ئێمە لە تۆرە کۆمەڵایەتیەکان

جیهان

ترەمپ: بۆ ئەنجامدانی ئەم جەنگە هەڵبژاردەی خودام

خەڵك- بەشی هەواڵ
سەرۆكی ئەمریكا دەڵێت، ئەو جەنگە بازرگانییەی لەگەڵ پەكین دەیكات، جەنگی ئەو نییە، بەڵكو سەرۆكەكانی پێشووتر لە كۆشكی سپی دەبوو ئەو جەنگە بكەن، بەڵام خوداوەند ئەوی هەڵبژاردووە بۆ بەجێگەیاندنی ئەركەكە.

ئەمڕۆ پێنج شەممە، دۆناڵد ترەمپ سەرۆكی ئەمریكا لە كۆنفرانسێكی ڕۆژنامەوانیدا ڕایگەیاندووە”ئەم جەنگە بازرگانییە جەنگی من نییە. ئەم جەنگە بازرگانییە دەبوو سەرۆكەكانی پێشووتری ئەمریكا ئەنجامیان بدایە”.

بە وتەی ترەمپ”كەس بۆی نەبوو ئەو ئەركە بەئەنجام بگەیەنێت، بەر لەوەی تەماشای ئاسمان بكات و دەستی بەرزبكاتەوە و بڵێت: من هەڵبژێردراوم”، سەرۆكی ئەمریكا بۆ ئەو گوزارشتە سودی لە زاراوەیەكی تەوراتی وەرگرتووە.

سەرۆكی ئەمریكا پێیوایە”ویلایەتە یەكگرتووەكان جەنگە بازرگانییە سەپێنراوەكە لە چین دەباتەوە”.

ترەمپ، باجێكی گومرگی توندی بە بەهای 250 ملیار دۆلار بەسەر هاوردەی ساڵانەی چیندا سەپاند، بەنیازیشە گومرگی زیاتر بەسەر كاڵاكانی چیندا بە بەهای 300 ملیار دۆلار لە دوو گوڕی داهاتوودا لە 1ی ئەیلول و 15ی كانوونی یەكەمی داهاتوودا، بسەپێنێت.

وێڕای هۆشداریی سندوقی دراوی نێودەوڵەتی سەبارەت بە خاوبوونەوەی گەشەی جیهانی بەهۆی جەنگەكەی ترەمپەوە، لەگەڵ دەركەوتنی ئەگەری ڕوودانی كرژبوونەوە لە ئابوری ئەمریكایی، پێناچێت سەرۆكی ئەمریكا بەنیازبێت لە توندی ئەو جەنگە كەمبكاتەوە.

جیهان

ڕۆژئاوای كوردستان.. ڕوسیا ناوچەی دژە فڕین دروست دەكات

خەڵك – بەشی هەواڵ

لەپاش ڕێككەوتنی هێزەكانی سوریای دیموكرات (هەسەدە) لەگەڵ حكومەتی سوریا بڕیارە ڕوسیا ناوچەی دژە فڕین لە ڕۆژئاوای كوردستان دروست بكات.

بابەك تەڤگایی نوسەر و ڕۆژنامەنووسی كەناڵی “بی بی سی” لە جریوەیەكدا لە تۆڕی كۆمەڵایەتی تویتەر ڕایگەیاندووە: لە سەركردەكانی هەسەدەوە بۆی پشتڕاست كراوەتەوە كە ڕوسیا ڕازی بووە ناوچەی دژە فڕین لە ڕۆژئاوای كوردستان دروستبكات و بەوەش فڕۆكەكانی توركیا چیتر ناتوانن ناوچەكە بۆردوومان بكەن.

هەر بەپێی سەرچاوەكانی هەواڵ، ڕوسیا فڕۆكەی جۆری Su-35S خستووەتە حاڵەتی ئامادەباشیەوە بۆ ڕوبەڕووبوونەوەی فڕۆكەی F-16C/Ds و F-4Es توركی.

ئەمەش پاش ئەوە دێت كە ئەمڕۆ بە نێوەندگیری ڕوسیا، هێزەكانی سوریای دیموكرات (هەسەدە) لەگەڵ حكومەتی سوریا ڕێككەوتن بۆ گەڕانەوەی سوپای سوریا بۆ ناوچە سنورییەكان و بەرپەرچدانەوەی هێرشەكانی توركیا.

بەردەوام بە لە خوێندنەوە

جیهان

هەسەدە: ڕێككەوتنەكەمان لەگەڵ ڕوسیا و حكومەتی سوریا دەرفەتێكە بۆ كۆنتڕۆڵكردنەوەی عەفرینیش

خەڵك – بەشی هەواڵ

هێزەكانی سوریای دیموكرات ئاشكرایدەكات، ڕێككەوتنەكەیان لەگەڵ مۆسكۆ و دیمەشق دەرفەتێكە بۆ ڕزگاركردنەوەی تەواوی خاكی سوریا كە لەژێر دەستی توركیادا بەعەفرینیشەوە.

هێزەكانی سوریای دیموكرات ڕایگەیاند ڕێككەوتنەكەیان لەگەڵ ڕوسیاو حكومەتی سوریا درەفەتێكە بۆ ڕزگاركردنەوەی ناوچە داگیركراوەكان لەلایەن توركیاوە بەعەفرینیشەوە، دەشڵێت: سوپای سوریا لەسنوری نێوان سوریا و توركیا بڵاوەیان پێدەكرێت.

هەسەدە ئەوەشیخستووەتەڕوو، بەپێی ڕێككەوتنەكە سوپای سوریا بەدرێژای سنوری سوریا لەگەڵ توركیا بڵاوەی پێدەكرێت.

ئەمڕۆ 13ی تشرنی یەكەمی 2019، دوای كشانەوەی هێزەكانی ئەمریكا لەناوچەكانی ڕۆژئاوای كوردستان، هێزەكانی سوریای دیموكرات (هەسەدە) لەگەڵ ڕوسیا و حكومەتی سوریا ڕێككەوتن بۆ ئەوەی هێزەكانیان بچنە كۆبانێ و مەنبەج.

بەردەوام بە لە خوێندنەوە

جیهان

ڤیدیۆ.. هێزەكانی سوپای سوریا گەیشتنە ناو مەنبەج

خەڵك – بەشی هەواڵ

دوای ئەوەی وتەبێژی وەزارەتی بەرگری سوریا لە لێدوانێكی ڕۆژنامەوانیدا ڕایگەیاند، لەچوارچێوەی ڕێككەوتنمان لەگەڵ هێزەكانی سوریای دیموكرات (هەسەدە)، سوپای وڵاتەكەی دەچنە مەنبەج و كۆبانێ‌، لە ئێستادا هێزەكانی سوپای سوریا گەیشتنە مەنبەج.

چاوەڕێش دەكرێت هەر ئەمشەو هێزەكانی سوپای سوریا بۆ ڕووبەڕووبوونەوەی داگیركارییەكانی توركیا و پاڵپشتی شەڕڤانان بگەنە كۆبانێ‌.

گەییشتنی سوپای سوریا بە شاری منبج

گەییشتنی سوپای سوریا بە شاری منبج

Posted by Drwena on Sunday, October 13, 2019

بەردەوام بە لە خوێندنەوە

کوردستان