ئێمە لە تۆرە کۆمەڵایەتیەکان

کوردستان

حكومەتی هەرێم لەسەر ماریا هەورامی هەڵوێستی وەرگرت

خەڵك- بەشی هەواڵ
وەزارەتی ڕۆشنبیری حكومەتی هەرێمی كوردستان سەبارەت بە كلیپەكەی خانمە هونەرمەند ماریا هەورامی و “قسە پێی وتنی لەلایەن مامۆستایەكی ئاینییەوە” هەڵوێستی فەرمی ڕادەگەیەنێت و جەختدەكاتەوە، كە زامنی پاراستنی مافی هونەرمەندان دەبین لەچوارچێوەی یاساكان.

فەرهەنگ گۆمەشینی، وتەبێژی وەزارەتی ڕۆشنبیری و لاوانی حكومەتی هەرێم لە ڕوونكردنەوەیەكدا، كە بۆ (خەڵك)ی ناردووە، ئاماژەی بەوەكردووە، كەلتووری ھونەر و گۆرانی وتن لەكۆنەوە مۆركی ناسراو و دێرینی كود بووە و یەكێك لە میللەتە دێرینەكانی ناوچەكەیە، كە دەوڵەمەندە بەھونەری گۆرانی و كۆی كایەكانی تری ئەو بوارە.

جەختیشی كردۆتەوە، كە پشتگیری تەواوی ھونەرمەند ماریا ھەورامی و تەواوی ھونەرمەندان دووپات دەكەینەوە و داواش لە وەزارەتی ئەوقاف و سەرجەم مامۆستایانی ئاینی بەرێز دەكەین ڕێگە نەدەن بەھەر بیانوویەك و لەژێر ھەر پاساوێك بێت سووكایەتی بە ھونەرمەندان بكرێت و وشەی نەشیاو و ناوزڕاندن بەكاربھێنن.

لە هەفتەی ڕابردوودا دوای بڵاوكردنەوەی كلیپەكەی هونەرمەند ماریا هەورامی، كە لە شەقامی سەهۆڵەكەی سلێمانی تۆماری كردبوو، مامۆستا هەڵۆ لە ڕێگەی نامەیەكی دەنگییەوە، كە بۆ كەسێكی دیكەی ناردبوو “چەند وتەیەكی نەشیاوی” بەرامبەر ئەو خانمە هونەرمەندە بەكارهێنابوو، كە دواتر پەشیمان بووە و داوای لێبوردنی كرد، بەڵام ماریا هەورامی و خانەوادەكەی لە ڕوونكردنەوەیەكدا جەختیان كردەوە، كە لێی خۆشنابن و دەیدەنە دادگا.

