ئێمە لە تۆرە کۆمەڵایەتیەکان

ئابوری

مەلا یاسین: ئابووری هەرێم چۆتە قۆناغێكی نوێوە و دەستی بەگەشە كردۆتەوە


خەڵك – بەشی هەواڵ
وتەبێژی یەكێتی وەبەرهێنەرانی كوردستان ڕایدەگەیەنێت، ئابووری هەرێم پێی ناوەتە قۆناغێكی نوێوە و دەستی بە گەشەكردن كردۆتەوە، دەشڵێت: “لە حەوت مانگی ئەمساڵدا لە 15 بۆ 20% گەشەی ئابووری لە هەرێم جوڵانەوەی بەخۆیەوە بینیوە”.

یاسین مەحمود، وتەبێژی یەكێتی وەبەرهێنەرانی كوردستان لە لێدوانێكیدا بۆ (خەڵك) ڕایگەیاند، ئابووری هەرێمی كوردستان پێی ناوەتە قۆناغێكی نوێوە و بوژانەوەی ژێرخانی ئابووری دەستی پێكردووە، بەتایبەت دوای ڕاگەیاندنی كارنامەی حكومەتی نوێ و دوو كۆبوونەوەی كابینەی نۆیەم بە تایبەت ئەو بڕیارانەی دەركراوە.

وتیشی، “ئێمە دەمانەوێت ئەوەی لەكارنامەكەدا هاتووە بخرێتە بواری جێبەجێ‌ كردنەوە و جومگە سەرەكیەكانی كەرتی ئابووری هەرێم، كە فاكتەری یەكەمی كەرتی تایبەتە و لە كارنامەكەیدا هاتووە بەرجەستە بكرێت، بۆیە هیواش هێواش بەهۆی ئەو دۆخەی ناوچەكەی پێدا تێپەڕ دەبێت هەرێم ئارامیەكی باشی تێدا بەرقەرار بووە، چەند سەرمایەدارێكی دونیا ئاوڕیان داوەتەوە و گەڕاونەتەوە هەرێم”.

ڕاشیگەیاند، ئێمە چاوەڕێین پلانەكانی حكومەت لە ڕێگەی وەزارەتەكانیەوە ئاشكرابن، تا لە ڕێگەی ئەو پلانانەوە ژێرخانی ئابووری هەرێم زیاتر ببوژێتەوە، ئێمە ئاگامان لێیە لەمانگی حەوتی پارەوە تا مانگی حەوتی ئەمساڵ گوزەرانی خەڵكی كوردستان و ئابووری كوردستان و پڕۆژەكانی كەرتی تایبەت باشتر دەبن.

ئاشكراشیكرد، لە حەوت مانگی ئەمساڵدا چ لە هەلی كار و چ لە دەستپێكردنەوەی پڕۆژەكانی بەڵێندەرایەتی و وەبەرهێنان 15 بۆ 20% جوڵانەوەی بەخۆوە بینیوە و بەپێی ئەو بەرنامانە بێت بە ئێمە دەگات و ئەوەی لە وەزیرەكان بیستومانە لەم نزیكانەدا لە ڕووی بەرهەمهێنان و وەبەرهێنان هەرێمی كوردستان گەشەیەكی باش دەكات.

ئابوری

بڕی هەناردە و داهاتی نەوتی مانگی ڕابردووى عيراق ئاشكرادەكرێت


خەڵك- بەشی هەواڵ
وەزارەتی نەوتی عیراق، بڕی هەناردە و داهاتی بەدەستهاتووی مانگی ئایاری ڕابردوو ڕادەگەیەنێت، ئەمەش بە پشتبەستن بە ئامارێكی كۆمپانیای بەبازاڕكردنی نەوتی عیراق (سۆمۆ).

ئەمڕۆ دوو شەممە، عاسم جیهاد وتەبێژی وەزارەتی نەوتی عیراق لە بەیاننامەیەكدا ڕایگەیاند”لە مانگی ئایاری رابردوودا، لە كێڵگە نەوتییەكانی ناوەڕاست و باشووری عیراق، بڕی (96) ملیۆن و (39) هەزار (825) بەرمیل نەوت هەنارەكراوە، لە كیڵگە نەوتییەكانی كەركوكیش بەرەو بەندەری جەیهان، (3) ملیۆن و (545) هەزار و (431) بەرمیل نەوت هەناردە كراوە”.

بە وتەی عاسم جیهاد”كۆی گشتی هەناردەی ڕۆژانەی نەوت لە مانگی ئایاری ڕابردوو گەیشتووەتە (3) ملیۆن و (212) هەزار بەرمیل كە (3) ملیۆن و (98) هەزار بەرمیلیان لە بەندەرەكانی بەسرەوە هەناردەكراوە و لە بەندەری جەیهانی توركیاشەوە هەناردەی ڕۆژانە گەیشتووەتە (114) هەزار بەرمیل”.

هەر لە بەیاننامەكەی وەزارەتی نەوتدا هاتووە”تێكڕای نرخی بەرمیلێكی فرۆشراو بە (21) دۆلار بووە، كۆی داهاتی نەوتە هەناردەكراوەكەش (2) ملیار و (91) ملیۆن و (811) هەزار دۆلار بووە.

بەردەوام بە لە خوێندنەوە

ئابوری

دۆلار، نرخێكی پێوانەیی تۆمار كرد


خەڵك-بەشی هەواڵ

 

نرخی دۆلار لە بازاڕەكانی هەرێمی كوردستان بە بەراورد بە ڕۆژانی ڕابردوو بەرزبوونەوەی زیاتری تۆمار كرد.

یادگار حەسەن لە كۆمپانیای سەعید كاكی بە (خەڵك)ی ڕاگەیاند، نرخی دۆلار بۆ ئەمڕۆ دوو شەممە 1-6-2020، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 124 هەزار و 500 دینار مامەڵەی پێوە كراوە.

وتیشی”ئەگەر هەیە نرخی دۆلار زیاتر بەرەو بەرز بوونەوەە بچێت”.

ئاشكراشیكرد، هۆكاری بەرزبوونەوەی نرخی دۆلار بۆ ئەوە دەگەڕێتەوە كە دەرگای بانكەكان داخراون.

بەردەوام بە لە خوێندنەوە

ئابوری

نرخی نەوت دابەزی


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو دابەزینی تۆمار كرد.

ئاژانسەكانی جیهان بڵاویانكردەوە، نرخی نەوت بۆ ئەمڕۆ دوو شەممە، 1ی‌ حوزەیرانی 2020 دابەزیوە، بەشێوەیەك نرخی‌ نەوتی برێنت بە 35 دۆلار و 55 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 20 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

کوردستان