” سەرۆكی دادگای تێهەڵچونەوەی ناوچەی سلێمانی بە چاندنی دارێك لە گۆڕەپانی دادگای سلێمانی وەڵامی چاڵنجی بەرێزیانی دایەوە.

 

هاوكات، دادوەر “جاسم جەزا جافر” سەرۆكی دادگای تێهەڵچونەوەی ناوچەی سلێمانی یاسین مەحمود ڕەشیدی چاڵنج كرد بۆ چاندنی 5000 نەمام لە پارێزگای هەڵەبجە وەك ڕەمزێك بۆ شەهیدانی ئەو پارێزگایە و زیندوهێشتنەوەی یادی شەهیدان.

هەروەها دادوەر “جاسم جەزا جافر” چاڵنجی دادوەر” سەیوان عەلی تۆفیق” دادوەری بەرایی یەكەم لە ڕانییەی كرد كە ئەویش لە پێناو سەوز كردنی كوردستان دارێك بچێنێت.

سەرۆكی دادگای تێهەڵچونەوەی ناوچەی سلێمانی، داواكارییەكیشی ئاڕاستەی پەڕلەمانی كوردستان كرد، كە یاسایەك دەربكەن و ئاڕاستەی دادگاكانی بكەن تیایدا لەگەڵ هەر گرێبەستێكی هاوسەرگیری هاوسەران پابەندی ناشتنی دارێك بكەن تا وڵات سەوزتر و ڕەنگینتر بكەن.

 

چاڵنجی (دارێك بچێنە و شارێك سەوز بكە) بیرۆكەی گروپی “یەڵا” بوو، كە ئەوكات قوباد تاڵەبانی جێگری سەرۆكی حكومەتی هەرێمی كوردستانیان چاڵنج كرد بۆ ناشتنی نەمام و ئەو بیرۆكەیەش بەرەو چەندین كەسایەتی لە ئاستی بەرپرسیاریەتی جیاواز هەنگاوی ناوە و بەرپرسانی حزبی و حكومی و كەسایەتی ناسراوی گرتۆتەوە تا ئاستی سەرۆكایەتی حكومەت و هەرێم هەوڵەكە هەنگاوی بڕیوە، لە دواین چاڵنجیشدا كە دەبێتە ژمارەیەكی پێوانەی سەرۆكی دادگای تێهەڵچونەوەی ناوچەی سلێمانی، داوای لە یاسین مەحمود ڕەشید كردووە بەچاندنی 5000 نەمام وەڵامی چاڵنجەكەی بداتەوە.

ژینگە

وێنە؛ نزیکەی 550 دۆنم پووش و پاوان لە سیتەك سووتا

خەڵك – بەشی هەواڵ
نزیكەی 550 دۆنم پووش و پاوان لە شنووری شارەدێی سیتەك سەر بە پارێزگای سلێمانی سووتا.

ئەمڕۆ هەینی بەڕێوەبەرایەتی پۆلیسی دارستان و ژینگەی پارێزگای سلێمانی ڕایگەیاند لە سنووری گوندەکانی گەڕەدێ و تەگەرانی سەر بە شارەدێی سیتەك، بە هۆکارێکی نادیار ئاگر لە پوش و پاوان و دارستانی سنوورەکە کەوتەوە.

ڕوونیشیكردەوە كە بەهۆی خێرایی ڕەشەباوە ئاگرەکە تەشەنەی سەندوو بووە هۆی سووتانی نزیکەی 550 دۆنم لە پوش و پاوان و داری ناوچەكە.

ئەوەشی خستەڕوو كە مەفرەزەکانی بنکەی پۆلیسی دارستانی سیتەك بە هاوكاری لەگەڵ بنکەی ئاگرکوژێنەوەی سیتەك توانیان دوای هەوڵ و ماندووبوونێكی زۆر ئاگرەكە كۆنترۆڵ بكەن.

بەردەوام بە لە خوێندنەوە

ژینگە

كەشناسی: ئەمڕۆ پلەی گەرما لە کەرکوك دەگاتە 49

خەڵك – بەشی هەواڵ
بەڕێوەبەرایەتی گشتی كەسناسی هەرێمی كوردستان ڕایگەیاند ئەمڕۆ بەرزترین پلەی گەرما لە كەركوك تۆمار دەكرێت كە دەگاتە 49 پلەی سیلیزی.

بە پێی ڕاگەیەندراوێكی بەڕێوەبەرایەتی گشتی كەشناسی هەرێمی كوردستان، بەرزترین پلەی گەرمای ئەمڕۆ لە كەركوك 49 و لە سلێمانی 42 و لە هەولێر و دهۆكیش 43 پلە دەبێت.

ڕوونیشیكردەوە كە سبەی شەممە، گەرما لە سلێمانی و كەركوك و دهۆك یەك پلە دابەزێت، هەولێریش وەك خۆی دەمێنێتەوە.

 

بەردەوام بە لە خوێندنەوە

ژینگە

كەشناسی: پلەكانی گەرما بەرز دەبنەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ چوار شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ پێنج شەممە، ئاسمان ساماڵ و پەڵە هەور دەبێت و پلەكانی گەرماش بەرز دەبنەوە.

كەشناسی ئاشكراشیكرد، كەشوهەوای ئەمڕۆ پلەكانی گەرما كەمێك بەرزتر دەبێت بە بەراورد بە دوێنێ
بەرزترین پلەی گەرمای پێشبینیكراو بۆ سەنتەری پارێزگاكان بەم شێوەیە، سەنتەری هەولێر 45 پلەی سیلیزی، سەنتەری سلێمانی 43 پلەی سیلیزی، سەنتەری دهۆك 42 پلەی سیلیزی، سەنتەری كركووك 47 پلەی سیلیزی، سەنتەری هەڵەبجە 44 پلەی سیلیزی.

بەردەوام بە لە خوێندنەوە

کوردستان