ئێمە لە تۆرە کۆمەڵایەتیەکان

کوردستان

“گۆشتفرۆشی ئازادی” لە هەواری شار داخرا

خەڵك- بەشی هەواڵ

بەهۆی پابەندنەبون بە مەرج و رێنماییه ڤێتێرنەری و تەندروستییەكان، لیژنە هاوبەشەكانی قائیمقامیەت لەگەڕەكی هەواری شار دوكانێكی گۆشتفرۆشتنیان داخست.

بێوەی ئەحمەد، نوێنەری بەڕێوەبەرایەتی ڤێتـێرنەری سلێمانی و سەرۆكی لیژنەی دوو رایگەیاند؛ بەهۆی نەبوونی مۆڵەت و سەرپێچیكردن لە مەرج و رێنماییەكانی كاركردن بەتایبەت ڤێتێرنەری و تەندروستییەكان و هەبوونی گۆشتی بێمۆر و بەستوو، لیژنەی دووی سەربەلیژنە هاوبەشەكانی قائیمقامیەتی سلێمانی دوكانی گۆشتفرۆشتنی ئازادی لە گەڕەكی هەوای شار داخستووە”.

وتیشی” یەكێك لە سەرپێچییەكانی گۆشتفرۆشی ئازادی، هەبوونی گۆشتی بەستووە‌، بە نرخی گۆشتی فرێش و خۆماڵی بەهاوڵاتیانی فرۆشتووە، ئەمەش (غش تجاری) فێڵێ بازرگانییە و یاسا رێگری لێدەكات و سزای توندی بۆ ئەو كەسانە داناوە ئەنجامی دەدەن.”
ناوبراو هەروەها وتویەتی”سەرپێچییەكی تری گۆشتفرۆشی هەواری شار، نەبوونی مۆڵەتی تەندروستی و ڤێتێرنەرییه كە بنەمای هەموو پیشەیەك وەرگرتنی مۆڵەتە لە لایەنی پەیوەندیدار بە پیشەكەی، بۆیە رێگری لە هەموو ئەوشوێنانە دەكرێت بەبێ مۆڵەت كاربكەن.”

هەروەها وتویەتی”‌ بەبڕیاری قائیمقامی سلێمانی دوكانی گۆشتفرۆشی ئازادی دادەخرێت و خاوەنەكەشی روبەروی رێكاری یاسایی دەكرێتەوە، شوێنەكەشی ناكرێتەوە تائەو كاتەی سەرجەم مەرجەكان جێبەجێ دەكات.”

کوردستان

خۆپیشاندەران گەیشتنە سەرای سلێمانی

سلێمانی ـ نزار جەزا

خۆپیشاندەران لە بەردەم باخی گشتی شاری سلێمانیەوە خۆپیشاندانیان دەستپێكرد و بە رێپێوان چونە بەر دەركی سەرا لەنێو بازاڕی شارەكە.

ئەمڕۆ چوار شەممە خۆپیشاندانی فراوانی مامۆستایانی ناڕازی و چین و توێژەكان لەبەردەم باخی گشتی شاری سلێمانی دەستیپێكرد.

هاوكات ئەمڕِۆ لە مامۆستایانی خوێندنی كوردی لە شاری كەركوك بۆ داواكردنی موچە خۆپیشاندانیان دەستپێكرد.

ناڕەزایەتی هاوڵاتییان و موچەخۆران بەدەست قەیرانی دارایی و بێ موچەییەوە تادێت زیاتر دەبێت، هەر بۆیە دوێنێ ئەنجومەنی مامۆستایانی ناڕازی بڕیاریاندا، ئەمڕۆ چوار شەممە كاتژمێر ١٠ لەبەردەم باخی گشتی سلێمانی خۆپیشاندان ئەنجامبدەن.

نزیكی دوو مانگە موچەخۆرانی هەرێمی كوردستان موچەیان وەرنەگرتووە و موچەی 5 مانگی دیكەی ئەمساڵیشیان بۆ پاشەكەوتكراوە.

ئەمڕۆ مەسرور بارزانی سەرۆك وەزیرانی هەرێم لە كۆبونەوەی ئەنجومەنی وەزیراندا ئاشكرایكرد بەیانی دەست بەدابەشكردنی موچە دەكەن و چاوەڕێن كازمی 320 ملیار دینارەكەیان بۆ بنێرێت، لە كاتێكیشدا نەگات بە قەرز كورتهێنانەكە پڕدەكەنەوە و دواتر لە پارەكەی بەغدا قەرزەكە دەدەنەوە.

