ئێمە لە تۆرە کۆمەڵایەتیەکان

کوردستان

“كەبابخانەی خاڵە حەمە” لە سلێمانی داخرا


خەڵك-بەشی هەواڵ

قائیمقامیەتی سلێمانی، بەهۆی پابەندنەبوونی بە مەرجە تەندروستییەكان، كەبابخانەی خاڵە حەمەی داخست.

بێوەی ئەحمەد نوێنەری بەڕێوەبەرایەتی ڤێتـێرنەری سلێمانی و سەرۆكی لیژنەی دوو لە ڕاگەیەندراوێكدا ئاماژە بۆ ئەوە دەكات، بەهۆی سەرپێچیكردن لە مەرج و ڕێنماییەكانی كاركردن هەبوونی گۆشتی نەشیاو بۆ خواردن، لیژنەی دووی سەربەلیژنە هاوبەشەكانی قائیمقامیەتی سلێمانی كەبابخانەی خاڵەحەمە لە گەڕەكی كانێسكانی شاری سلێمانی داخست.

وتیشی”لەكاتی سەردانی لیژنەكانی قائیمقامیەتدا دەركەوتووە كەبابخانەی خاڵەحەمە پابەندی مەرج و ڕێنماییە تەندروستی و ڤێتێرنەرییەكان نابێت و شوێنەكە شیاونییە بۆ ئامادەكردنی خواردەمەنی تێیدا”.

ئاشكراشیكرد، لە كەبابخانەی خاڵەحەمە دەست بەسەر (10) كیلۆگرام گۆشتی قیمە، چوار جگەر و ئەندامی هەناوی ئاژەڵ و (15) شیش گۆشت و قیمەی ئامادەكراوی خراپبوودا گرتووە‌ كە شیاوی خواردن نەبوون، هە‌روەها دەست بەسەر (13) دەست و ڕانی ئاژەڵی بێمۆردا گیراوە كە دەردەكەوێت خواردەمەنییەكانی لە گۆشتی بێمۆر بۆ هاوڵاتیان ئامادەكردووە و بە فەرمانی قائیمقامی سلێمانی كەبابخانەكە دادەخرێت.

 

کوردستان

لەڕووداوێكی هاتووچۆدا منداڵێك گیانی لە دەست دا


خەڵك – بەشی هەواڵ
بەڕێوەبەرایەتی پۆلیسی ڕاپەرین ڕایدەگەیەنێت، لە شارەدێی چوارقوڕنە لە ڕووداوێكی شێلاندا لە گەڕەكی قەندیل منداڵێكی تەمەن یەك ساڵان گیانی لەدەستدا ، دەشڵێت،”لە ئێستادا شۆفێرەكە ڕاگیراوە لێكۆڵینەوە دەستی پێكردووە”.

بەڕێوەبەرایەتی پۆلیسی ڕاپەرین لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئێوارەی دوێنێ پێنجشەممە لە شارەدێی چوارقوڕنە لە ڕووداوێكی شێلاندا منداڵێك گیانی لەدەستدا، كە ڕووداوەكە لە گەڕەكی قەندیل لە چوارچوورنە ڕوویداوە.

ڕاشیگەیاندووە ، ئۆتۆمبێلەكە لە جۆری شێری تیكۆ بووە شۆفێرەكەی ناوی (ح.ح.أ) لە ڕەگەزی نێر و تەمەن 39 ساڵ دانیشتووی هەمان گەڕەكە و منداڵەكە تەمەنی یەك ساڵە و ناوی (ی. ڕ. ئ) لە ڕەگەزی مێ یە و دانیشتووی چوارقوڕنە – گەڕەكی قەندیلە شۆفێرەكە بێ ئاگا بەسەر شەقامەكەدا ڕۆیشتووە منداڵەكەی شێلاوە.

لە ڕاگەیەنراوەكەداهاتووە، تەرمی منداڵەكە دوای ئەنجامدانی توێكاری پزیشكی ڕادەستی كەسو كارەكەی كراوە و شۆفێری ئۆتۆمبیلەكەش بەپێی مادەی 24 لە یاسای هاتووچۆ ڕاگیراوە لێكۆڵینەوە لە ڕووداوەكە بەردەوامە.

بەردەوام بە لە خوێندنەوە

کوردستان

وێنە.. سەرەڕای قەدەغەی هاتوچۆ؛ لە هەولێر لە ڕووداوێكی هاتوچۆدا 5 گەنج گیانیان لە دەستدا


خەڵك – بەشی هەواڵ

نەخۆشخانەی فریاكەوتنی ڕۆژئاوای هەولێر بڵاویكردەوە: لە یەك ڕووداوی هاتوچۆدا پێنج كەس گیانیان لەدەستدا.

نەخۆشخانەی فریاكەوتنی ڕۆژئاوای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، كەمێك لەمەوبەر ‎لە یەك ڕووداوی هاتوچۆدا پێنج كەس گیانیان لەدەستدا.

نەخۆشخانەكە ئاماژەی بەوەشداوە: ئەو ژمارەیە ‎زیاترە لە ژمارەی مردووان بە كۆرۆنا لە سەرەتاوە تا ئێستا.

نەخۆشخانەی فریاكەوتنی ڕۆژئاوای هەولێر ڕوونیشیكردووەتەوە، هەر پێنج قوربانییەكە گەنجن و نەتوانراوە تەرمی یەكێكیان لە ئۆتۆمبێلەكە دەربهێنرێت.

 

بەردەوام بە لە خوێندنەوە

کوردستان

تەندروستی هەرێم: 9 تووشبووی نوێ بە ڤایرۆسی كۆرۆنا لە شاری هەولێر دەستنیشان كران


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ئاشكرایكرد: لە بەردەوامی پشكنینەكان و گەڕان بەدوای گومانلێكراوان، نۆ تووشبووی نوێ ی ڤایرۆسی كۆرۆنای نوێ COVID-19 لە شاری هەولێر دەستنیشانكران.
تەندروستی هەرێم ڕوونیشیكردووەتەوە: تووشبووەكان شەش ئافرەت و سێ پیاون دانیشتووی گەڕەكەكانی (شێخ ئەحمەد، مامۆستایان، گوندی كۆری) هەموویان بەركەوتەی تووشبووانی پێشوون، حەوت لەوان بەركەوتەی تووشبووانی پرسەكانی ماتەمینی گەڕەكی كارێزانی شاری هەولێرن.

دەقی ڕاگەیەنراوەكە:

دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان، نۆ تووشبووی نوێ ی ڤایرۆسی كۆڕۆنای نوێ COVID-19 لە شاری هەولێر دەستنیشانكران، كە شەش ئافرەت و سێ پیاون دانیشتووی گەڕەكەكانی (شێخ احمد، مامۆستایان، گوندی كۆری) هەموویان بەركەوتەی تووشبووانی پێشوون،حەوت لەوان بەركەوتەی تووشبووانی پرسەكانی ماتەمینی گەڕەكی كارێزانی شاری هەولێرن.

وەزارەتی تەندروستی
٩ نیسان ٢٠٢٠

بەردەوام بە لە خوێندنەوە

کوردستان