ئێمە لە تۆرە کۆمەڵایەتیەکان

ژینگە

لەسەر بیرلێدان 3 هاووڵاتی دەستگیر كران

خەڵك- بەشی هەواڵ

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، دڵسۆزی و خەمخۆری مەفرەزەكانی پۆلیسی دارستان لەكاتی كوژانەوەی ئاگر لە سنورەكان بەردەوامە لە پێناو پارێزگاریكردن لە سروشت و ژینگەی كوردستان بەو هۆكارە لە پێنجوێن (100) دۆنم پووش و پاوان سووتان و دەشڵێت: ” 3 هاووڵاتی لەسەر بیرلێدان ڕووبەڕی یاسا كرانەوە”.

عەمید هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی بە (خەڵك)ی ڕاگەیاند، ئاگریكی بەرفراوان لە گوندی هەرگێنەی سەر بە شارۆچكەی پێنجوێن كەوتەوە و دەستبەجێ مەفرەزەكانی بەشی پۆلیسی دارستان و ژینگەی پێنجوێن بەهاوكاری لەگەڵ ڕیكخراوی ملەكەوە و خاڵی باشماخ گەیشتە شوێنی ڕووداوەكە و توانرا لەماوەیەكی كەمدا ئاگرەكە كۆنتڕۆڵ بكرێت.

ئاشكراشی كرد، زیانی ئاگرەكە سووتانی (100) دۆنم پووش و پاوان بووە و هۆكاری ئاگركەوتنەوەكە نادیارە و لێكۆڵینەوە لەو بارەیەوە بەردەوامە .

ئاشكراشی كردووە، لە ئەنجامی دەرچوونێكی مەفرەزەكانی بەشی پۆلیسی دارستان و ژینگەی شارەزور لە پێناو پاراستنی ئاوی ژێرزەوی و ڕێگریكردن لەدیاردەی بیرلێدان توانیان (3) هاووڵاتی دەستگیر بكەن، كە سەرقاڵی هەڵكەندنی بیر بوون بە شێوەیەكی نایاسایی و دەستیش گیرا بەسەرجیهازێكی بیرلێداندا .

جەختیشی كردەوە، پەڕاوی لێكۆڵینەوە ڕێكخراوە و ڕادەستی دادوەر كرا بۆ وەرگرتنی ڕێكاری یاسایی.

عەمید هێمن پەیامی بۆ هاووڵاتیان ئەوەیە، “با بەهەموومان ژینگەی و سروشتی كوردستان بپارێزین بەتایبەتی لەم وەرزەدا هاووڵاتیان ڕوو دەكەنە دەشت و چیاكان و زۆر دڵنیابن لە پاشماوەی ئاگر و پشكۆ لە دوای خۆیان بەجێ نەهێڵن بۆ ئەوەی كارەساتی گەورە ڕوونەدات” .

ژینگە

بڕی باران بارین لە شارەكانی هەرێم بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لەناوچەی قەرەداغ سەر بە پارێزگای سلێمانی بە بڕی 33ملم باریوە.

س.ع

بەردەوام بە لە خوێندنەوە

ژینگە

گەشتی شاخەوانی زستانە بۆ چیای هەڵگورد ئەنجام دەدرێت

خەڵ – نزار مستەفا
لەگەڵ هاتنی وەرزی زستان و بارینی بەفر ساڵانە ژمارەیەكی زۆر لەگروپ و ڕێكخراوانی شاخەوانی فێستیڤاڵی ساڵانە بۆ سەر چیای هەڵگۆردی باشووری كوردستان ئەنجام دەدەن.

ئەنوەرعەلی دۆڵەمەڕی، بەرپرسی فیدراسیۆنی شاخەوانی كوردستان بە(خەڵك)ی ڕاگەیاند، ئەمساڵیش هاوشێوەی ساڵانی ڕابردوو لەدرێژەی كار و چالاكیەكانماندا بۆ گەشتی شاخەوانی بۆ بەرزترین لووتكەی چیایە، كە ئەویش چیای هەڵگوردی سەر بە پارێزگای هەولێرە.

