ئێمە لە تۆرە کۆمەڵایەتیەکان

عێراق

حافز ئەسەد بەم گۆرانییە سەدام حسێنی توڕەدەكرد


خەڵك- بەشی هەواڵ
نوسەرێكی سوریا دەڵێت، حافز ئەسەد سەرۆكی پێشووی وڵاتەكەی، لەسەردەمی بایكۆتی سوریا لەگەڵ عیراق، گۆرانییەكی بۆ توڕەكردنی سەدام حسێن سەرۆكی ڕژێمی پێشووی عیراق بەكاردەهێنا، بەو هۆیەی ناوی دایكی سەدامی تێدا بوو.

خەتیب بەدلە، نوسەری سوری لە نوسراوێكیدا لەسەر تۆڕە كۆمەڵایەتییەكان ڕایگەیاندووە” بوونى ناوی سەبحە،بووە مایەی ئەوەی ڕێگە لە پەخشكردن یان گوێگرتن لە گۆرانی (یا صبحە هاتی الصینیە)ی موەفەق بەهجەت هونەرمەندی سوری بگرێت لە عیراق”.

بە وتەی خەتیب بەدلە”ئەو گۆرانيیە كێشەیەكی گەورەی لە عیراق دروستكرد، بەو پێیەی هەركەسێك لەبەرخۆیەوە بیوتایە دەستگیردەكرا و دەخرایە زیندانەوە، ئەمەش بە تۆمەتی گاڵتەكردن بە  دایكی سەدام حسێن”.

ئەو نوسەرە سوریە دەڵێت”لە ناوەڕاستی ساڵانی هەشتای سەدی ڕابردوو، لەكاتی ڕێكخستنی پێشەنگەیەك لەبارەی ژیانی سەبحە توڵفاح دایكی سەدام، و لەكاتی ئامادەبوونی ژمارەیەكی زۆری میوانەكان و لەكاتی كردنەوەی پێشەنگەكە، گۆرانییەكەی موەفەق بەهجەت (یا صبحە هاتی الصینیە) لێدرا، لەو دەمەدا خەیروڵڵا توڵفاح خاڵی سەدام، توڕەیی دایگرت و فەرمانی كرد، بەڕێوەبەری پێشەنگەكە بداتە ئەنجومەنێكی لێكۆڵینەوە و هەموو فەرمانبەرانی هۆڵەكەش سزا بدات”.

ململانێ‌ و كێشمەكێشی نێوان سەدام حسێن و حافز ئەسەد كە هەردووكیان یەك پاشخانی سیاسییان هەبوو (حزبی بەعسی عەرەبی ئیشتیراكی)، گەیشتبووە ئاستی بەكارهێنانی ئەو گۆرانیانە، یان ئاماژەكردن بۆ كەسە نزیكەكانی یەكتر بۆ توڕەكردن و بوخزاندنی یەكتر، بە جۆرێك هەرلایەكیان پشتیوانیان لە نەیارانی ئەوی تر دەكرد.

هەر بەپێی نوسراوەكەی خەتیب بەدلە”حافز ئەسەد بە (ئەبو سلێمان) ناسرابوو كە ناوی باپیری دووەمی بوو، لەوە بەدواوە  ڕەچەڵەكی دیار نییە، ئەمەش وای لە سەدام حسێن كرد لە لوتكەی عەرەبی ساڵی 1982دا پێی بڵێت: تەحەدات دەكەم بزانیت باپیری سێیەمت كێیە”.

ڕەنگە حافز ئەسەد ئەو قسەی سەدامی لەبیر نەكردبێت و ئاگاریی ئەوەبوبێت كە گۆرانییەك لە عیراق قەدەغەكراوە بەو هۆیەی ناوی دایكی سەدامی تێدا هاتووە، بۆیە وەك خەتیب بەدلە باسی دەكات بایەخێكی زۆری پێدەدا و فەرمانی دەكرد شەو و ڕۆژ ئەو گۆرانییە لە سوریا پەخش بكرێت.

عێراق

نیازی ئەمریكا لە عیراق، دوای گواستنەوەی هێزەكانیان چییە؟


خەڵك- ئارام سەردار
لەماوەی ڕابردوو ئەمریكا هێزەكانی لەژمارەیەك سەربازگە لەناوچە جیاجیاكانی عیراق گواستەوە بۆ بنكەی هەولێر و عەین ئەسەد، شارەزایەكی كارووباری ئەمریكاش ئاشكرا دەكات، ئەم هەنگاوەی ئەمریكا لە چوارچێوەی داڕشتنی ستراتیژیەتێكی نوێدایە بۆ بڕینی دەستی ئێران لە عیراق و سنوردانان بۆ حەشد و دارودەستەكانی ئێران.

