ئێمە لە تۆرە کۆمەڵایەتیەکان

عێراق

پرسیار لەبارەی داهاتی مەزارگە ئاینيیەكانی عیراقەوە دەكات
بەرپرسێكی پارتی: داهاتی حەج و عومرە لە سعودیە 12 ملیار دۆلارە

خەڵك- بەشی هەواڵ
بەرپرسێكی پارتی دیموكراتی كوردستان ڕایدەگەیەنێت، داهاتی حەج و عومرەی ئەمساڵ لە سعودیە گەیشتووەتە 12 ملیار دۆلار، بەڵام نازانرێت داهاتی گەشتیاریی ئاینی لە عیراقدا چەندە.

ماجد شنگالی، پەرلەمانتاری پێشووی پارتی لە پەرلەمانی عیراق، لە تویتێكیدا لەسەر تۆڕی كۆمەڵایەتی (تویتەر) بڵاویكردووەتەوە”داهاتی ئەمساڵی حەج و عومرە لە سعودیە 12 ملییار دۆلار بووە، وڵاتەكەش هەوڵ دەدات ئەو داهاتە لە ئايندەدا بگەیەنێتە 45 ملیار دۆلار، تا ژێرخانی وڵاتەكەی زیاتر پەرەپێبدات”.

بەرپرسەكەی پارتی دەپرسێت”داهاتی گەشتیاریی ئاینی لە عیراق چەندە، لەكاتێكدا مەزارگەی پێغەمبەران و ئیمامەكان (د.خ) و شوێنی لەدایكبوون و ماڵی پێغەمبەر ئیبراهیم (د.خ) لە ئورە؟ یان پلانی حكومەت چییە بۆ ئەوەی لەڕووی ئابورییەوە سود لەو بوارە گرنگە وەربگیرێت؟”.

بەپێی سەرچاوە ڕۆژنامەوانییەكان، داهاتی ساڵانەی حەج و عومرە لە سعودیە نزیكەی 12 ملیار دۆلارە، لەكاتێكدا ساڵانە ژمارەی حاجیان و عومرەكاران لە وڵاتەكەدا دەگاتە نزیكەی 9 ملیۆن كەس.

بەگوێرەی ئەو زانیارییانەش بێت كە ئاژانسەكانی سعودیە بڵاویان كردووەتەوە، حەج و عومرە سەرچاوەی دووەمی بودجەی دارایی سعودیەن لە دوای نەوت، بەر لە دۆزینەوەی نەوتیش لە ساڵانی پەنجای سەدی ڕابردوو، سەرچاوەی یەكەمی داهاتەكانی وڵاتەكە بوون.

عێراق

لە عیراق و هەرێم بەرزترین ژمارەی چاكبوونەوە لە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق ئاشكرای دەكات، 2834 حاڵەتی نوێی تووشبوون بە ڤایرۆسی كۆرۆنا تۆماركراوە و 2339 كەسیش چاكبوونەتەوە و هاوكات 77 كەسیش گیانیان لەدەستداوە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 16 هەزار و 531 پشكنینی تایبەت بە كۆرۆنا ئەنجام دراوە و دەركەوتووە 2834 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هاوكات لە سلێمانی 56 و هەولێر 218 و دهۆك 83 و كەركوك 75 حاڵەت تۆماركراوە.

ڕوونیشی كردۆتەوە، كە 2339 تووشبوو بە پەتاكە چاكبوونەتەوە، كە زۆرینەیان لە بەغدا بوون و هاوكات لە سلێمانی 54 كەس و هەولێر 84 و كەركوك 57 كەس چاكبوونەوە.

ڕاشیگەیاندووە، كە 77 كەس بە ڤایرۆسەكە گیانیان لەدەستداوە و بەوەش كۆی گشتی مردووان گەیشتۆتە 5 هەزار و 94 كەس.

بەردەوام بە لە خوێندنەوە

عێراق

بەرپرسێكی باڵای نووسینگەی سیستانی تووشی كۆرۆنا بووە

خەڵك – بەشی هەواڵ
بەرپرسێكی باڵای نووسینگەی عەلی سیستانیی گەورە مەرجەعی شیعەكانی عیراق تووشی كۆرۆنا بووە.

ئەمڕۆ چوار شەممە، ماڵپەڕی شەفەق نیوز لە زاری سەرچاوەیەكی شاری نەجەفەوە بڵاویكردەوە، محەمەد حسێن عەمیدی، بەرپرسی نوێنەرە بڕواپێكراوەكانی عەلی سیستانی تووشی ڤایرۆسی كۆرۆنا بووە.

ڕوونیشیكردەوە، دۆخی تەندروستی عەمیدی جێگیرە، كە هاوكات مامۆستای حەوزەی عیلمییە لە نەجەف.

پێشتریش جەواد شەهرستانی زاوا و وەكیلی گشتیی سیستانی لە ئێران، تووشی كۆرۆنا ببوو، بەڵام تا ئێستا هیچ زانیارییەك سەبارەت بە ئەگەری تووشبوونی گەورە مەرجەعی شیعەكان بە پەتاكە بڵاونەكراوەتەوە.

بەردەوام بە لە خوێندنەوە

عێراق

10 هاووڵاتی عیراقی لە نێو قوربانییانی تەقینەوەكانی لوبناندان

خەڵك – بەشی هەواڵ
ئەمڕۆ چوار شەممە مانگی سووری عیراقی ڕایگەیاند كە 10 هاووڵاتی عیراقی لە نێو قوربانییانی تەقینەوەكانی بەیروتی پایتەختی لوبناندان كە دوێنێ لە بەندەرێكی شارەكە ڕوویدا.

بە پێی ڕاگەیەندراوێكی ڕێكخراوەكە، 10 هاووڵاتی عێراقی لە تەقینەوەكاندا بیرندار بوون و ڕوونیشیكردەوە كە باری تەندروستی زۆربەیان جێگیرە.

لەلایەكی دیكەشەوە مستەفا كازمی سەرۆك وەزیرانی عیراق پەیوەندییەكی تەلەفۆنی لەگەڵ حەسان دیاب سەرۆك وەزیرانی لوبنان ئەنجام دا و بە هۆی تەقینەوەكانەوە سەرەخۆشی لێكرد.

هاوكات بڕیاریشی دا بە فڕۆكەیەك هاوكاری پزیشكی بەپەلە بگەیەنێتە لوبنان.

بەردەوام بە لە خوێندنەوە

کوردستان