ئێمە لە تۆرە کۆمەڵایەتیەکان

کوردستان

پەڕلەمانتارێكی كورد: لەبری شەڕی كورسی مەینەتی كەركوكیەكان چارەسەر بكەن

خەڵك – بەشی هەواڵ
ئەندامێكی كوردی پەڕلەمانی عیراق ڕایدەگەیەنێت، دادگای باڵای فیدڕاڵی لەتازەترین تەفسیریدا بڵاویكردەوە مادەی ۱٤۰ی دەستوور هیچ كێشەیەكی یاسایی نیە و بەجێبەجێنەكردنی لەكاتی خۆیدا بەها دەستووریەكەی لەدەست نادات، دەشڵێت: “سیاسیەكانی عیراق بەگشتی و كەركوك بەتایبەتی دەبێت ئەم بڕیارەی دادگا بەهەند وەرگرن و كاری لەسەربكەن”.

بەختیار جەبار شاوەیس، ئەندامی پەڕلەمانی عیراق لە فراكسیۆنی یەكێتی لە ڕاگەیەندراوێكدا ئاماژەی بەوەكردووە، دادگای باڵای فیدڕاڵی لەتازەترین تەفسیریدا، بڵاویكردەوە، كە مادەی ۱٤۰ی دەستوور هیچ كێشەیەكی یاسایی نیە و بەجێبەجێنەكردنی لەكاتی خۆیدا بەها دەستووریەكەی لەدەست نادات و كاریگەریە یاسایی و دەستووریەكانی بە بەهێزی ماوەتەوە.

دەشڵێت: “بڕیاری دادگای فیدڕاڵی لەئاستە باڵاكەدا بڕیاری كۆتایی، بڕاوەیە بەشێوەیەك كە قابیلی تانەدان و پێداچونەوەی یاسایی نیە و هەروەها شوێنی مشتومڕ و گفتوگۆی سیاسیانە نیە لەسەر جێەجێكردنی، بەپێچەوانەی ساڵانی ڕابردوو پەڕاوێزخستنی مادەكە بۆ كورد ببوە هۆكاری ئەوەی، كە هەمیشە وادەڕوانێتە ئەوانی دیكەی دەسەڵاتدار، كە مادام ئامادەنین دەستوور جێبەجێبكەن و بڕیاری دادگای باڵا فەرامۆش دەكەن، ئیتر چۆن ڕێككەوتنە سیاسیەكان جێبەجێدەكەن، كەئەمەش بێمتمانەی لێدەكەوێتەوە و دواتر پەلدەكێشێ بۆ سەرهەڵدانی كێشەی گەورە و لە ساڵانی ڕابردووشدا هەروا دەرچوو”.

ڕاشیگەیاندووە، كاتێك لە ۳۱-۱۲-۲۰۰۷كە دوا وادەی جێبەجێكردنی مادەی ۱٤۰ بوو بەڵام نەكرا، حكومەتی هەرێم ئیتر بەهانەی دەركردن و فرۆشتنی نەوتی كەوتە سەر و دواتر بەتەقینەوەی كێشەكان، مەسەلەكە پەلیكێشا بۆ ئابووری سەربەخۆ و جیابوونەوە و ڕیفراندۆم.

ئاماژەی بۆ ئەوەشكردووە، سیاسیەكانی عیراق بەگشتی و كەركوك بەتایبەتی دەبێت ئەم بڕیارەی دادگا بەهەند وەرگرن و كاری لەسەربكەن، لەبری ئەوەی هەر لەئێستاوە دڵی خۆیان بۆ بردنەوەی كورسیەكی هەڵبژاردنی ئەنجوومەنی پاریزگاكە خۆش بكەن، چونكە ژمارەی كورسی هیچ لەمەینەتیەكانی كەركوك و كەركوكیەكان كەمناكاتەوە، بەڵكو چۆنیەتی دروستكردنی كورسیەكە گرنگە كەڕێگە دەستوریەكەیە و مادەی ۱٤۰ە، خۆ ئەگەرنا كشمیر و سیناریۆ تاڵەكانی لەبەردەرگاكەدایە.

کوردستان

ئەحمەد تورك: یەكێتی نەتەوەیی پێویستە

خەڵك –بەشی هەواڵ

ئەحمەد تورك سیاسەتمەداری كورد ڕایگەیاند، كۆبوونەوە و خەباتی هاوبەش پێویستییەكە بۆ حیزبە كوردستانییەكان و یەكێتی نەتەوەیی.

