ئێمە لە تۆرە کۆمەڵایەتیەکان

ئابوری

هێنانی مریشك و هێلكەی توركی قەدەغە كرا

خەڵك- بەشی هەواڵ
وەزیری كشتوكاڵی عیراق ڕەتیكردەوە وڵاتەكەی مریشك و هێلكە هاوردە بكات و بڕیاری قەدەغەكردنەكەش بە ڕێنمایی ئەمینداری گشتی ئەنجوومەنی وەویرانە و لەبەر زۆری بەرهەمی نیشتمانییە.

ئەمڕۆ سێ‌ شەممە، صاڵح حەسەنی، وەزیری كشتوكاڵی عیراق لە بەغدا چاوی بە فاتح یەڵدز، باڵێوزی توركیا كەوتووە لە عیراق و لە بەیاننامەیەكدا لەو بارەیەوە، وەزیری كشتوكاڵی عیراق ڕایگەیاندووە، “عیراق بەردەوام دەبێت لەسەر ڕێگرتن لە هاوردەكردنی پەلەوەر و هێلكە، بەو پێیەی بەرهەمەكە لەناوخۆدا زۆرە، باڵێوزی توركیاش بانگهێشتی وەزیری كشتوكاڵی كردووە، تا سەردانی توركیا بكات و لە نزیكەوە كەرتی پەلەوەری لە وڵاتەكە و بە تایبەت لە شاری ئەفیون ببینێت، بەو پێیەی پارێزگایەكە بەناوبانگە لە بەرهەمی پەلەوەر و هێلكەدا”.

بە وتەی وەزیری كشتوكاڵی عیراق، وەك لە بەیاننامەكەدا ئاماژەی پێكراوە، “ڕێگە بە هاوردەكردنی پێداویستی تر بۆ بەخێوكردنی پەلەوەر دەدرێت، بەڵام ڕێگرتن لە هاوردەكردنی بەروبومەكانی پەلەوەر لە دوای چاودێری وەزارەتەكەیان بووە، كە زۆری ئەو بەروبوومە و بەشی خۆژییەنی لە بازاڕەكانی ناوخۆدا بەدیكراوە”.

لای خۆیەوە باڵێوزی توركیا، ئامادەیی وڵاتی خستۆتەڕوو بۆ هەماهەنگی كردن و پشتیوانیكردن لە عیراق لە هەموو پرۆژە كشتوكاڵییەكان لەڕێی دانانی پڕۆگرامی كشتوكاڵی هاوبەش و كردنەوەی خولی ڕاهێنان بە هەماهەنگی لەگەڵ ڕێكخراوە پەیوەندیدارەكانی توركیا، خۆشحاڵی خۆشی پیشانداوە بە چاوپێكەوتنەكە كە “دەبێتە مایەی گۆڕینەوەی شارەزایی و گواستنەوەی تەكنەلۆجیای كشتوكاڵی لەنێوان هەردوو وڵاتدا”.

ئابوری

وەزارەتی كشتووكاڵ هاوردەكردنی بەرهەمێكی دیكە قەدەغە دەكات

خەڵك-ئارام سەردار
وەزیری كشتووكاڵ و سەرچاوەكانی ئاوی حكومەتی هەرێم ئاشكرای دەكات، هەر بەرهەمێكی ناوخۆیی بەشی پێداویستی ناووخۆ بكات هاوردەكردنی قەدەغە دەكرێت یاخوود سنوردار دەكرێت.

بێگەرد تاڵەبانی، وەزیری كشتووكاڵ و سەرچاوەكانی ئاو لە لێدوانێكی ڕۆژنامەوانیدا ڕایگەیاند، ئەمساڵ ڕێژەیەكی باش هەنگوین لەناووخۆی هەرێم بەرهەم هاتووە، لەم چوارچێوەیە بۆ پاراستن و پەرەپێدانی بەرهەمی ناوخۆیی بڕیار دراوە لەئەمڕۆ دووشەممە ۱٦ی ئەیلوول هاوردەكردنی هەنگوین قەدەغە بكرێت.

