ئێمە لە تۆرە کۆمەڵایەتیەکان

وەرزشەکانی تر

فێدره‌ری ئه‌فسانه‌ گومانی له‌ به‌هره‌ نوێیه‌کانی تێنسی سه‌رزه‌وی هه‌یه‌: ئایا ده‌گه‌نه‌ ئاستی ئێمه‌؟

خه‌ڵک سپۆرت

ڕۆجێ فێدره‌ری ئه‌فسانه‌ی تێنسی سه‌رزه‌وی جیهان، پێی وایه‌ ئه‌ستێره‌ لاوه‌ به‌هره‌مه‌نده‌کانی سه‌رده‌می نوێ له‌و ئاسته‌ نین که‌ سیانه‌ی ناوداری بواره‌که‌ له‌پێشوودا پێی گه‌یشتوون (خۆی و نادال و جیۆکۆڤیچ).

ڕۆجێی ئه‌فسانه‌ی تێنسی سه‌رزه‌وی له‌ کۆنگره‌یه‌کی ڕۆژنامه‌وانیدا ئاماژه‌ی به‌ئاستی لاوان و به‌هره‌مه‌ندانی سه‌رده‌می نوێ کرد و ڕایگه‌یاند :” پێموایه‌ ئێمه‌ بوینه‌ته‌ هۆکاری له‌کارخستنی ده‌ستپێکی چه‌ندین یاریزانی گه‌نجی بواره‌که‌، به‌ڵام دڵنیا نیم ئه‌و لاوانه‌ش له‌ داهاتوودا ده‌گه‌نه‌ ئاستی من و نادال و جیۆکۆڤیچ؟ ڕه‌نگه‌ نه‌توانن، ڕه‌نگیشه‌ به‌هۆی کۆکردنه‌وه‌ی ژماره‌یه‌کی بێشوماری خاڵه‌کانه‌وه‌ بگه‌نه‌ ڕیزبه‌ندی باشترین هه‌شت یان چوار یاریزانی جیهان”.

هه‌روه‌ها ده‌ڵێت :” سه‌باره‌ت به‌ ڕیزبه‌ندی یاریزانه‌ پیشوه‌ره‌کان پێموایه‌ جیاوازیه‌کی زۆر هه‌یه‌، ئه‌گه‌ر له‌نێو ٣٢ باشترینه‌که‌ی جیهاندا بیت ئه‌وه‌ به‌نسبه‌ت پاڵه‌وانێتیه‌ گه‌وره‌کانه‌وه‌ شتێکی باشه‌، ئه‌گه‌ر له‌ ١٦ باشترینه‌که‌دا بیت به‌هه‌مان شێوه‌ باشه‌، ئه‌گه‌ر له‌نێو هه‌شت باشترینه‌که‌دا بیت زۆر باشه‌، هه‌ست ده‌که‌م گه‌یشتن به‌ تۆپ ٨ زۆر قورسه‌ و به‌رده‌وامبوون له‌و ئاسته‌دا ماندوبوونی ده‌وێت، گه‌یشتنیش به‌ ئاستی چوار باشترینه‌که‌ی جیهان پێویستی به‌وه‌یه‌‌ بگه‌یته‌ ئاستی باڵا، بۆ ئه‌وه‌ی ئه‌و کاره‌ بکه‌یت پێویسته‌ نازناوه‌کانی گراند سلام و چه‌ندین خاڵ کۆبکه‌یته‌وه‌”.

شاره‌زایانی بواری تێنسی سه‌رزه‌وی پێیان وایه‌، لێدوانه‌کانی فێدره‌ر په‌یامێکی ڕوونه‌ و تیایدا جه‌خت ده‌کاته‌وه‌، که‌ ئه‌ستێره‌کانی ئه‌م سه‌رده‌مه‌ هه‌رگیز ئاستیان وه‌ک سێ کوچکه‌ی بواره‌که‌ نابێت (نادال و جیۆکۆڤیچ و فێدره‌ر)، به‌ڵکو له‌ داهاتووشدا گومان هه‌یه‌ بگه‌نه‌ ئه‌و ئاسته‌ باڵایه‌.

