ئێمە لە تۆرە کۆمەڵایەتیەکان

کوردستان

پیرۆزبایی یادی دامەزراندن لە پارتی دەكات
گۆڕان: دەبێت كوردستان لە مەترسی شەڕی ناوخۆ دووربخرێتەوە

خەڵك- بەشی هەواڵ
بزوتنەوەی گۆڕان بە بۆنەی یادی دامەزراندنی پارتی دیموكراتی كوردستان، پەیامێكی بڵاوكردەوە و تێیدا هیوای خواست، سەركەوتووبن لەبەدیهێنانی ئامانجە نیشتمانی و نەتەوەییەكان و دەستەبەركردنی سەقامگیری و یەكڕیزی راستەقینەو دوورخستنەوەی كوردستان لە ململانێی ناوچەیی، بەتایبەت مەترسی شەڕی ناوخۆ.

بزوتنەوەی گۆڕان لە پەیامێكیدا كە ئەمڕۆ هەینی لەسەر ماڵپەڕی (سبەی) بڵاوكراوەتەوە، پیرۆزبایی لە سەرۆكی پارتی دیموكراتی كوردستان، و ئەندامانی مەكتەبی سیاسی، و ئەندامانی ئەنجومەنی سەركردایەتی پارتی دیموكراتی كوردستان دەكات بە بۆنەی یادی دامەزراندنی حزبەكە و دەڵێت”بەبۆنەی ساڵڕۆژی دامەزراندنی پارتی دیموكراتی كوردستانەوە، پیرۆزباییەكی گەرم لە بەڕێزتان و سەرجەم ئەندامانی پارتی دەكەین و هیوادارین سەركەوتووبن لەبەدیھێنانی ئامانجە نیشتمانی و نەتەوەییەكان و دەستەبەركردنی سەقامگیری و یەكڕیزی راستەقینەو دوورخستنەوەی كوردستان لە ململانێی ناوچەیی، بەتایبەت مەترسی شەڕی ناوخ”.

هەر لە پەیامەكەدا هاتووە”بەگرنگی دەزانین پارتی دیموكراتی كوردستان و هەموو لایەنەكانی دیكەی هەرێمی كوردستان پشتگیری پەرلەمان و سەرۆكایەتی هەرێم و حكومەت و تەواوی دامەزراوە نیشتمانیەكان بكەن بۆ رووبەڕووبوونەوەی گەندەڵی و بەڕێوەبردنی كوردستان بەشێوازێكی تەندرووست لەپێناوی پاراستنی سەروماڵی هاونیشتیمانیان و مسۆگەركردنی دادی كۆمەڵایەتی و ژیان و گوزەرانیان”.

گۆڕان لە پەیامەكەیدا بۆ پارتی پێیوایە، لەسەر ئاستی هەرێمی كوردستان و حكومەتی فیدراڵی، بۆ چارەسەركردنی قەیرانەكان بەتایبەت كەركوك و ناوچە كێشە لەسەرەكان، بەرپرسیارێتی هەموو لایەنەكانی كوردستانە پێكەوە درێژە بە خەبات و تێكۆشانی ئاشتیانە بدەن بۆ بەدەستهێنانی مافە دەستوورییەكانی هەرێمی كوردستان و ئاساییكردنەوەی دۆخی سیاسی و ئەمنی و كارگێڕی ئەو ناوچانە بەهاوكاری و هەماهەنگی حكومەتی فیدراڵ و هەموو ئەو لایەنانەی لە دەستووری عێراقدا هاتووە”.

کوردستان

ئەندامێكی ئەنجومەنی پارێزگەكە: ڕەوشی كەركوك پاشاگەردانییە

خەڵك- بەشی هەواڵ
ئەندامێكی ئەنجومەنی پارێزگەی كەركوك ڕایدەگەیەنێت، ڕەوشی پارێزگەكە پشێوی و پاشاگەردانییە، و چەندان هێزە لە كەركوكدا هەن، ئاماژە بە خراپی خزمەتگوزارییەكانیش دەكات لە كەركوك.

ئەحمەد عەسكەری، ئەندامی ئەنجومەنی پارێزگەی كەركوك لە لێدوانێكیدا بۆ (خەڵك) ڕایگەیاند:”ڕەوشی كەركوك پشێوی و پاشەگەردانییە، لەلایەك پۆستی پارێزگار بە وەكالەت بەڕێوەدەچێت، لەلایەكی ترەوە هێزە ئەمنییەكان هەهەجۆرن و دەسەڵاتی جیاجیایان هەیە و یەك هێزن نیین، ڕەوشی خزمەتگوزارییەكان خراپە”، ئەو دەنگۆیانەشى ڕەتكردەوە كە باس لە باشبوونی ڕەوشی كەركوك دەكەن.

سەبارەت بە سەرنەگرتنی دانیشتنەكانی ئەنجومەنی پارێزگەی كەركوكیش، ئەحمەد عەسكەری وتی:”ڕێژەی یاسایی بۆ سازدانی دانیشتنی ئەنجومەنی پارێزگە تەواو نابێت، ئەگەرنا ئەنجومەن بەشێوەی ئاسایی دانیشتنەكانی خۆی سازدەكات”.