ڕاشیگەیاند، هەر بەرهەمێك لەناوخۆی ووڵات خواست و پێداویستی ناوخۆ پڕبكاتەوە ئەوا هاوردە كردنی قەدەغە دەكرێت، یان بەگوێرەی پێویستی بازاڕ و خواست لەسەری سنوردار دەكرێت.

بەردەوام بە لە خوێندنەوە

ئابوری

عیراق، 600 هەزار تەن برنج بەرهەم دەهێنێت

خەڵك- بەشی هەواڵ
وەزارەتی كشتوكاڵی عیراق، پێشبینی دەكات لە وەرزی كشتوكاڵی ئەمساڵ، 600 هەزار تەن برنج بەرهەم بهێنرێت.

ئاژانسی (رۆیتەرز) لە زاری حەمید نایف، وتەبێژی وەزارەتی كشتوكاڵی عیراقەوە بڵاویكردەوە”ئەو ڕووبەرەی بە برنج چێنراوە 645 هەزار دۆنم دەبێت، ئەمەش لەماوەی 20 ساڵی ڕابردوودا بە فراوانترین ڕووبەر دادەنرێت كە هۆكارەكەی بۆ زۆری بارانبارین دەگەڕێتەوە”.

بە وتەی نایف”ئەو ژمارەیە 70%ی یەدەگی ناوخۆیی پڕدەكاتەوە”.

عیراق كە بە هاودەكەرێكی گەورەی دانەوێڵە لە خۆرهەڵاتی ناوەڕاستدا دادەنرێت، لە مانگی حوزەیرانی 2018 بەهۆی كەمی ئاوەوە، چاندنی برنجی قەدەغەكرد، بەڵام  بەهۆی زۆرى بارانبارین لە وەرزی 2019، لە بڕیارەكە پاشگەزبووەوە.

بەردەوام بە لە خوێندنەوە

ئابوری

بانكی ناوەندی 161 ملیۆن دۆلار دەخاتە بازاڕەوە

خەڵك- بەشی هەواڵ

بانكی ناوەندی عیراق لەڕێگەی زیادكردنی ئاشكراوە بڕێكی كەمتر لە دراوی ئەمریكایی (دۆلار)ی خستە بازاڕەكان، ئەمەش كاریگەری لەسەر بەرزبوونەوەی نرخی ئەو دراوە هەیە لە بازاڕەكانی ناوخۆدا.

بەپێی بەیاننامەیەكی بانكی ناوەندی عیراق، كە ئەمڕۆ دوو شەممە بڵاوكرایەوە، بە زیادكردنی ئاشكرا بڕی 161.225 ملیۆن دۆلار بە بانك و كۆمپانیاكانی حەواڵە فرۆشراوە، ئەمەش بەراورد بەو بڕەی لە ڕۆژی پێشوودا فرۆشرا، كە 244.834 ملیۆن دۆلار بوو، دابەزینی بەرچاوی بەخۆوە بینیوە.

بانكی ناوەندی دەڵێت: “بڕی ئەو پارەیەی بۆ پتەوكردنی ڕەسیدی بانكەكانی دەرەوە فرۆشراوە، گەیشتۆتە 144.825 ملیۆن دۆلار، بڕی 16.430 ملیۆن دۆلاریش بەشێوەی كاش فرۆشراوە”.

هەر لە بەیاننامەكەی بانكی ناوەندیدا هاتووە، “یەك دۆلار بە 1190 دینار فرۆشراوە و لەو زیادكردنەشدا 21 بانك بەشدارییان كردووە”.

ڕۆژانە لەگەڵ زیادبوونی خستنەڕووی دۆلار لە بازاڕەكاندا، بەهای دۆلاری ئەمریكی دادەبەزێت و بەپێچەوانەشەوە بەهاكەی بەرزدەبێتەوە، ئەمڕۆش لە بازاڕەكانی ئاڵوگۆڕی دراو لە سلێمانی نرخی 100 دۆلار بە 120 هەزار و 450 دینار مامەڵەی پێوەكراوە.

بەردەوام بە لە خوێندنەوە

کوردستان