بەردەوام بە لە خوێندنەوە

کوردستان

مەسرور بارزانی: لە سبەینێوە دەستبەدابەشکردنی مووچە دەکرێت

خەڵک

مەسرور بارزانی سەرۆکی حکومەتی هەرێمی کوردستان، ئەمڕۆ لە کۆبوونەوەی ئەنجومەنی وەزیران ڕایگەیاند: لە بەیانییەوە دەست بەدابەشکردنی مووچە دەکەین

مەسرور بارزانی، سەرۆکی حکومەتی هەرێمی کوێدستات، ڕایگەیاندووە: بەردەوام لە سەر هێڵ بووین لە گەڵ سەرۆک وەزیرانی عیراق بەرێز و بەڵێنیانداوە بابەتی ناردنی مووچە لە چەند رۆژی داهاتوودا چارەسەر بکەن، بەڵام ئەگەر لە بەر هەر هۆیەک لە کاتی خۆیدا مووچەی هەرێم لە بەغداوە نەگەیشت، ئەوە حکومەتی هەرێمی کوردستان ئەو کورتهێنانە بە قەرز دابین دەکات تا بڕە مووچەی تەرخانکراو لە بەغدا دەگات و دواتر پارەکەی بەغدا لە بری قەرزەکە دەدرێتەوە

.ئاشکراشیکرد: لە بەیانییەوە دەست بە مووچە دابەشکردن دەکرێت.

بڕیاری دابەشکردنی مووچە لەکاتێکدایە کە لەشاری سلێمانی خۆپیشاندانی ناڕەزایی مامۆستایان و فەرمانبەران بەردەوامە.

بەردەوام بە لە خوێندنەوە

کوردستان

خۆپیشاندان لە سلێمانی بەردەوامە

سلێمانی ـ نزار جەزا

ئەمڕۆ چوار شەممە خۆپیشاندانی فراوانی مامۆستایانی ناڕازی و چین و توێژەكان لەبەردەم باخی گشتی شاری سلێمانی دەستیپێكرد.

ناڕەزایەتی هاوڵاتییان و موچەخۆران بەدەست قەیرانی دارایی و بێ موچەییەوە تادێت زیاتر دەبێت، هەر بۆیە دوێنێ ئەنجومەنی مامۆستایانی ناڕازی بڕیاریاندا، ئەمڕۆ چوار شەممە کاتژمێر ١٠ لەبەردەم باخی گشتی سلێمانی خۆپیشاندان ئەنجامبدەن.

لەخۆپیشاندانەکەدا خۆپیشاندەران دروشمیان بەرزکردۆتەوە، بەمەبەستی فشارخستنە سەر حکومەتی هەرێم، کە موچە لەکاتی خۆیدا دابەشبکات.

نزیکی دوو مانگە موچەخۆرانی هەرێمی كوردستان موچەیان وەرنەگرتووە و موچەی 5 مانگی دیكەی ئەمساڵیشیان بۆ پاشەکەوتكراوە.

حكومەتی هەرێمی كوردستان بۆ دەستكردن بە دابەشكردنی موچەی مانگی 10 دوو بژاردەی ئامادەکردووە، یان چاوەڕێکردنی ناردنی 320 ملیار دینارەكەی بەغدا، كە تا ئێستا روون نییە كەی دەینێرێت، بژاردەی دووەمیش فرۆشتنی چەند موڵکێکی حکومییە بۆ دابینکردنی موچە، کە ئەمیش تاکو ئێستا ڕوون نییە کەی دەتوانرێت موچەی پێ بدرێت.

بەپێی سەرچاوە نافەڕمییەكان، حكومەتی هەرێمی كوردستان لە حاڵی نەهاتنی 320 ملیارەكە، بە داهاتی خۆی موچە بە لێبڕینی 40% دابەشدەكات، و ئەمڕۆش لەوبارەیەوە ئەنجومەنی وەزیران کۆدەبێتەوە، کە ئایا چۆن موچە دابەشبکات.

بەردەوام بە لە خوێندنەوە

کوردستان