ئەو ئەندامەی ئەنجومەنی پارێزگەی كەركوك، ئاماژەی بەو هەوڵانەش كرد كە بۆ دانانی پارێزگاری نوێ‌ بۆ كەركوك خراونەتەگەڕ و لەو بارەیەوە ڕایگەیاند:”پارتی و یەكێتی لەسەر دانانی پارێزگاری نوێ‌ ڕێكەوتوون، لەئێستاشدا ئەوەی ماوە لایەنەكانی عەرەبی و توركمانییە كە گفتووگۆكان لەگەڵیاندا بەردەوامن”، ڕەتیشیكردەوە گفتووگۆكان لەگەڵ ئەو لایەنانەدا ئەنجامی هەبوبێت بەو هۆیەی “هەر لایەكیان ڕاوبۆچوونی جیاوازییان هەیە”.

بەردەوام بە لە خوێندنەوە

کوردستان

چاودێری تەندروستی سلێمانی؛ دەست بەسەر زیاتر لە 1تۆن خۆراكی خراپدا گیرا

خەڵك – بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت ، لەماوەی چەند ڕۆژی ڕابردوو دەستگیراوە بە سەر نزیكەی یەك تۆن و350 كیلۆگرام خۆراكی خراپ و ماوە سەرچوودا، دەشڵێت ،” لێپێچینەوەی یاسای لەگەڵ خاوەنەكانیان كراوە و سەرجەمیان بەشێوەیەكی تەندروست لەناوبرا” .

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بۆ پاراستنی تەندروستی هاووڵاتیان و رێگریكردن لە خۆراكی نا تەندروست و ماوەبەسەرچوو لەلایەن لیژنەكانمانەوە دەستگیرا بەسەر نزیكەی یەك تۆن و 350 خۆراكی خراپ و ماوەبەسەرچوودا.

ڕاشیگەیاندووە، لە لایەن تیمەكانی چاودێری تەندروستی دەستگیرا بەسەر نزیكەی (۳۰۰) كگم خۆراك و چەند كەل و پەلكی خراپ و ناتەندروستدا ، لە سەنتەری چاودێری تەندروستی ڕاپەڕینیش لەیەك نانەواخانەدا دەستگیرا بەسەر (٥۰۰)كگم ئاردی خراپ و ئە سپێیاوی.

ئاماژە بۆ ئەوەشكراوە، لە مەڵبەندی تەندروستی كاریزەوشك لەچەند ڕۆژی ڕابردوودا دەستگیرا بەسەر نزیكەی (۲٥۰)كگم خواردن و خواردنەوەی خراپ و ماوەبەسەرچوو، هەروەها مەڵبەندی تەندروستی شەهید شەماڵیش لەسنوری گەڕەكی ماموستایان تیمەكانمان دەستیان گرتوە بەسەر نزیكەی (۱٥۰)كگم خۆراكی خراپ و ماوەبەسەرچوودا.

ئەوەشخراوەتەوە، لە مەڵبەندی تەندروستی سەروەری لە سنوری گەڕەكەكەیان دەستگیرا بەسەر نزیكەی ( ۱۲۰) كگم خۆراكی خراپ و ماوە بەسەرچوودا، كە سەرجەمیان لێپێچینەوەی یاسای لە گەڵ خاوەنەكانیان كراوە و لەلایەن لیژنەی تایبەتەوە بە شێوەیەكی تەندروست لە ناوبرا .

وێنەی ‏Sulaymaniyah Healthcare چاودێری ت. سلێمانی‏.

وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.

بەردەوام بە لە خوێندنەوە

کوردستان

بەوێنە؛ هەولێر لەناوبردنی ئەو زەویانەی سەوزەیان بە ئاوی پیس بەرهەم دەهێنا

خەڵك – بەشی هەواڵ
بەڕێوەبەرایەتی شارەوانی شەش- هەولێر ڕایدەگەیەنێت، لە سنووری بەڕێوەبەرایەتیمان دەستكرا بە پاككردنەوەی ئەو زەوییانەی، كە سەوزەواتیان بە ئاوەڕۆی پیسی زێراب دەدا مەترسی ترسناكی لەسەر تەندروستی هاووڵاتیان هەیە، دەشڵێت،” هاونیشتمانیان دڵنیا دەكەینەوە ئەم جۆرە هەڵمەتانە بەردەوام دەبێت”.

بەڕێوەبەرایەتی شارەوانی شەش- هەولێر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ پێنجشەممە 19-9-2019 هەڵمەتێكی گەورەی لابردنی سەوزەوات، كە بە ئاوەڕۆی پیسی زێراب بەدەر لە یاسا و ڕێنماییەكانی تەندروستی ئاودانیان بۆ دەكرا لە نزیك شەقامی سەرەكی هەولێر ـ موسڵ دەستی پێكرد.

ڕاشیگەیاندووە، ئەو شوێنانەی بەشێوەی زێدەڕۆیی دروستكرابوون، كە مەترسی ترسناكی هەیە لەسەر تەندروستی هاووڵاتیان، دەست كرا پاككردنەوەی شوێنەكانیان لەگەڵ دەستبەسەرداگرتنی كەلوپەلەكانی وەك ماكینەی ئاو.

بەڕێوەبەرایەتی شارەوانی شەش ـ هەولێر، لە ڕاگەیەنراوەكەدا باسی لەوەشكردووە، كە هاووڵاتیان دڵنیادەكەنەوە ئەو جۆرە هەڵمەتانە بەردەوام دەبن.

وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.

بەردەوام بە لە خوێندنەوە

کوردستان