ڕوونكردنەوەیەك لە وەزارەتی رۆشنبیری و لاوانەوە:
دوای بڵاوبوونەوەی گۆرانی و كلیپی خاتوونی ھونەرمەند( ماریا ھەورامی)، دەنگدانەوەی زۆری بەدوای خۆیدا ھێنا ، بە تایبەت لە تۆڕە كۆمەڵایەتیەكان و میدیاكان، لێرەدا مەبەستمانە جەخت لەو راستیە بكەینەوە كە كەلتووری ھونەرو گۆرانی ووتن لەكۆنەوە مۆركی ناسراوو دێرینی كود بووە و یەكێك لە میللەتە دێرینەكانی ناوچەكەیە كە دەوڵەمەندە بەھوونەری گۆرانی و كۆی كایەكانی تری ئەو بوارە. ئەوەی جێگەی ھەڵوەستە لەسەر كردن و تێڕامانە و مایەی نیگەرانیە قسە پێ ووتن و ناوزڕاندنی ئەو خاتوونە بوو لەلایەن مامۆستایەكی ئاینییەوە و بەناوی دین و لەپەنای دینەوە ، بەزمانێك كەلەكەسێكی ئاسایی و ھەرزەكارێك ناوەشێتەوە، نەك مامۆستایەكی ئاینی كەلەسەر مینبەری مزگەوتدا وتار لەبارەی رەوشت بەرزی بڵێتەوە. لەكاتێكدا خودی گۆرانیەكە ھیچ وشەو وێنەیەكی تێدا نەبوەو نییە كەناكۆك بێت بە كەلتوری گۆرانی كوردەواری. بۆیە ئێمە لەوەزارەتی رۆشنبیری و لاوان بە ئەركی سەر شانی خۆمانی دەزانین كە پاڵپشت و داكۆكیكاری ھونەرمەندان و زامنی پاراستنی مافەكانیان بین لەچوارچێوەی یاساكان ، ھەر لەم روانگەیەشەوە پشتگیری تەواوی ھونەرمەند ماریاھەورامی و تەواوی ھونەرمەندان دووپات دەكەینەوەو داواش لە وەزارەتی ئەوقاف و سەرجەم مامۆستایانی ئاینی بەرێز دەكەین رێگە نەدەن بەھەر بیانوویەك و لەژێر ھەر پاساوێك بێت سووكایەتی بە ھونەرمەندان بكرێت و ووشەی نەشیاوو ناوزراندن بەكاربھێنن. كەئەم كارە بەرلەھەرشتێك ناكۆكە بەئاینی پیرۆزی ئیسلام و یاسا بەركارەكانی ھەرێمی كوردستان.

فەرھەنگ گۆمەشی
ووتەبێژی وەزارەتی رۆشنبیری و لاوان
٢٠١٩/٨/١٧

کوردستان

پۆلیس دەست بەسەر ئۆتۆمبێلی دزراوی ھاووڵاتییەكدا دەگرێت

خەڵك- بەشی هەواڵ
بەڕێوەبەرایەتی پۆلیسی پارێزگای سلێمانی ئاشكرای دەكات، كە ئۆتۆمبێلی هاووڵاتییەك دوای دزرانی ئۆتۆمبێلێك، لەلایەن هێزەكانیانەوە توانراوە لە یەكێك لە گەڕەكەكانی شار بدۆزرێتەوە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، شەوی ڕابردوو مەفرەزەكانی بەشی پۆلیسی نەھێشتنی تاوانی سلێمانی دەستیان بەسەر ئۆتۆمبێلی دزراوی ھاووڵاتییەكدا گرت و دوای ڕێكارە یاساییەكان ڕادەستی خاوەنەكەی دەكرێتەوە .

ئاشكراشی كردووە، پاش تۆماركردنی سكاڵای یاسایی لەلایەن ھاووڵاتییەكەوە، كە سێیەم ڕۆژی جەژنی قوربان بۆ كڕینی كەلوپەل لەماركێتێك لەنزیك پاركی ئازادی دابەزیوە و ئۆتۆمبێلەكەی بەكارپێكراوی بەجێهێشتووە و لێی دزراوە، دەستبەجێ ھێزەكانی پۆلیس لێكۆڵینەوەكانیان دەستپێكرد و توانییان شەوی ڕابردو لەگەڕەكێك لەشاری سلێمانی دەست بەسەر ئۆتۆمبێلەكەدا بگرن و دوای گرتنەبەری ڕێكارە یاساییەكان ڕادەستی خاوەنەكەی دەكرێتەوە.

پۆلیس دەشڵێت: “لەئێستادا ئۆتۆمبێلەكە، كە لەجۆری كامارۆیە لەبەشی پۆلیسی نەھێشتنی تاوانە لێكۆڵینەوە لە ڕوداوەكە بەردەوامە” .

پۆلیسی سلێمانی داوا لە هاووڵاتیان دەكات، “لەكاتی دابەزینیان، ئۆتۆمبێلەكانیان بە كارپێكراوی بەجێ‌ مەهێڵن تا تووشی ڕووداوی لەو شێوەیە نەبنەوە”.

