ئێمە لە تۆرە کۆمەڵایەتیەکان

کوردستان

لەپشووی جەژندا 510 منداڵ لەنەخۆشخانەی منداڵان داخڵكراون

خەڵك – بەشی هەواڵ
بەڕێوەبەرایەتی گشتی تەندروستی سلێمانی ئاماری ڕۆژانی پشووی جەژنی لە نەخۆشخانەی فێركاری منداڵان و نەخۆشخانەی پسپۆڕییەكانی دڵ بڵاوكردەوە.

بەرێوەبەرایەتی گشتی تەندروستی سلێمانی لە ئامارێكدا، كە وێنەیەكی بۆ (خەڵك) نێردراوە ڕایگەیاندووە، لەماوەی پشووەكانی جەژنی قورباندا 3 هەزار و 732 منداڵی نەخۆش سەردانی بەشی ڕاوێژكاری نەخۆشخانەی د.جەمال ئەحمەد ڕەشیدی مناڵانی فێركارییان كردووە.

دەشڵێت: “لەو ماوەیەدا 510 منداڵ لەنەخۆشخانەی د.جەمال ئەحمەد ڕەشیدی مناڵانی فێركاری داخڵكراون و 97 منداڵیان تووشبوون بەحاڵەتی سكچوون و ڕشانەوە و چارەسەری پێویستیان بۆ كراوە”.

هەر لە ئامارەكەدا هاتووە، لەماوەی پشووەكانی جەژنی قوربان 243 نەخۆش سەردانی نەخۆشخانەی پسپۆڕییەكانی دڵ-یان كردووە لەشاری سلێمانی و لەو ژمارەیە 97 نەخۆش داخڵ كراون و فایلیان بۆ كراوەتەوە.

ڕوونیشی كردۆتەوە، 26 نەشتەرگەری قەستەرە و 20 باڵۆن لەنەخۆشخانەی پسپۆڕییەكانی دڵ لەشاری سلێمانی لەو ماوەیەدا ئەنجامدراوە.

کوردستان

لە ڕووداوێكی هاتوچۆدا 5 هاوڵاتی بوونە قوربانی

خەڵك-بەشی هەواڵ

بەرێوەبەرایەتی هاتووچۆی ڕاپەرین ڕایدەگەیەنێت، بەهۆی ڕووداوێكی هاتووچۆوە ٥ هاوڵاتی بریندار بوون.

بەرێوەبەرایەتی هاتووچۆی ڕاپەرین لە ڕاگەیەنراوێكدا ئاماژە بۆ ئەوە دەكات، پێش نیوەڕۆی ئەمڕۆ ڕووداوێكی هاتووچۆ لەجۆری وەرگەران لەسەر ڕێگای سەرەكی ڕانیە -دووكان ڕوویدا، كە تیۆتا هایلوكسیك وەڕگەراو و لە ئەنجامدا ٥ هاوڵاتی بریندار بوون.

ئاشكراشیدەكات، ڕووداوەكە بەهۆی تیژڕەویی و خراپی كەشوهەواوە ڕوویداوە.
س.ع

 

بەردەوام بە لە خوێندنەوە

کوردستان

ئەحمەد تورك: یەكێتی نەتەوەیی پێویستە

خەڵك –بەشی هەواڵ

ئەحمەد تورك سیاسەتمەداری كورد ڕایگەیاند، كۆبوونەوە و خەباتی هاوبەش پێویستییەكە بۆ حیزبە كوردستانییەكان و یەكێتی نەتەوەیی.

ئەحمەد تورك سیاسەتمەداری كورد لەبارەی یەكێتی نەتەوەیی كورد لە میانەی كۆنفرانسی یەكێتی نەتەوەیی خەباتی رێككەوتنی كوردستانی لە باكوری كوردستان ڕایگەیاند، نزیكەی ١١ ساڵە بۆ یەكگرتن و یەكێتی نەتەوەیی هەوڵدەدەن و خەباتیان كردووە.

ناوبراو بۆ ئاژانسی فوڕات دەڵێت “هەندێك جار لەگەڵ پارتە سیاسییەكانی باشوور كۆدەبینەوە ئێمە هەموو جارێك ڕامانگەیاند، كۆبوونەوە و خەباتی هاوبەش پێویستیەكە”.

دەشڵێت “ئێمە دەبینین ماوەیەكە هەندێك پارتی كە سڵاویشیان لەیەكتری نەدەكرد، ئەمڕۆ كۆدەبنەوە و دانوستان دەكەن و خەبات و كۆنفڕانسی هابەش ئەنجامدەدەن”.

بەردەوام بە لە خوێندنەوە

کوردستان

بەهۆی كاری نایاسایی، دوو گازینۆ و بلیارد لە سلێمانی داخران

خەڵك-بەشی هەواڵ

قائیمقامیەتی سلێمانی ڕایدەگەیەنێت، بەهۆی هەبوونی منداڵی خوار هەژدە ساڵ، لیژنە هاوبەشەكانی قائیمقامیەتی سلێمانی گازینۆیەك و بلیاردێك دادەخات.

لیژنەی گازینۆ و مەلەوانگەكانی سەربەلیژنە هاوبەشەكانی قائیمقامیەتی سلێمانی لە ڕاگەیەنراوێكدا ئاماژە بۆ ئەوە دەكات، بەهۆی هەبوونی منداڵی خوار تەمەن هەژدە ساڵ و پێشكەشكردنی خواردن وخواردنەوە و ڕێگرینەكردن لە هاتووچۆكردنیان هەردوو گازینۆ و بلیاردی (گەنجان لە گەڕەكی شێخان) و (بلیاردی لاوان لەگەڕەكی كارێزە وشك) دادەخرێن.

ئاشكراشیدەكات، بەپێی یاسا و ڕێنماییەكان، پێویستە خاوەن شوێنەكانی گازینۆ، بلیارد، كافتریا و نێرگەلەكێشان و یانەی شەوانە ڕێگری لە هاتوچۆكردنی منداڵی نەوجەوان و تەمەن خوار هەژدە ‌ساڵان بكەن و هیچ خواردن و خواردنەوە و نێرگەلەیەكیان پێشكەش نەكەن، بەپێچەوانەوە یاسا سزای بۆ سەرپێچیكاران دیاریكردوو.
س.ع

بەردەوام بە لە خوێندنەوە

کوردستان