وتیشی، “بڕیار وایە ئەگەر كەشوهەوای ناوچەكە لەباربێت لە ناوەڕاستی مانگ (13 و 14 و 15/2)ی داهاتوو ئەم گەشتە دەست پێ بكەین و مانەوەی شەو و سەركەوتن بۆ سەر چیاكە ئەنجام بدەین”.

ڕاشیگەیاند، داوا لەهەموو گروپ و ڕێكخراوان و دۆستانی ژینگە و ئەوانەی حەز و ئارەزوویان هەیه لەگەڵ ئێمە گەشت بكەن باپەیوەندیمان پێوە بكەن و كەلوپەلی خۆیان ئامادەبكەن.

ئەنوەرعەلی ئاماژەشی بەوەدا، لەم گەشتەدا چەند ڕاهێنەرێكی شاخەوانی ڕۆژهەڵاتی كوردستان بۆ گروپەكانی شاخەوانی كوردستان ئامەدەن و بەشدار دەبن و دوایین مۆڵەت بۆ تۆماركردنی گرووپەكان (6-2-2020) دەبێت.

بەرپرسی فیدراسیۆنی شاخەوانی كوردستان جەختیشی كردەوە، هەر گرووپێك دەبێ تیمێكی هەڵبژاردە پێشكەش بكات، كە لە ڕووی جەستەیی و كەلوپەل ئامادەكاری تەواوی گەشتێكی زستانەیان هەبێت.

بۆ پەیوەندی كردن:

ناوەندی هەولێر: 07504204041
ناوەندی سلێمانی: 07708088101
ناوەندی دهوك: 07504552809
ناوەندی كەركوك: 07501166112

بەردەوام بە لە خوێندنەوە

ژینگە

لە شارباژێڕ و سەیدصادق (3) هاووڵاتی دەستگیر كران

خەڵك- بەشی هەواڵ

پۆلیسی دارستان و ژینگەی سلێمانی جەختدەكاتەوە، كە ئەو هۆكارانەی دەبنە هۆی قڕكردنی ئاژەڵ و باڵندە كێویەكان و تێدانی ژینگە بە تەنها خودی هاووڵاتیانن و دەشلێت: “لە سنورەكانی شارباژێڕ و سەیدصادق (3) هاووڵاتی دەستگیركران و ڕووبەڕوی یاسا كرانەوە”.

عەمید هێمن كەمەرخان، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) ڕایگەیاند، مەفرەزەیەكی بەشی پۆلیسی دارستان و ژینگەی (شارباژێڕ) لە دەرچوونێكی مەیدانیاندا بۆ گوندی (كانی گەورە لە سیتەك) بەهاوكاری ئاسایش توانیویانە (2) هاووڵاتی دەستگیر بكەن، كە سەرقاڵی بیرلێدان بوون و دەستیش گیرا بەسەر جیهازێكی بیرلێداندا.

ڕاشیگەیاند، لە لایەكی ترەوە لە ئەنجامی دەرچوونی مەفرەزەیەكی بەشی پۆلیسی دارستان و ژینگەی (سەیدصادق) بۆ گوندی (ماوە)ی سەر بە سەیدصادق توانرا ڕاوچیەك دەستگیر بكەن بە هۆكاری ڕاوكردنی باڵندەی كێوی.

ئاشكراشی كرد، توانرا دەست بەسەر چەكێكی جۆری تاپڕ و (٨) فیشەك و ئۆتۆمبێلێك و (2) چەقۆ و (3) باڵندەی ڕاوكراودا بگیرێت .

جەختیشی كردەوە، كە پەڕاوی لێكۆڵینەوە بۆ دەستگیركراوەكان كراوەتەوە و ڕووبەڕی یاسا كرانەتەوە.

بەردەوام بە لە خوێندنەوە

کوردستان