ئێمە لە تۆرە کۆمەڵایەتیەکان

جیهانی

کۆتینیۆ (٢٥) ملیۆنی بۆ به‌رشلۆنه‌ گه‌ڕاندۆته‌وه‌‌ و پاریس ڕێگه‌ی گه‌ڕانه‌وه‌ی نایماری لێگرتوون !

خه‌ڵک سپۆرت

گواستنه‌وه‌ی فیلیپی کۆتینیۆ به‌شێوه‌ی خواستن بۆ یانه‌ی بایرن میونشن، سودی (٢٥) ملیۆن یورۆی به‌ یانه‌ ئیسپانیه‌که‌ گه‌یاندووه‌ و له‌لایه‌کی تره‌وه‌ گفتوگۆکان بۆ گواستنه‌وه‌ی نایمار ئاسته‌نگی بۆ دروست بووه‌.

پۆرتاڵی “دۆن بالۆن”ی ئیسپانی ئاشکرای کردووه‌، له‌ڕابردوودا یانه‌ی به‌رشلۆنه‌ به‌بڕی ١٢٠ ملیۆن یورۆ کۆتینیۆیان له‌ یانه‌ی لیڤه‌رپوڵه‌وه‌ گواستۆته‌وه‌ بۆ ڕیزه‌کانیان، هه‌روه‌ها بڕیاربووه‌ بڕی ٤٠ ملیۆن یورۆی زیاده‌ش پێشکه‌ش بکه‌ن له‌ ئه‌گه‌ری به‌شداریکردنی یاریزانه‌که‌ له‌ ١٠٠ ڕووبه‌ڕوبونه‌وه‌ و به‌ده‌ستهێنانی نازناوی خولی یانه‌ پاڵه‌وانه‌کان و چه‌ند مه‌رجێکی تر.

“کۆتی” ئه‌و دوو مه‌رجه‌ی تێدا نه‌بووه‌ (١٠٠ یاریی و نازناوی چامپیۆنز لیگ) بۆیه‌ یانه‌ی به‌رشلۆنه‌ بڕی (٢٥ ملیۆن یورۆ) که‌متر له‌ نرخی ١٦٠ ملیۆنیان پێشکه‌شی لیڤه‌رپوڵ کردووه‌، له‌ئێستاشدا به‌شێوه‌ی خواستن په‌یوه‌ندی به‌ بایرنه‌وه‌ کردووه‌ و ئه‌و دوو به‌نده‌ی بۆنده‌که‌ی هه‌رگیز جێبه‌جێ نابێت، هه‌روه‌ها ته‌نها به‌ خواستنی بڕی ٢٠ ملیۆن یورۆیان له‌ بایرنه‌وه‌ به‌ده‌ست هێناوه‌ و ئه‌گه‌ر یانه‌ باڤاریه‌که‌ به‌تواناکانی قایل بێت ئه‌وا وه‌رزی داهاتوو ١٢٠ ملیۆن یورۆ پێشکه‌ش ده‌کات، به‌وشێوه‌یه‌ بڕی ته‌واوی پاره‌ی گواستنه‌وه‌ی به‌بێ که‌م و زیاد ده‌ست ئیداره‌ی جوسێپی ماریا بارتومیۆ ده‌که‌وێته‌وه‌.

له‌به‌رامبه‌ر ئه‌م زانیارییانه‌دا، ئه‌لیخاندرۆ ساکریستانی ڕۆژنامه‌وان به‌ هه‌مان سه‌رچاوه‌ی ڕاگه‌یاندووه‌، گفتوگۆکان بۆ گواستنه‌وه‌ی نایمار له‌ پاریسه‌وه‌ بۆ “کامپ نو” ئاسته‌نگی بۆ دروست بووه‌، چونکه‌ یانه‌ی فرۆشیار له‌ فرۆشتنی کۆتینیۆ بێزاره‌ و له‌کۆتا کۆبونه‌وه‌دا لیۆناردۆی به‌ڕێوه‌به‌ری وه‌رزشیی یانه‌ فه‌ره‌نسیه‌که‌ به‌ نوینه‌رانی بارسای وتووه‌: یان ٢٠٠ ملیۆن، یان هیچ.

