ئێمە لە تۆرە کۆمەڵایەتیەکان

کوردستان

بەهۆی ئۆپۆزسیۆن بوونیان پارتی پۆستێكی حكومەت لە حزبێك وەردەگرێتەوە

خەڵك-بەشی هەواڵ
دوای ئەوەی حزبی شیوعی كوردستان ئۆپۆزسیۆنبوونی خۆی ڕاگەیاند، پارتی داوا لە حزبی شیوعی دەكات “پەخشان زەنگەنە” دەست لە پۆستی سەرۆكی ئەنجوومەنی كاروباری خانمان بكێشێتەوە.

سەرچاوەیەكی ئەنجوومەنی وەزیرانی هەرێم، كە نەیویست ناوی ئاشكرا بكرێت بە (خەڵك)ی ڕاگەیاند، بڕیارە لەم هەفتەیەدا پەخشان زەنگەنە، سەرۆكی ئەنجوومەنی كاروباری خانمان دەستەلەكاركێشانەوەی خۆی پێشكەش بكات.

وتیشی، “دەستلەكاركیشانەوەكە لەسەر داوای پارتی و حزبی شیوعی بووە، ئەمەش دوای ئەوەی لە پەڕلەمان حزبی شیوعی دەنگیان بە كابینەی حكومەت نەدا”.

ئاشكراشیكرد، لە ئێستادا بە فەرمی داوا لە حزبی شیوعی كراوە ئەو پۆستە ڕادەست بكەنەوە.

(خەڵك) بۆ وەرگرتنی زانیاری زیاتر پەیوەندی بە پەخشان زەنگەنەوە كرد، پەیوەندییەكەی بەردەست نەبوو، هاوكات محێدین حەسەن، پەڕلەمانتاری شیوعی بێ ئاگایی خۆی لە بابەتەكە دەربڕی.

لای خۆشیەوە، ئەبو كاروان، ئەندامی مەكتەبی سیاسی حزبی شیوعی كوردستانیش بە (خەڵك)ی ڕاگەیاند، ئاگاداری بابەتێكی لەو شێوەیە نییە.

(خەڵك) چەند جارێكیش پەیوەندی كرد بە د. جوتیار عادل، وتەبێژی فەرمی حكومەتی هەرێم، بەڵام وەڵامی پەیوەندییەكەی نەدایەوە.

 

کوردستان

فرسەت سۆفی: ئەگەر هاوڵاتییان پابەندبن ئامارەکانی کۆرۆنا ڕوو لەدابەزین دەبێت

خەڵک-ئارام سەردار

پارێزگاری هەولێر ڕایدەگەیەنێت، پابەندنەبوون بەڕێنماییەکان وایکرد بگەینە ئەو قۆناغە سەختە، بەڵام هێشتا دەرفەت ماوە ئەگەر هاوڵاتییان پابەندبن و ڕێنماییەکان جێبەجێبکەن دەتوانین ئەو دۆخه سەختە تێپەڕبکەین.

 

فرسەت سوفی، پرێزگاری هەولێر لەکۆنفڕانسێکی رۆژنامەوانیدا ڕایگەیاند، بەداخەوە ئەوەی نەمان دەخواست پێی گەیشتین، هەرچەندە ڕێکاری باشمان گرتە بەر، بەڵام پابەند نەبوون بەڕێنماییەکان وایکرد بگەینە ئەو قۆناغە سەختە، وەکو ژووری ئۆپڕاسیۆن و پارێزگای هەولێر هەرچی لەتواناماندا بێت دەیکەین بۆ پاراستنی تەندروستی خەڵک، ئەوانەی تووش نەبوون بیانپارێزین و ئەوانەشی تووشبوون لەنەخۆشخانەکان وەریان بگرین.

 

دەشڵێت: هێشتا دەرفەت ماوە ئەگەر هاوڵاتیان پابەندبن و ڕێنماییەکان جێبەجێ بکەن دەتوانین ئەو دۆخه سەختە تێپەڕبکەین، تاکە چارەسەریش تاک پارێزییە بەبەستنی دەمامک و دوورکەوتنەوە لەشوێنی قەرەباڵغ.

