ئێمە لە تۆرە کۆمەڵایەتیەکان

جیهان

بۆ یەكەمینجار لە وەرزی حەجدا، ژنێك چوار منداڵی بوو


خەڵك-بەشی هەواڵ

 

لە نەخۆشخانەی منداڵبوون لە شاری مەككەی پیرۆز، خانمێكی سووری تەمەن 23 ساڵ بۆ یەكەمین جار لە مێژووی وەزی حەجكرندا و لەكاتی ئەنجامدانی فەریزەی حەجدا، بووەتە خاوەنی چوار منداڵ.

 

ئاژانسی “واس” بڵاویكردەوە، ژنەكە لە هەفتەی 34ەمی دووگیانیدا بووە و پێنج ساڵ پێشتر بۆ دواجار دوو گیان بووە، بەڵام بەهۆی هاتنەپێشەوەی دۆخی نالەباری خانمەكە، پزیشكەكان ناچار بوون بە خێرایی نەشتەرگەری بۆ ئەنجام بدەن و لە ئەنجامدا دوو كوڕ و دوو كچی لەدایك بوون و كێشی هەر یەكێكیشیان لەنێوان 1300 بۆ 1800 گرامدا بوو.

وەزارەتی تەندروستی سعودییە ئاشكرایكرد، تەندروستی دووان لە منداڵەكان باشە و دووانەكەی دیكەش كەمێك كێشەی هەناسەدانیان هەیە و لە ئێستادا لەژێر چارەسەری پزیشكیدان.

جیهان

24 كەسیش گیانیانلەدەستدا
سعودیە، توشبوانی كۆرۆنا 89 هەزار تێدەپەڕێنن


خەڵك- بەشی هەواڵ

وەزارەتی تەندروستی سعودیە، تۆماركردنی 24 حاڵەتی گیانلەدەستدان بە ڤایرۆسی كۆرۆنا لە ماوەی 24 كاتژمێری ڕابردوودا ڕادەگەیەنێت.

بەپێی بەیاننامەیەك كە ئەمڕۆ سێ‌ شەممە لەلایەن وەزارەتی تەندروستی سعودیەوە بڵاوكرایەوە”لەماوەی 24 كاتژمێری ڕابروودا 24 حاڵەتی گیانلەدەستدان بەهۆی ڤایرۆسی كۆرۆنا و 1869 حاڵەتی توشبوونی نوێ‌ تۆماركران”.

هەر لە بەیاننامەكەدا هاتووە”لە دوای تۆماركردنی تووشبوانی نوێی ڤایرۆسی كۆرۆنا لە ماوەی 24 كاتژمێری ڕابردوو، كۆی گشتی ژمارەی تووشبوان لە سعودیە بۆ 89011 حاڵەت بەرزبۆوە”.

سعودیە لە ئێستادا لە پێش هەموو وڵاتانی عەرەبییەوەیە لەڕووی تۆماركردنی زۆرترین حاڵەتی تووشبوان بە ڤایرۆسی كۆرۆنا، زۆربەی حاڵەتەكانیش لە شارەكانی مەككەی پیرۆز و مەدینەی منەوەرە و ڕیاز و دەمام و جدە تۆماركراون.

بەردەوام بە لە خوێندنەوە

جیهان

تەنها لە ئەمریكا، 107 هەزار كەس بەهۆی كۆرۆناوە گیانیان لەدەستداوە


خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە شەش ملیۆن و 388 هەزار و 317 حاڵەت.

بە گوێرەی ئامارە جیهانییەكان، تاكو كاتژمێر 1ی پاشنیوەڕۆی ئەمڕۆ سێ شەممە ژمارەی تووشبووانی كۆرۆنا لە جیهاندا گەیشتە شەش ملیۆن و 388 هەزار و 317 حاڵەت، لەو ژمارەیەش سێ سەد و حەفتا و حەوت هەزار و 883 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە ملیۆنێك و 859 هەزار و 597 كەس و سەد و شەش هەزار و 927 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 200 وڵات و ناوچەی جیهان بڵاوبووەتەوە.

ئەمەش لەكاتێكدایە، لە چەند ڕۆژی ڕابردوو ڤایرۆسەكە لە هەرێمی كوردستان بەشێوەیەكی خێرا بڵاوەی پێكردووە و تەنها دوێنێ زیاتر لە 100 كەس تووشی ڤایرۆسەكە بوون.

بەردەوام بە لە خوێندنەوە

جیهان

لە 24 كاتژمێردا، زیاتر لە 3 هەزار كەس لە ئێران تووشی كۆرۆنا بوون


خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 3117 كەس تووشی كۆرۆنا بوون.

كیانووش جەهانپوور وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 3117 كەس لە ئێران تووشی ڤایرۆسی كۆرۆنا بوون و 64 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 157 هەزار و 562 كەس لە ئێران تووشی كۆرۆنا بوون و تاكو ئێستاش 123 هەزار و 77 كەس چاك بوونەتەوە”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 7942 كەس لە ئێران گیانیان لە دەستداوە.

بەردەوام بە لە خوێندنەوە

کوردستان