چاڤی هێرناندیز ڕاهێنەری یانەی بەرشەلۆنەی ئیسپانی ڕایدەگەیەنێت، دەرگای یانەی كەتالۆنیا بۆ لێۆنێل مێسی ئەرجەنتینی كرایەوە و هەر كاتێك دەیەوێت دەتوانێت بێتەوە بۆ یانەكەی.
ئەمشەو بەرشەلۆنە ڕووبەڕووی مانشستەر یونایتد دەبێتەوە لە یاریی گەڕانەوە لە قۆناغی هەشتی خولی ئەوروپایی.
چاڤی لە كۆنفرانسێكی ڕۆژنامەوانیدا ڕایگەیاند:”یارییەكی زۆر قورسە، مانشستەر یەكێكە لە باشترین تیپەكانی ئەوروپا و كارێكی باش لەگەڵ ئیریك تین هاگ پێشكەش دەكات، دەبێت كەسایەتی و شێوازیی یاریكردن و عەقڵیەتی كێبڕكێ لە ئەوروپا دەربخەین”.
بە وتەی چاڤی:”بەڵێ پێكهاتەی سەرەكی جێگیركرا، بەڵام بیرۆكەكان دەگۆڕێن و یاریی زیاتر بە یاریزانانی هێڵی ناوەڕاست دەكرێت و ئەمەش هەندێك گۆڕانكاریی كەمی تێدا دەكرێت”.
لەبارەی ئامادەنەبوونی پیدری، چاڤی ڕایگەیاند:”دەمەوێت ئاماژە بە ئامادەنەبوونی دیمبلیش بكەم، بەڵێ ئامادەنەبوونی پێدری كاریگەرە، بەڵام جێگرەوەی باشمان هەیە”.