 

ئەوەشی خستەڕوو، ئەوانەی باوەڕیان بەنەخۆشییەکە نەبوو ئێستا دەبینن هەر ڕۆژە و پێشوازی لەتەرمی ئازیزێک دەکەین یان دەبینن توشبووان لە چ دۆخێکدان، بەڵام ئێستاش دەبینین هاوڵاتیان باشتر خۆیان دەپارێزن ئەگەر بەم شێوەیە بڕوات ڕەنگە لەداهاتوو ئامارەکان بەرەو کەمبوونەوە بچن، بەپێچەوانەوە ئیلتزام نەکردن بە ڕێنماییەکان ڕەنگە دۆخەکە لەئێستاش خراپتر بێت.

 

سەبارەت بەڕێنمایی نوێ وتی، پابەندی ڕێنمایی و بڕیاری وەزارەتەکانی تەندروستی و ناوخۆین، تاوەکو ئەوان گۆڕانکاری نەکەن ئێمە ناتوانین هیچ گۆڕانکاریەک لەبڕیار و ڕێنماییەکان بکەین.

بەردەوام بە لە خوێندنەوە

کوردستان

بەهۆی تەقەی هێزە ئەمنییەكانی ئێران، 3 كوڵبەر بوونە قوربانی

خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، هێزە چەكدارەكانی حكومەتی ئێران لە سنووری ئورمیە تەقەیان لە كاروانێكی كۆڵبەران كردووە و كۆڵبەرێك كوژراوە و دوو كۆڵبەری دیكە بریندار كراون.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، سەرلەبەیانی ئەمڕۆ شەممە 15-8-2020 هێزە چەكدارەكانی ئێران لە كوێستانی گوندی (كوران)ی ئورمیە تەقەیان لە كاروانێكی كۆڵبەران كردووە و سێ كۆڵبەر كوژراو بریندار كراون.

ئاشكراشیكرد، بەهۆی تەقەی هێزە چەكدارەكانی ئێران كۆڵبەرێك بە ناوی “سیراج ئەحمەدی” كوژراوە و تا ئێستا ناسنامەی ئەو دوو كۆڵبەری دیكە كە بریندار كراون بۆ هەنگاو ڕوون نەبووەتەوە.

بەپێی ئامارەكانی ڕێكخراوی مافی مرۆڤی هەنگاو، لە ماوەی مانگی گەلاوێژ لە سنوورەكانی مەریوان، بانە، نەوسوود، چاڵدێران و ئورمیە ٥ كۆڵبەر كوژراون.

بەردەوام بە لە خوێندنەوە

کوردستان

بەتۆمەتی دزیكردن، پۆلیس كەسێكی دەستگیر كرد

خەڵك-بەشی هەواڵ

 

بەڕێوەبەری ڕاگەیاندنی پۆلیسی گەرمیان ڕایدەگەیەنێت، بەتۆمەتی دزیكردن لەپەیمانگایەكی كەلار پۆلیس تۆمەتبارێك دەستگیر دەكات.

عەلی جەمال قدووری بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا ئاماژە بۆ ئەوە دەكات، دوای ئەوەی لەبەرواری 9/ 8 لەنێو بینای پەیمانگای وەرزشی ناحكومی گەرمیان كۆمەڵێك كەرەستەی پەیمانگاكە دزرا، لەوانە دوو كۆمپیتەر و جهازێكی تۆماركردنی كامێرای چاودێری و كامێرایەكی فۆتۆگرافی و یەك میمۆری و یەك سێت جل و بەرگی وەرزشی ، یەك كاتژمێر دوای دزینی كەرەستەكان پۆلیسی بەشی نەهێشتنی تاوانی گەرمیان دوای لێكۆلینەوە توانیان تۆمەتبار بدۆزنەوە و دەستگیری بكەن و دەست بەسەر بەشێكی كەرەستە دزراوەكاندا بگرن.

ئاشكراشیكرد، دوای لێكۆڵینەوە تۆمەتبار دانی بەتاوانەكەدا ناوە و لەئێستادا بەبڕیاری دادوەرو بەپێی مادەی 443 بەند كراوە.

بەردەوام بە لە خوێندنەوە

کوردستان