ئێمە لە تۆرە کۆمەڵایەتیەکان

کوردستان

سلێمانی.. 9 هەزار هاوبەشی كارەبا زیادیان كردووە

خەڵك- بەشی هەواڵ

بەڕێوەبەرایەتی كارەبای سلێمانی بڵاوی كردەوە، لەسەرەتای ئەمساڵەوە تا كۆتایی مانگی حوزەیران، زیاتر لە 9 هەزار هاوبەشی دیكە بۆ كارەبای نیشتیمانی زیادییان كردووە.

لە ڕاگەیەندراوێكدا بەڕێوەبەرایەتی كارەبای سلێمانی باسی لەوەكردووە، بەشێكیان بۆ ماڵان بوون و ئەوانی دیكەش بەر شوێنە حكومی، كشتوكاڵی و پیشەسازییەكان كەوتوون.

دەقی ڕاگەیەندراوەكە:

سلێمانی: لە ماوەی شەش مانگدا زیاتر لە 9000 هاوبەشی تازە كارەبای وەرگرتوە

لە سنوری بەرێوەبەرایەتی گشتی كارەبای سلێمانی لە 1/1/2019 تا 31/6/2019 هاوبەشانی كارەبا بەشێوەیەی بەرچاو زیادی كردوە كە 9148 هاوبەش بووە.

بەپێی ئامارەكانی بەشی فرۆشتنی وزەی بەرێوەبەرایەتی گشتی كارەبای سلێمانی، كۆی هاوبەشانی كارەبا لە سنوری بەڕێوەبەرایەتی گشتی كارەبای سلێمانی گەیشتوتە (594647) هاوبەش، لە كاتێكدا لە 31/12/218 بریتیبووە لە 585499 هاوبەشی كارەبا، بەوەش لە ماوەی شەش مانگی یەكەمی ئەمساڵدا (9147) هاوبەشی تازە كارەبای وەرگرتوە.

هەر بەپێی ئامارەكان جۆری هاوبەشەكانی بەشێوەیە:-
– ماڵان: 500.602 هاوبەش.
– بازرگانی :69.601 هاوبەش.
-پیشەسازیی: 7.887 هاوبەش.
– كشتوكاڵی: 8.941 هاوبەش.
– میری (حكومی): 7.447 هاوبەش.

راگەیاندنی
بەڕێوبەرایەتی گشتی كارەبای سلێمانی

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان