ئێمە لە تۆرە کۆمەڵایەتیەکان

عێراق

(خەڵك) دوایین زانیاری لەسەر ڕەوشی تەندروستی وەلید ئیبراهیم بڵاودەكاتەوە

خەڵك-بەشی هەواڵ

ئەمڕۆ چوار شەممە دەنگۆی كۆچی دوایی قورئانخوێنی بەناوبانگی عیراقی وەلید ئیبراهیم لە میدیا عیراقییەكان بڵاوكرایەوە.

وەلید ئیبراهیم لە ئێستادا باری تەندروستی ناجێگیرە و لە شاری هەولێر لە نەخۆشخانەی پار لەژێر چارەسەری پزیشكیدایە، بۆ وەرگرتنی زانیاری زیاتر لەسەر باری تەندروستی ناوبراو، (خەڵك) پەیوەندی بە نەخۆشخانەی پار لە هەولێر كرد و سەرچاویەك، كە نەیویست ناوی ئاشكرا بكرێت ڕاگەیاند، وەلید ئیبراهیم لە نەخۆشخانەی پارە و لە ئێستادا لە ژیاندا ماوە.

وتیشی، “ناوبراو دۆخی تەندروستی ناجێگیرە و لەژێر چارەسەری پزیشكیدایە”.

ولید ابراهیم الدلیمی (الفلوجی)لە ساڵی ١٩٤١ لە شارۆچكەی فەلوجە سەربە پارێزگای ئەنبار لە دایكبووە لە خانەوادەیەكی موسڵمانی سووننی هاۆەتە دنیاوە، باوكی یارمەتیدەرێكی باشی بووە بۆ لەبەركردنی قورئان.

ناوبراو لە تەمەنی گەنجیدا بە قورسی توشی نەخۆشیەك دەبێت لەو نەخۆشیەوە بینایی چاوەكانی لە دەست دەدات، بەڵام لەبەرامبەر ئەو لەدەستدانە خوای گەورە ئەو دەنگە خۆشەی پێدەبەخشێت.

ئابوری

“پڕۆژە یاسای بودجەی عیراق ڕەوانەی پەڕلەمان نەكراوە”

خەڵك-بەشی هەواڵ

ئەندامێكی لیژنەی دارایی لە پەڕلەمانی عیراق ڕایدەگەیەنێت، تا ئێستا پڕۆژە یاسای بودجەی ڕەوانەی پەڕلەمان نەكراوە.

هەرچەندە بەپێی یاسادەبوو لە 15-10ی ئەمساڵ پڕۆژەكە ڕەوانەی پەڕلەمان بكرایە، بەڵام بەهۆی ئەنجامدانی خۆپیشاندنەكانی عیراق، پڕۆژەكە ڕەوانەی پەڕلەمان نەكرا و تا ئێستاش خۆپیشاندانەكان بەردەوامە و مەترسی بۆسەر تێنەپەڕاندنی پڕۆژەكەشدروست كردووە.

شیروان میرزا ئەندامی لیژنەی یاسایی لە پەڕلەمانی عیراق بە (خەڵك)ی ڕاگەیاند، كورد داواكاری خۆی هەیە و داواكاری خۆی ناردووە بۆ ئەوەی لە پڕۆژە یاسای بودجەی ساڵی داهاتوو جێیبكرێتەوە، بەڵام ئایا داواكارییەكە چییە و چۆنە ووردەكاریەكەی نازانین، چاوەڕێ دەكەین بێتە پەڕلەمان و گفتوگۆش لەو بوارە هەیە و بەردەوامە.

وتیشی”شتێك نییە بەناوی داخوازی و جێبەجێكردنی، یاخود ئەوە نییە هەموو خواستەكانی كورد ڕەتبكرێتەوە، بەڵكو ئەوەیە ئایا ئەوەی كورد داوای دەكات هەمووی جێبەجێ دەكرێت یاخود بەشێكی ڕەتدەكرێتەوە”.

ئاماژەی بۆ ئەوەش كرد، بۆ وەرگرتنی مافەكانمان لە بودجە پێویستمان بە دانوستان هەیە.

بەردەوام بە لە خوێندنەوە

عێراق

بەغدا.. دوو مووشەك ئاڕاستەی ناوچەی‌ سەوز كرا
لە ناوچەی كەڕادەش مووشەكێك هاووڵاتییەكی كردە ئامانج

خەڵك – بەشی هەواڵ

شانەی ڕاگەیاندنی ئەمنی عیراق بڵاویكردەوە، دوو مووشەك ئاڕاستەی ناوچەی سەوز كراون و مووشەكێكیش لە ناوچەی كەڕادە تەقیتەوەتەوە و بەهۆیەوە هاووڵاتییەك بریندار بووە.

