ئێمە لە تۆرە کۆمەڵایەتیەکان

جیهانی

ڕیاڵ مه‌درید ئاماده‌کاری بۆ “بۆمبه‌ گه‌وره‌که‌” ده‌کات و هه‌ینی داهاتوو ڕاستیه‌کان ئاشکرا ده‌بن !

خه‌ڵک سپۆرت

ئیداره‌ی یانه‌ی ڕیاڵ مه‌دریدی ئیسپانی له‌ بازاڕی گواستنه‌وه‌کاندا ئاماده‌کاری بۆ گواستنه‌وه‌یه‌کی گه‌وره‌ و هه‌ژێنه‌ر ده‌کات و زۆرینه‌ی سه‌رچاوه‌کان پێیان وایه‌ که‌یسی نایمار یه‌کلایی ده‌که‌نه‌وه‌.

پۆرتاڵی “دیاریۆ گۆڵ”ی ئیسپانی بڵاویکردۆته‌وه‌، ئیداره‌ی یانه‌کانی به‌رشلۆنه‌ و ڕیاڵ مه‌درید به‌رده‌وامن له‌ هه‌وڵه‌کانیان بۆ گواستنه‌وه‌ی نایمار دا سیلڤای به‌رازیلی، به‌ڵام یانه‌ که‌ته‌لۆنیه‌که‌ تائێستا چه‌ندین ئۆفه‌ری پێشکه‌ش کردووه‌ و سه‌رجه‌میان له‌لایه‌ن ناسڕ خلێفی خاوه‌نی یانه‌ی پاریس سانت جێرمانه‌وه‌ ڕه‌تکراونه‌ته‌وه‌، جگه‌ له‌وه‌ش یانه‌ی ناوبراو له‌ڕووی داراییه‌وه‌ هیچ چاره‌یه‌کیان له‌به‌رده‌ستدا نییه‌ ته‌نها گواستنه‌وه‌ به‌ شێوه‌ی خواستن و ئاڵوگۆڕ نه‌بێت، ئه‌وه‌ش به‌نسبه‌ت قه‌ته‌ریه‌کانی پاریسه‌وه‌ ڕه‌تکراوه‌ته‌وه‌.

سه‌رچاوه‌که‌ نوسیویه‌تی، فلۆرنتینۆ پێریزی سه‌رۆکی مێره‌نگی و هاوکارانی بێده‌نگن و پێده‌نگیشیان به‌هۆی هه‌وڵه‌کانی یانه‌ی به‌رشلۆنه‌وه‌یه‌، به‌ڵکو خۆیان ئاماده‌کردووه‌ له‌کۆتا ساته‌کاندا بۆمبێکی گه‌وره‌ بته‌قێننه‌وه‌ له‌گه‌ڵ خلێفی وپاریس سانت جێرمان ڕێکه‌وتن بکه‌ن، مه‌سه‌له‌که‌شیان به‌ (کات)وه‌ به‌ستۆته‌وه‌.

ئۆفه‌ری ئاماده‌کراوی یانه‌ی شاهانه‌ بریتی ده‌بێت له‌ پێشکه‌شکردنی بڕی ٢٢٠ ملیۆن یورۆ له‌ماوه‌ی دوو وه‌رزی گواستنه‌وه‌کاندا (ئه‌م وه‌رزه‌ و وه‌رزی داهاتوو) به‌شێوه‌ی قیست، سه‌ره‌تا پاره‌ی ته‌واو بۆ گواستنه‌وه‌ی دیبالا، یاخود هه‌ر جێگره‌وه‌یه‌کی تر له‌لایه‌ن ڕیاڵه‌وه‌ پیشکه‌ش ده‌کرێت و وه‌رزی داهاتووش ته‌واوکه‌ری ئه‌و بڕه‌ (٢٢٠ ملیۆنه‌که‌)، ئه‌م گواستنه‌وه‌یه‌ش هاوشانی گواستنه‌وه‌ی کیلیان مباپێی فه‌ره‌نسیه‌ له‌ مۆناکۆوه‌ بۆ پاریس سانت جێرمان.

“دیاریۆ گۆڵ” ئاماژه‌ی به‌ ٢٣ی ئه‌م مانگه‌ کردووه‌ که‌ ڕۆژی هه‌ینی داهاتوو ده‌کات وه‌ک کۆتا واده‌ی ته‌قاندنه‌وه‌ی بۆنده‌که‌ی پێرێز و ڕێکه‌وتن له‌گه‌ڵ نوێنه‌رانی نایمار.