كارۆخ خۆشناو، سەرۆكی ئینستتیوتی توێژینەوەی ئەمریكی- كوردی لەبارەی گواستنەوەی هێزەكانی ئەمریكا لەژمارەیەك سەربازگەی عیراق بە (خەڵك)ی ڕاگەیاند، دوای ئەوەی حكومەتی عیراق شكستی هێنا لە پاراستنی هێزەكانی ئەمریكا و هاپەیمانان، ئەمریكا بڕیاریدا هێزەكانی لە بنكەكانی (گەیاڕە و قائیم و K1 و موسڵ) بگوازێتەوە بۆ هەردوو بنكەی (عەین ئەسەد و هەولێر).

دەشڵێت: “گواستنەوەی هێزەكانیش لە پێناو زیاتر پارستنیانە، لە چەند ڕۆژی ڕابردووشدا ئەمریكا سیستەمی دژە موشەكی پاتریۆتی لە هەردوو بنكەی (عەین ئەسەد و هەولێر) جێگیركرد”.

كارۆخ خۆشناو ئاماژەی بۆ ئەوەشكرد، ئەم هەنگاوەی ئەمریكا لە چوارچێوەی داڕشتنی ستراتیژیەتێكی نوێدایە بۆ بڕینی دەستی ئێران لە عیراق و سنوردانان بۆ حەشد و دارودەستەكانی ئێران لە عیراق، واتە لەداهاتوویەكی نزیكدا عیراق بەتەواوی لەژێر چەپۆكی ئێران و پڕۆكسیەكانی ڕزگار دەكرێت و دەخرێتە سەر سكەی ئەمریكا.

ئەمە لەكاتێكدایە، كە بەپێی هەواڵی ماڵپەڕی (سكای عیراقیە) ئەمریكا بینای باڵیۆزخانەكەی لە بەغدا ڕادەستی هێزە ئەمنییەكانی عیراق كردووە و بەوەش ئەگەری ئەوە هەیە، كە لەڕێگەی گورزی سەربازییەوە هێزەكانی سەر بە ئێران بكرێنە ئامانج.

بەردەوام بە لە خوێندنەوە

عێراق

بە بەڵگەوە، دەست بەسەر بانكی پەرلەمانتارێكی عیراقیدا دەگیرێت


خەڵك- بەشی هەواڵ
بانكی ناوەندی، دەست بەسەر بانكی ویفاقدا دەگرێت كە لەلایەن موسەننا عەبدولسەمەد سامەڕائی پەرلەمانتاری هاوپەیمانی هێزە عیراقییەكانەوە خاوەنداریی دەكرێت.

بەپێی بەڵگەنامەیەك كە لەلایەن میدیاكانی عیراقەوە بڵاوكراوەتەوە”بەهۆی بوونی گومانەكانی گەندەڵی سەبارەت بە پرۆژەكان و چاپكردنی كتێبەكانی پرۆگرامی خوێندن بۆ وەزارەتی پەروەردە، بڕیاردرا دەست بەسەر بانكی (ویفاقی ئیسلامی) و (رواحل)ی پێشوودا بگیرێت.

هەر بەپێی بەڵگەنامەكە كە ئیمزای مستەفا غالب مخیف بەڕێوەبەری بانكی ناوەندی لەسەرە، دەستگیراوە بەسەر پارەی نێو بانكەكەدا كە بڕەكەی 8 ملیار دیناری عیراقییە.

بەردەوام بە لە خوێندنەوە

عێراق

تەقینەوەیەك لە سەڵاحەدین كوژران و برینداربوونی 5 كەسی لێكەوتەوە


خەڵك- بەشی هەواڵ
شانەی میدیای ئەمنی، ئاماژە بە كوژران و برینداربوونی 5 پۆلیسی فیدراڵی دەكات لە تەقینەوەیەكدا لە پارێزگەی سەڵاحەدین كە یەكێكیان فەرماندەی كەتیبەیە.

بەپێی بەیاننامەیەك كە لەلایەن شانەی میدیای ئەمنی عیراقیەوە بڵاوكرایەوە”بۆمبێكی چێنراو كە بریتیبوو لە جلیكانەیەكی 5 لیتری، بە كەتیبەی ئەندازیاری فیرقەی سێی پۆلیسی فیدراڵیدا تەقینەوە لەكاتی كۆكردنەوەی پاشماوەكانی ڕێكخراوی داعش لە زنجیرە چیای مەكحول لە سەڵاحەدین”.

هەر لە بەیاننامەكەدا هاتووە”بەهۆی تەقینەوەكەوە، پۆلیسێكی فیدراڵی كوژراو و 4ی تر برینداربوون، یەكێك لە بریندارەكان فەرماندەی كەتیبەیە بە پلەی عەمید لەگەڵ ئەفسەرێكی تر بە پلەی نەقیب”.

 

بەردەوام بە لە خوێندنەوە

کوردستان