ئێمە لە تۆرە کۆمەڵایەتیەکان

ژینگە

لە ڕۆژانی جەژندا بۆشایی ئەمنی لە چەند ناوچەیەكی گەشتیارییدا دروستبوو

خەڵك- بەشی هەواڵ

بەپێی دواین بڕیاری ئەنجومەنی وەزیرانی حكومەتی هەرێمی كوردستان كە لە كۆتایی مانگی ڕابردوودا دەریكردووە، هەر سێ‌ وەزارەتەكانی شارەوانی و گەشتوگوزار، تەندروستی و ناوخۆ پێویستە ئاسایش و تەندروستی و سەلامەتی گەشتیاران و هاووڵاتیان بپارێزن، بەڵام بەپێی زانیارییەكان لە چەند شوێنێكی گەشتیاری هەرێمی كوردستاندا بۆشایی ئەمنی دروستبووە، وتەبێژی دەستەی گەشتوگوزاری هەرێمی كوردستانیش دەڵێت”یەكە ئیدارییەكانی سنوری ناوچە گەشتیارییەكان بەرپرسن لە پاراستنی ئاسایشی شوێنە گەشتیارییەكان و گەشتیاران”.

بەپێی ئەو زانیارییانەی (خەڵك) لە چەند گەشتیارێكەوە لە ناوچە جیاجیاكانی هەرێمی كوردستان بە دەستی گەیشتووە، لە ڕۆژانی جەژنی قورباندا، لە چەند شوێنێكی گەشتیاری هەرێمی كوردستان بۆشایی ئەمنی و شەڕ و تەقە دروستبووە و هێزە ئەمنییەكان بونێكی كاریگەریان نەبووە، ئەوەش گەشتیارانی نیگەران كردووە.

ئەو گەشتیارانە باسیان لەوەكرد، لە چەند شوێنێك تەقەكراوە و تەنانەت هەندێك لە شوێنە گەشتیارییەكان پاسەوانیشیان نەبووە”پاسەوانی ئەهلی و حكومی”.

نادر ڕۆستی، وتەبێژی دەستەی گەشتوگوزاری هەرێمی كوردستان بە (خەڵك)ی ڕاگەیاند، پاراستنی ئاسایشی شوێنە گەشتیارییەكان دەكەوێتە ئەستۆی وەزارەتی ناوخۆ و لە بڕیاری ئەنجومەنی وەزیرانیشدا بە ئاشكرا باسكراوە، بۆیە هەر یەكەیەكی ئیداری بەرپرسە لە پاراستنی ئاسایشی گەشتیاران و هاووڵاتیانی سنورەكە.

وتیشی”ئێمە هێزمان نییە ئاسایشی گەشتیاران بپارێزین، ئەوە ئیشی وەزارەتی ناوخۆیە، بۆیە ئەگەر كەموكورتییەك هەبێت لای ئێمە نییە”.

بەپێی ئامارە نافەڕمییەكان لە پشووی جەژنی قورباندا زیاتر لە 250 هەزار گەشتیار لە ناوچەكانی باشور و ناوەڕاستی عیراق و چەند شوێنێكی دیكەوە ڕوویان لە هەرێمی كوردستان كردووە.

ژینگە

كەشناسی: شەختە دروست دەبێت
شەپۆلێكی سەرما و بەفر ناو شارەكانی هەرێم دەگرێتەوە

خەڵك- بەشی هەواڵ
كەشناسی هەرێم پێشبینییەكانی بۆ دۆخی كەشوهەوای كۆتایی ئەم هەفتەیە و سەرەتای هەفتەی داهاتوو بڵاودەكاتەوە و ڕایدەگەیەنێت، كە بارستە هەوایەكی ساردی سیبری هەرێم دەگرێتەوە و بەفر لە ناو شارەكان دەبارێت و دەشڵێت: “لە هەفتەی داهاتوودا بەهۆی نزمبوونەوەی پلەكانی گەرماوە شەختە دروست دەبێت”.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا ئاماژەی بەوەكردووە، سبەینێ‌ بارستە هەوارەكی ساردی سیبیری ڕوو لە ناوچەكەمان دەكات، ڕۆژی هەینی باران لە تەواوی ناوچەكەمان دەبارێت.

ڕاشیگەیاندووە، بەهۆی كاریگەری ئەو بارستە هەوا ساردە شەپۆلێكی بەفر بارین ناوچە جیاجیاكانی هەرێم دەگرێتەوە و سەرجەم شارۆچكە و شارەدێیەكانی ناوچە شاخاوییەكان و سەنتەری پارێزگاكانی سلێمانی و دهۆك و هەڵەبجە بەفر دەبارێت.

ڕوونیشیدەكاتەوە، كاریگەری ئەم شەپۆلە تاكو ڕۆژی شەممە بەردەوامی دەبێت لەگەڵ بارینی بەفر مەودای بینین كەم دەبێتەوە بۆ كەمتر لە 1 كیلۆمەتر و ڕۆژی یەك شەممە نزمترین پلەی گەرمی نزیك دەبێتەوە بۆ ژێر سفر پلەی سیلیزی و دەبێتەهۆی دروستبوونی شەختە لەكاتەكانی بەیانی زوودا.

بەردەوام بە لە خوێندنەوە

ژینگە

بەوێنە؛ لەناوچەیەكی هەرێم مەترێك بەفر باری و ئاو بەستی

خەڵك- بەشی هەواڵ
كەشناسی هەرێم چەند وێنەیەكی ناوچەی حاجی ئۆمەران بڵاودەكاتەوە، كە بەهۆی زۆری بەفر بارین و دابەزینی پلەكانی گەرماوە ئاو بەستوویەتی.

بەپێی وتەی هاووڵاتیانی ناوچەكە، نزیكەی یەك مەتر بەفر باریوە و ڕێگای هاتووچۆی ناوچەكە زۆربەی گیراوە و ڕێگا سەرەكییەكانیش بەردەوام لەلایەن تیمەكانی ئاوەدانكردنەوە و هاتووچۆوە دەماڵرێن.

دیمەنی ئەمڕۆی حاجی ئۆمەران: 

بەردەوام بە لە خوێندنەوە

ژینگە

بڕی باران بارین لە شارەكانی هەرێم بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لەناوچەی قەرەداغ سەر بە پارێزگای سلێمانی بە بڕی 33ملم باریوە.

س.ع

بەردەوام بە لە خوێندنەوە

کوردستان