بەردەوام بە لە خوێندنەوە

کوردستان

پێشمەرگەیەك بە تەزووی كارەبا گیانی لەدەستدا

خەڵك- بەشی هەواڵ
پێشمەرگەیەك لە دیوانی وەزارەتی پێشمەرگەی حكومەتی هەرێمی كوردستان، بە تەزووی كارەبا گیانی لە دەستدا.

بەپێی ڕاگەیەندراوێك كە ئەمڕۆ چوار شەممە لەلایەن شۆڕش ئیسماعیل وەزیری پێشمەرگەی حكومەتی هەرێمی كوردستانەوە بڵاوكرایەوە:”سەرلەبەیانی ئەمڕۆ چوارشەممە 5ی ئابی2020، هەواڵی كۆچی دوایی پێشمەرگە و كارمەندی دیوانی وەزارەتمان (ن.ع / سامان سادق مستەفا) پێگەیشت”.

وەزیری پێشمەرگە دەڵێت: “كۆچكردوو، ماوەی چەندین ساڵە لەخۆشەویستی بۆ باخچەكانی وەزارەت و دڵسۆزی لە پێشمەرگایەتیدا خۆنەویستانە لە ئەركەكەی بەردەوام بوو، ئەمڕۆش لەكاتی كاركردندا، كە چەندین ساڵە باخەوانی وەزارەتە بەهۆی رووداوی كارەباوە گیانی لەدەستدا”.

هەر لە ڕاگەیەندراوەكەدا شۆڕش ئیسماعیل دەڵێت” پرسە و سەرەخۆشی لەخۆمان و كەسوكارو خانەوادەكەیان دەكەین ئومێدەوارین دواناخۆشی هەموولایەك بێت، رۆحی كۆچكردووش شاد بێت”.

بەردەوام بە لە خوێندنەوە

کوردستان

كەركوك، فەرماندەیەكی مەیدانی داعش دەستگیركرا

خەڵك- بەشی هەواڵ
دەزگای ئاسایشی نیشتمانی عیراق، دەستگیركردنی فەرماندەیەكی مەیدانی و چەكدارێكی (دیوان الجند)ی ڕێكخراوەكە لە پارێزگەی كەركوك ڕادەگەیەنێت.

بەپێی ڕاگەیەندراوێك كە ئەمڕۆ چوار شەممە لەلایەن دەزگای ئاسایشی نیشتمانی عیراقەوە بڵاوكرایەوە”بەپشتبەستن بە زانیارییە هەواڵگرییەكان، هێزێكی دەزگای ئاسایشی نیشتمانی لە پارێزگەی كەركوك توانی لەڕێی یاداشتی دادوەرییەوە یەكێك لە فەرماندە مەیدانییەكانی بە ناو (دیوانی جوندی سەر ویلایەتی كەركوك)ی سەردەمی دەستگرتنی داعش بەسەر ناوچەكەدا دەستگیربكات، ئەو فەرماندەیەی داعش دانی ناوە بە سەركردایەتیكردنی بۆ هێرشكردنە ناوچەی بەشیر و هێرشكردنە سەر هێزە ئەمنییەكان، وێڕای ڕاگواستنی خێزانەكان و تەقاندنەوەی ماڵەكانیان”.

هەر لە ڕاگەیەندراوەكەدا هاتووە”هێزێكی تری سەر بە دەزگاكە، یەكێك لە چەكدارەكانی بە ناوی دیوانی جوندی ویلایەتی كەركوك بەپێی ماددەی (1/4 تیرۆر) دەستگیركرد، دەستگیركراوەكەش دانی ناوە بە بەشداریی لە چەندان هێرش بۆسەر هێزە حكومییەكان لە باشووری خۆرئاوای كەركوك و لەپاش وەرگرتنی وتەكانيشی، ڕادەستی لایەنە پەیوەندیدارەكان كرا، تا ڕێوشوێنی یاسایی لەدژ بگیرێتەبەر”.

بەردەوام بە لە خوێندنەوە

کوردستان