ئه‌وه‌ش ده‌ریده‌خات که‌ ناسڕ خلێفی و هاوه‌ڵانی به‌ ئاڵوگۆڕی یاریزانان قایل نابن به‌تایبه‌ت پاش فرۆشتنی کۆتینیۆ له‌لایه‌ن به‌رشلۆنه‌وه‌، لێره‌شدا ئاسته‌مه‌ بارتومیۆ و هاوه‌ڵانی بتوانن بڕی ٢٠٠ ملیۆن له‌ گواستنه‌وه‌ی ئه‌ستێره‌ به‌رازیلیه‌که‌دا به‌کاربخه‌ن به‌هۆی ڕێساکانی یاریی خاوێنه‌وه‌.

جیهانی

پاریس نایمار و مباپێ دەفرۆشێت و بە (مێسی و سەڵاح و پۆگبا) نەخشەی تۆپی پێ دەگۆڕێت !

خەڵک سپۆرت

سەرۆکایەتی یانەی پاریس سانت جێرمانی فەرەنسی پلانیان بۆ پڕۆژەیەکی نوێ داڕشتووە، لە فرۆشتنی نایمار و کیلیان مباپێ-وە دەستپێدەکات و بە کڕینی ئەفسانەیەک و دوو ناوداری تر کۆتایی دێت.

ماڵپەڕی “فوت ٧” و چەندین سەرچاوەی تری فەرەنسی ئاماژە بە میریکاتۆی مێژوویی یانەی پاریس سانت جێرمان دەکەن لە هاوینی ٢٠٢٠ کە هاوشێوەی بۆمبێکی ئەتۆم بە جیهانی تۆپی پێدا دەتەقێتەوە و کاردانەوەی قورسی لەسەر ڕێژەی هاندەران و خەونەکانی خەڵکی پاریس دەبێت.

بەپێی سەرچاوەکە، لە هاوینی ٢٠٢٠ لیۆناردۆی بەرازیلی بەڕێوەبەری وەرزشیی پاریس ئامادەیی نیشان دەدات بۆ دەستبەرداربوونی یانەکەی لەهەریەک لە نایمار دا سیلڤا بۆ یانەی بەرشلۆنە یاخود یوڤانتۆس، کیلیان مباپێی فەرەنسیش بۆ یانەی ڕیاڵ مەدرید، کۆی گشتی ئەو پارەیەش کە بەشێوەی (کاش) بەدەستی دەهێنن نزیکی نیو ملیار یورۆ دەبێت.

“فوت ٧” و سەرچاوە فەرەنسیەکان دووپاتی دەکەنەوە، ئەم پارەیە زیاتر لە ٢٠٠ ملیۆنی داهاتی ساڵانەی دەخرێتەسەر و هەوڵەکانی شێخی قەتەر و لیۆناردۆ بە سێ ئاڕاستەی جیا دەستپێدەکەن، یەکەمیان لیۆنێل مێسی ئەفسانەی زیندووی یانەی بەرشلۆنەیە کە ئامادەن زیاتر لە ٦٠ ملیۆنی ساڵانە موچەی بۆ تەرخان بکەن، ئەوەش موچەی سێ یاریزانی گەورەی بوارەکە دەکات و دەیانەوێت لەو کەلێنە بدەن کە لەبۆندی ئیمزاکراوی نێوان (مێسی و بەرشلۆنە)دا هەیە، هەوڵی دووەم و سێیەمیش بۆ محەمەد سەلاحی میسڕی ئەستێرەی یانەی لیڤەرپوڵ و پۆل پۆگبای ئەستێرەی یانەی مانچستەر یونایتد دەبێت.

سەرباری ئەوەی هیچکام لە سەرچاوە ناودار و نزیکەکانی پاریس ئەم زانیارییانەیان پشتڕاست نەکردۆتەوە، بەڵام بێگومان ئەگەر ڕووبدات نەخشەی تۆپی پێ دەگۆڕێت.

بەردەوام بە لە خوێندنەوە

جیهانی

“مایسترۆی تۆتنهام” لە خەونی سپیدا دەژی و پۆچتینۆ هۆشداری پێدەدات !

خەڵک سپۆرت

کریستیان ئیریکسنی دانیمارکی ئەستێرەی هێڵی ناوەندی یانەی تۆتنهام، هێشتا خەون دەبینێت لە گواستنەوەکانی زستانەی ٢٠٢٠دا پەیوەندی بە یانەی ڕیاڵ مەدریدەوە بکات.