ئەحمەد تورك سیاسەتمەداری كورد لەبارەی یەكێتی نەتەوەیی كورد لە میانەی كۆنفرانسی یەكێتی نەتەوەیی خەباتی رێككەوتنی كوردستانی لە باكوری كوردستان ڕایگەیاند، نزیكەی ١١ ساڵە بۆ یەكگرتن و یەكێتی نەتەوەیی هەوڵدەدەن و خەباتیان كردووە.

ناوبراو بۆ ئاژانسی فوڕات دەڵێت “هەندێك جار لەگەڵ پارتە سیاسییەكانی باشوور كۆدەبینەوە ئێمە هەموو جارێك ڕامانگەیاند، كۆبوونەوە و خەباتی هاوبەش پێویستیەكە”.

دەشڵێت “ئێمە دەبینین ماوەیەكە هەندێك پارتی كە سڵاویشیان لەیەكتری نەدەكرد، ئەمڕۆ كۆدەبنەوە و دانوستان دەكەن و خەبات و كۆنفڕانسی هابەش ئەنجامدەدەن”.

بەردەوام بە لە خوێندنەوە

کوردستان

بەهۆی كاری نایاسایی، دوو گازینۆ و بلیارد لە سلێمانی داخران

خەڵك-بەشی هەواڵ

قائیمقامیەتی سلێمانی ڕایدەگەیەنێت، بەهۆی هەبوونی منداڵی خوار هەژدە ساڵ، لیژنە هاوبەشەكانی قائیمقامیەتی سلێمانی گازینۆیەك و بلیاردێك دادەخات.

لیژنەی گازینۆ و مەلەوانگەكانی سەربەلیژنە هاوبەشەكانی قائیمقامیەتی سلێمانی لە ڕاگەیەنراوێكدا ئاماژە بۆ ئەوە دەكات، بەهۆی هەبوونی منداڵی خوار تەمەن هەژدە ساڵ و پێشكەشكردنی خواردن وخواردنەوە و ڕێگرینەكردن لە هاتووچۆكردنیان هەردوو گازینۆ و بلیاردی (گەنجان لە گەڕەكی شێخان) و (بلیاردی لاوان لەگەڕەكی كارێزە وشك) دادەخرێن.

ئاشكراشیدەكات، بەپێی یاسا و ڕێنماییەكان، پێویستە خاوەن شوێنەكانی گازینۆ، بلیارد، كافتریا و نێرگەلەكێشان و یانەی شەوانە ڕێگری لە هاتوچۆكردنی منداڵی نەوجەوان و تەمەن خوار هەژدە ‌ساڵان بكەن و هیچ خواردن و خواردنەوە و نێرگەلەیەكیان پێشكەش نەكەن، بەپێچەوانەوە یاسا سزای بۆ سەرپێچیكاران دیاریكردوو.
س.ع

بەردەوام بە لە خوێندنەوە

کوردستان

پارێزگاری هەولێر: گۆڕانكارییەكان لە پۆستە حكومییەكاندا بەردەوام دەبن

خەڵك –بەشی هەواڵ

ئەمڕۆ بەڕێوەبەری نوێی پۆلیسی هەولێر دەستبەكاربوو، لای خۆیەوە فرسەت سۆفی پارێزگاری هەولێر لە لێدوانێكدا بۆ ڕۆژنامەوانان ڕایگەیاند گۆڕانكارییەكان لە پۆستە حكومییەكاندا بەردەوام دەبن.

سۆفی ڕاشیگەیاند، گۆڕانكارییەكان لە پۆستە حكومییەكانی سنووری پارێزگای هەولێر بەردەوام دەبن بە چاودێری ئەنجومەنی وەزیران.

ناوبراو ئەو گۆڕانكارییانەی بە سرووشتی زانی و ڕاشیگەیاند، گۆڕانكارییەكان لە زۆرینەی پۆستەكاندا دەكرێن.

لە دوای پێكهێنانی كابینەی نوێی حكومەتی هەرێمی كوردستان گۆڕانكاری لە بەشێك لە پۆستەكانی پارێزگای هەولێردا كراوە، لەنێویاندا پارێزگاری هەولێر.

بەردەوام بە لە خوێندنەوە

کوردستان