ئێمە لە تۆرە کۆمەڵایەتیەکان

جیهان

ئێران، گەورەترین گرووپی چەكداری بازرگانیكردن بە ماددە هۆشبەرەكانی دەستگیر كرد

خەڵك-بەشی هەواڵ

 

هێزە ئەمنییەكانی ئێران لە پارێزگای هورموزگان گەورەترین گرووپی بازرگانیكردن ماددە هۆشبەرەكانی دەستگیر كرد.

ناوەندی پەیوەندییە گشتییەكانی وەزارەتی ئیتلاعاتی كۆماری ئیسلامی ئێران لە ڕاگەیەندراوێكدا ئاماژە بۆ ئەوە دەكات، بە هۆی بوونی زانیاری دروست لەسەر گروپێكی مادە هۆشبەرەكان، هێزە ئەمنییەكانی پارێزگای هورموزگان، گەورەترین گرووپی بنەماڵەیی قاچاخی ماددە هۆشبەرەكانی لە باشووری ئێران دەستگیر كرد.

ئاشكراشیدەكات گرووپەكە پێكهاتبوون لە 4 برا كە بەشێوەی چەكدارانە وەجبەی گەورەی ماددە هۆشبەرەكانیان لە یەكێك لە وڵاتانی دراوسێوە بە بەلەم و پاپۆڕی ڕاوە ماسی دەبردە كەنارەكانی هورموزگان و بەشێكی زۆر ئەو ماددانەیان لە نێوخۆی ئێران بڵاودەكردەوە و بەشێكیشیان دەگواستەوە بۆ دەرەوەی وڵات و داهاتی گرووپەكەش گەیشتوەتە زیاتر لە 10 هەزار ملیار ڕیاڵ.

بەپێی زانیارییەكان، تا ئێستا چەندینجار هێزە ئەمنییەكانی هەرێم گرووپی بازرگانیكردن بە مادە هۆشبەرەكانیان دەستگیر كردووە و گومان دەكرێت بەشێكی ئەو ماددانە لە ئێرانەوە هاوردە بكرێن.

جیهان

توركیا دەروازە سنوورییەكانی لەگەڵ ئێران داخست

خەڵك- بەشی هەواڵ
بۆ ڕێگری لە بڵاوبوونەوەی ڤایرۆسی كۆرۆنا، توركیا سەرجەم دەروازە سنوورییەكانی لەگەڵ كۆماری ئیسلامی ئێران داخست.

فەخرەدین قۆجە، وەزیری تەندروستی توركیا لە كۆنگرەیەكی ڕۆژنامەوانیدا ڕایگەیاند، كە بەهۆی بڵاوبوونەوەی ڤایرۆسی كۆرۆنا لە چەند شوێنێكی ئێران، بڕیاریان داوە سەرجەم دەروازە سنوورییەكان لەگەڵ كۆماری ئیسلامی ئێران دابخەن.

ڕاشیگەیاند، كە داخستنی دەروازە سنوورییەكان بەشێوەی كاتی دەبێت و دوای ئاسایی بوونەوەی ڕەوشەكە دەروازەكان دەكەنەوە.

لەئێستادا بەپێی ئامارەكانی وەزارەتی ژینگە و تەندروستی ئێران، نزیكەی 48 كەس لەو وڵاتە تووشی ڤایرۆسی كۆرۆنا بوون و بەهۆیەوە 8 كەس گیانیان لەدەستداوە.

بەردەوام بە لە خوێندنەوە

جیهان

تووشبووانی ڤایرۆسی كۆرۆنا لە ئێران لە زیادبووندان

خەڵك-بەشی هەواڵ

وەزارەتی تەندروستی ئێران ئاشكرای دەكات، تاكو ئێستا 43 هاووڵاتی تووشی ڤایرۆسی كۆرۆنا بوون و 8 هاووڵاتیش گیانیان لەدەستداوە.

میدیاكانی ئێران پاڵپشت بە ڕاگەیەنراوی وەزارەتی تەندروستی وڵاتەكە بڵاویانكردەوە، تاكو ئێستا لە سەرتاسەری وڵات 43 هاووڵاتی تووشی ڤایرۆسی كۆرۆنا بوون.

ئاماژەی بۆ ئەوەشكرد، لە سەتاسەری ئێران بەهۆی ڤایرۆسەكەوە 8 كەس گیانیان لە دەستداوە.

ڤایرۆسی كۆرۆنا بۆ یەكەمجار لە وڵاتی چین-ەوە سەریهەڵدا و لە ئێستاشدا لە زۆرینەی وڵاتانی جیهان بڵاوبۆتەوە، بەرپرسانی هەرێمی كوردستانیش سەرجەم ئامادەكارییەكان بۆ ڕووبەڕووبوونەوەی ڤایرۆسەكە كردووە.

بەردەوام بە لە خوێندنەوە

جیهان

وەزیری ناوخۆی توركیا: 12 كەس بەهۆی بومەلەرزەكەوە بونە قوربانی

خەڵك- بەشی هەواڵ

وەزیری ناوخۆی توركیا ڕایگەیاند لە بومەلەرزەكەی ئەمڕۆدا حەوت هاووڵاتی گیانیان لەدەستداوە و پێنجی دیكەش برینداربوون.

سولەیمان سۆیلۆ وەزیری ناوخۆی توركیا وتی: لە بوومەلەرزەكەی ئەمڕۆ 12 هاووڵاتی گیانیان لەدەستداوە و بریندار بوون و ژمارەیەك هاووڵاتی كەوتوونە ژێر خانووە ڕووخاوەكانەوە.

وتیشی: تیمەكانی فریاگوزاری گەیشتوونە شوێنی بومەلەرزەكە بۆ بە هاناوەچوونی هاووڵاتیان.

بەیانی ئەمڕۆ بومەلەرزەیەك ناوچە سنوورییەكانی نێوان باكور و رۆژهەڵاتی كوردستانی هەژاند كە گوڕەكەی 5.7 پلەی ڕێختەر بووە.

بەردەوام بە لە خوێندنەوە

کوردستان