وەرزشەکانی تر

فێدرەری نەشتەرگەری ئەنجامداوە و ماوەیەک لە یاریکردن دادەبڕێت

خەڵک سپۆرت

ڕۆجێ فێدرەری ئەستێرەی تێنسی سەرزەوی بەهۆی ئەنجامدانی نەشتەرگەری لەئەژنۆیدا لە چەند پاڵەوانێتیەکی داهاتووی وەرزدا بەشداری ناکات.

ئەفسانە ناودارەکەی تێنسی سەرزەوی لە تۆڕی کۆمەڵایەتی فەیسبووکەوە ڕاگەیاندراوێکی بڵاوکردۆتەوە و ئاماژەی بە پێکانی ئەژنۆی ڕاستی کردووە.

ڕۆجێ ڕایگەیاندووە، کە بەستەرەکانی ئەژنۆی ڕاستی ئازاری دەدەن و پێکانەکەش پێویستی بە نەشتەرگەری بووە، بۆیە بڕیاریداوە لەپێناو پاراستنی توانا جەستەییەکانیدا ئەو هەنگاوە بنێت.

لە ڕاگەیاندراوەکەدا هاتووە: ماوەیەکی کەمە ئەژنۆی ڕاستم ئازارم دەدات، هیواخوازبووم پاش ماوەیەک ئازارم نەمێنیت، بەڵام دوای ئەنجامدانی پشکنینەکان و گفتوگۆکردن لەگەڵ تیمەکەم بڕیارمدا لەسویسرا نەشتەرگەری ئەنجام بدەم، پزیشکەکان پێیان وایە ئەنجامدانی نەشتەرگەری باشترین چارەسەرە و باوەڕویان بە زوو چاکبوونەوەمە.

ئەفسانەکە نوسیویەتی: بەهۆی نەشتەرگەرییەکەوە، بەداخەوە ناتوانم بەشداری پاڵەوانێتیەکانی: دوبەی، ئیندیانا وێڵز، بۆگۆتا، مەیامی و کراوەی فەرەنسا بکەم.

فێدرەر لەکۆتا رووبەڕوبونەوەدا لە پاڵەوانێری ئوسترالیای کراوە بەرانبەر نۆڤاک جیۆکۆڤیچی سڕبی یەکەمی ڕیزبەندی بە ئەنجامی سێ کۆمەڵەی بێوەڵام شکستیهێنا و لەڕیزبەندی یاریزانە پیشوەرەکاندا پلەیەک دابەزی.

بەردەوام بە لە خوێندنەوە

وەرزشەکانی تر

ڕیان نیومان بەبەرچاوی دۆناڵد ترامپەوە نزیکبوو لە دایتۆنا ماڵئاوایی لەژیان بکات

خەڵک سپۆرت

پێشبڕکێی ناسکاری دایتۆنا ٥٠٠ ئەنجامدرا و لەکۆتا خولانەوەکاندا نزیکبوو ڕیان نیومانی شۆفێری تیمی “ڕاش فینوای ڕەیسینگ” بەهۆی ڕووداوێکەوە گیان لەدەستبدات.

دۆناڵد ترامپی سەرۆکی ئەمریکا کە زۆرینەی هەوادارانی هەواداری پێشبڕکێکانی ناسکارن، ئەمڕۆ سەردانی حەلەبەی دایتۆنای کرد و بە ئوتۆمبێلی سەرۆکایەتی گەشتی سەرەتا و دەستپێکی بەنێو هاندەراندا کرد و دواتریش وەک هاندەرێکی بوارەکە بینەری پێشبڕکێی دایتۆنای ژمارە ٥٠٠ بوو.

ڕیان نیومانی ناسراو بە “ڕۆکێتمان” کە یەکێکە لە هەرە ناودارترین شۆفێرانی ناسکار لە ئەمریکا و جیهان، بە ئوتۆمبێلی فۆرد موستانگەوە تا کۆتا خولانەوەکان پلەی یەکەمی گرتبوو، بەڵام بەهۆی ڕووداوی بەریەککەوتنەوە لەگەڵ ئوتۆمبێلێکی ڕکابەردا لەڕێڕەوی حەلەبە چووە دەرەوە و خۆی کێسا بە دیواری پارێزەری هاندەران و پاشان خۆیکێشا بە چەند ئوتۆمبێلی تردا و بە ئاگرەوە لەناوەندی یاریگەکەدا خۆی گرتەوە.

