ئێمە لە تۆرە کۆمەڵایەتیەکان

کوردستان

لە ورمێ كۆڵبەرێك بووە قوربانی

خەڵك –بەشی هەواڵ

كۆڵبەرێكی خەڵكی ورمێ لە سنووری ئەو شارە بە تەقەی ڕاستەوخۆی هێزە چەكدارەكانی ئێران بریندار كرا.

بەپێی هەواڵی گەیشتوو بە ڕێكخراوی مافی مرۆڤی هەنگاو، ئەمڕۆ هێزەكانی سوپای پاسداران لە گوندی سنووری سیاركی ورمێ تەقەیان لە كاروانێكی كۆڵبەران كردووە.

بە هۆی ئەو تەقە كردنەوە كۆڵبەرێك بە ناوی “سادق ئەورازی” كوڕی هاروز و خەڵكی ناوچەی برادۆستی ورمی بریندار بووە.

ئەو كۆڵبەرە بۆ دەرمان و پێڕاگەیشتنی پزیشكی ڕەوانەی ناوەندە دەرمانییەكانی ورمێ كراوە.

کوردستان

دواین ئاماری زیانە گیانییەكانی ئاڵۆزییەكانی ڕۆژهەڵاتی كوردستان

خەڵك –بەشی هەواڵ

لە بەردەوامی خۆپیشاندانەكان و ئاڵۆزییەكانی ڕۆژهەڵاتی كوردستان و ئێراندا لە ئەنجامی تێكهەڵچوونی نێوان خۆپیشاندەران و هێزە ئەمنییەكان ژمارەیەكی دیكە كوژران و بریندار بوون.

لە شاری بۆكان چوار هاووڵاتی كوژران و 20ی دیكەش بریندار بوون.

لە شاری مەریوانیش دوو خۆپیشاندەر كوژران و ژمارەیەكی زۆرتریش بریندار بوون.

لە شاری جوانڕۆش خۆپیشاندەرێك و ئەندامێكی هێزە ئەمنییەكان كوژران.

هەروەها ژنێكی خەڵكی سەقز لە خۆپیشاندانەكانی شاری تاراندا كوژرا.

لە خۆپیشاندانەكانی دوێنێی شارەكانی ئێران و ڕۆژهەڵاتی كوردستاندا خۆپیشاندەران هەڵیانكوتایە سەر دامەزراوە حكومەتی و دەوڵەتییەكان و بەشێكیان سوتاندن.

بەردەوام بە لە خوێندنەوە

جیهان

هەسەدە: لەگەڵ ڕوسیا و سوریا هیچ ڕێككەوتنێكمان لە نێواندا نییە لە بارەی تەلتەمرەوە

خەڵك – بەشی هەواڵ

وتەبێژی هێزەكانی سوریای دیموكرات (هەسەدە ) ڕەتیدەكاتەوە هیچ ڕێككەوتنێكیان كردبێت بۆ ڕادەستكردنی تەلتەمر بە هێزەكانی سوریا و ڕوسیا.

كینۆ گابرێل وتەبێژی هێزەكانی سوریای دیموكرات(هەسەدە) ڕایگەیاند،”هیچ ڕێككەوتنێك بۆ ڕادەستكردنی تەلتەمر و ڕێگەی نێودەوڵەتی ئێم فۆر بە پۆلیسی سەربازیی سوریا و ڕوسیا نییە”.

كینۆ گابرێل ئەوەشیخستەڕوو،”توركیا و گروپە هاوپەیمانەكانی پابەندنین بە ئاگربەستەوە و بەردەوامن لە هێرشەكانیان بۆسەر گوندەكانی تەلتەمر”.

جێی ئاماژەیە، ڕوانگەی سوریایی بۆ مافەكانی مرۆڤ بڵاویكردبووەوە، هەسەدە و ڕوسیا سوریا ڕێككەوتوون لەسەرئەوەی شەڕڤانان لە شارۆچكەی تەلتەمر بچنەدەرەوە و لە بری ئەوان سوپای ڕوسیا و هێزەكانی سەر بە حكومەتی دیمەشق جێگیربكرێن

بەردەوام بە لە خوێندنەوە

کوردستان

وێنە… لە سنووری بەردەڕەش دوو ڕووداوی‌ هاتوچۆ 10 قوربانی لێكەوتەوە

خەڵك – بەشی هەواڵ

لێپرسراوی ڕاگەیاندنی‌ هاتوچۆی‌ دهۆك ئاشكرایكرد، لە دوو ڕووداوی‌ هاتوچۆدا لە سنووری‌ شارۆچكەی بەردەڕەش چوار كەس گیانیان لەدەست دا و شەشی‌ تریش برینداربوون.

ئازاد تەها لێپرسراوی ڕاگەیاندنی‌ هاتوچۆی‌ دهۆك ڕایگەیاند، ئەمڕۆ یەكشەممە 17/11/2019 لە سنووری‌ شارەدێی ڕۆڤیای‌ سەر بە شارۆچكەی بەردەڕەش دوو ڕووداوی‌ هاتوچۆی‌ دڵتەزێن ڕوویاندا.

ئازاد تەها ئاماژەی بەوەشدا:”ڕووداوی‌ یەكەم لەسەر ڕێگای‌ سەرەكی‌ نێوان شارەدێی ڕۆڤیا بۆ گوندی‌ جەمە ڕوویداوە، كە تیایدا كەسێك گیانی‌ لەدەستدا و 3ی‌ تریش برینداربوون”.

لێپرسراوی ڕاگەیاندنی‌ هاتوچۆی‌ دهۆك لە بارەی ڕووداوی دووەمەوە ڕوونیكردەوە، ڕووداوەكە لەسەر ڕێگای‌ سەرەكی‌ شارەدێی ڕۆڤیا بۆ پردی‌ حوسنی‌ ڕوویداوە، كە تیایدا سێ‌ كەس گیانیان لەدەستدا و سێی‌ تریش برینداربوون”.

 

بەردەوام بە لە خوێندنەوە

کوردستان