ئێمە لە تۆرە کۆمەڵایەتیەکان

ئابوری

بە چەندە دەدرێت بە هاووڵاتیان؟
ئایا لەگەڵ بەشەخۆراكی مانگانە پاكەتی جگەرە دابەش دەكرێت؟

خەڵك- بەشی هەواڵ

بابەتی دابەشكردنی پاكەتی جگەرە و وەرگرتنی پارە لە بەشەخۆراكی مانگانەدا مشتومڕی لە تۆڕە كۆمەڵایەتییەكان دروست كردووە و پەڕلەمانتارێكیش دەڵێت: “داهێنانێكی سەیرە و هیچ بنەمایەكی نیە”.

عەلی بدیری، ئەندامی پەڕلەمانی عیراق لە ڕەوتی حیكمە، كە لەلایەن عەممار حەكیمەوە سەرۆكایەتی دەكرێت ڕایگەیاند، وەزارەتی بازرگانی عیراق دەیەوێت جگەرەی ناوخۆیی بەسەر هاووڵاتیاندا ساغبكاتەوە و بەگوێرەی فۆڕمی خۆراك و لەگەڵ بەشەخۆراكی مانگانەدا بۆ هەر تەكەیەك جگەرە بڕی دوو هەزار و 500 دینار لە هاووڵاتیان وەربگیرێت، ئەوە شتێكی سەیرە و دژی ئەوەیە، كە حكومەت بانگەشەی بۆ دەكات.

ڕاشیگەیاندووە، كە پێویستە حكومەت كار بۆ پاراستنی بەرهەمی ناوخۆیی بكات و كار بۆ ئەوە بكات بەرهەمی ماست و شیر و هێلكە و خورما و دەیان خۆراكی دیكەی سوودبەخشی ناوخۆیی بۆ سەر خوانی هاووڵاتیان زیاد بكات، نەك جگەرە و ژەهریان بەسەردا دابەش بكات.

ئاماژەی بەوەشكردووە، كە گەندەڵكاران بەوە ناوەستن عیراقیەكان لەڕێگەی ئۆتۆمبێلی بۆمبڕێژكراو و تیرۆرستانی داعشەوە بكوژن، بەڵكو داهێنان دەكەن بۆ دابەشكردنی ژەهر بە كۆبۆنی خۆراك و لەوانەیە لە داهاتووشدا گوێمان لەوەبێت، كە ماددەی هۆشبەریش دابەش بكرێت و لەلایەن گەندەڵكارێكەوە قۆرخ بكرێت.

جەختیشی كردۆتەوە، پەڕلەمان لە ڕابردوودا ڕۆڵی هەبوو لە دەركردنی بڕیارێك بۆ قەدەغەكردنی كێشانی جگەرە لە دامەزرواوە فەرمیەكانی حكومەت، بەڵام ئەمڕۆ گوێمان لێدەبێت، كە حكومەت بە زۆرەملێ‌ جگەرە دابەش دەكات، كە ئەوەش دووفاقییەكی سەیرە.

ئەو پەڕلەمانتارە وتیشی، “لەگەڵ دەستپێكردنەوەی وەرزی یاسادانان، واژۆ كۆدەكەینەوە بۆ بانگهێشتكردنی وەزیری بازرگانی و پرسیاری لەسەر ئەوە لێدەكەین، كە لەكاتێكدا لە یاسادا شتی وای تێدانییە، ئاخۆ ئەو داهێنانە هی خۆیەتی یان لەلایەن لایەنی دیاریكراوەوە بەسەریدا سەپێنراوە”.

ئابوری

كاتی دابەشكردنی مووچەی خانەنشینان ڕاگەیەنرا

خەڵك- بەشی هەواڵ
دوابەدوای گەیشتنی پارە لە بەغداوە بۆ مووچەی مووچەخۆرانی هەرێم، بڕیارە لەم هەفتەیەدا مووچەی خانەنشینان-یش دابەش بكرێت.

سەرچاوەیەك لە گەنجینەی سلێمانی بۆ (خەڵك) ئاماژەی بەوەكرد، بەهۆی ئەوەی پارەی مووچە لە بەغداوە گەیشتۆتە هەرێم، وەزارەتی دارایی بڕیاریدا بە دوو ڕۆژ مووچەی مانگی 6ی سەرجەم وەزارەتەكان بە هەر سێ‌ سەرۆكایەتییەكەوە دابەش بكات.

ڕاشیگەیاند، هەر لە هەفتەی داهاتوودا دوای وەزارەتەكان، مووچەی خانەنشینان دابەش دەكرێت و كۆتایی بە دابەشكردنی مووچە دێت.

ئاشكراشی كرد، ڕۆژی سێ‌ شەممە مووچەی خانەنشینانی سەربازی و ڕۆژی چوار شەممە مووچەی خانەنشینانی شارستانی دابەش دەكرێت.