تیمەکانی ئاگرکوژێنەوە و ستافی پزیشکی بەخێرایی گەیشتنە سەر ئوتۆمبێلەکە و شۆفێری ناوبراویان لەنێو ئوتۆمبێلەکەی بە برینداری هێنایە دەرەوە، دواتر ستافەکە ئاشکرایانکرد کە برینەکانی شۆفێرەکە سەختن.

ئەم ڕووداوە خۆشی و ئاهەنگێڕانی ئامادەبووان و سەرجەم تیپەکانی کۆتایی پێهێنا، تەنانەت ئاهەنگی فەرمی و کۆتایی پێشبڕکێکە ڕەتکرایەوە.

ستافی ڕاش فینوات ئاشکرایان کرد، کە پزیشکان پێیان وایە بارودۆخی نیومان ئاڵۆزە و نزیکبووە لە مردنەوە، سەرباری ئەوەی دۆخی ناجێگیربووە لە نەخۆشخانە، بەڵام مەترسی مردنی لەسەرنییە.

پێشبڕکێکانی ناسکار لەسەر ئاستی ئوتۆمبێلەکان لەجۆری “ستۆک کار ڕەیسینگ” ئەنجام دەدرێت و شۆفێران بەخێرایی (٣٠٠کم/ سەعات) بەچواردەوری ڕێڕەوی یاریگایەکدا چەندین خولانەوە ئەنجام دەدەن.

بەردەوام بە لە خوێندنەوە

وەرزشەکانی تر

ڕیاڵ مەدرید بەجیاوازییەکی زۆرەوە بردنەوەی تۆمارکرد و جامی شای ئیسپانیای ئیسپانیای بەرزکردەوە

خەڵک سپۆرت

تیپی باسکەی یانەی ڕیاڵ مەدرید لە یاریی کۆتایی جامی شای ئیسپانیا سەرکەوتنێکی گەورەیان تۆمارکرد و نازناوی ئەم وەرزەیان چنییەوە.

لەیاریی کۆتایی جامی شای ئیسپانیا بۆ یاریی باسکە، یانەی شاهانەی مەدرید ڕووبەڕوی ئونیکاخا بووەوە و بە ئەنجامی (٩٥ خاڵ بەرامبەر ٦٨) بردنەوەیەکی بەهێزیان تۆمارکرد.

لە چارەکی یەکەمدا ئەستێرە زەبەلاحەکانی مێرەنگی باڵادەستییان بەسەر ڕکابەرەکەیاندا نیشاندا و توانیان بە ئەنجامی (٢٦ – ١٣) پێشەنگی بگرن، لە چارەکی دووەمدا بە ئەنجامی (١٧ – ١٥) و چارەکی سێیەم بە ئەنجامی (٢٥ – ١٤) بردنەوەیان بەدەستهێنا.

لەچارەکی چوارەمدا یاریزانانی یانەی ئۆنیکاخا هەوڵی بێوچانیاندا ئەنجامەکە هاوتا بکەنەوە، بەڵام لەو چارەکەشدا ئەستێرەکانی لۆس بلانکۆس بە ئەنجامی (٢٦ – ٢٥) بردنەوەیان تۆمار کرد.

بەکۆی گشتی (٩٥ – ٦٨) یانە سپییە زەبەلاحەکەی ئیسپانیا بۆ جاری (٢٨) لەمێژوویاندا جامی شای ئیسپانیایان بەرزکردەوە.

ئەم سەرکەوتنەی باسکەی ڕیاڵ مەدرید لەکاتێکدا تۆمار دەکرێت، کە پێکهاتەی تۆپی پێی یانەکە لە قۆناغە یەکلاکەرەوەکانی هەمان جامدا بەهۆی دۆڕاندن بەرامبەر ڕیاڵ سۆسیداد ماڵئاواییان کرد.

بەردەوام بە لە خوێندنەوە

کوردستان