جیهانی

بایرن میونشن بەبردنەوە لە شالکە لە لوتکەی ڕیزبەندی بۆندزلیگ نزیک بووەوە

خەڵک سپۆرت

لەمیانی ڕووبەڕوبونەوەکانی هەفتەی (١٩)ی خولی ئەڵمانیا یانەی بایرن میونشن شالکەی ڕکابەری گۆڵباران کرد.

لەتایمی یەکەمدا بایرن میونشن لەهەموو ڕووەکانەوە باشتر دەرکەوتن و لە خولەکی شەش ڕۆبێرت لیڤاندۆڤیسکی گۆڵی یەکەمی تۆمار کرد، لەکۆتا خولەکیشدا (خولەکی ٤٧) تۆماس مولەر گۆڵی دووەمی تۆمار کرد، بەم دوو گۆڵەش تاڕادەیەک کێبڕکێی نێوان شین و سوری ئەڵمانیایان خامۆش کرد.

لەتایمی دووەمدا چاوەڕوانی گەڕانەوەی یانەی شالکە دەکرا، بەڵام ئەستێرە هۆلیودیەکانی بایرن ڕێگەی گەڕانەوەیان بە یانەی میوان نەدا و لە خولەکی (٥٠) لیۆر گۆریتزکا گۆڵی سێیەمی تۆمار کرد.

پلانی هێرشبەری هانز فلیکی ڕاهێنەری بایرن لەم سنورەدا نەوەستا و لە خولەکەکانی (٥٨ و ٨٩) گۆپڵی چوارەم و پێنجەمیان لەڕێگەی تیاگۆ ئالکانتارا و سێرج گنابریەوە تۆمار کرد و یارییەکە هەر بەو ئەنجامە کۆتایی هات (٥ – ٠).

لەمیانی یارییەکانی هەفتەی (١٩) و بەشێوەیەکی چاوەڕوان نەکراو یانەی لایپزیگ بە ئەنجامی دوو گۆڵی بێوەڵام بەرامبەر ئینتراخت فرانکفۆرت دۆڕاندنی تۆمارکرد و ڕێژەی خاڵەکانیان لە (٤٠)دا وەستایەوە، بایرن بە بردنەوە لە شالکە ژمارەی خاڵەکانی گەیاندە ٣٩ و حاڵی حازر جیاوازی نێوان یەکەم و دووەمی ڕیزبەندی تەنها خاڵێکە.

ئەنجامەکانی تریش بەم شێوەیە بوون:

ئینتراخت فرانکفۆرت ٢ – ٠ لایپزیگ

فرایبۆرگ ٠ – ٢ پادربۆرن

ڤۆلفسبۆرگ ١ – ٢ هێرتا بەرلین

مونشنگلادباخ ٣ – ١ ماینز

یونایۆن بەرلین ٢ – ٠ ئۆگسبۆرگ

بایرن میونشن ٥ – ٠ شالکە

بەردەوام بە لە خوێندنەوە

جیهانی

(ڤیدیۆ) بەرشلۆنەی سیتین تامی یەکەم دۆڕاندنی کرد و ڕیاڵ مەدرید چانسی گرتنەوەی لوتکەی هەیە

خەڵک سپۆرت

ئەمشەو لەچوارچێوەیململانێکانی هەفتەی (٢١)ی خولی ئیسپانیا، یانەی ڤالێنسیا میوانداری یانەی بەرشلۆنەی کرد و بە ئەنجامی دوو گۆڵی بێوەڵام کیکی سیتین تامی یەکەم دۆڕاندنی کرد.

لە تایمی یەکەمدا ڤالێنسیا هاوسەنگتر و بەهێزتر لە کەتەلۆنیەکان دەرکەوتن و چەندین هەلی مەترسیداریان دروست کرد، لە خولەکی (١٢) ماکسیمیلیانۆ گۆمێز پەناڵتی بۆ یانەی خاوەن یاریگا و هاندەر لەدەستدا و ئەندرێ تێر شتیگنی گۆڵپارێزی ئەڵمانی لەو هەلە و چەندین هەلی تردا ڕێگربوو لە شکاندنی ئەنجامەکە.

لەنێوان هێرشی بەردەوامی کوڕانی مێستایا و هێرشی پچڕ پچڕی مێسی و گریزمان و ئانسو فاتی تایمی یەکەم بەبێ گۆڵ کۆتایی هات.