بەردەوام بە لە خوێندنەوە

ئابوری

بەوێنە؛ چەند شەقام و گەڕەكێكی سلێمانی قیر دەكرێنەوە

خەڵك- بەشی هەواڵ
شارەوانی سلێمانی ڕایدەگەیەنێت، كە هەڵمەتی چاككردن و نۆژەنكردنەوەكەی شەقام و گەڕەكەكانی شاری سلێمانی بەردەوامە.

سەرۆكایەتی شارەوانی سلێمانی لە ڕأگەیەنراوێكدا ئاماژەی بەوەكردووە، كە هەڵمەتی چاككردن و نۆژەنكردنەوەكەی شەقام و گەڕەكەكانی شاری سلێمانی بەردەوامە و بۆ ئەو مەبەستەش شەقامی نێوان گەڕەکی فەرمانبەران و گەڕەکی زەرگەتەی کۆن قیر كرایەوە.

ڕاشیگەیاندووە، سەرۆكایەتی شارەوانی سلێمانی بە هەماهەنگی بەشی ئامێرەكان كاری چاككردنی شەقامی سەرەكی گەڕەكی (كارێزەوشك)ی ئەنجامدا.

پێشتر زەردەشت ڕەفیق، وتەبێژی شارەوانی سلێمانی بۆ (خەڵك) ئاماژەی بەوەكرد، كە لە مانگی نیسانەوە و دوای كۆتایی هاتنی وەرزی باران بارین هەڵمەتی قیكردنەوە دەستی پێ‌ كردووە و تا مانگی كانوونی یەكەم و دەستپێكردنی باران بەردەوام دەبێت.

بەپێی زانیارییەكانی (خەڵك) شارەوانی لە هەوڵی دۆزینەوەی ڕێگاچارەیەكە بۆ هێنانی جۆرێكی قیر، كە لە وەرزی باران و سەرماشدا پڕۆسەكە ڕانەگیرێت و نۆژەنكردنەوەی شەقام و كۆڵانەكان بەردەوام بێت.

بەردەوام بە لە خوێندنەوە

ئابوری

حكومەتی هەرێم چەند بڕیارێك بۆ فەرمانبەران دەردەكات

خەڵك- بەیش هەواڵ
حكومەتی هەرێم چەند بڕیارێك سەبارەت بە دامەزراندن و گواستنەوە و تەنسیب-ی فەرمانبەران و پلەبەرزكردنەوە و درێژكردنەوەی تەمەنی خانەنشینی و كڕینی ئۆتۆمبێل دەردەكات و جەختیشدەكاتەوە، كە ئەو نووسراوانەی تایبەتن بەو بابەتانە ئارٍاستەی سەرۆكایەتی حكومەت نەكرێن.

بەپێی نووسراوێكی سەرۆكایەتی دیوانی ئەنجوومەنی وەزیرانی هەرێم، كە واژۆی ئومێد سەباح-ی لەسەرە و وێنەیەكی دەست (خەڵك) كەوتووە، ئاماژە بەوەكراوە، بەڕەچاوكردنی بارودۆخی دارایی هەرێم و ڕێكخستنەوەی میلاكات و خەرجیەكان، پێویستە سەرجەم وەزارەت و فەرمانگەكان پابەندی ئەوەبن، ئەو جۆرە نووسراوانەی ناوەڕۆكەكەیان ئەو بابەتانەی خوارەوە لەخۆدەگرێت ئارٍاستەی ئەم سەرۆكایەتییە نەكرێت، بەپێچەوانەوە نووسراوەكان وەرناگیرێن و دەنێردرێنەوە بۆتان.

بەپێی نووسراوەكە، نابێت داواكاری دامەزراندن بنێردرێت بۆ سەرۆكایەتی ئەنجوومەنی وەزیران تا ئەو كاتەی لە چوارچێوەی یاسای بودجەی ساڵانەدا لەلایەن ئەنجوومەنی باڵای ڕاژەوە ڕێكدەخرێت، هەروەها نابێت داواكاری گەڕانەوە بۆ ڕاژەی سەربازی و شارستانی بكرێت، تەنها ئەو فەرمانبەرانە نەبێت، كە بەهۆی حوكمی دادگا لە ڕاژە دابڕاون.

هەر بەپێی ئەو نووسراوە، نابێت داواكاری بەرزبكرێتەوە بۆ درێژكردنەوەی خزمەتی ئەو فەرمانبەرانەی ماوەی یاساییان تەواو بووە.

جەختیشكراوەتەوە، كە نابێت بەدەر لە ڕێنماییەكان پلەبەرزكردنەوە بۆ فەرمانبەران بكرێت و نابێت گواستنەوە و تەنسیبی فەرمانبەران لە دەرەوە بۆ ناوەوەی هەرێم بكرێت و ناشبێت گواستنەوەی ڕاژە لە یاسای خزمەتی سەربازی بۆ یاسای خزمەتی شارستانی و بە پێچەوانەشەوە بكرێت.

بەردەوام بە لە خوێندنەوە

کوردستان