ئێمە لە تۆرە کۆمەڵایەتیەکان

کوردستان

پەروەردە بڕیارێكی نوێی لەسەر وەرگرتنی منداڵان لەباخچە و خوێندنگەكان دەركرد

خەڵك-بەشی هەواڵ

بەڕێوەبەرایەتی گشتی پەروەردەی سلێمانی ئاگاداری سەرجەم بەڕێوەبەری باخچەكان و خوێندنگە بنەڕەتییەكانی سنووری پەروەردەكە دەكاتەوە، پێویستە وەرگرتنی قوتابی پۆلی یەكەمی بنەڕەتی لەدایكبووی 1-1-2014 تاكو 31-1-2014 بێت.

ئاشكراشیدەكات، پێویستە قوتابیەكە ساڵی 2017-2018 و 2018-2019 لە باخچەی منداڵان تۆمار كرابێت و بڕوانامەی دەرچوونی باخچەشی هەبێت.

لەلایەكی دیكەشەوە، بەڕێوەبەرێتی پەروەردەی ڕۆژهەڵات لە نووسراوێكدا، كە واژۆی نازدار ئەحمەد،بەڕێوەبەری پەروەردەی ڕۆژهەڵاتی لەسەرە ئاماژە بۆ ئەوە دەكات، هیچ یاسایەك نییە سەبارەت بەو منداڵانەی دایكیان فەرمانبەر نییە بێ بەش بن لە تۆماركردنیان لە باخچە، بۆیە دەبێت منداڵان بە گشتی و بەتایبەتی منداڵانی لەدایكبووی مانگی 1 بەپێی سنووری جوگرافی تۆمار بكرێن لە باخچە.

جەخت لەوەشدەكاتەوە، هەر بەڕێَوەبەرێك پابەند نەبێت خۆی بەرپرسیار دەبێت.

ئەمەش لەكاتێكدایە بەهۆی كەمی باخچەكانی منداڵان لە سنووری شاری سلێمانی، كێشەی بۆ منداڵ و خانەوادەكانیان دروست كردووە.

لای خۆشییەوە، مەریوان عومەر،بەڕێوەبەری ڕاگەیاندنی بەڕێوەبەرایەتی گشتی پەروەردەی سلێمانی بە (خەڵك)ی ڕاگەیاند، هەر گەڕەكێكی سلێمانی، كە باخچەی منداڵانی تێدا نییە دەتوانن داواكاری بەرز بكەنەوە تاكو كار بۆ كردنەوەی باخچە بكەین بە مەرجێك بینای پێویست لەو گەڕەكە بوونی هەبێت.

وتیشی، “ئەگەر لەو گەڕەكانە بینای پێویستیش نەبوو، دەتوانن منداڵەكانیان بەرنە باخچە ئەهلییەكان”.

کوردستان

“تا ئێستا 42 پێشمەرگەی شەڕی دژی داعش بێسەروشوێنن”

خەڵك – بەشی هەواڵ
ئەمینداری گشتی وەزارەتی پێشمەرگەی حكومەتی هەرێم ڕایدەگەیەنێت، كەسوكاری پێشمەرگە بێسەروشوێن بووەكانی شەڕی دژ بەتیرۆریستانی داعش دڵنیا دەكەینەوە وەزارەتی پێشمەرگە لە گەڕان و سۆراخی بێسەروشوێن بووەكان بەردەوامە، دەشڵێت: “تەنها 42 پێشمەرگە بێسەروشوێنن و تا ئێستا هیچ سۆراخێكیان نیە”.

جەبار یاوەر مەندە، ئەمینداری گشتی وەزارەتی پێشمەرگەی حكومەتی هەرێم لە لێدوانێكیدا بۆ (خەڵك) ڕایگەیاند، لەماوەی شەڕی دژی داعش ژمارەیەك پێشمەرگە بێسەروشوێن بوون، بۆیە دڵنیایی دەدەین بە كەسوكاری ئەو پێشمەرگانە وەك وەزارەتی پێشمەرگە لەگەڕان و سۆراخی بێسەروشوێن بووەكان بەردەوامین و هەوڵەكانیش چڕتركراونەتەوە.

