ئێمە لە تۆرە کۆمەڵایەتیەکان

ئابوری

“چارەسەركردنی كەموكوڕیەكان خاوە”
داوای ڕاگرتنی پێوەری میكانیكی ئاوی ماڵان سەرهەڵدەداتەوە


خەڵك – بەشی هەواڵ
ئەندامێكی ئەنجوومەنی پارێزگای سلێمانی ڕایدەگەیەنێت، چاكسازی لە پێوەری میكانیكی ئاو چارەسەركردنی كێشەكەی پڕۆسەیەكی خاوە و هیچ بەرچاو ڕوونیەكمان لە سەری نیە، دەشڵێت: “سوورین لەسەر ئەوەی پڕۆسەكە كەموكورتی زۆری تێدایە و لەگەڵی نین”.

بەپێی زانیارییەكانی (خەڵك) بڕیارە سبەینێ‌ لە هۆتێل تایتانیك لەلایەن ڕێكخراوی (كوردستان بۆ هەمووان)ەوە سمینارێك لەسەر پرسی پێوەری میكانیكی ئاوی ماڵان بۆ ئەندامانی ئەنجوومەنی شارەوانیەكان ساز بكرێت.

كاسترۆ مەعروف، ئەندامی ئەنجوومەنی پارێزگای سلێمانی بە (خەڵك)ی ڕاگەیاند، پڕۆسەی چارەسەركردنی كێشە و گلەییەكانی هاووڵاتیان لە پێوەری میكانیكی ئاوی ماڵان زۆر خاو و سست بەڕێوەدەچێت.

وتیشی، “ئێمە سوورین لەسەرئەوەی ئەو پڕۆسەیە كێشە و گرفتی زۆری تێدایە و دەبێت چارەسەر بكرێت، تا ئەو كاتەی چارەسەرێك بۆ پێوەری میكانیكی ئاوی ماڵان دەدۆزرێتەوە پڕۆسەكە ڕابگیرێت”.

بەپێی زانیارییەكان، بڕیارە ئەنجوومەنی پارێزگای سلێمانی بەم نزیكانە جارێكی دیكە بۆ پرسی پێوەری میكانیكی ئاوی ماڵان كۆبوونەیەوەیەك ئەنجام بدات.

هاووڵاتیەك بۆ (خەڵك) وتی، “خۆم بەدیار پێوەرەكەوە دانیشتووم لەكاتی پێش هاتنەوەی ئاودا، كە ماوەیەكی زۆر هەوا دەخوێنێتەوە و ئەوەش بە پارە لەسەر هاووڵاتیان هەژمار دەكرێت”.

وتیشی، “لەكاتی بەستنی پێوەرەكە پارەمان لێ‌ وەرگیراوە، كە نزیكەی 50 هەزار دینار بوو، وتیان دواتر حكومەت بۆتان دەگەڕێنێتەوە و لە پارەی ئاو دایدەشكێنێت، بەڵام تا ئێستا هیچ پارەیەك نەدراوەتەوە بە هاووڵاتیان”.

هاوكات سەرۆكی لیژنەی دەستپاكی لە پەڕلەمانی كوردستان بەهۆی گلەیی و ڕەخنەی هاووڵاتیانەوە لە كوالێتی و نرخەكانی پێوەری میكانیكی ئاوی ماڵان، داوایەكیان داوەتە وەزارەتی شارەوانی، كە تا چارەسەركردنی كێشەكان، پڕۆسەی بەستنی پێوەری ئاوی ماڵان ڕابگرن.

لە ماوەی ڕابردوودا لیژنەی شارەوانی و خزمەتگوزارییەكان لە ئەنجوومەنی پارێزگای سلێمانی لەگەڵ بەڕێوەبەری ئاوەكان كۆبووەوە و بڕیاردرا، كە بەستنی پێوەری میكانیكی ئاو تا 1ی ئەیلول درێژ بكرێتەوە و سەرجەم كەموكوڕی پێوەرەكان لە زۆر هەژماركردنی پارە و خوێندنەوەی هەوا لەلایەن پێوەرەكەوە چارەسەر بكرێت، بەڵام خەریكە ماوەكە كۆتایی دێت و هێشتا هاووڵاتیان ناڕەزایی لە چارەسەر نەكردنی كەموكوڕیەكان دەردەبڕن.

ئابوری

نرخی زێڕ و دراوەکان


خەڵک – بەشی هەواڵ

 

ئەمڕۆ پێنج شەممە نرخی زێڕ و دراوەکان لەبازاڕەکانى هەرێمی کوردستان بەم جۆرەى خوارەوەیە، کە زەڕەنگەری پێشین وەرگیراوە:

یەک مسقاڵ زێڕی عەیاری ٢٤= ٣٤٠٫٠٠٠دینار
یەک مسقاڵ زێڕی عەیاری ٢١= ٢٩٨٫٠٠٠دینار
یەک مسقاڵ زێڕی عەیاری ١٨= ٢٥٥,٠٠٠دینار
لیرەی عەیاری 22= 365$

ئۆنس:1719
………..
100$=123,100
100€= 134,500
100£= 150,000
100$= 1,720,000 تمەن (نەقدی)
100$= 675 لیرەی تورکی

بەردەوام بە لە خوێندنەوە

ئابوری

نەخۆشخانەیەكی كۆرۆنا دەوام دەستپێدەكاتەوە
شێواز و كاتی دەستپێكردنەوەی دەوامی فەرمانبەران ڕاگەیەنرا


خەڵك- بەشی هەواڵ
سبەینێ‌ پشووی حكومەتی هەرێم بۆ جەژنی ڕەمەزان كۆتایی دێت و سەرەتای هەفتەی داهاتوو دەوامی فەرمانبەران بەشێوەی تەناوب دەستپێدەكاتەوە و نەخۆشخانەیەكی تایبەت بە نەخۆشانی كۆرۆنا ئاشكرای دەكات، كە دەست بە بینینی نەخۆش دەكەنەوە.

