ئێمە لە تۆرە کۆمەڵایەتیەکان

کوردستان

كوردانی ڕۆژئاوا بە مەرج ڕێككەوتنی ئەمریكا و توركیا قبوڵ دەكەن

خەڵك-بەشی هەواڵ

سەرۆكی سەنتەری هودا بۆ توێژینەوەی ستراتیژی پێشبینی دەكات ناوچەی ئارام لە سوریا دروست ببێت و كوردەكانیش بە مەرج ئەو ڕێككەوتنەی ئەمریكا و توركیا قبوڵ دەكەن.

ئەمریكا و توركیا ڕێككەوتوون بۆ دروستكردنی ناوچەیەكی ئارام لە ڕۆژئاوای كوردستان، ئەمەش لەكاتێكدایە لایەنە سیاسییەكانی ڕۆژئاوای كوردستان چەند ساڵێكە خۆیان ناوچەكە بەڕێوەدەبەن و توانیویانە بە هاوكاری هاوپەیمانان ڕووبەڕووی چەكدارانی داعش لە ناوچەكە ببنەوە.

محەمەد بازیانی سەرۆكی سەنتەری هودا بۆ لێكۆڵینەوەی ستراتیژی بە (خەڵك)ی ڕاگەیاند، یەكێك لە هۆكارەكانی شكستهێنانی ئاكپارتی لەم دواییانە ئەوەیە كە توێژینەوەیان كردووە لەسەر ئەوەی كە حكومەتی ئەو وڵاتە زیاتر لە سێ ملیۆن و نیو ئاوارەی سووری لەخۆگرتووە و كێبڕكیێیان هەیە لەگەڵ ژیان و گوزەرانی هاووڵاتیانی توركیا، بۆ گەڕانەوەی ئەو ئاوارانەش دروستكرنی ناوچەی ئارام هاندەرێكە و ئەمریكاییەكانیش پێیان باشە.
وتیشی”ئێستا هەڵوێستی ئاكپارتی دەربارەی پەنابەرە سوورییەكانیش باش نییە و وەكو پێویست نییە، چونكە ژمارەیەك لە توندڕەوە توركەكان زۆر توندن لەسەر ئەو پرسە و دەیانەوێ لەو ڕێككەوتنەیان لەگەڵ ئەمریكا دوو ئامانج بپێكن، یەكەم ناوچەی ئارام دروست ببێت و دووەم ئەو ئاوارانەش بگەڕێنەوە، چونكە پێیان وایە پارەیەكی زۆریان بۆ ئەو ئاوارانە خەرج كردووە و بێ بەرانبەریشە”.
ئاماژەی بۆ ئەوەش كرد، دروستكردنی ناوچەی ئارام سەردەگرێت، چونكە ئامانجی حزبە كوردییەكانیش لە سووریا دیارە و ئەوانیش ڕێككەوتنەكەیان پێباشە، بەڵام بەمەرجێك ئیدارەكەی هاوبەش بێت و دیموگرافی ناوچەكە نەگۆڕێت، چونكە عەرەبێكی زۆر لە سووریایە و ئەگەر بگەڕێنەوە ئەو ناوچانە دیموگرافی ناوچەكە دەگۆڕێت و ببێتە ئەمرێكی واقیع.

کوردستان

لە هەرێمەوە 200بارهەڵگر هاوكاری ئەمریكاگەیەنرایە ڕۆژئاوای كوردستان

خەڵك-بەشی هەواڵ

ئەمریكا 200 ئۆتۆمبێلی بارهەڵگری پڕ لە هاوكاری سەربازی لە سنوورەكانی هەرێمی كوردستانەوە ڕەوانەی ناوچە كۆنتڕۆڵكراوەكانی ژێر دەستی سوپای سوریای دیموكرات كرد.

بەپێی زانیارییەكانی ئاژانسی (میهر)ی ئێرانی، 200 ئۆتۆمبێلی بارهەڵگری سەربازی،كە یارمەتی لۆجستیكی ئەمریكا و هێزەكانی هاوپەیمانی نێودەوڵەتی دژی داعشی تێدا بوو لە سنوورەكانی هەرێمی كوردستانەوە بەرەو ڕۆژئاوای كوردستان ڕەوانەكران.