وتیشی، “هەوڵەكان بەردەوامی هەیە بۆ سۆراخ كردنی ئەو 42 پێشمەرگەیەی بێسەروشوێن بوون لە شەڕەكانی دژ بە تیرۆرستانی داعش، ئێمە لەهەست و ناخی كەسوكارەكانیان تێدەگەین، بۆیە هەموو ڕێگایەك دەگرینەبەر بۆ ئەوەی سەرەداوی دۆزینەوەی ئەو پێشمەرگانە بزانین”.

ڕاشیگەیاند، لەماوەی ڕابردوودا باس لەوەكرا، كە بەشێك لەو بێسەروشوێنانە لە زیندانەكانی هێزەكانی عیراقدان، ئێمە لەگەڵ پەڕلەمانتاران و وەزارەتی بەرگری عیراق و هەواڵگری قسەمان كردووە، پەڕلەمانتاران و هەواڵگری سەردانی ئەو زیندانەی كرد و دەركەوت شتی وا بوونی نیە.

بەردەوام بە لە خوێندنەوە

کوردستان

لە هەرێمەوە 200بارهەڵگر هاوكاری ئەمریكاگەیەنرایە ڕۆژئاوای كوردستان

خەڵك-بەشی هەواڵ

ئەمریكا 200 ئۆتۆمبێلی بارهەڵگری پڕ لە هاوكاری سەربازی لە سنوورەكانی هەرێمی كوردستانەوە ڕەوانەی ناوچە كۆنتڕۆڵكراوەكانی ژێر دەستی سوپای سوریای دیموكرات كرد.

بەپێی زانیارییەكانی ئاژانسی (میهر)ی ئێرانی، 200 ئۆتۆمبێلی بارهەڵگری سەربازی،كە یارمەتی لۆجستیكی ئەمریكا و هێزەكانی هاوپەیمانی نێودەوڵەتی دژی داعشی تێدا بوو لە سنوورەكانی هەرێمی كوردستانەوە بەرەو ڕۆژئاوای كوردستان ڕەوانەكران.

ئەمەش لەكاتێكدایە ئەمریكا و توركیا دەیانەوێت ناوچەی ئارام لە ڕۆژئاوای كوردستان دروست بكەن، بەڵام هاوكارییە سەربازییەكانی ئەمریكا بۆ هێزەكانی ڕۆژئاوای كوردستان بەردەوامە و ئەمەش توركیای نیگەران كردووە.

بەپرسانی سوریای دیموكرات ئاماژە بۆ ئەوە دەكەن، 15 بۆ 20 كیلۆمەتر لە ناوچە سنوورییەكانی ڕۆژئاوای كوردستان كشاونەتەوە بە ئامانجی نیازپاكییان بۆ دروستكردنی ناوچەی ئارام.

بەردەوام بە لە خوێندنەوە

کوردستان

نێچیرڤان بارزانی بڕیارێكی هەرێمی دەركرد

خەڵك- بەشی هەواڵ
دوابەدوای دەرچوونی بڕیاری پەڕلەمانی كوردستان بۆ دیاری كردنی ڕۆژی 3ی ئاب بە ڕۆژی كۆمەڵكوژی ئێزدییەكان، سەرۆكی هەرێمی كوردستان فەرمانێكی هەرێمی بۆ بڕیارەكە دەركرد.

نێچیرڤان بارزانی، سەرۆكی هەرێمی كوردستان بڕیاری ژمارە (2)ی هەرێمی سەبارەت بەدیاریكردنی ڕۆژی 3/8/2014 وەك ڕۆژی كۆمەڵكوژیی (جینۆساید) ئێزدییەكان دەركرد و جەختی كردۆتەوە، كە دەبێت ئەنجوومەنی وەزیران و لایەنە پەیوەندیدارەكان حوكمەكانی ئەم بڕیارە جێبەجێ‌ بكەن.

دەقی بڕیارەكە:

بەردەوام بە لە خوێندنەوە

کوردستان