ڕۆژنامەی “مارکا “ی ئیسپانی ئاشکرای کردووە، کریستیان ئیریکسنی مایسترۆی هێڵی ناوەندی یانەی تۆتنهام تا ئەم ساتە بۆندەکەی لەگەڵ یانە ئینگلیزیەکە نوێ نەکردۆتەوە، چەندین ئۆفەری پێشکەشکراوی ئیدارەی یانەکەیی ڕەت کردۆتەوە و تەنانەت کار گەیشتۆتە ئەوەی داواکارییەکی دانێل لیڤی سەرۆکی یانەی بە موچەی ساڵانەی ١٢.٤ ملیۆن یورۆ قبوڵ نەکردووە، ئەوەش دەریدەخات کە نایەوێت لە خولی ئینگلتەرا بەردەوام بێت.

بەپێی سەرچاوەکان، ئیریکسن خەون دەبینێت درێسی سپی یانەی شاهانەی مەدرید بپۆشێت، هەر لەبەرئەوەشە بەهیچ شێوەیەک ئامادەنییە بۆندەکەی نوێ بکاتەوە، ئەگەر لەسەر ئەو بارودۆخەش بەردەوام بێت ئەوا لە هاوینی ٢٠٢٠ بێبەرامبەر پەیوەندی بە پێکهاتەکەی زینەدین زێدانەوە دەکات.

ماڵپەڕی “سپۆرتس کیدا” لەم بارەیەوە نوسیویەتی، ماوریسیۆ پۆچتینۆی ڕاهێنەری سپێرز لە باردۆخی هەندێک لە یاریزانەکانی نیگەرانە بەتایبەت ئیریکسن، لەبەرئەوە داوای لە ئیدارەی یانەکەی کردووە بەهەر شێوەیەک بێت بۆندی یاریزانە دانیمارکیەکەی بۆ نوێ بکەنەوە و بەڵێنیداوە، ئەگەر بەپێشنیارە نوێیە قایل نەبێت و تەرکیز لەسەر ململانێکانی خولی ناوخۆی ئینگلتەرا نەکات ئەوا لە پێکهاتە سەرەکیەکانی دووری دەخاتەوە.

بەردەوام بە لە خوێندنەوە

جیهانی

گرنگترین ئەو یارییانەی ئەمڕۆ لە خولە ناوخۆییەکانی ئەوروپا ئەنجام دەدرێن (یەکشەممە)

خەڵک سپۆرت

ئەمڕۆ ململانێی یانەکان لە خولی ناوخۆیی وڵاتانی ئەوروپا بەردەوامیان دەبێت و چەندین رووبەڕوبونەوەی بەهێز ئەنجام دەدرێن، گرنگترینیان ئەمانەن:

خولی ئینگلیزی (هەفتەی ٥)

بۆرنماوس – ئێڤەرتۆن (٤:٠٠)

واتفۆرد – ئارسیناڵ (٦:٣٠)

خولی ئیسپانیا (هەفتەی ٤)

ئیبار – ئیسپانیۆل (١:٠٠)

دیپۆرتیڤۆ ئالاڤێس – سڤیلیە (٣:٠٠)

سێلتا ڤیگۆ – گرانادا (٥:٠٠)

ڤەلەد وەلید – ئۆساسۆنا (٧:٣٠)

ڕیاڵ بیتیس – خیتافێ (١٠:٠٠)

خولی ئیتاڵیا (هەفتەی ٣)

جێنەوا – ئاتالانتا (١:٣٠)

بریشیا – بۆلۆنیا (٤:٠٠)

پارما – کالیەری (٤:٠٠)

سپال – لازیۆ (٤:٠٠)

ڕۆما – ساسولۆ (٧:٠٠)

هیلاس ڤیرۆنا – میلان (٩:٤٥)

خولی ئەڵمانیا (هەفتەی ٤)

هۆفنهایم – فرایبۆرگ (٤:٣٠)

پادێربۆرن – شالکە (٧:٠٠)

خولی فەرەنسا (هەفتەی ٥)

نانت – ستاد ڕیمس (٤:٠٠)

سانت ئیتیان – تولوز (٦:٠٠)

مۆناکۆ – مارسیلیا (١٠:٠٠)

بەردەوام بە لە خوێندنەوە

کوردستان