سەرچاوەیەكی حكومی بۆ (خەڵك) ئاشكرای كرد، كە سەرەتای هەفتەی داهاتوو دەوامی فەرمانگەكان دەستپێدەكاتەوە، بەڵام بۆ خۆپارێزی لە ڤایرۆسی كۆرۆنا، فەرمانبەران بەشێوەی تەناوب دەوام دەكەن ڕۆژانە لە 9ی بەیانی بۆ 1ی نیوەڕۆ و ڕۆژانی پێنج شەممەش پشوو دەبێت.

سەرچاوەكە ئاماژەی بەوەشكرد، كە هێشتا مەترسی ڤایرۆسی كۆرۆنا ماوە و ڕۆژانە چەند كەسێك تووشی ئەو پەتایە دەبن، بۆیە تا دۆخەكە كۆنتڕۆڵ دەبێت دەوامی فەرمانبەرانیش بەو جۆرەی پێشوو دەمێنێتەوە.

لای خۆشیەوە نەخۆشخانەی ڕزگاری هەولێر، كە ماوەیەك تایبەت كرابوو بە نەخۆشانی كۆرۆنا لە ڕاگەیەنراوێكدا ئاماژەی بەوكردووە، لە ڕۆژی شەممەوە 30/ 5/ 2020 نەخۆشخانەكە دەست دەكاتەوە بە پێشوازی كردن لە نەخۆشان لە گشت بەشەكان.

ڕوونیشی كردۆتەوە، چۆنیەتی دەوام بە پێی ڕێنماییەكانی حكومەت دەبێت، كە ڕۆژانە كاتژمێر (9) تا وەكو (1) جگە لە ڕۆژانی پێنج شەممە و هەینی.

ئاشكراشی كردووە، كە پێویستە لەسەر ئەو كەسانەی سەردانی نەخۆشخانەكە دەكەن (احالە) ڕەوانە كردنیان پێبێت یاخود لە لایەن پزیشكێكی پسپۆر ڕەوانە كرابێت و نەخۆش بە تەنها بێت بۆ نەخۆشخانە مەگەر بۆ نەشتەرگەری یان هۆكارێكی پێویست بێت دەتوانێت كەسێك لەگەل خۆی بێنێت و پابەندی ڕێنماییەكان بن وەك ماسك و دەستكێش.

جەختیشی كردۆتەوە، سەردانی كردنی نەخۆش بەهەموو شێوەیەك لە هەموو كاتێك قەدەغەیە .

دەشڵێت: ” هەر نەخۆشێك نیشانەكانی كۆرۆنای تێدابێت وەك كۆكە و تای بەرز و تەنگە نەفەسی پێویستە سەردانی نەخۆشخانەی فریاكەوتنی ناوەند بكات، كە تایبەتە بە سەنتەری كۆڕۆنا”.

بەردەوام بە لە خوێندنەوە

ئابوری

پێدانی كارەبای نیشتمانی لە 24 كاتژمێر نزیكدەبێتەوە


خەڵك- بەشی هەواڵ
وەزارەتی كارەبای حكومەتی هەرێم ئاشكرای دەكات، كە لە ڕۆژانی جەژندا 20 كاتژمێر كارەبا درا بە هاووڵاتیان و بۆ مانگی داهاتووش بڕیاری پێویست دەدرێت.

بەڕێوەبەرایەتی كۆنتڕۆڵی كارەبای هەرێم لە ڕاگەیەنراوێكدا ئاماژەی بەوەكردووە، لەڕۆژانی جەژندا توانرا بە سیستەمێكی ڕێكوپێك و بە هەوڵ و ماندووبوونی ئێشكگرانی كارەبا 20 كاتژمێر كارەبا بدرێت بەهاووڵاتیان، ئەمەش بەسوود وەرگرتن لە بەرهەمهێنانی 3000 مێگاوات كارەبا، كە بەشێوەیەكی ڕێكوپێك وزەی كارەبا بەسەر پارێزگاكانی هەرێمی كوردستاندا دابەشكرا.

ڕاشیگەیاندووە، بڕیارە تا ڕۆژی شەممە بەمشێوەیە كارەبا بە هاووڵاتیان بدرێت.

ئاشكراشی كردووە، بۆ مانگی حوزەیرانیش كۆبوونەوەیەك ئەنجام دەدرێت بۆ ئەوەی بارودۆخی بەرهەمهێنانی كارەبا و هەڵكشانی خواستی بەكارهێنان هەڵبسەنگێنرێت و بڕیار بدرێت.

بەردەوام بە لە خوێندنەوە

کوردستان