شانەی ڕاگەیاندنی ئەمنی عیراق لە ڕاگەینراوێكدا ئاماژەی بەوەدا، دوو مووشەك ئاڕاستەی ناوچەی سەوز لە بەغدا كراون، مووشەكی‌ یەكەم كەوتووەتە ناو ڕووباری‌ دیجلەوە و مووشەكی‌ دووەمیش لە نزیك یاریگایەكی‌ بەرامبەر ناوچەی‌ سەوز تەقیوەتەوە.

شانەی ڕاگەیاندنی ئەمنی ڕوونیشیكردووەتەوە، مووشەكەكانی كە ئاڕاستەی ناوچەی سەوز كراون هیچ كەسێكی نەكردووەتە ئامانج و هێزە ئەمنییەكانیش گەیشتوونەتە شوێنی‌ ڕووداوەكە.

شانەی ڕاگەیاندنی ئەمنی عیراق لە ڕاگەیەنراوەكەدا ئەوەشیخستووەتەڕوو، مووشەكێك ئاڕاستەی ناوچەی كەڕادەی ناوەڕاستی بەغدای پایتەخت كراوە و لە نزیك كۆمپانیایەك تەقیوەتەوە و بەهۆیەوە كەسێك برینداربووە

شانەی ڕاگەیاندنی ئەمنی عیراق لەبارەی ئەنجامدەرانی ئەو هێرشە مووشەكییانە ڕایگەیاندووە، تا ئێستا نازانرێت جۆری مووشەكەكان چین و كێ‌ هێرشەكانی ئەنجامداوە.

بەردەوام بە لە خوێندنەوە

عێراق

پەڕلەمانتارێكی كورد: لە عیراق كێشەی مووچە نییە
“حزبەكانی عیراق تەسفیە حسابی خۆیان لەسەر خۆپیشاندانەكان دەكەن”

خەڵك – بەشی هەواڵ
ئەندامێكی پەڕلەمانی عیراق ڕایدەگەیەنێت، سەرەتاكانی خۆپیشاندان لە عیراق تەنها بۆ خزمەتگوزاری بوو، بەڵام دواتر لایەنە سیاسیەكان تەسفیە حسابی خۆیانی لەسەر دەكەن، دەشڵێت: “لە عیراق كێشەی مووچە نیە، كێشەی داهاتی عیراق لە گرێبەستەكاندایە”.

د. میران محەمەد، ئەندامی پەڕلەمانی عیراق لە فراكسیۆنی یەكێتی بە (خەڵك)ی ڕاگەیاند، لە سەرەتاكانی خۆپیشاندان هاووڵاتیان خۆپیشاندانیان بۆ داواكاری خزمەتگوزاری بوو، لە هەموو ڕووەكانەوە، بەتایبەت كەرتی تەندروستی لە عیراق زۆر زۆر خراپە.

وتیشی، “لایەنە سیاسیەكانی عیراق بۆ تەسفیە حسابی خۆیان دەستیان لەگەڵ خۆپیشاندانەكان تێكەڵ كرد، بۆیە ئەوەی لێكەوتەوە، كە ئێستا داوای گۆڕینی حكومەت و دەستوور و سیستەمی سیاسی دەكەن لە عیراقدا”.

ڕاشیگەیاند، لایەنە سیاسیەكانی عیراق لەماوەی دوای ڕووخانی ڕژێمی پێشوو ئەگەر نیازیان چاكسازی بوایە دەبوو لە ساڵی 2003وە شتێك بكرایە، بەڵام ئێستا 2019 هیچ شتێكیان نەكردووە.

ئاماژەی بۆ ئەوەشكرد، ئەم چاكسازیانەی بڕیاری لەبارەوە دراوە ئیرادەیەك هەیە بۆ جێبەجێكردنی و ماوەی ساڵێكی پێویستە تا بكرێت، لە شەفافیەت و نەمانی دزی لەسەر داهاتی گشتی ئەم وڵاتە.

ئاشكراشیكرد، لە عیراق كێشەی مووچە نیە، ئەوەی كێشەی بۆ داهاتی عیراق دروست كردووە ئەو گرێبەستانەیە، كە هەر لایەنە بە وەزیرەكەی خۆی لە حكومەت كردویەتی بۆ نمونە گرێبەستێك بە ملیارێك دۆلار بووە وەزیر 2 ملیاری بۆ تەرخان كردووە.

بەردەوام بە لە خوێندنەوە

کوردستان