لەدەستپێکی تایمی دووەم و بەتایبەت لە خولەکی (٤٨) ڤالێنسیا سودی لەهەڵەی جۆردی ئەلبای بەرگریکاری باڵی چەپی یانەی بەرشلۆنە وەرگرت و گۆڵی یەکەمیان تۆمار کرد.

لەدوای ئەم گۆڵە لیۆ مێسی هەوڵی بێوچانیدا بەتوانا هونەرییە تاکە کەسیەکانی ئەنجامەکە یەکسان بکاتەوە، بەڵام ئەستێرەکانی ڤالێنسیا سەرکەوتوبوون لەڕاگرتنەوەی.
لە خولەکی ٧٧ ڤالێنسیا لەڕێگەی ماکسیمیلیانۆ گۆمێزەوە گۆڵی دووەم و یەکلاکەرەوەی یارییەکەیان تۆمار کرد، ڕووبەڕوبونەوەکەش بە ئەنجامی (٢ – ٠) کۆتاییهات.
بەرشلۆنە لە سنوری (٤٣) خاڵدا وەستایەوە و بەشێوەیەکی کاتیی لە پلەی یەکەمی ڕیزبەندی یانەکانی لالیگا بەردەوام دەبێت، لەبەرامبەردا یانەی ڕیاڵ مەدرید لەچوارچێوەی ململانێکانی هەمان هەفتە بەبردنەوە و تەنانەت یەکسانبوونیش دەتوانێت لوتکەی خولی ئیسپانیا بگرێتەوە.

بەردەوام بە لە خوێندنەوە

جیهانی

شێخی قەتەر بۆندێکی خەیاڵیی پێشکەشی ڕیاڵ مەدرید کردووە: ئەستێرەکەتان بدەن بە ئێمە

خەڵک سپۆرت

ناسڕ خلێفی و هاوکارانی لە ئیدارەی یانەی پاریس سانت جێرمان بەدوای هێرشبەرێکی ژمارە (٩)دا دەگەڕێن و پێیان وایە، کەریم بنزیمەی فەرەنسی باشترین هەڵبژاردەیە بۆ پڕکردنەوەی پێگەی سێیەم لەپاڵ مباپێ و نایماردا.

لەم وەرزەدا ئیدینسۆن کاڤانی هێرشبەری ئۆرۆگوایی بەهۆی پێکان و یارینەکردنەوە ئاستی دابەزیوە و لەجێگەی ماورۆ ئیکاردی ئەرجەنتینی دەستی بەیاریکردن کردووە، بەڵام ئەم هێرشبەرەش بەهۆی کێشە خێزانیەکانیەوە نەزانراوە ئایا لە پاریس بەردەوام دەبێت یان نا.

لەم بارەیەوە پۆرتاڵی “دیاریۆ گۆڵ”ی ئیسپانی لەئاژانسی (ئی ئێف ئی)یەوە ئاشکرای کردووە، ناسڕ خلێفی قەتەری خاوەنی یانەی پاریس سانت جێرمان لە میریکاتۆی هاوینەی ٢٠٢٠ بیر لە هەژاندنی بازاڕی گواستنەوەکان دەکاتەوە.

خلێفی ئامادەیی نیشانداوە بڕی ١٠٠ ملیۆن یورۆ پێشکەشی یانەی ڕیاڵ مەدرید بکات تەنها لەپێناو دەستبەرداربوونیان لە کەریم بنزیمەی هێرشبەری فەرەنسی.

بەپێی سەرچاوەکە، زینەدین زێدان و کەریم بنزیمە پەیوەندیەکی توندوتۆڵیان بەیەکەوە هەیە، بۆیە هێرشبەرە فەرەنسیەکە جەختی لە بەردەوامبوون لە سانتیاگۆ بێرنابیۆ کردۆتەوە و ڕایگەیاندووە، کێشی بۆندە پێشکەشکراوەکە هەرچەندێک بێت پێی قایل نابێت، بەڵام ئەوەی گومانی دروست کردووە بیرکردنەوە کتوپڕ و چاوەڕوان نەکراوەکانی فلۆرنتینۆ پێرێزی سەرۆکی یانەیە.

ئایا سەرۆک گرەوێکی بازرگانی هێندە گەورە لەدەست دەدات؟

بەردەوام بە لە خوێندنەوە

کوردستان