ئێمە لە تۆرە کۆمەڵایەتیەکان

عێراق

یەكەم كاروانی حاجیانی عیراق گەڕایەوە

خەڵك- بەشی هەواڵ
یەكەم كاروانی حاجیانی عیراق لەڕێگەی فڕۆكەخانەی نێودەوڵەتی نەجەفەوە گەیشتەوە خاكی وڵات دوای كۆتایی هاتنی فەریزەی حەجی ئەمساڵ.

دەسەڵاتی فڕۆكەوانی مەدەنی عیراق لە بەیاننامەیەكدا ئاماژەی بەوەكردووە، كە بەیانی ئەمڕۆ شەممە، یەكەم كاروانی حاجیانی عیراقی لەڕێگەی فڕۆكەخانەی نێودەوڵەتی نەجەفەوە گەیشتەوە خاكی وڵات، كە 194 حاجی تێدابوو.

ڕاشیگەیاندووە، كە حاجیان لەڕێگەی فڕۆكەخانەكانی وڵاتەوە لە بەغدا و بەسرە و نەجەف و هەولێر و سلێمانیەوە دەگەڕێنەوە خاكی وڵات و پلانی گەڕانەوەش بەتەواوی ئامادەكراوە ئەوەش دوای كۆتایی هاتنی مەڕاسیمەكانی حەجی ئەمساڵ.

ئاشكراشی كردووە، كە ئەمڕۆ گەڕانەوەكان لە فڕۆكەخانەكانی سعودیەوە بۆ فڕۆكەخانەكانی عیراق دەستی پێ‌ كردووە و ڕۆژانە 6 گەشت ئەنجام دەدرێت.

جەختیشی كردۆتەوە، كە بۆ گێڕانەوەی حاجیان بۆ خاكی وڵات هەماهەنگی لەگەڵ سعودیە و دەستەی باڵای حەج و عومرە و هێڵی فڕۆكەوانی عیراق كراوە.

عێراق

بۆچی مەڵبەندی یەكێتی تائێستا نەگەڕاوەتەوە بۆ موسڵ؟

خەڵك- بەشی هەواڵ

نزیكەی سێ‌ ساڵ بەسەر كۆنترۆڵكردنەوەی تەواوی موسڵدا تێپەڕ دەبێت، هێشتا مەڵبەندی حەوتی یەكێتی لە دەرەوەی موسڵە و ئیش و كارەكانی نەگەڕاندووەتەوە بۆ سەنتەری شارەكە.

غەیاس سورچی، بەرپرسی ڕاگەیاندنی مەڵبەندی یەكێتی لە شاری موسڵ بە (خەڵك)ی ڕاگەیاند، یەكێتی لە دەوروبەری موسڵ كۆمیتەی هەیە و لە شەنگالیش مەڵبەندی هەیە، بەڵام مەڵبەندی موسڵ لە شێخانە و نەبراوەتەوە بۆ ناو شاری موسڵ.

وتیشی”بڕیاربوو بگەڕێنەوە بۆ ناو شاری موسڵ، بەڵام كۆنگرەی بەسەرداهات و ئێستا بڕیارەكە لای برادەرانی ئەنجومەنی گشتییە، بەڵام لە كۆتاییدا هەر دەبێت بگەڕێنەوە بۆ موسڵ”.

هەر لە قسەكانیدا ناوبراو ڕونیكردەوە، لە ڕۆژئاوای دیجلە، حەمدانییە و بەرتەڵە و تەواوی ئەو ناوچانەی بەدەست حەشدی شەعبییەوەن كۆمیتەیان هەیە.

بەردەوام بە لە خوێندنەوە

عێراق

زانیاری نوێ‌ لەسەر هێرشەكەی ئێران بۆ سەر ئەمریكا ئاشكراكرا

خەڵك- بەشی هەواڵ

ناوەندی سەركردایەتی هێزەكانی ئەمریكا كە بنكەی سەرەكی لە ئەڵمانیایە ڕایگەیاند، لە هێرشەكەی 8ی مانگدا 11 سەربازی ئەمریكا لە بنكەی سەربازی عەین ئەلئەسەد برینداربوون.

ماڵپەڕی”سی.ئێن.ئێن” بڵاوی كردەوە، بریندارەكان براون بۆ نەخۆشخانەیەكی سەربازی و چارەسەری پێویستیان وەرگرتووە.

هەروەها باس لەوەشكراوە، هیچ سەربازێك گیانی لەدەستنەداوە، بەڵام زیانی ماددی زۆری لێكەوتووەتەوە.

ڕۆژی 3ی ئەم مانگە، فڕۆكەیەكی بێفڕۆكەوانی ئەمریكا لە بەغدا قاسم سولەیمانی كوشت و پێنج ڕۆژ دواتریش ئێران بە 22 موشەك دوو بنكەی سەربازی ئەمریكای لە عیراقدا كردەئامانج.

بەردەوام بە لە خوێندنەوە

عێراق

حزبوڵڵای عیراق: ئەگەر لەگەڵ تڕەمپ كۆببێتەوە، بەرهەم ساڵح لە بەغدا دەردەكەین

خەڵك-بەشی هەواڵ

میلیشیای كەتائیبی حزبوڵڵای عیراق، هەڕەشە لە سەرۆك كۆماری عیراق دەكات، ئەگەر لەگەڵ سەرۆكی ئەمەریكا كۆببێتەوە.

بڕیارە لە پەراوێزی كۆڕبەندی داڤۆس، بەرهەم ساڵح سەرۆك كۆماری عیراق لەگەڵ دۆناڵد تڕەمپ سەرۆك كۆماری ئەمەریكا كۆببێتەوە، ئەمەش لەكاتێكدایە كە پەڕلەمانی عیراق بڕیاری دەركدنی هێزەكانی ئەمریكای لە عیراق پەسەند كردووە، بەپێی زانیارییەكانیش تڕەمپ لەگەڵ نێچیرڤان بارزانی سەرۆكی هەرێمی كوردستانیش كۆدەبێتەوە.

ئەبو عەلی عەسكەری بەرپرسی ئەمنی میلیشیای كەتائیبی حزبوڵڵای عیراق، لە تویتێكدا ئاماژە بۆ ئەوە دەكات، ئەگەر بەرهەم ساڵح لەگەڵ دۆناڵد تڕەمپ كۆببێتەوە هەڵوێستمان دەبێت.

وتیشی”جەخت لە كۆنەبوونەوەی بەرهەم ساڵح لەگەڵ تڕەمپ دەكەینەوە، بەپێچەوانەوە هەڵوێستمان دەبێت، كە ئیرادەی گەلی عیراق و ئەو خوێنە پاكەی ڕژاوە پشتگوێ بخات، ئەگەر وابكات لە بەغدا دەریدەكەین”.

ئەمەش دوای ئەوە دێت كە فڕۆكەكانی ئەمریكا هێرشیان كردەسەر بارەگاكانی حزبوڵڵا و چەندین كەسیان لێكوشتن و دواتریش هەریەك لە قاسم سولەیمانی فەرماندەی سوپای قودسی ئێران و ئەبو مەهدی موهەندیس جێگری فەرماندەی حەشدی شەعبی بە فڕۆكەی بێ فڕۆكەوانی ئەمریكا كوژران.

س.ع

بەردەوام بە لە خوێندنەوە

کوردستان