ئەمەش لەكاتێكدایە ئەمریكا و توركیا دەیانەوێت ناوچەی ئارام لە ڕۆژئاوای كوردستان دروست بكەن، بەڵام هاوكارییە سەربازییەكانی ئەمریكا بۆ هێزەكانی ڕۆژئاوای كوردستان بەردەوامە و ئەمەش توركیای نیگەران كردووە.

بەپرسانی سوریای دیموكرات ئاماژە بۆ ئەوە دەكەن، 15 بۆ 20 كیلۆمەتر لە ناوچە سنوورییەكانی ڕۆژئاوای كوردستان كشاونەتەوە بە ئامانجی نیازپاكییان بۆ دروستكردنی ناوچەی ئارام.

بەردەوام بە لە خوێندنەوە

کوردستان

نێچیرڤان بارزانی بڕیارێكی هەرێمی دەركرد

خەڵك- بەشی هەواڵ
دوابەدوای دەرچوونی بڕیاری پەڕلەمانی كوردستان بۆ دیاری كردنی ڕۆژی 3ی ئاب بە ڕۆژی كۆمەڵكوژی ئێزدییەكان، سەرۆكی هەرێمی كوردستان فەرمانێكی هەرێمی بۆ بڕیارەكە دەركرد.

نێچیرڤان بارزانی، سەرۆكی هەرێمی كوردستان بڕیاری ژمارە (2)ی هەرێمی سەبارەت بەدیاریكردنی ڕۆژی 3/8/2014 وەك ڕۆژی كۆمەڵكوژیی (جینۆساید) ئێزدییەكان دەركرد و جەختی كردۆتەوە، كە دەبێت ئەنجوومەنی وەزیران و لایەنە پەیوەندیدارەكان حوكمەكانی ئەم بڕیارە جێبەجێ‌ بكەن.

دەقی بڕیارەكە:

بەردەوام بە لە خوێندنەوە

کوردستان

“دەستوورێكی سەردەمیانەلەسەر بنەمای هەبوونی كۆدەنگی نیشتیمانی زەروورەتی قۆناغەكەیە”

خەڵك-بەشی هەواڵ

سەرۆكی هەرێمی كوردستان و دەستەی سەرۆكایەتی پەڕلەمان كۆبوونەوە و جەختیان لە نووسینەوەی دەستورێكی سەردەمیانە كردەوە.

ئەمڕۆ یەكشەممە 15/9/2019 دەستەی سەرۆكایەتی پەڕلەمان، سەردانی نێچیرڤان بارزانی، سەرۆكی هەرێمی كوردستانیان كردو لە كۆبوونەوەكەدا جەخت لەسەر ئەوە كرایەوە، ئامادەكاری نووسینەوەی دەستوورێكی سەردەمیانەو گەلپەسەند لەسەر بنەمای هەبوونی كۆدەنگی نیشتیمانی و ڕێزگرتن لە مافی سەرجەم پێكهاتەكان و بنەماكانی مافی مرۆڤ و دیموكراسییەت، زەروورەتی قۆناغەكەیە.

بەپێی ڕاگەیەنراوێكی پەڕلەمانی كوردستان، هەردوولا جەختیان لە پتەوكردنی هاوئاهەنگی لەنێوان سەرۆكایەتی هەرێم و سەرۆكایەتی پەڕلەمان كردەوە بۆ پشتیوانیكردنی دیالۆگێكی بنیادنەرانە لەنێوان حكومەتی هەرێم و حكومەتی عیراقی بە ئاڕاستەی چارەسەركردنی كێشە هەڵپەسێردراوەكان لەنێوان هەردوولا بەجۆرێك، كە لەبەرژەوەندی خەڵكی كوردستان بێت و لەچوارچێوەی ئەو ماف و شایستانە بێت، كە دەستووری ساڵی 2005 بەهەرێمی كوردستانی داوە.

هەر لە كۆبوونەوەكەی نێوان پەڕلەمان و سەرۆكایەتی هەرێمدا، بە پێویستیان زانی كۆبوونەوەی هەرسێ سەرۆكاییەتییەكان بۆ دروستكردنی هاوئاهەنگی زیاتر ئەنجام بدرێت و لەبارەی پرسی چاكسازیش هەردوولا هاوڕابوون لەسەرخستنی ڕێككارەكانی پڕۆسەی چاكسازی لە هەرێمی كوردستان و لابردنی ئەو ئاستەنگانەی ڕەنگە بێنەسەر ڕێگای.

بەردەوام بە لە خوێندنەوە

کوردستان